Програма за работа на Државниот завод за ревизија согласно член 8 од Законот за државна ревизија

КОНЕЧЕН ИЗВЕШТАЈ НА ОВЛАСТЕНИОТ ДРЖАВЕН РЕВИЗОР

1. Предмет на овој Конечен извештај е извршената ревизија на финансиските извештаи нa Органот на Општина Старавина за 2004 година, кои се прикажани на страните од 8 до 10 .

• 
  Ристе Момоковски, Градоначалник на Општина Старавина, за периодот од 01.01.2004 до 31.12.2004 година.
  

5. Одговорност на ревизорите е да го издадат овој извештај, прикажан на страните 1 до 7, и да дадат мислење за финансиските извештаи од точка 1, засновано на извршената ревизија.

• 
  Лилјана Стојанова - Помошник ГДР и овластен државен ревизор;
  
• 
  Петре Гаврилов - Виш ревизор,и
  
• 
  Стојан Николовски - Помлад ревизор.
  

7. Цел на ревизијата на финансиските извештаи од точка 1 на овој извештај е да овозможи ревизорот да изрази мислење:

• 
  дали финансиските извештаи вистинито и објективно ја искажуваат финансиската положба и резултатот на финансиските активности во согласност со применетата законска регулатива;
  
• 
  дали е остварено законско и наменско користење на средствата кои претставуваат државни расходи;
  

• 
  забелешките на точките: 10.3.1.,10.3.2.,10.4.5. и 10.5.1. не се прифаќаат, и
  
• 
  забелешките на точката 10.3.3. делумно се прифаќаат.
  

11. Со ревизијата на финансиските извештаи за 2004 година, ревизорите на Државниот завод за ревизија го утврдија следното:

11.1.1. Кај благајничкото работење постапувано е спротивно на Законот за платен промет и одредбите за благајничко работење и ревизијата ги утврди следните наоди:

• 
  Не е донесена Одлука за утврдување на благајнички максимум.
  
• 
  Благајничките извештаи не се изготвуваат редовно при секоја промена на состојбата во благајната и не се поткрепени со комплетни сметководствени документи (каса исплати и каса прими), со кои ќе се потврдат исплатите и уплатите во благајната, кое е спротивно на одредбите за благајничко работење.
  
• 
  Благајникот не е овластено лице за подигање на готовината од сметката, туку подигањето на средствата го врши лице вработено во локалната самоуправа.
  
• 
  Преку благајната нема трансфер на готовина - пари, касовите извештаи благајникот ги изготвува врз основа на приложени документи за подигнати средства од сметката и приложени сметки за направени расходи.
  

Ревизијата цени дека квалитетот на благајничкото работење и неговото евидентирање значително ќе се подобри доколку општина Новаци пропише акт за благајничко работење, и субјектот ги разграничи надлежностите и одговорностите на вработените.

Реализирањето на препораките е во надлежност на општина Новаци од причини што e извршено припојување на општина Старавина кон општина Новаци согласно Законот за територијална организација на локалната самоуправа во Република Македонија ( Службен весник на РМ бр. 55/04) .

2. 
   Неправилна примена на сметководствени политики и начела
   
   1. 
      Не е извршен попис на градежните објекти и паричните средства на сметката и во благајната со состојба на 31.12.2004 година, што не е во согласност со одредбите на Законот за сметководство за буџетите и буџетските корисници и Правилникот за сметководството за буџетите и буџетските корисници. Извршениот попис на опремата не е целосен, извршен е само физичкиот дел од пописот без да се изврши усогласување со состојбата искажана во книговодството.
      

• 
  Спротивно на член 30 од Правилникот за сметководството за буџетите и буџетските корисници не е донесено решение за формирање на пописна комисија за вршење на попис со 31.12.2004 година, пописот го извршила комисијата формирана со решение од 2000 година .
  
• 
  Пописот е извршен на 28.02.2005 година што е спротивно на член 33 од Правилникот за сметководството на буџетите и буџетските корисници.
  
• 
  Спротивно на член 34 и 35 не е констатиран начинот за расходување на опремата и ситниот инвентар и не е донесен акт за расходување заради книжење на разликите и усогласување на сметководствената со фактичката состојба а истото е спроведено во книговодствената евиденција на органот на општина Старавина на 24.05.2005 година.
  
• 
  При пресметка на амортизацијата на долгорочните средства, не се применуваат годишните стапки за отпис на долгорочните средства за буџетите и буџетските корисници пропишани во Правилникот за сметководството на буџетите и буџетските корисници.
  

• 
  Да се преземат мерки и активности, да се врши попис на средствата и изворите во согласност со законските прописи, со што ќе се обезбеди усогласување на состојбата на средствата и нивните извори, меѓу фактичката и сметководствената состојба.
  

11.2.2. Општината Старавина има и располага со материјални средства како што се улици, водоводи и други капитални објекти кои во книговодството на општината не се евидентирани на соодветните сметки пропишани со Правилникот за сметковниот план на буџетите и буџетските корисници и Правилникот за содржината на одделните сметки во сметковниот план за буџетските корисници. Во текот на 2004 година, на објекти од овој вид по разни основи, има направено расходи во вкупен износ од 4.450 илјади денари кои воопшто не се разграничени и соодветно евидентирани како зголемување на вредноста на истите и истовремено зголемување на Државниот- јавен капитал. Ваквото постапување, во делот на невидентирањето на локалните патишта и улиците, е спротивно и на одредбите од членот 67 од Законот за јавни патишта (Сл.весник на РМ бр, 26/96……29/02).

И покрај претходно наведеното во Општина Старавина нема воведено евиденција на споменатите објекти, истото е резултат на една подолго применувана пракса. Нереалното искажување на материјалните средства допринесува за нереално искажување на состојбата на средствата и нивните извори.

Препорака:

Општина Новаци да преземе мерки и активности за евидентирање на локалните патишта и улици, водоводи и други комунални објекти кои припаѓаат на досегашната општина Старавина, односно да се воведе пракса за евидентирање на капиталните расходи на соодветните конта за материјаните и нематеријалните средства и Државниот- јавен капитал.

Вложувањата во материјалните средства да се евидентираат на ставките за инвестиции во тек – градежни објекти, опрема и друго и по активирањето да се евидентираат од овие ставки на ставките за Материјални средства во употреба и истовремено да се изврши зголемување на Деловниот фонд.

При утврдување на применета на сметководствените политики да се имаат во вид и овие сметководствени политики и истите да се применуваат.

2. 
   Неправилности во искажување на приходите/ расходите
   

11.3.1. Ставката Неданочни приходи во Билансот на приходи и расходи е потценета за износ од 4 илјади денари за колку е потценет и вишокот на приходи над расходи. Ова поради неевидентираните приходи по основ на камата на средствата по видување на сметката на Органот на општина Старавина, спротивно на Правилникот за сметковниот план на буџетите и буџетските корисници и Правилникот за содржината на одделните сметки во сметковниот план за буџетските корисници.

Надлежното одделение на општина Новаци да ги има во вид направените грешки при евидентирањето на приходите по основ на камата на средствата по видување на сметката на Органот, да се извршат соодветни усогласувања при тоа ненарушувајќи го буџетскиот принцип на евидентирање на приходите.

Поради непостоење на акт за пресметка на плата на погоре наведеното лице, во согласност со критериумите кои важат за вработените во органите на општината, ревизијата не е во состојба да го квантифицира ефектот на предходниот наод врз вишокот на приходи над расходи.

При исплатата на платите треба да се почитуваат одредбите од Законот за исплата на плати и надоместоци на пратениците во Собранието на Република Македонија и на другите избрани и именувани лица за лицата кои имаат третман на функционери.

При исплата на надоместоците да се почитуваат одредбите од Законот за локална самоуправа.

Немањето на соодветни интерни акти и контролни постапки доведува до неконтролирани трошоци по овој основ.

Да се донесе акт со кој ќе се регулира користењето на службените возила како и на други возила за службени цели како и да се утврди процедура со секоја сметка за гориво да има прилог на налог за користење на службено возило односно да се води евиденција за поминатите километри и потрошеното гориво по возило.

2. 
   Неправилности во искажување на позициите во Билансот на состојбата
   

За овој наод ревизијата не дава препорака од причина што исправката е извршена во текот на 2005 година.

Надлежната служба согласно документацијата со која располага Општината, да изврши евидентирање на капиталните вложувања и да изврши отпис, односно пресметување на амортизација согласно годишните стапки за отпис на долгорочните средства за буџетите и буџетските корисниици.

Надлежното одделение во општина Новаци при пресметувањето на амортизацијата за 2005 година да ги има во вид грешките на пресметаната амортизација на опремата добиена од општина Старавина и да изврши соодветна корекција.

Надлежното одделение на општина Новаци да ги има во вид направените грешки при евидентирањето на приходите по основ на камата на средствата по видување на сметката на Органот односно нереално створената обврска на позицијата други краткорочни обврски спрема други корисници по овој основ и да изврши соодветни корекции, при тоа ненарушувајќи го буџетскиот принцип на евидентирање.

• 
  Нема имотни листи за имотот со кој располага општината;
  
• 
  Не е целосно спроведено Решението на Владата на Република Македонија број 23-257/10 од 08.02.2000 година за пренесување на право на соптвеност по делбениот биланс помеѓу Република Македонија и новоформираните општини;
  
• 
  Не е извршено усогласување помеѓу фактичката состојба и состојбата прикажана во сметководството;
  
• 
  Не се донесени соодветни одлуки за расходување а е извршено расходување на опрема со сегашна вредност од 17 илјади денари без да се утврди причината за расходувањето кое е видентирано во книговодствената евиденција со 24.05.2005 година.
  

Општина Новаци да ги преземе следните активности за надминување на актуелната состојба:

• 
  Општината да обезбеди имотни листи од надлежниот орган односно од Републичката геодетска управа;
  
• 
  Да се евидентира имотот добиен согласно решението број 23-257/10 од 08.02.2000 година во сметководствената евиденција. За утврдување на вредноста да се формира стручна комисија;
  

• 
  Потребно е да се изврши обележување (инвентарисување) на основните средства со кои располага досегашната Општина Старавина;
  
• 
  Ревизијата препорачува да се изврши вонреден попис и правилно и реално да се утврди состојбата на постојаните средства.
  

Надлежното одделение во општина Новаци да преземе мерки за редовно евидентирање на обврските спрема добавувачите со добивањето на фактурите и да се води аналитичка евиденција по добавувачи.

2. 
   Ненаменско и незаконско користење на средства
   

• 
  Не е ажурирано решение за формирање на Комисија за јавни набавки;
  

• 
  Не е спроведена соодветна постапка за јавни набавки во вредност од 174 илјади денари (Прилог бр.1).
  
• 
  Не е донесен план за вкупните потреби за набавки во тековната година по видови на производи (стоки), услуги и работи, со кој се определува и динамиката за реализација на набавките и постапката за јавна набавка која ќе се користи;
  
• 
  Не е донесен интерен акт – Правилник за регулирање на начинот и постапката на набавките од мала вредност, и
  
• 
  Не се води посебна евиденција за малите набавки.
  

• 
  Општина Новаци до крајот на јануари од тековната година да донесе план за вкупните потреби за набавки во тековната година по видови на производи (стоки), услуги и работи, со кој се определува и динамиката за реализација на набавките и постапката за јавна набавка која ќе се користи;
  
• 
  Општината да донесе интерен акт за регулирање на начините на набавките од мала вредност.
  

12. Вкупниот ефект од изнесените наоди во точката 11.3. е потценување на приходите за 4 илјади денари, преценување на расходите за износ од 165 илјади денари и потценување на вишокот на приходи над расходи за вкупен износ од 169 илјади денари во Билансот на приходи и расходи за 2004 година. Вкупниот ефект од наодите во точка 11.4. е потценување на билансните позиции во Билансот на состојбата за 2004 година во вкупен износ од за 4.957 илјади денари.