Анықтамалық – Кредиттік тарих субъектісінің елі

4.7. Анықтамалық – Кредиттік тарих субъектісінің елі

4.7.1. Қолданылу саласы

Осы анықтамалық елдердің және олардың әкімшілік-аумақтық бөлімшелерін жіктеуіші мен кодының тәртібін белгілейді.

Анықтамалыққа қойылатын талаптар заңды, сондай-ақ жеке тұлғалар болып табылатын кредиттік тарих субъектілерінің барлық рөлдері бойынша міндетті болып табылады.

4.7.2. Қазақстан Республикасының нормативтік құқықтық актілеріне сілтемелер

Осы анықтамалық мемлекеттiк жiктеуiш «Елдер атауы және олардың әкімшілік-аумақтық бөлімшелерін белгілеу үшін кодтар. 1 бөлім. Елдер кодтары» ҚР МЖ 06 ИСО 3166.1 – 2001, ҚР МЖ 06 ИСО 3166.2 – 2001 мемлекеттiк жiктеуiшке сәйкес келеді.

4.7.3. Жалпы ережелер

Ел және әкімшілік-аумақтық бөлімшелер жіктеу саласы болып табылады.

«Кредиттік тарих субъектісінің елі» көрсеткіші Резиденттік анықтамалығынан резиденттік мәртебесіне сәйкес анықталады және мынадай түрде толтырылады.

Қарыз алушы – заңды тұлға үшін:

• 
  егер қарыз алушы – қазақстандық компания болса, «Қазақстан» көрсетіледі;
  
• 
  егер қарыз алушы – шетелдік компания болса, ол орналасқан ел көрсетіледі;
  
• 
  егер қарыз алушы – қазақстандық компанияның шетелдегі филиалы/өкілдігі болса, осы филиал/өкілдік орналасқан ел көрсетіледі;
  
• 
  егер қарыз алушы – шетел компаниясының Қазақстандағы филиалы/өкілдігі болса, қарыз алушының бас компаниясы орналасқан ел көрсетіледі;
  
• 
  егер қарыз алушы – халықаралық ұйым болса, қарыз алушы орналасқан ел көрсетіледі;
  
• 
  егер қарыз алушы – дипломатиялық немесе басқа да ресми өкілдік болса, олар ұсынып отырған ел көрсетіледі.
  

• 
  егер қарыз алушы – шет мемлекетте тұрақты тұруға құқық беретін құжаты бар ҚР азаматы болса, осы құжат берілген заңнамаға сәйкес ел көрсетіледі;
  
• 
  егер қарыз алушы – ҚР басқа азаматы болса, «Қазақстан» көрсетіледі;
  
• 
  егер қарыз алушы – ҚР тұрақты тұруға құқық беретін құжаты бар шет мемлекеттің азаматы не азаматтығы жоқ болса, «Қазақстан» көрсетіледі;
  
• 
  егер қарыз алушы – шет мемлекеттің басқа азаматы болса, қарыз алушының елі көрсетіледі;
  
• 
  егер қарыз алушы – азаматтығы жоқ басқа тұлға болса, қарыз алушы орналасқан ел көрсетіледі.
  

Анықтамалық үш бөліктен тұрады:

- елдің цифрлық коды;

- елдің орыс және ағылшын тілдеріндегі атауы;