Сабақтың тақырыбы : Ойнай білу де-өнер «Бәрінен күшті адам-өзіне-өзі ие болатын адам»

Сенека
Мақсаты :

• 
  балалардың «сыйластық», «достық» құндылықтары туралы түсініктерін кеңейту;
  
• 
  шыдамдылық, сабырлық ,ақылдылық адами қасиеттердің өмірдегі маңыздылығын түсіндіру;
  
• 
  жағымды қарым-қатынас жасау іскерліктерін дамыту;
  
• 
  көпшілдікке ,әділдікке ,кешірімділікке тәрбиелеу.
  

Балалармен бірге щеңбер құрып тұрады, сәлемдеседі. Бәрі бірге қосылып «Айгөлек» әнін шырқайды.

Көлдей шалқып жас өмір,

Тасып жатқан шағында.

Кемерінен шалықтап,

Асып жатқан шағында.

Ойын ойнап,ән салмай,

Өсер бала болар ма?

Күміс күлкі көрмей ол,

Кемеліне толар ма?

Қайырмасы

Айгөлек-ай ,айгөлек,

Айдың жүзі дөңгелек.

Айдай туған кезімде,

Би билерсің дөңгелеп.

Ақын болар ұрпақпыз.

Өнер,білім,еңбекке

Жақын болар ұрпақпыз.

Тұла бойы толған бір

Өнер болар ұрпақпыз.

Он саусағы майысқан,

Шебер болар ұрпақпыз.

Қайырмасы

Әңгімелесу

Бүгінгі сабақтың тақырыбы «Ойнай білу де-өнер». Өткен сабақта бірлесе жұмыс істеу кезеңідегі адами қарым-қатынастарымен танысқан болатынбыз. Ал бүгін ойнау кезіңдегі адами қарым-қатынастар туралы әңгімелесеміз.

• 
  Сендер қандай ойын ойнағанды қалайсыңдар?
  
• 
  Ойын кезіндегі басты нәрсе не деп санайсыңдар?
  

• 
  Ойын кезінде достарыңмен әр түрлі келіспеушілік жағдайлар реніштер болып жатады. Сондай сәттерде қандай шешім қабылдайсыңдар?
  

Ақан мен Асан тау басына шықты. Шананың алдына Асан отыратын. Ол абайсызда шанадан айырылып қалды. Бос шана төмен қарай сырғанай жөнелді. Алысқа барып бір-ақ тоқтады.

• 
  Ақан ,сен барып шананы алып кел,-деді інісіне Асан.
  
• 
  Мен бармаймын. Шанаға ие болмаған өзің , сен бар,-деді Ақан.
  
• 
  Жоқ . Сен барасың. Сен менен кішісің,-деді Асан.
  
• 
  Бармаймын. Үлкенмін деп жұмсай бересің ,шананы да үнемі мен сүйреймін.
  
• 
  Бармасаң ,сырғанақ тепкізбеймін.
  

Ақан не істерін білмей ,тау басында аңырап тұрып қалды.

Тіл табыса алмаған Ахметовтердің ойыны осылай аяқталмай қалды.

• 
  Сендердің ойларыңша ойынды қалай аяқтауға болады?
  

Ерден мен Еркебұлан бірігіп жап-жақсы ойнап жүр еді. Бір кезде қолдан жасалған көпірдің үстінде біріне-бірі қарсы келіп ,түйісіп қалды.

Ерден бас жоқ, көзі жоқ:

• 
  Мен саған жол бермеймін!- деп қасқайып ,безеріп тұрып алды.
  

• 
  Мен соған бола ерегіскім де ,ойынды бұзғым да келмейді. Сен өте бер,-деді де, оған жол берді.
  

• 
  Ерден мен Еркебұланның әрекеттері туралы не айта аласыңдар?
  

Сабақ тақырыбын кеңінен меңгерту мақсатында мәтінмен жұмыс жүргізіледі. Г. Әзімбаеваның «Қызғаныштың кесірі» мәтіні оқылады, соңынан сұрақ-жауап арқылы балалар талдайды.

• 
  Назым мен Шынар неге ренжісіп қалды?
  
• 
  Достар ойын кезінде өздерін қалай ұстау керек деп ойлайсыңдар?
  
• 
  Сендерде сондай жағдай кездесті ме? Естеріңе түсіріп айтып беріңдер.
  

Дәйексөзің мәнін түсіндіру.

Адам ойын кезінде де,өмірде де өзінің ашуын,ызасын көрсетпей ,ұстамды болуы тиіс. Ашуды ақылға жеңдіре білу-адам бойындағы жақсы қасиет. Ойын кезінде досының жіберген қателігі мен кемшілігін кешіре білу-адамдық белгісі.

Осы дәйексөзді дәптерлеріңе жазып алыңдар.
Ойын

Балалардың жақсы қарым-қатынаста ойнай білуге дағдыландыруда ойын ұйымдастырылады..

Ойынның шарты: Бір-бірінің ойын кезінде жақсы қылықтарын айтып, мадақтау.

Балалар дөңгеленіп отырады. Жүргізуші «Алтын сақаны» отырғандардың біріне ұсынады. Ол жанындағы баланың ойын кезіндегі жақсы жақтарын айтып, мадақтайды да, сақаны оған береді. Осылай ойын жалғаса береді. Ондағы айтылатын жағымды жақсы сөздер мынандай болуы мүмкін: «Али, сенің әділдігің ұнайды», «Сая, сенің көпшілдігің ұнайды», «Бағдат, сенің ақылдылығың ұнайды», «Зарина, сен кешірімшілсің». Соңында балалар бір-біріне рақмет айтысып ,тарасады.

Балалардың алған білімдерін бекіте түсу үшін мынандай тапсырма беріледі.

Бүгінгі сабақты Ақботаның қоржынында берілген сөздерді пайдаланып қарытындылайық.

- Әділетті болайық!

- Мәдениетті болайық!

- Әдепті болайық!

- Ойын бәрімізге құаныш сыйласын!

- Құанышты көңіл күймен табысайық!