Шымкент қалалық білім бөлімінің 2014 жылы атқарған ұмыстарының есебі Білім бөліміне қарасты мекемелер

2013 жылы типтік мектеп – 71, ыңғайластырылған мектеп – 11. 2014 жылы типтік мектеп – 100, ыңғайластырылған мектеп саны – 26. Түзету мекемесінде 2 мектеп орналасқан.

2014 жылы білім қорына 351 млн. 570 мың теңге қаралды, ол 2,2 %-ды құрап отыр. Оның: Ыстық тамаққа 8383 оқушыға 196725,0 мың теңге, 54 млн 970 мың теңгесіне – 3848 бала «Мектепке жол» акциясы аясында мектепке қажетті киім-кешек, оқу құралдарымен жабдықталып, 99 млн 875 мың теңгеге 4415 бала қала сыртындағы лагерлерде жазғы демалыспен қамтылды.

Міндеттемеге сәйкес жоғарғы және І-санат мұғалімдер үлесі 30% болуы қажет. Бұл білім мекемелерінде 48,5%-ды құрап отыр.

Қала бойынша 2014 жылы 2345 мұғалім курстан өткен болса, оның ішінде «Өрлеу» біліктілікті арттыру ұлттық орталығы базасында 3 айлық курстан – 417 мұғалім, екі апталық курстан – 1807, ал «Педагогикалық шеберлік» орталығының базасында – 121 мұғалім курстан өтті.

Ағымдағы жөндеу. 2013 жылға ағымдағы жөндеу жұмыстарына 142 614,0 мың теңге қаржыға 135 мекемеге, 2014 жылы 245 млн 702 мың теңге 179 мекемеге ағымдағы жөндеу жұмыстары жүргізілді.

Күрделі жөндеу. 2013 жылы 8 мектепке және 12 балабақшаға күрделі жөндеу жұмыстары жүргізілді.

2014 жылға 29 мектепке (№№2,3,4,6,7,15,17,20,23,25,26,29,30,31, 33,37,38,40, 42,44,45,46,51,62,82,84,93,107,113) пен 8 балабақшаға (33,47,66,68,71,74,86,100), 3 әкімшілік ғимаратына күрделі жөндеу жұмысы жүргізілді. Ағымдағы жылы күрделі жөндеу жұмыстары жүргізілген 40 мекеменің – 2 мектебінде (№25, 38) ЖСҚ-да қаралған қаржы 2015 жылға өтпелі, жұмыс комиссиясымен қабылданды.

Қайтару арқылы жаңадан ашылатын 2 балабақша (Күншығыс, Тұрлан м/а) күрделі жөндеу жұмыстары жүргізіліп, 2013 жылдың қараша айында пайдалануға берілді.

2014 жылға өтпелі 2 балабақшаға (Самал-3-320, Тұлпар-320 орындық) құрылыс жұмыстары жүргізілуде. Көкбұлақ -300 орындық, Бозарық-1200 орындық, Қаражол-900, Сайрам-1200 орындық мектеп және Гаражная-80, Нұртас-320, Қазығұрт-330, Жангелдин-320, Самал-2-320, Бозарық-320, Ерімбетов-320 орындық балабақшалардың құрылысы 2014 жылдың маусым айынан бастап жүргізуде.

2014 жылдың 1 қыркүйегіне Ворошиловка елді-мекеніндегі 1200 орындық және желтоқсан айында Жыланбұзған-300 орындық, Құрсай ш/а-900 орындық мектептер құрылыстары пайдалануға берілді. Қалған мектептер мен балабақшалар 2015 жылға өтпелі.

Ал, №15, 58 мектептеріндегі қосымша құрылыстар 2014 жылға өтіп, 1 қыркүйекке және БЭСМ-3 мәжіліс залы желтоқсан айында пайдалануға берілді. Ағымдағы жылы №22, 73, 94 мектептердің қосымша құрылыс жұмыстары басталды.

2014 жылы 6 (1, 12, 36, 105, 118, 124) мектептердің ғимараттары апатты жағдайда деп танылып, қайта құрылымдау жұмыстары жүргізілуде. Соның ішінде №1, 105, 124 мектептерінің қайта құру жұмыстары толық аяқталып, пайдалануға берілді.

Шешу жолдары: №46 мектеп күрделі жөндеуден өтеді, №55 мектеп Жаңа Тұрлан ш/а-600 және 900 орындық жаңа мектеп құрылысы, №56 мектеп Самал-3 ш/а-1200 мектеп құрылысы, №58 мектеп Тұран ш/а-1200 орындық мектеп құрылысы, №61 мектеп жаңа қоныстанушылар есебінен шешіледі, №72 мектеп Қаражол ш/а-900 орындық мектеп құрылысы, №73 мектепке-200 орындық қосымша құрылыс жүргізілуде, №83 мектеп Қайнар-бұлақ саяжайында-1200 орындық мектеп құрылысы, №88 мектеп Ақниет ш/а-900 орындық мектеп құрылысы, №98 мектеп Шаңырақ ш/а-900 орындық мектеп құрылысы.

2013 жылы Шымкент қаласының 27 мектебі, ал 2014 жылы 36 мектебі «е-learning» бағдарламасына сәйкес толық жабдықталған.

• 
  үздік білім ресурстары мен технологияларға білім беру процесінің барлық қатысушыларына тең қолжетімділікті қамтамасыз ету.
  
• 
  мазмұнды және оқыту технологиясын жаңарту негізінде орта білім берудің сапасын елеулі арттыру;
  
• 
  байланыстың және цифрлық технологиялардың заманауи құралдары мүмкіншіліктерін пайдаланумен оқу процесіне қатысушылар үшін сапалы білім беру қызметтерін дамыту;
  
• 
  оқытудың жаңа құралдарын енгізу есебінен білім беру ресурстарына қолжетімділіктің тең жағдайларын қамтамасыз ету.
  

Е-Learning-те оқушылар үшін оқуда жетістіктерге жету үшін барлық қажетті модулдер және жүйелер бар.

2013 жылмен салыстырғанда 2014 жылы ҰБТ-тің орта балы 2 балға, алтын белгі иегерлерінің саны 44 оқушыға артты.

Шымкент қаласындағы Ұлттық бірыңғай тестілеу қорытындысы негізінде оқушылары 25 және одан жоғары пайызы шектік деңгейден өтпеген 4 мектептің (№32, 88, 102, 119) директорларына «қатаң сөгіс» тәртіптік шарасы берілді. Ал, оқушыларының ҰБТ-ға қатысу деңгейі және тест нәтижесі төмен болған №37 және №48 мектептердің директорларына «сөгіс» тәртіптік шарасы көрілді.

Білім сапасын көтеру мақсатында атқарылған жұмыстар.

1. Шымкент қаласының білім бөліміне қарасты барлық мектептерде 11-сынып оқушыларын ҰБТ - ға дайындау бойынша жұмыс жоспары түзілді.

2. Сабақтан тыс уақытта ақысыз қосымша сабақтар жоспарланып, өткізілуде.

3. Мектеп бітірушілерін тестілеуге алдын-ала дайындау, машықтандыру мақсатында Ustudy онлайн тест орталығымен бірлесе отырып, онлайн режімінде №№7, 10, 11, 15, 17, 20, 25 мектептерде байқау тест өткізілді.

Бұл байқау тест барасында әрбір тестіленуші ҰБТ-ға психологиялық тұрғыдан дайындалады. Сонымен қатар, тестілеуден кейін қатемен жұмыс жасауға, дұрыс жауаптың шешу жолдары мен түсіндірмесін, әр пән бойынша қиындық тудыратын тақырыптармен өзіндік жұмыс жасауға мүмкіндік алды. Жоғарыда көрсетілген мектептерде эксперимент ретінде өткізілген онлайн тест жүйесі 2015 жылдың қаңтар, ақпан айларында қаланың барлық мектептерінде өткізілетін болады.

2013-2014 оқу жылы ҰБТ қорытындысы бойынша түлектері жақсы нәтиже көрсеткен мектеп ұжымдарының іс - тәжірибесі таратылды:

1. №23 мектеп-лицей базасында «Болашаққа жол немесе барлығы ҰБТ туралы» тақырыбында;

2. №47 мектеп-гимназия базасында мектеп оқушыларын сапалы біліммен қамтамасыз етуде басқарушылық қызметтердің тиімді жолдарын айқындап, жүйелі түрде іске асыру мақсатында «Ұлттық бірыңғай тестілеу-білім беру сапасын жаңғырту кепілі» тақырыбында;

3. №107 мектеп-гимназия базасында мектеп оқушыларын ҰБТ және оқу материалдарын білу дағдысын дамыту, бақылау, салыстыру, қорытынды жасай білуге балу мақсатында «Мектеп оқушыларын ҰБТ-ға дайындауды диагностикалау жұмыстарын жүргізу арқылы фундаментал білім алуына қол жеткізу» тақырыбында қалалық семинар ұйымдастырылды.

Мектептен тыс мекемелер. Шымкент қалалық білім бөліміне қарасты балалардың сабақтан бос уақыттарын тиімді ұйымдастыру мақсатында 2013 жылы 8 мектептен тыс мекемелер жұмыс істеп, оған 12880 оқушы тартылған болса, 2014 жылы мектептен тыс мекеме саны 9, тартылған оқушы саны – 15545. 2014 жылы қаламызда жұмыс істейтін 15 аула клубында 23 түрлі үйірмелерге 4321 бала тартылған. 2015 жылы қосымша 8 аула клубын ашу жоспарлануда.

2013 жылы білім мекемелері жанындағы 1181 үйірмелерге 39112 бала тартылған. Ал, 2014 жылы 1285 үйірмелерге 43569 бала тартылып отыр.

Қаланың білім беру саласы қызметкерлерінің кәсіподақ ұйымы әлеуметтік жағдайы төмен педагогтардың 500 баласына 50% жеңілдікпен жолдама бөлінді.

Жазғы маусымда демалыспен қамтылуы тиіс 121 132 баланың 27 240 мектеп жанынан ашылған 315 топтарда демалды.

Оның ішінде: 145 ыстық тамақпен қамтылған топта 12 940 бала, тамақсыз жұмыс істейтін 170 топта 14 300 оқушы демалды. 19733 жоғары сынып оқушылары іс-тәжірибе өту мақсатында көгалдандыру бригадаларына тартылып мектепте жасыл бұрыштарда және жылыжайларында іс-тәжірибеден өткізілді.

Жасөспірімдерге салауатты өмір салтын насихатттау мақсатында 91 спорт зал, 32 спорт алаңшалары жұмыс істеуде.

Білім мекемелерінде мектеп инспекторларымен психологтар бірлесіп алған сауалнаманың нәтижесі бойынша 2013-2014 оқу жылында құқық бұзуға бейім девиантты мінез-құлықты 250 оқушы мектепішілік есепке алынып, тәлімгерлер бекітілді.

2014 жылы ұрлық – 11, тонау – 4, бұзақылық – 4, жарақат салу – 2, құқық бұзуға бейім – 19, наркологиялық есепте – 5 тіркелген.

Инклюзивті оқыту бойынша. Шымкент қалалық психологиялық, дәрігерлік-педагогикалық комиссияның есебінде мүмкіндігі шектеулі 7 жаспен 18 жас аралығындағы – 4662 бала есепке тіркелген, соның ішінде 1494-і, яғни 32% пайызы инклюзивті оқытумен қамтылған. Міндеттеме бойынша 15%.

56 білім мекемелерінен кіріктірілген (интегрирлі) сыныптар ашылып 590 оқушы білім алып коррекциялық қолдау көрсетілуде. 904 оқушы логопедтік топтарда білім алуда.

Сараптамасының нәтижесі бойынша 13 мектепке дейінгі мекемелеріне (№26,30,36,39,45,47,49,58,66,70,73,97,100) логопед штат бірлігі бөлу үшін мектепке дейінгі мекемелердің жарлығына өзгерістерді еңгізу бойынша 2014 жылғы 25 шілдедегі №1464 Шымкент қаласының әкімдігінің қаулысы бекітілді.

Шымкент қаласы білім бөлімінің 2014 жылғы 12 қарашадағы «Қосымша штат бірлігін ендіру туралы» №905 бұйрығына сәйкес 13 бөбекжай балабақша мемлекеттік коммуналдық қазыналық кәсіпорындарына 19,5 логопед штат бірлігі беріліп, инклюзивті оқытуға 201 (9,1%) бала қамтылды.

Ыстық тамақ. 2013 жылы мектептер саны -84, оның 3 кешкі мектеп. 81 мектептің 69 асхана, 12 буфет бар. Тұрмысы төмен отбасы балаларының 5275-і ыстық тамақпен қамтылған болса, 2014 жылы 125 мектептің 92-де асхана, 28 буфет бар. 5 мектепте асхана да, буфет те жоқ. Тұрмысы төмен отбасы балаларының 89497-і ыстық тамақпен қамтылған.

21.01.2014 ж. Шымкент қаласының кәсіпкерлік бөлімінің «Бірінші қажетті азық-түлік тауарларының» мәліметі бойынша 7403 бала тегін тамақтандырылады, бір балаға күніне – 147 теңге қаралған, ал туберкулез ауруына шылдыққан 980 балаға күніне 165 теңгеден қаралған. 2015 жылға білім қорына бөлінген қаржыны 3 пайызға көтеріп, әр оқушы күніне 219 теңгеге тамақтанатын болады.

Ал, 2013 жылы Шымкент қаласы бойынша 688 жетім және ата-анасының қамқорлығынсыз қалған балаларға қорғаншылық пен қамқоршылық тағайындалса, 39 бала отбасыға патронаттық тәрбиеге берілген.

2014 жылы 723 жетім және ата-анасының қамқорлығынсыз қалған балаларға қорғаншылық пен қамқоршылық тағайындалса, 45 бала отбасыға патронаттық тәрбиеге берілген.



Мектепке дейінгі білім беру. Қазіргі танда Шымкент қаласында мектепке дейінгі мекемелер саны 295 (мемлекеттік балабақшалар - 80, жекеменшік балабақшалар - 170, мектеп жанында шағын орталықтар - 45).

80 мемлекеттік мектепке дейінгі мекемелерінде 24377 бала, 170 жекеменшік балабақшаларда 19294 бала және 45 жалпы орта мектептер жанындағы шағын орталықтарында 2706 бала қамтылған.

Жалпы мектепке дейінгі мекемелерде 46377 бала қамтылған. Ал, «Балапан» бағдарламасы бойынша 45020 бала қамтылып, ол 77,1%-ды құрап отыр. Міндеттемеге сәйкес қамту пайызы 76,3 болуы қажет.

2014 жылы 7 мемлекеттік, 74 жекеменшік балабақшалар және 13 мектеп жанындағы шағын орталықтар ашылды. Сонымен қатар, 1 балабақша ғимараты қайтарылды.