Сочинения «Монь мокшэрзянь народозе» Сёрмадозе Цыганов Роман, Краснослободскяй райононь

Лемозе монь Роман. Цыганов – фамилиязе. Алянь лемозе – Николаевич. А нинге вярьгак вайгяльхть азса, што мон мокшень народть церацан, ёмла пяльксоцан, мезенка марян гордость эсь народозень инкса. Да и кода аф марямс ! Въдь сон коряй пайгонякс кайги Масторть келес. Тя пяк петнесы монь мялезень. А нинге кошярясамань аф аньцек аф юкстамс лемонц, традициянзон, обуцянзон, иланзон, но и тиемс стама тев, кона ба сяда вяри кеподелезе народозень лемонц.

Народозень лемонц аф аерфнеса шачема- касома уженязень, мокшень кялезень ,шачфтынень –касфтынень эзда. Сембось монь, сембось мала, сембось кельгома, сембонкса ризнама фкя лаца!

Тейне нинге ламос тонафнема школаса. Аф содаса коза прай кизе, мезь мархта сотса эряфозень , но седи эзненязон путыне ни мокшень кялень и литературань тонафтыезень валонзон: «Шабат, коса ба тинь афоледе уле:мокшень , рузонь или омба мастора, вестевок тясть юксне, што тинь мокшень народть идензотада.» А кода ни содаф, эрь иднясь шачемстонза сявомок и эряфоньберьф кельгсыне, а касомок серенц, ужяльдсыне, ванфтсыне тядянзон-алянзон. А тядятнень-алятнень аш кода явфнемс народоньконь эзда. Тейне арам, тяфта арьсян аф аньцек мон, а сембе, кинь шачемац сотф мокшень народть лемонц мархта. Эрь мокшень ломанць седиге кельгсыне шачема краенц, сонь народонц, сяс мес тейнек нинге тядянь седи ала путфт-видефт народонь кельгома видьмонят. Сянкса мон ни тяни коль сяда сидеста арьсекшнян народозень эряфонц колга. А народозень эряфоц – тя и монь, тонь , сонь …эряфоньке. Эсь мяльсон, эряфоньке аф кальдяв. Эрятама оцю Мордовия Республикаса. Аш кода аф шнамс шачема-касома ширеньконь… Мордовиясь- мазы стирень шама. Сельмонза сонь- тя сенем ляйнза, трванза- якстерь зарять цильфоц. Кажнайти сембось тяса питни: и сенем менельсь лямбе шинять мархта, и розень пефтома паксятне, и келуналхне , и цефкснень морамасна. Мордовиять козяшиц - пара вайме, лямбе седи мокшень народсь, кона машты пидема-панема. Танцтихть суронь пачанза, шову позац. Фалу кенярди пялонза суваенди. Аф стак Мордовияньке , оцю кудоньке , вестевок аф шамонды инжихнень эзда. А къда кудце пяшксе ломаньда, эстейтка ули коза лисемс. И виде.

Тяда башки лама киза эряй мокшэрзянь народозе сембонь мархта ладязь. И эрь ётаф кизось ашезь срафне-калафне народть улиенц, а меколанкт, каннесь одня: машфнезень стакатнень- сталмотнень, пъчкафнезе «сярятьфонц». А тяни мон анокан азомс сембе мокшэрзянь народть цёранзон и стирензон эзда, што народоньконь улиенц аф аньцек ванфтсаськ , ётафтсаськ пинкнень пачка, а нинге сяда касфтсаськ!

Катк фалу эряй мокшэрзянь народсь,

Катк фалу кайги мокшэрзянь кяльсь,

КАтк фалу панжи мокшэрзянь масторсь!

Ялгат, ялгат,

Пичедян аф сянкса,

МЕс курок школаста туян.

А народозень ванфтоманц инкса

Марязь седизе ризнай.

Андрей Бакайкин

Сембонди содаф, што мокшэрзянь народть лувксоц кири и кири, коса ба сон афоль эря. Тя пяк ацергофты седи. А эряйхть мокшетне и эрзятне: Пензенскяй, Ульяновскяй, Нижегородскяй, Оренбургскяй, Владимирскяй, Челябинскяй областтнень эса, Татарстанца, Чувашияса, лия вастова. А оцю пяльксоц эряй Мокша и Сура ляйхнень перьф. Ня ляйхне эряскодозь , апак сизек кандсазь эсь валда ведьснон мокшэрзянь масторга, парьхцикс ащи сянгяря лугатнень туркс, сёроса видеф паксятнень вакска. Мокшэрзянь масторса аш газ, аш нефта, аш лия природнай козяши. Сонь козяшиц – мокшэрзянь народсь. Къда лятфтамс историять, то минь народоньке содаф ни пяк кунардонь пинкнень. Марса народоньконь мархта лятфневсть древляттне, черемисне, кривичне. То синь тяни сембе пингс юмафт, а мокшэрзятне жа ванфтозь эсь пряснон, ётамок стака пинкнень пачка. Марса эсь пряснон мархта ванфтозь культураснон, традицияснон, кяльснон. Тяда башка, маштсть ванфтома вастснон – Мордовия республикать, коса эрясть, эряйхть и кармайхть эряма.

А мезе няйсь народоньке сире пинкнень, кода эрясь –ащесь, лятфтамска пелькс.

Тянкса тейнек, народть идензонды , ули мезь лангса арьсемс, ули мезе путомс ёньц-ёжес. Монь койсон , аф эряви юкснемс ся , мезсь етась стака пинкнень эзга . Тя Сембось нинге сяда козякофтома тейнек, а меле ни таколдомань ширенясь максома иденьконди, уноконьконди. Сувафтома седи эзненязост ужяльдема, ванфтома Минценнети. Монь мяльсон, тяфта арьси народоньконь эрь цёрац и стирец, оцюсь и ёмлась, сиресь и одсь, коса ба афоль эря - мокшэрзянь масторса или Татарстанца. Къда ашень эльбяде арьсемасон, сембонь эзда корхтамасон, то тяни ни азса : народозень ваймоц ули идеф, кялец-валоц вантфтф.

Мезе сёпондомс, тяни кой-кона ширетнень ни юкснесаськ. Тянкса, тейне арам, сяда сиденяста васьфнема и корхнема эряфкшуфнень мархта. Щамоньке мала или ёфси фкя рузоннень мархта, сембода пяк стиреннесь. Сиретне нинге весть аф весть кодамовок илас щакшнесазь панарснон. И мъзярда бабазень лангса няине аф эрь шинь щамонц, появась мялезе кизефнемс колганза. Эста сиренясь кадозень сембе тевонзон и ушедсь азондома: «Тя, уноконяй, панарсь стаф и сёрматф эсь кядьсон. А котфть котсезе тядязе. Монь панарсон,няк, сёрматфсь акша и равжа сюреса. Од аватнень щамсна аноклакшневсь сяда стакаста, сяс мес синь ащесть лама пяльксста. Эзост сувсесть кърганятне-месне, карксне, пряс щаматне. Лиятольхть сюреса сёрматфневок. Оцю смузь макссевсь сюрень тюсненди. Тяфта равчть вельде няфневсь модась, якстерть –шись, акшеть – шкайхнень мархта сотксонь кирдемась. Карксненди макссевсь араламань смузь. Пайгонятне, кшнинь ярмакне, мяштьс повфневи сеткатне ванфнесть кальдявда… Арзязень щам мархта максыне тядяцти. Наряжакшнеме Очижиста, Роштуваста, Тройцяста, Покравста. Илань ётафтомс пицелеме пачат, кшит, перякат, тиенделеме поза . Морселеме кувака морот цебярь и кальдяв эряфоньконь колга…» Тя азксть пец ульсь пяк кувака, кона ванфтови школань краеведческяй музейсонк. Аф прянь шнамга азса, што народозень эрь кодама ширенц ванфтомаса ушетксозе тиф, конанди, надиязь азса , путан полаткс. Аф стак фкя валмуворксса корхтави: «Эряфсь - ся аф мезе эрять, а ся –мезе тиеть». Сянкса ёран лятфтамс мокшэрзянь ломаненьконь, конат сувасть историяв эсь путфксснон мархта народть сяда тов ванфтомань , кеподемань и вииямань кисонза. Нльне инь ичкоздень эряйсь содасыне скульпторть С.Д.Эрьзянь, художникть Ф.В.Сычковонь, Великай Отечественнай войнань геройть М. Девятаевонь, патриархть Никононь, , певицать Лидия Руслановать ,композиторть Нина Кошелевать, боксёрть Олег Маскаевонь… лемснон. Но пингсь содай ётаманц, и кизотне, бъта сюресь кърняти, ашкоряйхть народть эряфонц. .И тя ломаттнень путфкссна аф юксови сюлмокс ашкотфт мокшэрзянь народть эряфонь кърнязонза. Тянкса марянь гордость народозень инкса. Надиян, што монь идне и уноконе лама-лама кизода меле тяфта жа кармайхть маряма гордость и кармайхть таколдома народоньконь эряфонц инкса . ПАваз, шумбраши, пара тефт арьсян мокшэрзянь народозти!

Сочинения

«Кельгома Руссь и Мордвась»

Сёрмадозе Цыганов Роман,

Краснослободскяй райононь

Мордовскопаркинскяй основной школань

6-це классонь тонафнись.

Тонафтысь – Цыганова С.В.

Краезе !

ПАчкодеть тячити тон ёфксонь лаца.

С. Есенин

Лувомок Есенинонь стихотворенияста строчкатнень, мялезе петеви.. Петеви сяс , мес Руссь и Мордвась тясовок марсот. Кода содаф, рузть и мокшеть ёткса сотксне латцевсть тёжятть киза инголе, но синь ошесть сязев тячемс, эряйхть, вихонзайхть. И виде,аф аньцек ёфксса кальдявть сяськондьсы цебярсь, но и афкуксонь эряфоньке ламода малады ёфксоннети. Ашезь эльбяде тянь азомаса лама кизода инголи стихотворениять сёрмадыец.

Затаив дыхание, я смотрела по телевизору основные моменты фестиваля и думала: ,,Какая же удивительная моя Мордовия! Какое счастье, что я родилась в Мордовских Парках!” Это край моих отцов и дедов, которые разговаривали и разговаривают на мордовском и русском языках. Мой папа – мордвин. Мама – русская. В моей семье ,,и русский говор, и мордовский говор единою мелодией звучат.” Та же ,,единая мелодия ” звучит на улицах моего села, района, республики, потому что в единстве заключается сила. Об этом мне постоянно говорят родители.

Я счастья, русский брат, делю с тобою

и не знакомы нам тоска и грусть.

Ведь на века, живя одной судьбою,

с Мордвой и Чудью породнилась Русь.

М. Бебан

Кельгома Руссь и Мордвась!

Пачкодеть тячити тон ёфксонь лаца.

Тя мазы строчкатне содаф рузонь поэтть С.А. Есенинонь стихотворенияста токазь монь седиезень. Сяка пингть марян гордость сянкса, што Сергей Александрович Есенин марса кельгома Русть мархта лятфнесы монь ёмла Родиназень- мокшэрзянь масторть. Мокшэрзянь масторсь кунардонь пингстокиге салсезень и тянивок салсесыне мяльснон содаф рузонь писательхнень, учёнайхнень , политикнень. Тяка пингть макшэрзянь масторсь – тя аф аньцек тяниень Мордовиять эряма-ащема вастоц, но и мокшэрзянь велет улихть Уралса, Саратовскяй, Самарскяй, Ульяновскяй и лия областтнень эса . Мокшекс корхтайхть Казаньца, Москуса… . Тя корхтай сянь колга…..

Эряфсь ёрязень мокшэрзянь ломаттнень марнек Русть-Россиять эзга. И вага ни тёжятть киза эряйхть ладязь чувашнень и башкирхнень, татархнень и мариецнень… мархта. А лама идень-нациянь тядясь - Руссь маштсь эсь перфканза кочкама лама нациянь семьянц О СЕМЬЕ

И паронь мяляфты иттне-ломаттне

Марса Россиять мархта анокт шнашендомс и содамс-ванфтомс историяньконь, культураньконь, цебярь традицияньконь и обуцяньконь.

Патриархсь Никон, скульпторсь Степан Эрьзя, певицась Лидия Русланова -тя нинге аф сембе Россиянь стирьхнень и цёратнень лемсна, конат тиезь эсь пингстост содавиксокс аф аньцек мокшэрзянь , но и рузонь масторть. Но пингсь содай ётаманц, и кизотне, бъта сюресь кърняти, ашкоряйхть народть эряфонц. .И тя ломаттнень путфкссна аф юксови сюлмокс ашкотфт мокшэрзянь и рузонь народть эряфонь кърнязонза. Финцне тушендыхть эряфста, кадомок эсь мельгаст оцю козяши, конань аф азови питнец. Вастозост шачендыхть-касондыхть лият. И вага ни тяни кайгиста шуди лихтибря лаца эрексиянь ведь мархта гайняй Руссть эзга Александра Куликовать вайгялец. Вадовскяй Селища велеть, мокшэрзянь масторть-Мордовиять, марнек Русть тиезе содавиксокс марнек мирти содаф боксёрсь Олег Маскаев. Атюрьевскяй од цёрась Владимир Канайкин – фкя инь цебярь спортсметтнень ёткса марнек Европаса.

Мон эрян велеса. Лангс ванозь, велесь мокшень. Къда сувамс оцю валда кафта этажса школазонк, то маряви оф аньцек мокшень, но и рузонь, татаронь кяльса корхтамат, морамат, кштимат. Тя корхтай сянь колга, што школась пуроптсь эсь лацонь семья. И эрь кодама мокшень кяльса ётафтови иласа татаравась кштий мокшень танец, руз цёранясь азонды мокшекс кельгома Родинанц –Россиянц колга стихотворения. А рузава тонафтыеньке пиди стама танцти суронь пачат, нльне кяльценьге нильсак. Монь койсон, тя сембось тага весть няфнесы аф фкя кяльса корхтай ломаттнень марс сотовомаснон, ялгаксшиснон, культураснон, традицияснон фкя марс шоворемаснон и сяка пингть ванфтомаснон.

И мзярда тага и тага весть няфневихть-азондовихть мокшэрзянь ломаттнень оцюдонга оцю сатфкссна, монь эсон появай кенярдема и сяка пингть надияма сянди, што и минь, мокшэрзянь народть иденза , лама кизонь пачк ётафтсаськ нинге русснень мархта сотксть . А ингольдень сатфксне кармайхть няфнема тейнек «кить», кона вятьсамазь «ладямань», «фкя-фкянь шарьхкодемань» налти

Аф кунара тядязень мархта якаме Саранск ошу. Ётаме « Сембе пингс Россиять мархта» памятникть вакска, кона путф Ялгаксшинь площадьса сери модань марть вярьгак вастсонза. Мон шарьхкодень, што тя монументсь тага весть няфнесы рузонь , мокшэрзянь и лия нароттнень фкя-фкянь мархта ладямаснон. Эрть сонцень эсь лацонь ширец. Рузонь народть лезксонц вельде удалась ванфтомс тя марстонь козяшись. Тя марстонь тевса аф кържа тиенди мордваське. И сембоса сон цебярсь, васенцесь.,Россияти нажядема и надияма вастсь. Аф стак сонць, Россиянь ПрезидентсьВ.В. Путин, азсь мяль ётафтомс миньцонк финно-угрань народонь культурань Васенце Международнай фестивальть - « Шумбрат, Финно-угрия!». Фестивальсь нинге весть лездсь касфтомс республиканьконь авторитетонц, марямс гордость родной краеньконь инкса. Тя оцю илати сашендсть Россиянь президентсь В,В.Путин, Финляндиянь президентсь Тарья Хапонен, венгриянь Премьер-министрсь Ференц Дюрчань.

Фестивальть пингста няфтьф кемотть концертнай программа, художественнай выставка, народнай промыслань мастярхне няфтезь эсь маштомошиснон шуфтста разнай изделиянь тиемаса, сермадомаса, кодамаса. Тя илась вестевок аф юкстави. Ужяленди, тейне савсь тя сембось няемс телевизорса. Сяка пингть арьсень: « Конашкаа сембось маштозь арьсеф. Павазуван, что шачень Мордовиянь Мокшень Парка велеса.». Тя жа алязень , атязень, щятязень шачема ширесна, конатне корхтасть мокшень и рузонь кяльса. Тя кяльхне тянемс шудихть фкя шудерьксокс аф аньцек монь велесон, районцон, республикасон, но и марнек Россияса. Кода тядязе корхни, што ладямась, фкя-фкянь шарьхкодемась сяськсазь сембе сталмотнень. И виде, марса эрямась кошярясамазь сяда лама содамс эрь нациять колга. Тяфта сяда тёждя шарьхкодемс эряфонь смузть, касфнемс виеньконь –эрьганьконь, надиязь ваномс инголи.

Надиян, што монь шабане и уноконе лама-лама кизода меле азсазь эсь мяльснон и мокшекс, и рузкс М.А.Бебанонь стизотворенияста сявф строчкатнень мархта:

Шачема-касома мастор, тон пяк козят

Ши валдонь пиндолфса и шумнай келуса! келуналса

Тяса рузть мон лемнеса братокс,

Въдь марса мархтонза шачеть и касат.

Родимая земля, ты так богата

сияньем зорь и звонами берез!

Здесь русского я называю братом,

ведь вместе с ним родился я и рос.

Масторхт улихть сяда мазыхть -

Тейне аф эряви лия:

Тон въдь тожа Россият ,

Шачем мастор родной

Земли есть и красивей –

Мне не надо иной:

Ты ведь тоже Россия,