Сақтандырылушының жарақаты - "Сақтандыру төлемдері мөлшерінің кестесінде" (№3
қосымша) көзделген, жазатайым оқиға нәтижесінде Сақтандырылушының тіндері мен
органдарының анатомиялық тұтастығының бұзылуы, олардың функцияларының бұзылуымен
қатар жүруі.
Еңбекке қабілеттіліктен уақытша айрылу (уақытша еңбекке жарамсыздық) - еңбекке және
оқуға қабілеттілігі жоғалтылатын жазатайым оқиға нәтижесінде алынған жарақаттан туындаған
функциялардың бұзылуы уақытша, қайтымды сипатта болатын организмнің жай-күйі.
Мүгедектік - тұрмыс-тіршілігінің шектелуіне және оны әлеуметтік қорғау қажеттігіне әкеп
соқтыратын ауруларға, мертігулерге (жаралануға, жарақаттарға, контузияларға), олардың
зардаптарына, кемістіктерге байланысты организм функциялары тұрақты бұзылып, денсаулығы
бұзылған адамдарға уәкілетті органның шешімімен белгіленетін санат;
"Мүгедек бала" - жазатайым оқиғаның басталуы салдарынан тіршілік-тынысының шектелуіне
әкеп соқтыратын организм функциялары тұрақты бұзылған 18 жасқа дейінгі адамдарға уәкілетті
органның шешімімен белгіленетін санат.
Медициналық шығындар - денсаулыққа зиян келтіруге, мертігуге не өлімге әкеп соққан
жазатайым оқиғаның салдарын жоюға және (немесе) тоқтата тұруға бағытталған медициналық
қызметтер кешенін көрсетуге байланысты шығындар.
Емдеуге жатқызу бойынша шығындар - Сақтандырылушының медициналық мекемеде
стационарлық емделуінен туындаған, қажеттілігі Сақтандыру шартының қолданылу кезеңінде
болған оқиғадан туындаған, 24 сағаттан астам үздіксіз жалғасатын шығындар.
Репатриация - Сақтандырылушы тұлғаның сүйектерін жерлеу орнына ең жақын әуежайға дейін
тасымалдау.
Сақтандыру арқылы қорғану әрекетінің кезеңі - Сақтандырушыда сақтандыру жағдайы
басталған кезде сақтандыру төлемін жүзеге асыру міндеті туындайтын кезең.
Сақтандыру арқылы қорғау - Сақтандырушының шарттың талаптарына сәйкес сақтандыру
арқылы қорғаудың қолданылу кезеңінде болған сақтандыру жағдайлары бойынша сақтандыру
төлемін тиісті тұлғаға жүзеге асыру міндеттемесі.
Достарыңызбен бөлісу: |
