Ад быдлаын (< роч); ад гуран скр., шс.; вакрамеш
жүктеу/скачать 1.79 Mb.
|
- Бұл бет үшін навигация:
- Н. Конаков
Н. КонаковМАТИ, Наста Мати, Наста Мате, Наста-Мать – Эжва катыдса тун (вариант: нывбаба-тун). Матиöс тöдöны сылöн водзö олöм йылысь висьталöмъяс серти: “кöрт лэбачьяс”, “мусö кытшовтысь кöрт сунисъяс”. Но ёнджыка сiйöс тöдöны кыдз Тювэлы паныд сувтысь висерса тунöс, кодi весиг кулöм бöрас кöсйысьö волыны Тювэ дiнö петкöдлыны вынсö. Мукöд текстын (А. С. Сидоров) тунлысь нимсö гöгöрвотöм понда Матиöс шуöны нывбаба-тунöн. А. С. Сидоров гижис сöмын öти текст, кöнi эм Наста-Мать ним. Но коми кывйын род категория абу. Та понда туялысь гöгöрвоис да вуджöдiс тунлысь нимсö Наста мамöн. Сëръяджык текстъясын нимыс паныдасьлö öдзыс индöм формаясын. На серти позьö чайтны, мый Мати, Мате, Мать нимыс – роч Матвей нимлöн дженьыд форма. Татшöм ногöн Наста Мать колö гöгöрвоны кыдз ‘Матвей, Насталöн пи’. Литература: Микушев, Рочев, Муравьëва 1964, Рочев 1984, Сидоров 1928, АЧМ. О. Уляшев МЕДÖС быдлаын – вежа Медöс (Модест) лун, важ ногöн öшым 18. лун. Медöс пасйылiсны сэнi, кöнi вöлiны тайö вежаыслöн нима часовняяс. Сэнi служитлiсны молибенъяс, вичко служитысьяслы козьнавлiсны куканьлысь морöс яй, кокъяс, юръяс, а мукöддырйиыс и дзонь кукань тушаяс, сы вöсна мый рочьяслöн моз жö Медöс вöлi пода дорйысьöн. Яй тайö луннас эз сëйлыны (Рöштво видз), но быть юлiсны тайö лун кежлас пуöм сур. Том йöз Медöс лунö рытпуклiсны. Литература: Конаков 1993. Н. Конаков МЕЖАДОРСА ЫДЖЫД ЛУН – вичкоса календар праздник, пасйылiсны Вотчаын да Межадорын. Преданиеын висьтавсьö, мый коркö XVII либö XVIII нэмын выльöн лэптöм Межадорса вичкоö вайöмаöсь Вотчаса вичкоысь Перымса Стефанлысь икона. Иконасö чайтлöмаöсь шемöсаöн. Вежа Стефан вöлöма сöглас вуджны сöмын сэк, мöдасны кö öтчыд вонас, важ ногöн сора 13. лунö иконасö бöр вайны Вотчаö. Водзсö Межадорса ыджыд лун пасйылiсны кык лун, сы вöсна мый чайтлiсны, мый вежаыслы быть колiс войковтны Вотчаын. Вой кежлас вежа Стефанлöн икона дiнö быть сувтöдлiсны и Енмамлысь икона. XX нэмся 50. вояс помын–60. вояс заводитчигöн Межадорса ыджыд лун пасйылiсны ëна дженьыдджыка. Праздничайтысьяс – ëнджыкасö пöрысь нывбабаяс – шемöса иконанас 11 час гöгöр мöдöдчылiсны Межадорысь Вотчаö, а 15 час кежлö Межадорса ыджыд лунся öбрадъяс помасьлiсны нин. Вотчаын ичöтик эрд вылö сувтöдлiсны пызан, пызан вылас пуктавлiсны вайöм енпöвсö, мукöд öбразъяс да быд сикас пöжассö. Та кындзи быдöн вайлiсны водзвыв кöсйысьöм да буретш тайö лун кежлас пуöм сур. Молибен бöрын сëйлiсны. Ставöн видлiсны вежöдöм нянь, а сэсся чöсмöдлiсны öта-мöдсö сурöн, но сьöрсьыд вайöм сур юны эз позь. Пöжас да сур коляссö, а сiдзжö и тусьяса вежöдöм тусяпу росъяс нулiсны гортаныс. Няньсö, сурсö да тусьяссö вердлiсны подалы, öти тусьöн пайö сетлiсны и быд гортсалы, а тусяпу росъяссö пуктылiсны öдзöс весьтö, медым керкаас вöлi лючки олöм мöд Межадорса ыджыд лунöдз. Литература: Жеребцов, Лашук 1958. Н. КонаковМЕЛЕЙ – Удораса фольклорса герой, туналысь. Легенда серти, Мелей овлöма куим-ö-нëль вужгöрöд сайын. Сiйö вöлöма зэв джуджыд тушаа, дзор тошка да синтöм. Но войнас Мелей зэв бура аддзöма енэжысь став югыдсö. Вичко праздникъясöдз войнас сiйö петлöма ывлаö, чатöртлöма юрсö да висьтавлöма водзö олöмсö. Висьтасьöм бöрас Мелей шыöдчылöма гöгöрыс чукöртчöм йöз дiнö: “Мыйла кывзанныд менсьым ен туналöмöс? Тiян ныв-пиныд и сiдз аддзасны ставсö, мый ме висьталi да висьтала”. Мелейлöн апокалиптическöй туналöмыс вöлöма татшöм: регыд лоöны вежсьöмъяс, му вылö воöмаöсь антихристъяс, кодъяс оз эскыны Енлы да оз признайтны сарöс; сьöм пондас куйлыны джоджын да некодлы оз кут ковны; ставöн лоöны грамотнöйöсь, быдöн кутас гижны, а сэсся ставöн бунтуйтчасны да куштасны став сиктсö; Удораын коляс сöмын öти воевода, а мукöдлаын пондасны быдмыны сöмын еджыд кыдзьяс. (Видзöд Кыдз.) Литература: ЮР ЧМ. Н. Конаков МЕЛЕЙКА уд., ем., меляйка уд., ем. – Перымса Стефан йылысь преданиеса герой, Мезеньса тун. Мелейка нимлöн, кыдзи и Перымса Стефанкöд вермасьысь унджык тун нимлöн, эм, буракö, гуся подув. Сiйö гöгöрвоöдö Мезеньса Мелей (роч Мелентьево) сикт нимлысь артмöмсö: Мелей + айка = Мелейка (Меляйка). Фольклорын Стефанлöн да Мелейкалöн вермасьöмыс – кык тунлöн коми “тунасян эпос” канонъяс серти вермасьöм. Медводз мунö “Чужва, сувт! – Чужва кö сувт, сiдзкö, и пыж сувт!” сюжет. Стефан кывтö Мезень кузя да аддзö, мый Мелейка вöчö чужва. Стефан шуö нимкыв, Мелейка вочавидзö нимкылöн жö. И чужваыс, и пыжыс öтпырйö сувтöны. Та бöрын Стефан да Мелейка шуöны татшöм эпизодыслы бара жö стандартнöй фраза: “Чужва, котöрт! – Чужва котöртö, сiдзкö, и пыжыд тэнад котöртö!” Бöр ладмö status quo. Стефан петö берегö. Кипеля Мелейка уськöдчö сы вылö, но Стефан шуö нимкыв, и нинöм сылы оз мöрччы. Стефан гöгöрвоö, мый мукöд тун моз жö Мелейка топыда йитчöма вакöд, да тшöктö ëртъясыслы вомöнавны юлань туйсö. Мелейка шуö нимкыв, и чужваыс öти здукöн кöдзалö. Сiйö чеччыштö тшанас, шуö нöшта öти нимкыв и чужваыс пондö ойдны матiгöгöрсö. Стефан шуö нимкыв и бипурыс тшан улас яра ломзьö, чужваыс пузьö. Сотчалöм Мелейка уськöдчö юлань. Стефанлöн ëртъясыс вомöналöны туйсö да пондöны кимльöскивыв керавны Мелейкаöс. Но вермöны вины Мелейкаöс сöмын сэк, кор сiйö ачыс тшöктö вундыны яйбердса вöньсö.
Микайлö лун пасйылiсны эз быдлаын. Торйöн нин интереснöя тайö лунсö пасйылiсны удорасаяс да емвасаяс. Микайлö лунöдз рытнас тэчсьылiсны, торйöн чукöртчылiсны нывъяс да зонъяс и бать-мамъяс 7-12 арöса челядьыскöд. Мужичöйяс да зонъяс вайлiсны рытпук вылас вина, а нывбабаяс да нывъяс – сур, пöжасъяс да мукöд сëян. И том, и верстьö йöз гажöдчылiсны öткодя. Медводз чöсмасьлiсны, а сэсся ворслiсны невестапу бöрйöмысь. Том йöзлöн рытпукигъясöн ворслiсны асьныс рытпукысьясыс, а верстьöяслöн шöр рольяссö ворслiсны челядь. Чöсмасьöм бöрын челядь сувтлiсны кытшö да бать-мамъясыслöн сьылöм улö пондылiсны чеччавны-бергавны. Пöттöдз ризъялöм мысьт найö тшапа пуксьылiсны бать-мамъясыслы пидзöс вылас, а бать-мамъясыс пондылiсны сьывны специальнöй öбрад сьыланкыв. Заводитлiсны тадзи: “О, царев сын...” да “О, царевна...” кывъяс бöрын шулiсны кутшöмкö нывкалысь да зонкалысь нимсö. Сэсся сьылiсны: “Сюйисны найöс тыö, кöтöдiсны, видзыштiсны сэнi, кöрталiсны кольтаö...” Тайö кывъяс бöрас зонкалы колiс удитны шуны “Аттьö”. Удитiс кö, сьылiсны ошкан сьыланкыв. Сьылöм бöрас зонка матыстчылiс öдзыс нимтöм нывка дiнö да босьтлiс сiйöс киöдыс. Найö воськовтлiсны джодж шöрас да ставлы копыртчылiсны. Невестапу лои бöрйöма. Эз кö удит зонкаыс аттьöавны сьылысьясöс, найö сьылiсны эз ошкан, а кулитан сьылан. Бöрйöмыс торксьылiс. Ворслiсны сэтчöдз, кытчöдз став челядьсö эз юкны гозъяс вылö. Челядьлы колiс локтан во чöжыс кутны бöрйöм гозсö тöд вылас. Литература: Конаков 1993, Старцев 1929. жүктеу/скачать 1.79 Mb. Достарыңызбен бөлісу:
|