АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت
Мәшһәд дини-елми һөвзәсинин бөјүк устадларындан Мәһәммәди илә мүсаһибә2
жүктеу/скачать 0.77 Mb.
|
- Бұл бет үшін навигация:
- Хүсусијјәтләри
- Беһҹәтин дилиндән
Мәшһәд дини-елми һөвзәсинин бөјүк устадларындан Мәһәммәди илә мүсаһибә2Суал: Мүсаһибәјә разылыг вердијиниз үчүн сизә миннәтдарам. Билдијимизә ҝөрә сиз узун илләр Беһҹәтдән дәрс алмысыныз. Хаһиш едирик онун шәхсијјәти барәсиндә хатирәниздә олан мараглы һадисәләри бәјан едәсиниз. Ҹаваб: Бисмиллаһир-рәһманир-рәһим. Бөјүк алимләрин мә`нәви мәгамлары һаггында (китаб) јаздығыныза ҝөрә сизә өз миннәтдарлығымы билдирирәм. Беһҹәт барәсиндә бир нечә мөвзуда данышмаг олар: ХүсусијјәтләриӘһли-бејтә сахланылан рөвзә мәҹлисләринә Ајәтуллаһ Беһҹәтин хүсуси рәғбәти варды. Бу мәҹлисләрдә өзү әввәлдән ахырадәк галарды. Мәшһәдин рөвзә мәҹлисләри чох узун чәкәрди. Бир ҝүн Аға Беһҹәтә дедим: Сизин үчүн чох чәтиндир. Чалышын мәҹлисләрә сонуна јахын ҝәлин. Беһҹәт бујурду: “Јухуда мәнә дедиләр ки, рөвзә мәҹлисләринә чох ҝет.” Бир ҝүн Беһҹәтлә тәк оланда дедим: Иҹазә верирсинизми бир рөвзә охујум? Деди: “Бәли.” Рөвзә гуртарандан сонра бујурду: “Мирзә Мәһәммәд Тәги Ширазинин һәмишә һәм үмуми, һәм дә хүсуси рөвзә мәҹлиси оларды. Хүсуси мәҹлисдә бир нәфәр тәкликдә анҹаг онун үчүн рөвзә охујарды. Беһҹәтин һәрәмә ҝетмәси вә орада охудуғу дуалар чох мараглыдыр. Евдән чыхыб һәрәмә ҝедәркән “тәгибаты” охумаға башлајар вә һәмишә бу дуаны зүмзүмә едәрди: “Аллаһуммә инни әс`әлукә хәјрә умури куллиһа вә әузу бикә мин хизјид-дунја вә әзабил-ахирә” Бу дуадан сонра “Нас”, “Төвһид”, “Фәләг”, “Кафирун” сурәләрини охујар, “Мәфатиһ”дән ҝүнәшин чыхмасындан әввәл вә сонракы дуалары зикр едәрди. Һәрәмин һәјәтиндә дәфн олунан алимләр, о ҹүмләдән рәһмәтлик Валеһ, Әбутураби, Шејх Бәһаји, Һөҹҹәт вә башгалары үчүн фатиһә охујар. “Дарүз-зөһд”дә Имам Рзанын (ә) мәхсус зијарәтнамә вә дуаларыны зикр етмәјә мәшғул олар, һәмишә дуа вә зикр дедији вахтларда ҝөзләрини јумар, ҹамаат да онун әтрафына топлашыб тамаша едәрди. Амма Беһҹәтин узун мүддәт бу һалда галмасындан јорулуб, орадан дағылышардылар. Сонра пак зәриһин гаршысында ҝөзләрини јумуб дуа зүмзүмә едәрди. Бир ҝүн ондан бу һалда (ҝөзләрини јумуб) дуа охумасы барәдә сорушанда белә ҹаваб верди: “Белә һалда фикрими даһа јахшы топлаја билирәм.” (Әввәлләр бел вә диз ағрылары олмајанда ајаг үстә саатларла дуа вә зикр демәјә мәшғул оларды. Онун јанында оланларын чоху, һәтта ҹаванлар да јоруларды. Амма Беһҹәт ајаг үстә јорулмаг билмәдән давам едәрди.) Рәһмәтлик устадлары вә достлары үчүн “Әминәллаһ” зијарәтини охудугдан сонра Ҹә`фәр Тәјјар намазыны гылар, намаздан сонра мәрһум Мәҹлисинин “Задүл-мәад” китабында чох төвсијә олунмуш дуаны вә һәрәмдән евә гајыдаркән һәзрәт Әлинин (ә) Сәбаһ” дуасыны зикр едәрди. Бир ҝүн јолда ҝедәркән ики дәфә она суал вердим. Беһҹәт бујурду: “Ики дәфә “Сәбаһ” дуасыны охумаға башладым, һәр икисиндә дә дуамы јарымчыг кәсдин.” Ҝүнләрин бири Имам Рзанын (ә) һәрәминдә бир тәләбә ондан бир суал сорушур. Беһҹәт тәләбәнин суалына ҹаваб верир. Тәләбә икинҹи дәфә сорушанда о дејир: “Мән өзүм Имамын гапысына диләнмәјә ҝәлмишәм. Нијә гојмурсунуз раһат диләним? Беһҹәтин дилиндән1. Бир ҝүн Ајәтуллаһ Мирваридин мәнзилиндә олдуғумуз вахт Ајәтуллаһ Беһҹәт бујурду: “Рәшт шәһәринин хәтибләриндән бири белә нәгл едирди: Минбәрә галхаркән әввәл Имам Һүсејнә (ә) салам верирәм. Әҝәр саламымын ҹавабыны версә, моизәми давам едирәм. Амма ҹаваб ешитмәсәм, мәҹлисдә оланлардан үзүрхаһлыг едиб ораны тәрк едирәм. Бир нәфәр ондан (Ајәтуллаһ Мирварид) бу мәгама неҹә чатмасы барәдә сорушанда, белә ҹаваб верир: Бир дәфә бир мәҹлисә моизә етмәк үчүн ики нәфәр дә`вәт етмишдиләр. Һәмин ики нәфәрдән бири дә мән идим. О бири шәхс мәндән әввәл минбәрә чыхыб моизә етмәјә башлады. Өз-өзүмә дедим: Ҝәрәк елә сөһбәт едәм ки, онун данышдыглары һеч ола. Амма мән өз нәфсимлә мүбаризә апарыб гырх ҝүн минбәрә чыхмадым. Әвәзиндә исә Аллаһ-тәала мәнә бу кәрамәти бәхш етди. 2. Беһҹәт бујурур: “Рәшт таҹирләриндән бири Мәшһәд сакини иди. Рәштдән Мәшһәдә ҝәлән башга бир таҹир онун евиндә галырды. Бир ҝүн ев саһиби пәнҹәрәни ачыб Имам Рзаја (ә) салам верәндә, гонағын јенијетмә оғлу Имамын ҹавабыны ешидир. Оғлан тәәҹҹүблә ев саһибинә дејир: Мән сизин саламынызын ҹавабыны ешитдим. Имам сизин саламыныза ҹаваб верир? Ев саһиби дејир: Бәли. Сәндә ону ешитмәк исте`дады олдуғу үчүн Имамын ҹавабыны ешитдин. Доғрусу Имам Рза (ә) һамынын саламына ҹаваб верир.” 3. Беһҹәт белә нәгл едирди: “Шејх Әли Заһид олдугҹа иманлы вә заһид бир шәхс иди. Чөрәјини һәмишә өзү биширәрди. Бир дәфә Кәрбәла зијарәтинә ҝедән Шејх Әли Заһид бир нечә ҝүн орада галмалы олур. Бир ҝүн бир шәхс она јахынлашыб чөрәк истәјир. Шејх дејир: Әҝәр чөрәјими сизә версәм ҝәрәк тезликлә Кәрбәланы тәрк едәм. (Чүнки башга чөрәкләрдән истифадә етмәзди.)” 4. Ајәтуллаһ Беһҹәт бујурур: “Ајәтуллаһ Шәрәбјани бөјүк алимләрдән бири иди. Сојуг гыш ҝүнләринин бириндә бир диләнчи ондан көмәк истәјиб, дејир: Әҝәр көмәк етмәсән аҹындан өләҹәјәм. Амма Шәрәбјани онун дедикләринә әһәмијјәт вермир. Диләнчи мәнзилинин гапысына гәдәр онун далынҹа ҝәлир. Шәрәбјани евә ҝириб гапыны бағлајыр. Онун фәгирә әһәмијјәт вермәдијинә ҝөрә евдәкиләр дә бир сөз демир. Сәһәр диләнчинин гапынын ағзында өлдүјүнү ҝөрүрләр. Ајәтуллаһ Шәрәбјани она гүсл вермәји тапшырыр. Палтарларыны чыхаранда, онун ҹибиндән ичи долу пул кисәси тапылыр.” 5. Бир нәфәр Шејх Ҹә`фәр Шүштәринин јанына ҝедиб дејир: Ушағымын ҝөзләри кордур. Сиз “Һәмд” сурәсини охујун, өвладымын ҝөзләри ачылсын. Шејх деди: Атам олан јердә мәним охумағым јахшы дејил. Ҝет атамын јанына. Ушағы Шејх Ҹә`фәрин атасынын јанына апарыр. О әлини ушағын ҝөзләри үстүнә гојуб Һәмд сурәсини охујур. Елә бу вахт ушаг дејир: (Бармагларын арасындан) Ҝөрүрәм. О, Һәмд сурәсини охујуб гуртаранда, ушаг артыг ҝөрүрдү. 6. Исфаһан алимләриндан Мунири рәһмәтлик Мирзә Ширазијә ирад тутур вә бу барәдә мәктуб јазыб Исфаһан алимләриндән дә имза топлајыр. Мәктубу саһибинә (Мирзә Ширази) чатдырмаг үчүн Нәҹәф-Әшрәфә јолланыр. Әввәлҹә мәрһум Молла Фәтһәли Султанабадинин ҝөрүшүнә ҝедир. Рәһмәтлик Султанабади она ҹибиндәки мәктубун мәзмунундан хәбәр верәндә чох тәәҹҹүбләнир. Өзүнү башгаларындан үстүн билән бу шәхс тәвазөкарлыгла Молла Фәтһәлијә дејир: Бизә бәһрәләнмәк үчүн бир шеј дејин. Султанабади бујурур: Сиз өзүнүз бөјүк алимсиниз. О чох исрар етдикдә, Молла дејир: Үч шејә һәмишә әмәл ет: 1. Ајын әввәлинин хүсуси намазыны гыл. 2. Һәр ҝүн “Ашура” зијарәтини оху. 3. Һәр ахшам ики рәкәт Вәһшәт намазы гылыб кимсәсиз мө`мин баҹы-гардашларын руһуна һәдијјә ет.”1
жүктеу/скачать 0.77 Mb. Достарыңызбен бөлісу:
|