АЈӘтуллаһҮЛ-Үзма беһҸӘтин һӘЈаты نام کتاب: زندگی نامه ی آیت الله بهجت
жүктеу/скачать 0.77 Mb.
|
- Бұл бет үшін навигация:
- Ајәтуллаһ Гәрәви вә ибадәт
- Ајәтуллаһ Беһҹәтин шәхсијјәтиндә мүхтәлиф ҹәһәтләр
- Ихтијари өлүм мәгамы
Ајәтуллаһ Беһҹәтин мүәллимләриАјәтуллаһ Беһҹәт әсасән, фигһ дәрсини Мирзә Мәһәммәд Тәги Ширазинин шаҝирди Шејх Мәһәммәд Казим Ширазидән дәрс алмышды. Үсул дәрсини исә рәһмәтлик Ајәтуллаһ Наининин, сонра исә Ајәтуллаһ шејх Мәһәммәд Һүсејн Компани Исфаһанинин јанында охумушду. Даһа чох Ајәтуллаһ Компанидән дәрс алмыш, әхлаги ҹәһәтдән дә бу устадын она мүһүм тә`сири олмушду. Бә`зән устадындан ешитдији мәтләби гәрибә бир тәрздә бәјан едәр вә онун нүмунәләрини биз Беһҹәтин рәфтарында ҝөрәрдик. Бу устадын (Компани) онун мә`нәви формалашмасында да бөјүк ролу олдуғу ашкар ҝөзә чарпырды. Чох јахшы јадымдадыр ки, Ајәтуллаһ Беһҹәт һәмишә дејәрди: “Рәһмәтлик Шејх Мәһәммәд Һүсејнин (Компани) елми фәалијјәтләринә диггәт едән һәр бир шәхс онун ҝеҹә-ҝүндүз мүталиә вә тәдгиг ишләриндән башга һеч бир иш ҝөрмәдијини ҝүман едәр. Амма онун ибади програмларындан хәбәрдар олсајдылар, ибадәтдән башга бир иши олмадығына әмин олардылар. Елми фәалијјәтләрә олдугҹа мәс`улијјәтли иди. Һәтта бу барәдә белә нәгл едирләр: Мән (Компани) он үч ил “Кифајә” китабынын мүәллифи рәһмәтлик Ахунд Хорасанидән дәрс алмышам. Бу он үч ил әрзиндә ҹәми бир дәфә онун дәрсинә ҝедә билмәдим (ҝеҹәләр тәдрис едәрмиш). Онун да сәбәби бу иди ки, Казимејнә зијарәтә ҝетмишдим. Гајыдаркән бир мүшкүл ортаја чыхды. Елә буна ҝөрә дә вахтында дәрсә чата билмәдим. Јолда гајыдаркән устадын бу ҝеҹә һансы дәрси дејәҹәјини зәнн етдијим үчүн габагҹадан һәмин мәтләби јаздым. Нәҹәфә гајыдандан сонра достларымдан дәрс һаггында сорушанда мә`лум олду ки, мәним габагҹадан јаздығым мәтләби устад бәјан едибмиш. Елми бахымдан белә јүксәк мәгам саһиби олмасына бахмајараг (устадын дејәҹәји јени дәрси габагҹадан билмәк), дәрсләринә гаршы олдугҹа мәс`улијјәтли иди. Шејх Мәһәммәд Һүсејн Исфаһани он үч ил тамам рәһмәтлик Ахундун јанында дәрс алды.” Онун елм саһәсиндә чох мүһүм фәалијјәтләри олмушдур. О ҹүмләдән, “Кифајә” вә Шејхин “Мәкасиб” китабларына јаздығы һашијәләр даһа дәгиг вә дәрин һашијәләрдән һесаб олунур. Ади адамларын бә`зән 50-60 јашына гәдәр мүвәффәг олмадыглары бу елми иши о, 27 јашына гәдәр јазыб гуртармышды. Бүтүн бунлар Ајәтуллаһ Беһҹәтин өз устады һаггында нәгл еләдикләридир.
“Ајәтуллаһ Гәрәви мүһүм елми фәалијјәтләри илә јанашы ибадәтә дә чох әһәмијјәт верәрди. Кәнардан бахана елә ҝәләрди ки, онун ибадәт етмәкдән башга бир иши јохдур. Һәр ҝүн “Ашура” зијарәтнамәсини охумаг вә “Ҹә`фәр Тәјјар” намазы гылмаг онун ҝүндәлик вә ади програмларындан иди. Нәҹәф алимләри арасында олан адәтә ҝөрә һәфтәнин һәр ҹүмә ахшамы вә ја ҹүмә ҝүнү “рөвзә” мәҹлиси гуруларды. Белә мәҹлисләр бир нөв устадларын, тәләбәләрин вә достларын ҝөрүшмәсинә шәраит јарадырды. Шејх Мәһәммәд Һүсејн Исфаһани бу мәҹлисләрдә чај вермәк вә ајаггабылары сәлигәјә салмаг ишләрини һәмишә өз өһдәсинә ҝөтүрәрди. Ајаггабылары сәлигәјә сала-сала додагалты һансыса зикри зүмзүмә едәр вә чох тез-тез дедијиндән биз онун һансы зикри дедијини баша дүшмәздик. Бизә чох мараглы иди ки, ҝөрән бу һансы зикрдир вә ајаггабылары дүзәлдәрәк ону тәкрар едир. Ҝүнләрин бириндә онун јахын достларындан олан шејх Мәһәммәд Әли Бүруҹерди Гәрәвидән сорушур: Бу нә зикрдир ки, она бу гәдәр әһәмијјәт верирсиниз? Һәтта салам вериб һал-әһвал тутанда да дилиниз бу зикрдән дајанмыр? О ҝүлүмсүнүб дејир: Чох јахшыдыр ки, инсан һәр ҝүн мин дәфә “Гәдр” сурәсини охусун.” Бәли, Беһҹәт елә устадлардан дәрс алмышдыр. Онлар елми фәалијјәтләри мүгәддәс сајмагла намаз, зијарәт вә дуалара да бөјүк әһәмијјәт верәрдиләр. Бир чох бөјүк устадларын, о ҹүмләдән Наининин јанында әхлаг дәрси алса да, Беһҹәтин әхлаги вә мә`нәви формалашмасында хүсуси рол ојнајан устады һаҹы Мирзә Әли Гази олмушдур. Рәһмәтлик Әлламә Тәбатәбаи, Шејх Мәһәммәд Тәги Амули, Шејх Әли Мәһәммәд Бүруҹерди, диҝәр бөјүк алимләр вә һәтта мәрҹәи-тәглидләрдән бир чоху онун бу дәрсләриндән фајдаланмышлар. Тез-тез јад етдији устадлардан бири дә рәһмәтлик Шејх Мүртәза Талигани иди.
Аллаһ-тәала она хасс хүсусијјәт вә зати исте`дад әта етмишдир. О фөвгәладә ити зеһнә малик бир инсандыр. Истәр фәрди вә иҹтимаи, истәрсә дә сијаси мәсәләләрә өзүнәмәхсус узагҝөрәнликлә јанашыр. Елми-ибади ишләрә гәрг олан бир шәхсин белә дәгиг мәсәләләрә олан диггәти вә ону ҝөзәл дәрк етмәси, чохларына тәәҹҹүблү ҝәлир. Беһҹәти ибадәт вә ја тәдрис һалында ҝөрән һәр бир шәхс, онун сијаси-иҹтимаи мәсәләләрә чох әһәмијјәт вермәдијини фикирләшәр. Ону да гејд едәк ки, мәни (Мисбаһ Јәзди) иҹтимаи-сијаси мәсәләләрә әһәмијјәт вермәјә тәшвиг едән шәхс Ајәтуллаһ Беһҹәт олмушдур. Тәдрис етдији вахтларда өз тәләбәләринә бу һагда сифариш едиб дејәрди: Елми-мә`нәви мәсәләләрә е`тигады олан һәр бир шәхс сијаси-иҹтимаи мәсәләләрә дә ҹидди јанашмалыдыр. Әкс тәгдирдә бир ҝүн ҝәләр ҹәмијјәтин сијасәт ишләри сәриштәсиз инсанларын әлинә дүшә биләр вә ислам ҹәмијјәтини азғынлыға сүрүкләјәр. Һәтта Имам Хомејнијә дә сијаси мәсәләләр барәдә хүсуси сифаришләр едәрди. Бир дәфә дә Имам Хомејнијә ҝөндәрәҹәји белә сифаришләрдән бирини чатдырмағы достлардан бири илә мәнә тапшырмышды. Ихтијари өлүм мәгамыИмам Хомејнинин Беһҹәтә хүсуси рәғбәти варды. Мән буну билаваситә онун өзүндән ешитмәмишәм. Чүнки устадлары суалларымла зәһмәтә салмағы өзүмә иҹазә вермәздим. Сизә нәгл едәҹәјим бу хатирәләрин бә`зисини өзүм шәхсән мүшаһидә етмиш, бә`зиләрини дә устадларын өзләри бујурмушлар. Рәһмәтлик һаҹы Мустафа (Имам Хомејнинин оғлу) онун һаггында Имам Хомејнинин дилиндән белә нәгл едирди: Имам Хомејнинин рәһмәтлик Бүруҹерди илә ҝет-ҝәл етдији вахтлар иди. Беһҹәтин олдугҹа садә вә касыб јашадығыны билән Имам Хомејни онун аиләсинә көмәк етмәк нијјәтилә Ајәтуллаһ Бүруҹердидән бир мигдар пул алыр. Мәсәләнин нә јердә олдуғуну билән Беһҹәт пулу ҝөтүрмәкдән бојун гачырыр. Имам Хомејни алдығы пулу бир дә ҝери гајтармаг истәмәдији үчүн она дејир: Бу пулу мән өз малымдан сәнә верирәм. Беһҹәт бу пулу Имам Хомејнинин һәдијјәси кими гәбул едир. Имам Хомејни илә јахын дост олан ҹәнаб Мәс`уди нәгл едирди ки, Имам Хомејни бә`зән чәтин вахтларда вә ја евдә хәстәси оланда мәни Беһҹәтин јанына ҝөндәрәрди. Белә вахтларда бә`зән Беһҹәт гурбанлыг кәсмәји төвсијә едәрди. Бир нечә дәфә Беһҹәтин сифариши илә Имам Хомејнинин тәрәфиндән гојун алыб гурбанлыг кәсмишәм. Имам Хомејни онун бөјүк мә`нәви мәгам саһиби олдуғуну тәсдигләјирди. Имам Хомејнинин дедијинә ҝөрә, Беһҹәт ихтијари өлүмә малик иди. Јә`ни истәдији вахт руһуну бәдәндән чыхарыр вә јенидән ҝери гајтара билир. Бу илаһи шәхсијјәтләрин мә`нәвијјат јолунда әлә ҝәтирдикләри бөјүк мәгамлардан биридир. Аллаһ өвлијаларынын әлә ҝәтирдикләри елә али мәгамлар вардыр ки, ону һәтта дүзҝүн дәрк етмәк белә бизим үчүн чох чәтиндир. жүктеу/скачать 0.77 Mb. Достарыңызбен бөлісу:
|