Қалалар мен елді мекендерді орталықтандырылған жылумен жабдықтау? Жылу тасығыштың дайындалуының тәртібң? Жылу өндіргіш қондырғыларға сипаттама бер? Жылуды пайдалану сипаты? Отынның түрлері?
Қолданылатын жылу тасығыштардың сипатына қарай жылумен жабдықтау жүйелерінің бөлінуі?
Қос құбырлы жабық жылумен жабдықтау жүйесінің құрылысы?
Жылумен жабдықтау жабық жүйелердің жетістіктері?
Екі құбырлы ашық жылумен жабдықтау жүйесінің құрылысы?
Жылумен жабдықтау ашық жүйелердің жабық жүйелермен салыстырғандағы негізгі артықшылықтары?
Жылу тораптардың салу тәсілдері?
Ұсынылатын әдебиет: НӘ 1,5, ҚӘ 2,3
№4 Дәріс
Тақырыбы: «Жылыту жүйелері туралы жалпы түсініктер»
Жылытудың гигеналық негіздері. жылыту жүйелеріне қойылатын талаптар. жылыту жүйелерінің жіктелуі. сумен жылыту жүйелері. құбырлардың жылыту аспабына жалғану схемасы. магистраль құбырларды тарту орнына қарай жүйелерінің жіктелуі. беру және қайтару магистральдарындағы су ағынының бағытына қарай жылыту жүйелері. жылытылатын бөлмелерден жоғалатын жылуды анықтау.
Дәрістің мақсаты: жылыту жүйелері, оларға қойылатын талаптар, жіктелу туралы жалпы мәліметтермен танысу.
Жылыту жүйелері – ғимараттар мен құрылымдардың бөлмелері ауасына және ондағы қоршау беттеріне қажетті температура беріп, оны ұстап тұруға арналған инженерлік жүйелердің бірі.
Жылдың суық кезіндегі бөлме ауасының температурасы тек жылыту жүйесінің жұмысына ғана байланысты емес, сонымен қатар, ол желдету жүйесінің жұмысына да байланысты. Бұл жүйелер бірлесе отырып, бөлме ауасының қажетті температурасын, ылғалдылығын, оның қозғалыс жылдамдығын, құрамын және тазалығын қамтамасыз етіп отырады.
Жылытудың гигеналық негіздері. Адам организмінің жылулық балансы оның өзі өндіретін жылудан, қоршаған ортадан алынатын жылудан және қоршаған ортаға жоғалатын жылудан тұрады.
Адам организмі өндіретін жылу оның жасына, жасаған жұмысына және т.б. факторларға байланысты.
Адам организмінің қоршаған ортаға жоғалтатын жылуының мөлшері бөлмедегі микроклимат жағдайына, яғни ауа температурасына, ылғалдылығына, оның қозғалыс жылдамдығына және қоршау беттерінің температурасына (адамнан жоғалатын жылудың бір бөлігі «салқын» беттерге сәулеленуге байланысты) тәуелді.
Қалыпты киінген, тыныштық және жылулық комфорты жағдайындағы үлкен адам организмінің қоршаған ортаға жоғалтатын жылу мөлшері шамамен 115÷130 Вт құрайды. Бұл кездегі сәулелік жылу беру 45÷60 % құрайды.
Сондықтан, жылыту жүйелері жылдың суық кезеңінде бөлмеден жоғалатын жылудың орнын толтыратындай микроклимат туғызуы керек.
Достарыңызбен бөлісу: |
