Білім беру саласы: Коммуникация.
Бөлімі: Сауат ашу негіздері.
Тақырыбы: «Н» дыбысымен таныстыру.
Мақсаты: «Н» дыбысының дауыссыз, үнді дыбыс екенін түсіндіру.
Міндеттері: Н дыбысының сөздегі орнын тапқызуға үйрету. Тапсырмаларды орындату арқылы зейіндерін, есте сақтау қабілеттерін дамыту. Балаларды мейірімділікке, имандылыққа тәрбиелеу, тыйым сөздерді үйрету.
Күтілетін нәтиже:
Жасайды: «Н» дыбысының дауыссыз дыбыс екенін;
Түсінеді: тыйым сөздердің мағынасын, жұмбақты қалай шешуді; Қолданады: сөздерді буынға бөлуді.
Қолданылатын көрнекі құралдар: жұмыс дәптері.
Сөздік жұмыс: обал, сауап. Билингвалды компонент: нан – хлеб ҰОҚ барысы:
1. Ұйымдастыру кезеңі
Педагог балалардың назарын өзіне аударады.
Қолымызды иектің астына қойып сөздер айтайық, қолымыз төмен қарай неше рет түссе, сонша буынға бөлінгені. Мысалы: А-та, а-па, ә-теш, тек-ше-лер, ше-міш-ке. Балалар, сендер қолдарыңды иектің астына қойып сөздер айтып, буын санын анықтадыңдар.
2. Негізгі бөлім
Енді тақтадағы суретке қараңдар, ненің суретін көріп отырсыңдар? (Нан).
Ендеше «нан» деп бірнеше рет қайталайық.
Бірінші қандай дыбыс құлағымызға естіліп тұр?
Дұрыс айтасыңдар, бүгінгі өтетін жаңа дыбысымыз – «Н».
Балаларға нанның суреті бойынша әңгіме құрауға тапсырма беріледі.
Нанның пайдасы айтылып, «обал», «сауап» сөздеріне түсінік беріледі. Тыйым сөздер:
Нанды бір қолмен үзбе! Нан уағын тастама!
Жұмбақ шешу:
Өзі үлкен жануар, Үстінде бір тауы бар.
Шешуі: нар.
Нар сөзінде бірінші қандай дыбыс естіледі?
Н дыбысы.
«Н» – дауыссыз үнді дыбыс.
«Н» дыбысының дұрыс айтылу артикуляциясы мынадай: Ерін сәл ашылып, жіңішкерген тіл ұшы жоғары көтеріледі де, үстіңгі тістің үстіне тиеді, тілдің алдыңғы екі шеті үстіңгі тістерге қатты жабысады. Тілдің төмен түсуінен «Н» дыбысы жасалады.
Сергіту сәті:
Нан уағын шашпаңдар, Жерде жатса баспаңдар. Теріп алып, қастерлеп,
Торғайларға тастаңдар.
«А-на», «нан» сөздерін салыстыра айтқызу арқылы буынға бөлгізіп, «нан» сөзінің буынға бөлінбейтінін түсіндіреді.
Достарыңызбен бөлісу: |
