Білім беру саласы: Коммуникация Бөлімі: Сауат ашу негіздері.
Тақырыбы: «Қ» дыбысы.
Мақсаты: «Қ» дыбысымен таныстыру.
Міндеттері: Сөздерге дыбыстық талдау жасату,сөздерді буындарға бөлгізу.
Тапсырмадағы суретті жалғастырту арқылы зейіндерін дамыту. Ұқыптылыққа тәрбиелеу.
Күтілетін нәтиже:
Жасайды: сөздерді буынға бөледі;
Түсінеді: сөздердің мағынасын түсінеді;
Қолданады: сөздердің арасынан өткен дыбысты табады.
Қолданылатын көрнекі құралдар: жұмыс дәптері, қолайна.
Сөздік жұмыс: сырмақ.
Билингвалды компонент: киіз үй – юрта, ұлттық ою – өрнектер – национальный орнамент.
ҰОҚ барысы:
1. Ұйымдастыру кезеңі
Педагог топтағы үстел үстіне ұлттық бұйымдарды әкеліп қояды.
Балалар, сендер не көріп отырсыңдар?
Дұрыс айтасыңдар. Мұның бәрі – қазақтың ұлттық бұйымдары.
Мына киіз үй неден жасалған?
Ал мынау не?
Сырмақ неден жасалған?
Балалар, мына сырмақ қандай ою-өрнектермен әшекейленген?
Сырмақты, киіз үйді қойдың жүнінен жасайды. Сырмақтың бетін неше түрлі оюөрнектермен әшекейлейді.
Ою-өрнектердің атын атап беріңдер.
Дұрыс, балалар, біз қазақ халқының, өз халқымыздың ою-өрнектерімен, сырмақпен таныстық.
Сырмақ – өрнектелген төсеніш.
Билингвалды компоненттер қайталанады: киіз үй – юрта, ұлттық ою – өрнектер – национальный орнамент.
2.Негізгі кезең:
Балалар, бүгін біз «Қ» дыбысымен танысамыз. Дыбысты біз естейміз.
Мысалға, қолымызды шапалақтасақ, үстел үстін ұрсақ, дыбыстар естіледі.
Кәне, бәріміз «Қ» деп айтайық.
«Қ» дыбысының дұрыс артикуляциясы мынадай: Ерін ашылып, тілдің ұшы астыңғы тістің түбіне тиеді. Тілдің үстіңгі жағы таңдайға тиеді. Міне, осыдан «Қ» дыбысы жасалады. «Қ» – дауыссыз дыбыс. Дауыссыз дыбыстарды қандай түспен белгілейміз?
Енді өздерің «Қ» дыбысынан басталатын сөздер ойлап айтыңдар.
Дұрыс айтасыңдар. Мен бір өлең шумағын оқимын, қай сөзде «Қ» дыбысы бар екенін еске сақтап отырыңдар.
Құлыншағым – құндызым, Құлдырайды, шабады. Жылтылдаған жұлдызым, Құстай қанат қағады.
(І.Жансүгіров)
Достарыңызбен бөлісу: |
