«білім берудегі 4к моделі: теория мен әдістеме» атты республикалық ғылыми-тәжірибелік
жүктеу/скачать 2.86 Mb. Pdf көрінісі
|
- Бұл бет үшін навигация:
- Пайдаланылған әдебиеттер
| күрес үйірмесі ұйымдастырылған. Ал былтырғы оқу жылынан бастап футбол және шахмат
пәндері енгізіп отырмыз. Футбол - балалардың ең сүйікті ойыны болса, шахмат - баланың логикалық ойлау қабілетін дамытуда таптырмас спорт түрі. Шығыс ғұламаларының бірі Жүсіп Баласағұн «Құтты білік» дастанында: Анадан да шарана білімсіз болып туады, Білімоқыпүйреніп, дана жолын куады. Адам естен басқаны білімнен алады, Білім, оқу-тоқуды еңбегімен табады [4,35],- десе, ұлы ақын Абай өмірдің мәні байлық пен мәнсапта емес, мәдениет пен әдептілікте, білім мен ғылымда екенін түсіндіре келіп: «Тегінде адам баласы бір-бірінен ақыл, ғылым, ар, мінез деген нәрселермен озады. Онан басқа нәрселермен оздым ғой демектің бәрі де – ақымақтық» [5,41] - деп, адамның ең негізгі артықшылығы тәрбиесі мен білімінде екенін айтады. Сонымен қатар, дана Абай жетінші қара сөзінде дарынды балаға берген алтын ережесінде: «Жас бала анадан туғанда екі түрлі мінезбен туады. Біреуі – «ішсем, жесем, ұйықтасам» деп тұрады, екіншісі – «көрсем, білсем, үйренсем» деп, көзі көрген, құлағы естігеннің бәрін сұрап, тыныштық көрмейді» [5,21], - деген екен. Оқушының өзіне деген сенімін арттырып және іс-әрекетін демеп, қабілетін дамытып, оның ары қарай дамуына бағыт-бағдар бере білу – ерекше қиын іс. Алайда әр баланың жеке қабілетін танып, оны сол бағытта жетелеу – ұстаз парызы. Бұл бағытта атқарылатын жұмыстар өте көп. Өйткені XXI ғасыр – білімділер ғасыры. Білім сапасын арттыру, окушылардың дарындылығын айқындап, біліміне, ойлау қабілетіне сай деңгейлеп оқытып, ғылыми ізденіс қабілеттерін қалыптастыру – міндет. Ендеше бізге ой-өрісі жоғары дамыған, зерделі ұрпак тәрбиелеу керек екенін естен шығармауымыз қажет. Пайдаланылған әдебиеттер: 1. Назарбаев Н.Ә. «Рухани жаңғыру: болашаққа бағдар». – 2017ж. www.akorda.kz 2. Әуезов М. Шығармаларының 50 томдық жинағы. – Алматы: «Дәуір» баспасы, 2014ж. 1-том. 3. Даль В.И. Сборник цитат. – 2011 жыл. ru.wikisource.org 4. Баласағұн Ж. «Құтты білік» дастаны. – Алматы: «Таймас» баспасы, 2007 жыл. 5. Абай. «Қара сөз. Поэмалар». – Алматы, 1993 жыл. |