Темір (III) хлоридімен реакция
Темір (III) хлориді рутинмен изумрутты-жасыл түсті кешенді қосылыс түзеді. Координациялық байланыстар темір йоны мен рутин молекуласының фенольдық гидроксил топтарының оттек атомдары арасында пайда болады.
1-2 мл рутиннің қаныққан сулы ерітіндісіне бірнеше тамшы 1%-дық темір (III) хлоридінің ерітіндісін қосады. Жасыл бояу түзіледі.
Концентрленген күкірт қышқылымен реакция
Концентрленген күкірт қышқылы флавондармен және флавонолдармен ерітінділері ашық сары бояумен сипатталатын оксоний (флавил) тұздарын түзеді.
1-2 мл рутиннің қаныққан сулы ерітіндісіне абайлап сынауық қабырғасымен 1 мл концентрленген күкірт қышқылын қосады. Екі сұйықтың арасындағы шекарада сары түске боялған шеңбер пайда болады.
Кверцетиннің тотықсыздану реакциясы
Кверцетин қызыл-қызғылт немесе күлгін-қызыл түсті (концентрациясына байланысты) цианидин түзе оңай тотықсызданады.
Кверцетин
Цианидин
1 мл кверцетиннің қаныққан спирттік ерітіндісіне магний таспасын немесе аздаған (скальпельдің ұшымен) металдық магнийдің ұнтағын қосады және 3 - 4 тамшы концентрленген тұз қышқылын қосады. Сұйық алғашында қызғылт түске боялады, бірақ тұрғаннан кейін бояудың қанықтылығы таңқурай немесе күлгін-қызыл түске дейін қоюланады.
Зертханалық жұмысты қорғауға арналған сұрақтар:
1.Суда еритін дәрумендерге қандай дәрумендер жатады? Олардың физиологиялық рөлі қандай?
2.B1, B2, C, P дәрумендерін қандай сапалық реакциялардың көмегімен анықтайды?
3.Ағзада суда еритін дәрумендер жетіспеген кезде қандай патологиялық өзгерістер байқалады?
№14 Зертханалық жұмыс
Тақырыбы: С ДӘРУМЕНІН САНДЫҚ АНЫҚТАУ. СҮТТЕГІ ФОЛИЙ ҚЫШҚЫЛЫНЫҢ МӨЛШЕРІН АНЫҚТАУ
Жұмыстың мақсаты: Өсімдіктен (картоптан) алынған сығындыдағы С дәруменінің және сүттегі фолий қышқылының мөлшерлерін тәжірбие көмегімен анықтау.
Достарыңызбен бөлісу: |
