Гыйлем чыганагы тђрќемђсе
V. Җомга намазы һәм догасы
жүктеу/скачать 0.95 Mb.
|
- Бұл бет үшін навигация:
- اَللَّهُمَّ اجْعَلْنِي أَوْجَهَ مَنْ تَوَجَّهَ إِلَيْكَ وَأَقْرَبَ مَنْ تَقَرَّبَ إِلَيْكَ وَأَفْضَلَ مَنْ سَأَلَكَ وَرَغِبَ إِلَيْكَ
- VI. Бәйрәм намазлары һәм тәшрик тәкбирләре
| V. Җомга намазы һәм догасы
Җомга мөселманнар тормышында аерым бер урын алып тора. Җомга намазы гозере булмаган, акылы камил һәм балигъ булган ир мөселманнарга фарыздыр. Биш вакыт намазларын өйдә кылырга мөмкин булган хәлдә, җомга намазы, һичшиксез, җәмәгать белән кылынырга тиеш. Җомга — мөэминнәрнең бәйрәмедер. Җомга хөтбәсе турындагы догалар алда биреләчәк. Пәйгамбәребез (с.г.в.) бу турыда шулай дигән: "Ул көндә шундый бер сәгать бар ки, намазын кылган бер кол, аңа туры килсә, Аллаһыдан берәр нәрсә теләсә, Аллаһ шуны бирер". Бу сәгатьнең кайсы сәгать булуын ачык рәвештә белдермәгән, мөселманнарга ул сәгатькә тап булу өчен дога һәм истигъфар итәргә өндәгән. Әбү Һөрәйрә (р.г.) аңлатуынча, Пәйгамбәребез (с.г.в.) җомга көнне мәчеткә кергәндә, ишекнең ике терәгенә тотынып, шулай дога кылган: اَللَّهُمَّ اجْعَلْنِي أَوْجَهَ مَنْ تَوَجَّهَ إِلَيْكَ وَأَقْرَبَ مَنْ تَقَرَّبَ إِلَيْكَ وَأَفْضَلَ مَنْ سَأَلَكَ وَرَغِبَ إِلَيْكَ "Әллааһүммәҗгальнии әүҗәһә мән тәвәҗҗәһә иләйкә вә әкърабә мән тәкаррабә иләйкә вә әфдалә мән сә-әләкә вә рагыйбә иләйкә". (Аллаһым! Мине Сиңа юнәлгәннәрнең иң яхшысы, Сиңа якынайганнарның иң якыны, Сине теләгәннәрнең иң яхшысы һәм иң өстене әйлә.) Җомга көне — тәүбә һәм истигъфар итү өчен иң уңайлы көннәрдән. Бу көнне "Кәһеф" сүрәсен уку саваплы. VI. Бәйрәм намазлары һәм тәшрик тәкбирләре Рамазан һәм Корбан бәйрәме намазлары вәҗептер, аларны калдырырга ярамый. Бәйрәм намазлары түбәндәгечә кылыныр: Фарыз намазлардагы кебек, камәт әйтелмәс. Рамазан яки Корбан бәйрәме намазларының кайсы кылынса да ният әйтелер: "Ният иттем ике рәкәгать ... бәйрәме намазын кылмакка, оедым ошбу имамга",— дип әйтер һәм имам белән бергә тәкбир алыр. Башка намазлардагы кебек үк, "Сүбхәәнәкә" укылыр. Ул беткәч, имам "Әллааһү әкбәр" дип кабат тәкбир алыр. Намазга яңадан башлаган кебек, кулларын колак йомшагына кадәр күтәрер. Җәмәгать тә шуны кабатлар. Тәкбир алынгач, куллар янга сузылыр. Икенче мәртәбә дә тәкбир әйтелгәч, куллар туп-туры аска салындырылыр. Өченче тәкбирдән соң куллар кабат кендек астында багланылыр. Һәркем авыз эченнән генә "Әгузе-бисмилләһ" әйтер. Имам "Фатиха" һәм бер сүрә укыр. Башка намазлардагы кебек, рөкүгъ һәм сәҗдә кылганнан соң, аякка калкылыр. Имам тагын "Фатиха" һәм бер сүрә укыр. Аннан соң, "Әллааһү әкбәр", дип тагын шул ук рәвештә кулларны күтәреп, колак йомшагына кадәр тидерелер. Бу өч мәртәбә кылыныр. Дүртенче тәкбирдә куллар колакларга күтәрелмәс, рөкүгъкә китәр. Имамның бу тәкбирләре мәчетнең һәр ягында ишетелергә тиеш. Җәмәгать тәкбирләрне имам белән бергә авыз эченнән, ягъни үзе ишетерлек тавыш белән генә әйтер. Башка намазлардагы утыру вакытындагы догалар укылыр һәм сәлам бирелер. Сәламнән соң имам, мөәзин һәм җәмәгать бергә тәкбир әйтерләр. Бу вакытта имам хөтбәне укыр өчен мөнбәргә таба барыр. Имам мөнбәргә менгәнче тәкбирләр дәвам итәр. Тәкбирнең рәвеше: жүктеу/скачать 0.95 Mb. Достарыңызбен бөлісу:
|