Оқыту бағыты - белгілі білім беру салаларының пәндер топтарын кеңейте оқытуды қамтамасыз ететін бейіндік оқытуды ұйымдастыру нысаны.
Оқу бағдарламасы - әрбір оқу пәні бойынша меңгерілуі тиіс білім, білік, дағдылар мен іс-әрекет тәсілдерінің мазмұны мен көлемін, сондай-ақ бөлімдер мен тақырыптардың оқу жылы бойынша бөлінген мазмұнын анықтайтын құжат.
Технология - грек тілінен аударғанда "techne" - өнер, іскерлік, шеберлік және "logos" - білім, ұғым деген мағынаны білдіреді, яғни технологияны шеберлік, маманның іскерлігі туралы ілім деп айтуға болады.
Тұлғаның әлеуметтенуі - адамның қоғамдық қатынастар жүйесіне ену және осы қатынастарды өздігінен қайта жаңғыртуды қарастыратын әлеуметтік нормалар мен мәдени құндылықтарды меңгеру процесі.
Элективті курстар - мазмұны оқушылардың жеке икемділіктері мен таңдауына сәйкес оқушылардың танымдық қызығушылықтарын қанағаттандыруға мүмкіндік беретін оқу курстары, пәндер бойынша білімдердің кеңейтілуі мен тереңдетілуіне септігін тигізеді. Элективті курстардың жиынтығы базистік оқу жоспарының вариативтік бөлігін құрайды.
Достарыңызбен бөлісу: |
