Жүргізу о қулық
жүктеу/скачать 5.87 Mb. Pdf көрінісі
|
| 12
■ құрамдас бөліктерді жиналмалы бірліктерге бөлу және оларды тазарту; ■ жиналмалы бірліктер мен детальдарды ақаулықтан арылту және диагностикалау; ■ детальдарды жарамсыз, жөндеуді талап ететін және жарамды детальдарға бөлу; ■ детальдарды жөндеу (қалпына келтіру); ■ қосалқы бөлшектер және жөнделген детальдардан деталь жинақтау; ■ құрамдас бөліктер мен жиналмалы бірліктерді жинау, реттеу, сынау; ■ жиналмалы бірліктер мен машинаны бояу; ■ жөнделген машиналарды жүргізіп көру, сынақтан өткізу; ■ машинаны дайын өнімдер қоймасына жіберу; ■ жөндеуден шығару, тапсырыс берушіге тапсыру. Машинаның, оның құрамдас бөліктерінің жиналмалы бірліктері мен детальдарын жөндеудің ағымдық және күрделі технологиялық үдерістерін ажыратады (МС 2.602—95* «КҚБЖ. Жөндеу құжаттары»). Ағымдық жөндеуді детальдардың, жиналмалы бірліктер мен құрамдас бөліктердің жұмысқа қабілеттілігі жойылған кезде, сондай-ақ машинаны мақсатқа сай қолдану кезінде пайда болатын бұзылуларды жою үшін жүргізеді. Күрделі жөндеуді МС 25646—95 «Құрылыс машиналарының эксплуатациясы. Жалпы талаптар» және МС 28.001— 83 « Техникаға техникалық қызмет көрсету мен жөндеу жүйесі. Негізгі ережелер» стандарттарын басшылыққа ала отырып, жүргізеді. Жол және құрылыс машиналарына күрделі жөндеу жүргізу жөніндегі кәсіпорындар күрделі жөндеуден машиналардың құрамдас бөліктері мен жиналмалы бірліктерінің толық жиынтығын шығарады. Двигательдер, гидрожүйе элементтері, отын аппаратурасы, электр жабдығы сияқты құрамдас бөліктер мен жиналмалы бірліктер жинақтаушы кәсіпорындардың тапсырмасы бойынша мамандандырылған жөндеу кәсіпорындарында жөнделеді. Күрделі жөндеудің технологиялық үдерісіне тартылатын мамандандырылған жөндеу кәсіпорындары қайталама машинажасаудың барлық элементін, оның ішінде детальдарды әзірлеу, жинау, жүргізіп көру, сынау, бояу үдерістерін қамтиды. Бұған қоса, олар машинаны жөндеуге қабылдауды, тазартуды, бөлшектеуді, ақаулықты жоюды және жинақтауды жүргізеді. Қайталама машинажасау кәіпорындарында одан әрі қолдануға жарамды немесе қалпына келтірілген детальдар пайдаланылады. |