Лакку дуниял (ниттил мазрал лу)

Ци дуллай бур Шуаьнат къатлуву?

Ци дуллай бур га къатлун?

Ци дуккан дуллай бур ганил утту бишай къатлува?

Чун буккан буллай бур ганил шанурду, кIараллурду, виргъантру ва путри?

Ци хъанахъиссар шану-кIараллурдан хъюв, гьавалий?

Къатлувун зана хьувкун, ци дуллай бур Шуаьнат?

Ци буври ганил чIавахьулттун, ци буври нузан?

Цукун зузи дунни ганил пылесос?

СсацIа марцI буллай бия ганил халичартту?

Ци дурккунни ганил чIанкъатлуйсса паркетрайх?

Ци ливхьунни ганил къатлувусса бузлуяту?

Ча бувккунни ганил цIуши?

Шану-кIаралу хъювура кьариртривкьай, къатлувун духхан дурив?

ссацIа? – от чего?

(гихунмаймур)

Тахсир бакъанма арнил кIанайн бизан бувну, кьини дурксса лакрал ялун цамургу бала ливкссар. Дахьва арнил кIанайн бивзсса лак дякъил ва ккашил, бургъил ва цIаллил литIлан бивкIун бур. ЧIявусса хьуну бур «АлхIам», «Ясин» къабувккуну, сурув къабивхьуну, цайрасса янналувува гьаттаву бивхьусса. Хьуну бур, хIатта хIатталив гьав дукканма акъа, нурчIив анжагъ аьрщаву кIучI дурну къадиртссагума ишру. Укун репрессиярттавун къабивчуну бунугу, мукунминнаяр чансса зулму бухIан къабагьссар лакран.

Амма мунияр чIивисса зулму къавхьуссар яла, махъ хьуми ишру. 1957-ку шинал мичихич махъунмай, цала ватандалийн бизан бувссар. Дагъусттаннал циняв миллатру жула республикалул вивми кIанттавун бизан бувссар. Анжагъ ца лакри тиккува ливчIсса. БикIай, ай, му лакрай цайрасса аьйри, зу бизаннув, миккува бикIаннув, увкукун, къабизанну, шиккува бикIанну, куну, цала лакралли, увкусса, тIий. Му къатIайлассар. Микку лакрай аьй хьухьурчагу, хъуннасса къархьуссар. Республикалул хъуниминнал цала пикри цал ялагу баххана хьун бюхъайшиву бувчIин бувну бивкIун бакъархха. Лакрайсса аьй тIурча анжагъ цари дусса – лак хIатта цала буллалисса захIматрайн, цайнна цаланияргу хъуннасса вихшала паччахIлугърайн дишайсса бушиву.

тахсир II (-данул, -ду, -дал) – 1) вина; 2) обвинение

тахсир бакъанма [тахси:р бăкъанма:] – невинно

кьини дуккан – измучиться

ккаши II (-л) – голод

баргъ II (бургъил) – малярия

цIал III (-лил) – тиф

гьав III (гьаттал, -рду, -рдал/гьаттал) – могила

гьав дукканма – того, кто выроет могилу

хIатта – даже

«Ясин» – заупокойная молитва мусулман, 36-я сура Корана

сурув II (-рал) – полотно для оборачивания покойника

(б,д)уччин ((б)увччуну I,II, дурччуну; (б,д)учча) – похоронить

нурчI(и) III (нуркIлул, -ив, -ал) – труп

кIучI дан – укрыть

хIаттал(у) III (-лил) – кладбище

ай – межд. якобы

аьй III (-лул, -рду, -рдал) – вина

Ссал литIлан бивкIун бур арнил кIанайн бизан бувсса лак?

Чув уччайссар ивкIусса инсан?

Ци бувккуну учайссар бусурмансса инсан?

Ци къабувккуну, ци къабивхьуну буччин багьайсса бивкIун бур ливтIусса инсантал гьаттаву?

Ссайн учайссар, нурчIи, куну?

Ци духIан багьну бур лакран, репрессиярттавун къабагьнувагу?

Ци бувссар мичихичнан 1957-ку шинал?

Чун бизан бувссар му чIумал мичихичнал аьрщарайн бизан бувну бивкIми Дагъусттаннал миллатру?

Миннавух лакгурив Дагъусттаннал вивми кIанттавун бизан бувсса?

Лак бакъа цаймигу халкь ливчIссарив мичихичнал аьрщарай?

БикIайрив лак тиккува личIаврил аьй лакрайн дутлатиссагу?

Дуссарив лакрай ттиккува личIаврил аьй?

Жулла республикалул пикри баххана къашайсса хасият дуривкьай, ччя-ччяни баххана шайсса бурив?

Ци кIану буссар лакрай аьй дан бюхъайсса?

Жула билаятрай инсан цайнна цува вихшала дирхьуну икIан аьркиннивкьай, паччахIлугърайн вихшала дирхьуну икIан аьркиннив?

– Шуаьнат, ссай авцIуна на цакьни?

– Ина бувсуна 1569-ку шинал къирим-татаргу, дагъусттангу цачIун хьуну, Астрахань ласун кьаст дуршиву. Ялагу бувсуна бусурманнаща му шагьру ласун къахьурчагу, туркнал тIалав буллалимур буллай, оьруснан Гъази-Гъумучиял шамхалнал аьрщарай буллай бивкIсса къала кьабитан багьшиву.

– Гьа, дакIнийн багьунни. Барчаллагь. Утти бусанна «Лакрал тарихравунсса ссапар» гихунмай. ЧIал къавхьуну кIул хьуну бур туркнал бувсса кумаг уквасса бакъашиву. Хъинну ччяни тIалав бувну бур туркнал цала кумаграхлусса бурж лахъаву. Ираннащалсса дяъвирду цIунилгу сукку бувкун, тайннал шамхалнаяту тIалав бувну бур га цала чулий увккун, Ираннащал дяъви буллалаву. Шамхал рязий хьуну акъар. Ва 1578-ку шинал Къапкъазнавун бувххун бур 200-азара талатала усса туркнал аьрал. 1582-ку шинал тай ххявххун, Гъази-Гъумучи лекьан бувну, тиккусса агьлугу хъямала бувну бур. Лакрал шагьрулущал тайннал лекьан дурну дур мукунна даргаллал, кураллал щархъурду, лекьан бувну бур Дарбант, Сугъращи, Хунзахъи. Дагъусттан захIматсса тагьарданий бушиву цанна къулайну ишла дурну дур Москавуллалгу. Тайннал Кьиблалул чулийнмайсса гьужум цIубуккан бувну бур. 1588-ку тайннал цIусса къала буллан бивкIун бур. Му къала буллан бикIаврийну дайдирхьуну дур Аьрасатнал ва Гъази-Гъумучиял паччахIлугърал дянивсса иширттал кIилчинмур раунд. Му замана, щак бакъа, Гъази-Гъумучиял тарихраву яла захIматминнувусса ва кьурчIиминнувусса цану хъанахъиссар. КIира хъун паччахIлугъ цал архIал ххяххаву – му диркIссар Гъази-Гъумучиял паччахIлугърайн дурксса мяйжаннугусса лухIи кьини. Гъази-Гъумучиял шамхаллугъ диркIссар цаппара паччахIлугъирттая сакин хьусса федерация. Москавуллал бачин бувну бур цайми шамхалнал вассалтуращалсса ишру. ЧIал къавхьуну му тактикалул тIайлабацIу хьун бувну бур. 1589-ку шинал оьрусначIан увкIун, Хунзахъиял ханнал цува Аьрасатнайн дакI тIайлану икIантIишиврий хъа бувну бур. Ганал хъирив оьруснайн мютIину бикIаншиврул хъарду буллан бивкIун бур гаймигу дагъусттаннал бакIчитал – Чапур-Гъумучиял хъунама, Таркиллал Сурхай ва Эндерейллал Султан-МахIмуд.

– Утти, хавар бяличIан барча, къахъинав? Ттун шаппай чIал хьун къабучIиссар.

– Хъинни, Шуаьнат.

– Барчаллагь.

– Цалсса.

уквасса – бесплатный

тIалав дан – потребовать

бурж II (-ирал, -ру, ирдал) – долг

тагьар III (-данул) – состояние

лахъав(у) III (-рил) – возмещение, расплата

бурж лахъаву – возмещение долга

Чапур-Гъумучи – Кафир Кумух (Неверный Кумух), кумыкское селение вблизи Буйнакска

Эндерей – Андрей-аул, кумыкское селение недалеко от Хасавюрта

шамхаллугъ III (-рал) – шамхальство

парчари хъанан – распадаться на части
Упражнение

Вай суаллан жавабру дула.

Щил тIалав дуллалимур дуллай, кьабитан багьну бур оьруснан цала буллалисса къала?

Туркнал кумаг уквасса бивкIун буривкьай, жавабран ци-дунугу тIалав дурну дурив?

Ци тIалав дурну дур туркнал шамхалная, Ираннащалсса дяъви цIунилгу сукку хьувкун?

Рязий хьуну урив шамхал Ираннащалсса дяъвилуву туркнан кумаг бан?

Бан аьркинав, вила пикрилий, шамхалнал туркнан кумаг?

Ци дуллан бивкIун бур оьрус 1588-ку шинал?

Ссайну дайдирхьуссар Аьрасатнал ва Гъази-Гъумучиял паччахIлугърал дянивсса иширттал кIилчинмур раунд?

Хъинну захIматсса замана хъанахъиссарив му?

Бигьану бухьунссияв Гъази-Гъумучиял паччахIлугъран кIира хъуннасса паччахIлугъращал талан?

Цуми кIира паччахIлугъращал талан багьлай бивкIссар мунин?

Гъази-Гъумучиял паччахIлугърал ца бакIчи ивкIссаривкьай, му федерация куннасса паччахIлугъ диркIссарив?

Щищал бачин бувну бур ишру Москавуллал?

Му тактикалул хьун бувну бурив тIайлабацIу?

Хьуну бурив Оьруснащал ишру бачин буллалиссагу хъунимигу?
Мукьилчинмур бутIа

Ва бусала бувккуну, бусанмур ба.

Гьиндуснал бусала

Хьхьирил зуманив бивкIун бур чIемуллул кюру. Ца кьини хьхьири гьалак бувккун, бивщусса щатIал га кюрттаравусса чIемуллул ккунукру лавсун бур. Хъинну къума лавгун бур чIелму. Га миннатру буллан бивкIун бур хьхьирихь, цила ккунукру махъунмай була, тIий. Амма хьхьирил ганил миннатру ссанчIав ккалли бувну бакъар, ганил мукъурттих цукунчIавсса къулагъас дурну дакъар. ЧIемуллул хIукму бувну бур ци хьунгу хьхьири кьакьан бансса хIарачат бан. Га байбивхьуну бур цила чIивисса къеппух хьхьирил щин ласлай, экьи рутIлай. Лагмасса циняв бивкIун бур ганий хъяй, га тIурча къеппа щинал буцIлай, экьи рутIлай, хьхьири кьакьан бансса хIарачат буллай. Му хавар бавну бур Цува Зал Вишну буртти икIайсса хъунмасса лелуххун – Гарудан. ЦIими хьуну цила чIивисса ссий, бувкIун бур га чIемуллучIан, махъгу буллуну бур – ганин кумаг бан. Гарудал тавакъюв бувну бур хьхьирихь, нахIунма ккунукру зана ба, къабарча. цуппагу чIемулущал архIал хьхьири кьакьан буллай байбишинна, куну. Нигьа бувсъсса хьхьирил зана бувну бур чIемуллул ккунукру. Укун чIивинал хIарачатрачIа хъунанал цIимигу, кумаггу, муницIунсса барачатгу чан къашайссар.

гьиндус – индус, индиец

бусала II (-лул, -ртту, -рттал) – сказание

миннат II (-рал, -ру, ирттал) – мольба

къулагъас III (-рал) – внимание

Вишну – индийский Верховный Бог

Гаруда – огромная сказочная птица, которая возит Бога Вишну

нахIунма [наьгьуьма:] (булун) – (дать) по добру

Чув бивкIун бур чIемуллул кюру?

Ци ларсун дур гьалак бувксса хьхьирил щатIал?

Къума лавгун бурив чIелму ккунукру хьхьирил щатIа лавсукун?

Ци миннат буллан буллан бивкIун бур чIелму хьхьирихь?

Къулагъас дурну дурив хьхьирил чIемуллул миннатрах?

Ци хIукму бувну бур чIемуллул цила миннатру хьхьирил ккалли къабувкун?

Ци дуллан бивкIун бур чIелму хьхьири кьакьан баншиврул?

Лагмаминнал кумаг бувну буривкьай чIемуллун, юхссагу къабувну бурив?

Ци зий бивкIун бур лагмами, чIелму хьхьирил щин къеппух экьи рутIлан бивкIукун?

Му хавар Гарудан бавукун, ци бувну бур кIанил?

Ци тавакъюв бувну бур Гарудал хьхьирихь?

Агана цила тавакъюв кьамул къабарча, ци банна, куну бур Гарудал хьхьирихь?

Нигьа бувсун бурив хьхьири Гарудал мукъурттияту?

Буллуну бурив, ахиргу, хьхьирил чIемуллул ккунукру, юхссагу къабуллуну бурив?

ХIарачат булларча, цIимигу, кумаггу, барачатгу буссарив?

НякIсса ссав пIяй-пIяй тIий даруну дия. Ссавруннал дянив ччаннасса баргъ бия, лухччинийн нур ритлай. Ссавний ца парча ттуруллул бакъая. Зунттал мицIайсса кIяла марххала, алмасру кунма, пIяй-пIяй тIий бия. Зунттал мюрщи нехру лирцIуну дия. Ущущулгъи чачун ппив хьуну бия. ТIутIавух бялавхъун лелуххив бия. Цакуну, ТтурчIайнна зунттуха ца ттуруллул парча бувккун, ялув бавцIуна. ЛухIисса ттуруллив цачIун хъанай, ссав дургьуна. Лагмара дуниял цIан ларгуна. Ссавруннайсса ттуруллавух паранну лечлан диркIуна. Къувлул чIунил лухччи зурзутIи дуллан диркIуна. Варакъавух гъарал рутIлан диркIуна. МикI ва гъарал хIала дурххуна. Къумасса кIичIирттавух оьлувкъусса кьурукьру бавчуна. Ца ссятрай зунттавун тIюпангу бувтIун, лухIисса ттуруллив лирхъун ларгуна. Зунттаяту зунттайн ссурулккуртта бивтун, зунттурду чIюлу бувна. Бивтун гъили баргъ, цIуницIакул дуниял чанна лархъуна.

пIяй-пIяй тIий – блестя

пIяй-пIяй тIий даруну – совершенно ясно

лицIин (ливцIуну, лирцIуну; лицIу) – стать прозрачным

ущущулгъи II (-лул, -в, -ал) – насекомое

чачун – всюду, во все конце

бялахъан II (бялавхъун; бялахъу) – позабавиться, насладиться

ТтурчIайнна зунтту – Ттурчидаг, плоскогорье к северо-западу от Кумуха

парха тIун – сверкать

пIякь(а) тIун – взрываться

паранн(у) III (-арал, -арду, -ал) – молния

зурзу тIун – дрожать

лухччи II (-нул, -в, -ал) – земля

рутIин (рутIлан) III (руртIун; рутIа) – лить

микI II (-ирал) – 1) лед; 2) град

кIунтI II (-лил, -ру, -ал) – капля

цIиял(у) III (-лул, -лу, -лал) – крыша

дачIу III (л, -рду, -рдал) – барабан

бяшкIан(а) II (-ттул, -тту, -ттал) – водосточная труба

тIюпан II (-далул, -ну, -нал) – потоп

ссурулккурт(та) II (-лул) – радуга

чIюлу (б,д)ан – украсить

Цукун дия някIсса ссав?

Ци дуллай бия ссавруннал дянивсса баргъ?

Дияв ссавний ттуруллив?

Зунттал мицIайсса кIяла марххала ссаха лавхьхьуну бия?

Цукун дия зунттал мюрщи нехру?

Ци зий бия ущугъулгъи?

Ци зий бия лелуххант?

Ци дурккуна ТтурчIайнна зунттуха?

Ци дургьуна лухIисса ттуруллул?

Цивхьуна лагма дунияллун?

Ци лечлан диркIуна ссавруннайх?

Ссал зурзутIи дуллай дия лухччи?

Ци рутIлан диркIуна варакъавух?

Ци дия гъаравух хIала дурххун?

Ци дарчуна къумасса кIичIирттавух?

Ци бувтIуна ца ссятрай?

Яла ттуруллив ци дурна?

Ци риртуна зунттая зунттайн?

Ссал чIюлу бувна зунттурду?

Цивхьуна дунияллун, баргъ бивтукун?
КIилчинмур бутIа

Ва текст бувккуну, мурад буси.

Лакрал ЛухIи кьини

(гихунмаймур)

ЦIусса Лакрал аьрщи лакран ххира шаврил цилла сававртту диркIссар. ПаччахIлугърал багьайсса аякьа къадаврийну гийх чIявусса лак ливтIуну бушивруцIун, га аьрщараха хъунмасса захIмат бувну бивкIссар. Лак бизаннин гийх хъинну чансса дакъа диркIун дакъар зузи аьрщи. ХъунмурчIинмур аьрщи диркIун дур хъинну кьутIайсса, хъунисса ххалаххивгу бусса тикан тIисса къатIрахь. Аьрщи марцI дуккан дансса цукунчIавсса техника дакъа, ххалаххив кьутIлай бунува, инсантурал карунних буккан багьайсса бивкIун бур тикан. МарцI дурну мукьахгу, гай гъай учин я тракторду дакъа, я ницру биял къахъанай, хъинну захIмат бан багьну бур. Мукун карунних лухччив марцI дуллай, ганияту зузи аьрщи хьун дуллай, лакрал хъунмасса захIмат бувну бур. Мукун ххира хьуну дур лакрал га аьрщи. ЗахIматрал дакъарив аьрщи ххира хьун дайсса!?

ХХ-мур ттуршукулул 90-ку шиннардий Аьрасатнал паччахIлугърал кьамул дурссар репрессиярттахьхьун биривсса халкьуннал хIакъиравусса закон. Му закондалий цавагу махъ бакъассар депортациялувун багьми халкьуннаяту. Му закондалияту хьуссар репрессиярттавун багьми халкь зулмулулату ххассал буллалисса, депортациялувун багьми халкьуннай зулму буллалисса закон.

Репрессиярттахьхьун биривми халкьуннал хIакъиравусса закон иширайн дуккан дуллай, 1993-ку шинал Дагъусттаннал Халкьуннал кIилчинмур съездрал хIукму бувссар ЦIусса Лакрал райондалийсса лак бизан бан Сулак неххал ва МахIачкъалаллал шагьрулул дянивсса лухччайн. СССР-гу парча-кьала хьуну, Аьрасатнал паччахIлугъгу пасат дурсса ми шиннардий бачIвасса авлахърайн инсантал бизан бан бюхълай къабивкIссар. Вана – ацIния ххюра шинни гай лак цIусса кIанайн бизан буллай. Амма бизан бан бювхъунни анжагъ бачIи агьлу. Укун 1944-ку шинал арнил кIанайн бизан бувсса лакрайн лирксса ЛухIи кьини ттининтугу къуртал хьун дурассар. Му ЛухIи кьинилул цIуцIаву цIулаган дурссар, хъиннура оьдикIан дурссар 1999-ку шинал ЦIусса Лаккуйн экстремистътал ххяххаврил.
Махъру ва бувчIин бавуртту

аякьа III (-лул) (щий-дунугу, ссайдунугу, щиха-дунугу, ссаха-дунугу) – забота

хъунмурчIинмур – большая часть

ххалахх(и) II (-ул, -ив, -ал) – игла

тикан II (-далул) – терние

зузи аьрщи – обрабатываемая земля

гъай учин – вспахать

парча-кьала – распасться

пасат хьун – разрушиться

трактор III (-данул, -ду, -дал)

ххассал бан – спасти, освободить

цIуцIав(у) III (-рил, -уртту, -урттал) – 1) боль; 2) болезнь

цIулаган (цIулавгун I,II, цIуларгун III; цIулагу) – возобновиться

оьдикIан – раздражиться

Ххира хьуну дияв лакран ЦIусса Лакрал аьрщи?

Ци дия ЦIусса Лаккуй чIявусса лак литIаврил савав?

ЧIярусса диркIун дурив лак бизан бувсса кIанай зузи аьрщи?

Ссахь диркIун дур хъунмурчIинмур аьрщи?

ДиркIун дурив лакрачIа аьрщи тикандалуцIа марцI дуккан дансса техника?

Ссах буккан багьайсса бивкIун бур инсантуран тикан?

КъакьутIайсса бивкIун бурив тикандалул ххалаххив каруннийн?

Цуксса захIмат бувну бур лакрал га арнил аьрщарая зузи аьрщи дуллай?

ЗахIматрал аьрщи ххира хьун дайссарив?

Ци закон кьамул дурссар Аьрасатнал ХХ-мур ттуршукулул 90-ку шиннардий?

Ци чивчуну бивкIссар му закондалий депортациялувун багьми халкьуннал хIакъираву?

Ци хьуссар му закондалияту репрессиярттавун багьми халкьуннан, ци хьуссар мунияту депортациялувун багьми халкьуннан?

Ци хIукму кьамул бувссар Дагъусттаннал халкьуннал съездрал, репрессиярттавун багьми халкьуннал хIакъиравусса Аьрасатнал закон иширайн дуккан дуллай?

Чун бизлазиссар лак му хIукмулийн бувну?

Цивхьуну бур СССР-данун гай шиннардий?

Ци ливккун бур Аьрасатнайн гай шиннардий?

Бюхълай бивкIссарив пасат хьусса Аьрасатнаща агьлу цIусса кIанайн бизан бан?

Циксса агьлу бизан бан бювхъуну бур ацIния ххюра шинай?

Къуртал хьуну дурив 1944-ку шинала лакрайн лирксса ЛухIи кьини?

Ссал цIулаган дурну, оьдикIан дурну дур му ЛухIи кьини 1999-ку шинал?
Шамилчинмур бутIа

Ва текст бувккуну, лахьхьи.

Ибрагьиннул ва Бахул хъявринсса ччаврил хавар

– Зайнуттин, хIакьину ттун Ибрагьим ва Бахугу цивппа кьабивтун, бусан ччай бур гайннал лагма-ялтту хъанай бивкIсса иширттая.

– Ттун ина «Ибрагьиннул ва Бахул хъявринсса ччаврил хавар» гихунмайгу бусансса ххива.

– Зайнуттин, дунияллий ца Ибрагьим ва Баху бивкIссания гай талихIрай буккантIиссияхха. Дунияллий буссар цаймигу инсантал, хъанай буссар цаймигу ишру. Гайннул, ми иширттал, Ибрагьиннуйн ва Бахуйн, гайннал ччаврийн асар биян буллалиссархха.

– ТIайлар. Буси хавар гихунмай.

– Та бигьасса замана къабивкIссар. Та бивкIссар революция хьуну, граждан дяъви сукку хьусса замана. Цила чIун дирукун, ина ттухь Дагъусттаннай граждан дяъви цукун най бивкIссарив бусанхьуви?

– Гьалбатта, бусанна.

– Та чIумал Аьрасатнаву хъанахъисса иширттал Дагъусттаннай хъанахъиминнуйнгу асар биян бувну бивкIссар. Аьрасатнаву кунма, Дагъусттаннайгу агьалий кIибавчIуну бивкIссар мискинминнайх ва аваданминнайх, большевиктурайх ва миннайн къарщиминнайх. Ми кIивайвагу бивкIссар куннащал кув душманну. Миннал дянив душманшиву дагьну диркIссар. Большевиктал мискиннахлу буклай бивкIссар, аваданминнал «Милли комитет» сакин бувну бивкIссар.

– КIулли. «Милли комитет» тIисса миллатрал комитет тIиссар. Муниятугу чивчуну бурив Курди Закуевлул?

– Тунукьай. «Милли комитет»рал агитация буллай бивкIун бур, турк большевиктал куччу бан Дагъусттаннайн най буссар, жувагу тайннацIун хьуну, аьрал сакин бан аьркинссар, тIий. Большевикталми бивкIун бур, жу тархъаншиврул ххуллий жан дулун хIадурссару, жу тархъаншиврийн тIайлану бикIан хъарду бувссар, тIий. «Милли комитетчитурал» большевиктурайн ва миннал чулийминнайн, ури бакIру, гъалул бакIру, учайсса бивкIун бур.

– Мукун циван учайсса биявав?

– На цIувххуссия бавахь. Ганил ттухь бувсунни. Бусурманнал бакIру бичайсса бивкIун бакъарив? Большевиктурал бакIру къабичайхьунссия, гайннал бакIрай кIиз бикIайхьунссия, мунияту гайннайн гъалул бакIру, ури бакIру учайсса бивкIун бур, тIива бавал. Ялагу аваданминнал большевиктурайн, миннахлуминнайн, лагьу-лахъунтту буллай, кIансулт, саяхътал, учайсса бивкIун бур.

– КIансулт? Мунил мяъна цир?

– КIансу, куну, сан акъасса, мискинсса инсаннайн учайсса бивкIун бур. Революция хьуннин мискинма сан акъа ивкIун урхха, мунияту мукунсса инсан сивсуну къаивкIссар, сикъавсусса, паракьат инсаннайн кIансу учайсса бивкIун бур.

– Саяхъ тIисса мукъул мяънагу кIуллив?

– Саяхъ тIисса, гъанчуакъу, дунияллул чувакъу, тIиссар, тIива. «Милли комитет»рахлуми бивкIун бур чансса мискинминнахлусса махъ тIутIима – му большевиктурал машан лавсмари, тIий. Мискинминнахлуми бивкIун бур «шариаьт» шариаьт III [шаьриьаьт] тIисса, «миллат» тIисса мукъурттийн вих машари. Мукун диркIун дур лакравугу данди бацIаву, куннайн кув къарщину буккаву хъинну гужлан хьуну диркIун дур. Утти жула хавардануву ишлану икIантIиссар Илла тIисса адимина, авадан къатрал, милли-комитетчитурал инсан. Гихунмай на уттиний бусанна.

– Хъинни.

– Цалсса, Зайнуттин.

– Цалсса, Шуаьнат.
Махъру ва бувчIин бавуртту

асар II (-данул, -рду, -рдал) – влияние

гьалбатта – конечно, разумеется

агьалий (-нал) – народ, население

мискинми (-ннал) – бедные

аваданми (-ннал) – богатые

душман I (-нал, -тал, -турал) – враг

«Милли комитет» – национальный комитет, защищавший в годы гражданской войны интересы имущих классов

милли-комитетчи – сторонник «Милли комитета»

агитация II (-лул, ртту, -рттал)

тайннацIун хьун – примкнуть к ним

кIиз II (-ул) – волосы [на голове]

урисса – волосатые

ури бакIру – волосатые головы

гъал III (-ул) – козья шерсть

гъалул бакIру – волосатые головы

бичин (бакI, чIири) – сбрить (голову, бороду)

кIансу I (-л, -лт, -лтрал) – трусоватый человек

сивсуну – смело, уверенно

сикъавсуну (къасивсуну) – скованно, несмело

саяхъ I (-нал, -тал, -турал) – безродный человек

гъанчуакъу I (-л) – не имеющий родни

дунияллул чувакъу [чу:’акъу] (-л) – не имеющий родни

сивсуну I,II (сирсуну III) – смело, уверенно

сикъавсусса – несмелый, неуверенный, стеснительный

шариаьт III [шаьриьаьт] (-рал) – шариат (мусульманское законодательство)

къарщи буккав(у) III (-рил) – противостояние

гужлан хьун – усилиться

Ссаяту бусан ччай бур хIакьинусса дарсирай Шуаьнатлун?

Ци замана бивкIун бур та?

Лагма-ялтту хъанахъисса иширттал Ибрагьиннул ва Бахул эшкьи-ччаврийн асар биян буллалиссарив?

Та революция хьуну махъсса заманаривкьай, хьуннинссарив?

Граждан дяъви най бивкIссарив та ппурттуву?

Аьрасатнаву хъанахъисса ишру Дагъусттаннайнгу бивну бивкIссарив?

Агьалий щийх-щийх кIибавчIуну бивкIссар?

Агьалийнал дянив ци дагьну диркIссар?

Щил сакин бувну бивкIссар «Милли комитет»?

Цири му «Милли комитет»?

Ци тIий бивкIун бур «Милли комитет»рахлуми туркнал хIакъираву?

Ци бантIиссар, тIий бивкIун бур ми, туркнал большевиктуран?

Ци учайсса бивкIун бур милли-комитетчитурал большевиктурайн ва миннал чулийминнайн?

Циван учайсса бивкIун бур большевиктурайн ва миннал чулийминнайн, ури бакIру, гъалул бакIру, куну?

Цукунсса махъру учайсса бивкIун бур аваданминнал мискинминнайн, лагьу-лахъунтту буллай?

Щийн учайсса бивкIун бур, кIансу, куну?

Ци тIиссар саяхъ тIисса?

Сивсусса икIайссаривкьай, сикъавсусса икIайссарив дунияллул чувакъу [чу:’акъу]?

«Шариаьт» тIисса мукъуйн вих хьи, тIий бивкIссарив большевиктал, ягу машари, тIий бивкIссарив?

Цу тIисса адимина уклай ур кьиссалуву?

Илла мискин къатрал инсан уривкьай, аваданминнал инсан урив?