Лекциялардың қысқаша конспектілері 1 Лекция

Өнім мен қызметті сертификаттауды құқықтық реттеу 
Сертификаттау-өнім шығарушыға, жұмыс орындаушы мен қызмет көрсетушіге 
тəуелсіз жəне олардың стандарттау бойынша нормативтік құжаттар талаптарына 
сəйкестігін растайтын орган қызметі.
Өнімді таңбалауды құқықтық реттеу.
Кез-келген өнімді таңбалау сəйкес Мемстандартпен немесе ТШ (техникалық шарт) 
реттеледі. Бұл сала бойынша нормативтік талаптар-таңбаның( немесе қораптау) 
салынғанына байланысты жіктеледі: өндірістік, сауда, транспорттық, арнайы жəне т.б. 
Өнімді таңбалаудың жалпы талаптарының ішінен анықтық, жеткіліктілік, қол жетушілік 
жатады, олар өндірістік жəне өндірістік емес өнімдерді сату ережелерімен мəлімделеді.
Өнімді таңбалау Мемстандартқа сəйкестік белгісінің көмегімен жүргізіледі. Бұл – 
белгіленген тəртіпте тіркелген, яғни көрсетілген сертификаттау жүйесінде ережемен 
берілген жəне онымен таңбаланған өнімнің негізгі талаптарға сай екенін білдіретін белгі. 
Ол ҚР Мемстандарты берген лицензиясы бар ұйыммен бекітіледі. Осындай лицензия 
алған ұйым жəне сол таңбамен таңбаланған өнім немесе қызмет ерекше мемлекеттік 
тіреуге енгізіледі. Өнімді таңбалау үшін өндірістік талаптар өнімге, қораптауға, 
таңбалауға сəйкес стандарттармен мəлімделеді. Өнім шығарушы ұйымға «өндірістік 
таңба» өнім белгісімен таңбалануға тиіс, онда өнімді шығарушы көрсетіледі. Өндірістік 
таңба символикасы (ӨТ) сол бұйымға немесе қорабында орналасады, онда мемстандарт 
нөмірі, тауар сорты, ұйым туралы ақпарат жазылады. ӨТ белгісі еш жерде тіркелмейді 
жəне тауар белгісіне тəуелсіз қолданылады. Бірақта ол ұйымның өзі шығарған өнімнің 
сапасына жауапкершілігін арттырады; егер таңба болмаса немесе қате жазылса ұйым 
жауапқа тартылады, ал ұйым жетекшілері тəртіптік немесе қылмыстық жауапқа 
тартылады.
Нег.: 21 [95-101]; 3 
Бақылау сұрақтары: 
1. Өнім сапасын қамтамасыз ету факторы, түсінігі жəне мəні. 
2. Сапа басқару элементтері. 
3. Сапа көрсеткіштері жəне бағалау əдістері. 
4. Сапа басқаруды құқықтық қамтамасыз ету. 
5. Өнімді таңбалауды құқықтық реттеу.