Мағжан ЖҰмабаев педагогика
жүктеу/скачать 1.6 Mb. Pdf көрінісі
|
- Бұл бет үшін навигация:
- Ішкі сезімдерді тәрбие қылу, тәрбиеден мақсұт һәм тәрбие жолдары.
| Баланың ішкі сезімдері. Баланың тұрмысында
ішкі сезім зор орын алады. Бала бір нәрседен әсерлену алғанда, ол әсерленудің жағымды яки жағымсыздығын бірінші орынға қояды. Баланың ішкі сезімдері тез, жет- кен адам сезімдерінен былайша айрылады: 1) баланың ішкі сезімдері (ұшқыр. – ред.) болады. Жылдам ояна- ды. Мысалы, бала тез қуанады, тез қайғырады, күлуі де, жылауы да тез; 2) баланың ішкі сезімдері күшті, құ- йындай екпінді болады. Мысалы, баланың қолындағы ойыншығын ойнап қана алсаң да, ол қатты ашуланады; 3) баланың ішкі сезімдері тұрақсыз, құбылымпаз, құ- йындай тез басылады. Мысалы, қатты ашуланып тұр- ған бала бір қызық нәрсе кѳрсе, қуанып кетеді, күліп жібереді. Ішкі сезімдердің адам ѳмірінде ұстаған орны зор. Әсіресе баланың ѳмірінде ішкі сезім кѳп рѳл ой- найды. Біздің ісімізге белгілі бет алдыратын – кѳбінесе осы ішкі сезімдер. Біз жағымды нәрсені істейміз, жа- ғымсызды істемейміз. Бізде жағымды сезім оятпайтын істі біз шабан, кѳңілсіз істейміз, оятатын істі шаттық- пен, шын ынтамен істейміз. Адамның бақытты, бақыт- сыз болуы да осы ішкі сезімдерден. Жѳпшенді нәрсе- ден жағымсыз ішкі сезім алмайтын адам бақытты, тым сезімпаз адам бақытсыз. Сондықтан ішкі сезімдерді дұ- рыс тәрбие қылу керек. 124 «Сенімен Болашақ» республикалық қоғамдық бірлестігі Ішкі сезімдерді тәрбие қылу, тәрбиеден мақсұт һәм тәрбие жолдары. Баланың ішкі сезімдерін тәр- бие қылғаңда тәрбиеші алдымен баланы үйрету керек. Дұрыс, пайдалы, жоғары нәрседен ләззат алуға, тѳмен, пайдасыз нәрседен жиренуге һәм осы ұмтылу мен жи- ренуді терең, берік қылуға тырысу керек. Бұл мақсатқа жеткізетін жолдар: 1) Дұрыс ішкі сезімдердің кѳп болуына, нашарлар- дың болмауына жәрдем кѳрсету керек. Яғни баланы ұнамсыз ішкі сезімдерді оятатын себептерден сақ- тау керек. Мысалы, балалардың біреуіне базарлық- ты, ойыншықты кѳп беріп, біреуіне аз беріп, арада күншілдік туғызбау керек. Жануарды, малдың тѳлін, мысықты әуре қылғызып, ұрғызып үйретпеу керек, бала қатал болып шығады. 2) Баланың маңайындағы адамдар балаға жақсы мы- сал. Бала еліктегіш, маңайындағы адамдардың, әсіресе ата-анасының мінезіне салып алады. Бала жүргенде, сѳйлегенде ата-анасындай болуға тырысады. Ата-ана қатал болса, бала да қатал; ата-ана жұмсақ болса, бала да жұмсақ. Қымс етсе ашуланып, ақырып-бақырып қоя беретін ата-ананың баласы да сондай. Сондықтан баланың маңайындағы адам дұрыс мінезді болу керек. жүктеу/скачать 1.6 Mb. Достарыңызбен бөлісу:
|