Мүрәлінов К.Қ., Махмутов А.Қ., Мүрәлінова Ж. К
жүктеу/скачать 4.96 Mb. Pdf көрінісі
|
| Асептика
Асептика, aseptica, (гр. а - терістеу- лат. septikos - iріңдеу) – жараны механикалық, физикалық, химиялық және биологиялық зарасыздандыру тәсілдермен инфекциялаудан сақтап қалуы. Жараға микробтарды түсермеу үшін жарамен шектесетін барлық заттарда залалсыздандыру әдісі. Операция жасайтын бөлме жеке орналасқан болады. Онда басқа аурулары бар жануарларды, әсіресе инфекциялық ауруларды қабылдауға тыйым салынады. Операция жасайтын бөлменің терезелері күн жақсы түсетін, көлемдері үлкен болу қажет. Қабырғалары көзді талдырмайтын көкшіл немесе жасыл түске майлы бояулармен боялады немесе кафельдермен қапталады. Ақ түсті бояу немесе жарқырыған ақ түсті кафельдер көзді тез шаршатады, ұзақ мезгілдік операцияларда хирургтың көзі тез шаршап, көрмей қалады. Жиналған сұйықтық және жуған сулар өз бетімен ағып кетуі үшін едені еңіс болуы тиіс. Операция кезінде сөйлесуге, қажетсіз артық жүруге болмайды, оның барлығы едендегі микробтарды көтеріп ауаға шығарып, олардың санын көбейтеді. Операция жасардың алдында бактерицидтік лампаларды 1,5 – 2 сағатқа қосады. Егер бактерицидтік лампалары арнайы экранмен жабдықталған болса, онда оларды операция кезінде өшірмеуге болады. Ереже бойынша бактерицидтік лампалар операция жасайтын орыннан 2,5 – 3 метрден қашық болмау керек, одан алыс болса әрекет күші азайып толық әсер етпейді. Операция жасайтын бөлмеге хирург, оның көмекшілері операциялық киімдерін бірден киіп келеді. Операция жасайтын бөлмені жинау ережелері. Жинаудың төрт түрін ажыратады. 1. Алдын ала жинау. Күн сайын таңертеңмен операция басталар алдында ғана, еден, үстелдер, терезе алды және құралдардың бетіне шөкен шаңды жинау мақсатымен дымқыл шүберекпен сүртіп алу. 2. Ағымдағы жинау. Операция барысында еденге, операциялық үстелге түскен барлық заттарды жинау. Жануардың қанымен немесе басқа сұйықтармен ластанған еденді, операциялық үстелді сүртеді. 3. Қорытынды жинау. Күн сайын операция аяқталысымен еден, қабырғаларды (қол жететін жерге дейін), жуады жиһазды, операциялық үстелді, үстел айналасын мұқият сүртеді. 37 4. Бас жинау. Әрбір 7-10 күнде бір рет операциялық бөлмені төбесімен қоса сабынмен, антисептикалық ертінділерді ыстық суға езіп жуады. Жиһаз және құралдарды толық сүртеді. Жинаудан кейін бөлме бір тәулік бойы «демалуы» үшін, жинауды сенбілерде ұйымдастырады. жүктеу/скачать 4.96 Mb. Достарыңызбен бөлісу:
|