Механикалық сарғаю тұсында өт ішекке бармайды, сондықтан нәжісте стеркобилин және зәрде уробилин анықталмайды. Паренхиматозды сарғаюда билирубиннің өтпен бөлінуі азаяды, нәжістегі стеркобилиннің мөлшері төмендейді. Сөйтіп ондағы уробилин көбейе түседі. Гемолиздік сарғаю кезінде нәжістегі стеркобилиннің мөлшері зәрдегі уробилиннен әлде қайда көп болады.
Белоктық зат алмасу. Бауырдың белок түзу қызметін зерттеу үшін олардың қанның плазмасы мен сарысуындағы жалпы мөлшерін және жеке фракцияларын анықтайды. Белоктық тұнбалық сынықтар (сулемалық, тимолдық, формалдық) жасалынады. Белоктардың ыдырауы кезіндегі амин қышқылдары, қалдық азот, аммиактың мөлшерлері есепке алынады.
Достарыңызбен бөлісу: |
