I модуль – Негізгі сұрақтар мен ұғымдарды мұғалімнің ауызша баяндауы; II модуль – өзіндік және тәжірибелік жұмыстар. Оқушылар әр түрлі ақпарат көздерімен жұмыс жасау арқылы тақырыпты ашады. Сабақтың бұл кезеңінде -практикумдар, семинарлар, ойындар өткізіледі; III модуль – тақырыпты қайталау және қорытындылау; IV модуль- тақырып бойынша оқушының білімін бақылау.
Ойын арқылы оқыту — бұл білім, білік, дағды, іс-әрекетті эмоциялық бағалау сияқты қоғамдық тәжірибені меңгеру және қалпына келтіруге бағытталған шартты жағдайларда құрастырылған оқыту түрі:
Ойын оқытады, дамытады, тәрбиелейді, әлеуметтендіреді, қызықтырады және демалуға мүмкіндік береді.
Кейс-технологиясы білім алушыға оқу-әдістемелік кешен түрінде берілген ақпараттық білім ресурстарын әр түрлі ақпарат тасымалдауыштарды қолданып өз бетімен (кейстер) пайдалана алуға мүмкіндік береді. Телекоммуникациялық құралдар білім алушы, оқытушы және топ мүшелерінің байланысын, сондай-ақ оларды қосымша ақпараттық ресурстармен қамтамассыз ету үшін қолданады. Жеке және топ ішінде өткізілетін ашық сабақтарға (консультацияларға) елеулі рөл беріледі, оларды арнайы дайындалған оқытушы өткізеді.
Сабақтағы Кейс-технологиялардың негізгі кезеңдері :
1) Мұғалім әр оқушыға оқытылатын тақырып бойынша оқу-тәрбие материалын жеке дайындап, ұсынады;
2) Тақырыпқа байланысты әрбір сұрақты оқушылар жоспарлы және дәйекті түрде талқылайды, кейбір мәселелерді жеке, кейбіреуін топпен орындайды, жеке көмек көрсетіледі;
3) Мұғалім оқытылатын тақырыпты міндетті түрде қорытады, кемшіліктерді анықтайды, зерделейді, түсініңксіз сұрақтарға жауап береді, жояды;
4) Өтілген бөлім, не тақырыпқа диагностика жасалады.
Кейс-технологиясының артықшылықтары:
Оқушы берілген тақырып бойынша ұсынылған барлық материал көлемін көре алады;
оқушы берілген тақырыпқа байланысты уақытты жоспарлай алады;
Мұғаліммен сөзсіз бағаланатын, сыныптастар алдында кеңесші ретінде сөз сөйлейтін кейбір оқушының қорытынды сабаққа неғұрлым жақсы дайындалуға деген ынтасы туады;
Жыл соңында оқушыда барлық оқылған тақырыптар бойынша оқу-әдістемелік кешені жиналып тұрады, оларды ол емтихан кезінде қайталау ретінде пайдалана алады.
Интернет – технология ғаламдық және жергілікті компьютерлік желілерді қолданып білім алушылардың ақпараттық білім беру ресурстарына қол жеткізу, әдістемелік, ұйымдастырушылық, техникалық және бағдарламалық құралдарды қалыптастыру және оқу үдерісінің субьектілерін оның орналасқан жеріне қарамастан басқару. Интернет-технологияны іске асырудың басты кезеңі болып қашықтағы оқу-әдістемелік материалдарымен қамтамассыз ету үшін, оқу үдерісінің ағымдағы ақпаратын алу (off - line) оқытушы – кеңесшілермен қарым-қатынас жасау және т.б. үшін автоматтандырылған электрондық қызмет көрсету.
Дальтон-технологиясы еркіндік, дербестік, ынтымақтастыққа негізделеді. Бұл технология шығармашылық тапсырмалар жүйесі (дальтон - тапсырма), зертханалық жұмыстар (жеке және ұжымдық оқу-танымдық өзіндік жұмыс), сенім атмосферасын құру, жауапкершілік,
