Қостанай облысының 2013-2017 жылдарға арналғАН

Бюджеттік саясат барлық алынған міндеттемелерді, бірінші кезекте әлеуметтік міндеттемелерді, сондай-ақ облыс тұрғындарын жұмыспен қамтамасыз етуді қоса алғанда, әлеуметтік қолдауға жанама әсер ететін іс-шараларды толық және уақытында жүзеге асыру үшін қаржы ресурстарын жұмылдыруға және шоғырландыруға бағытталатын болады.

Осылайша орта мерзімді перспективада бюджеттің әлеуметтік бағытталуы сақталатын болады және шығыстарды жоспарлау барысында негізгі басымдық облыс азаматтарының әл-ауқаты, атап айтқанда оларды әлеуметтік қолдау, денсаулықтары және білімдері, сондай-ақ экономиканың дағдарыстан кейінгі сапалы өсуі үшін жағдайлар жасау болып табылады.

Шығыстардың болжамдық көлеміне мемлекеттік функцияларды, өкілеттіктерді атқаруға және мемлекеттік қызметтер тізіліміне сәйкес мемлекеттік қызметтерді көрсетуге, сонымен қатар трансферттерді төлеуге және жергілікті атқарушы органның басқа міндеттемелеріне байланысты тұрақты сипаттағы шығыстар қосылды.

Есеп 7%-дық тұтыну бағаларының индексіне ұлғайтып (жалақы мен әлеуметтік аударымдардан тыс) қолданыстағы шығыстар құрылымының және болжамдық макроэкономикалық көрсеткіштердің негізінде есептелген 2014 және 2015 жылдарға болжамдық көлемдерді қосып, ағымдағы жоспарлау кезеңі үшінші жылының (2013 жыл) бекітілген шығыстар көлемінің негізінде жүзеге асырылды. 2013 жылдарға арналған шығыстарда материалдық-техникалық базаны нығайту ағымдағы шығыстарға 1% мөлшерінде есептелді.

Жаңа бастамаларға және бюджетік ұйымдарды күрделі жөндеуге арналған шығыстар стратегиялық және бағдарламалық құжаттарда белгіленген өңірдің даму басымдылықтарын, есепті қаржы жылының бюджеттік мониторинг қорытындыларын, есепті қаржы жылына стратегиялық жоспарды іске асыру туралы есептерді, қорытындылардың бағалануын ескере отырып, жергілікті бюджеттік бағдарламалар әкімшілері арасында бөлінеді және қосымша хабарланатын болады.

облыстық бюджетінің бюджеттік параметрлері

Орта мерзімдік перспективада бюджеттік инвестициялардың басты бағыттары:

1. Әлеуметтік саланы жаңашаландыру

Осы бағыттың шеңберінде Денсаулық сақтау саласын дамытудың 2011 - 2015 жылдарға арналған «Саламатты Қазақстан» мемлекеттік бағдарламасының және ҚР білімді дамыту бағдарламасының, Балаларды мектепке дейінгі тәрбиемен және оқытумен қамтамасыз ету жөніндегі 2010 - 2014 жылдарға арналған «Балапан» бағдарламасының, Жұмыспен қамту 2020 бағдарламасының іс-шараларын қаржыландыру жүзеге асырылады.

Білім саласында жаңа мектептерді салу есебінен мектепке дейінгі ұйым желілерін кеңейту, апаттық және үш ауысымдық мектептерді жою жөніндегі жұмыс жалғасады.

Денсаулық сақтау жүйесін дамыту бюджетінің негізгі мақсаты қолда бар керует қуаттылығын ұтымды және тиімді пайдалануға мүмкіндік беретін «100 аурухана құрылысы» жобасының шеңберінде салынып жатқан жаңа денсаулық сақтау объектілерін пайдалануға беру болып табылады.

2. Тұрғындардың тіршілік жағдайларын жақсарту, тұрғын үй-коммуналдық шаруашылықты, тұрғын үй құрылысын жаңғырту, тұрғындарды сапалы ауыз сумен қамтамасыз ету арқылы қол жетімділікті қамтамасыз ету, сумен жабдықтау және су тарту жүйелерін дамыту.

Осы бағыттың шеңберінде бірінші кезектегі тәртіппен 2011-2020 жылдарға арналған «Ақ бұлақ», ҚР тұрғын үй-коммуналдық шаруашылығын жаңғыртудың 2011 - 2020 жылдарға арналған бағдарламасы бойынша жобалар іске асырылады.

Сондай-ақ, «Қол жетімді үй 2020» бағдарламасының шеңберінде қол жетімді жалдамалы тұрғын үй салу жолымен тұрғын үй қорын ұлғайту жоспарланып отыр.

3. Заңды тұлғалардың жарғылық капиталдарын қалыптастыру немесе ұлғайту.