саудаласа келіп, оның салмағындай алтын береміз дейді. Сонда
ғана әлгі адам сатуға келісімін береді. Мұса адамдарға сиырды
сойып, жіліктеп, оның мүшелерімен өлікті қағуды бұйырады.
Аллаһ тағала: «Сол уақытта біреуді өлтірдіңдер де, сол
жөнінде таластыңдар. Аллаһ жасырғандарыңды ортаға
шығарды. Сөйтіп, «Өлікті соның мүшесімен қағыңдар» дедік.
Аллаһ осылайша өлікті тірілтіп, сендерге белгілерін
көрсетеді. Бәлкім, ойланарсыңдар», – деген.
Сиырдың мүшелерімен қаққаны сол еді, әлгі көсемнің
мәйітіне жан бітіп, тіріліп, өзін өлтірген адамды көрсетті де,
қайта өлі қалпына түсті. Аллаһтың көрсеткен осы кереметінен
кейін де исраилдіктердің жүректері жібімегендіктері жайлы
Аллаһ тағала:
«Содан кейін де жүректерің қатайып, тастай немесе тағы
қаттырақ болды. Өйткені тастар жарылып, одан өзендер
ағады әрі кей тастар қақ бөлініп, одан су шығады. Ал кей
тастар Аллаһтан қорқып, құлайды. Аллаһ істегендеріңнен
хабарсыз емес»
1
, – дейді.
Мұса мен Қыдыр
Сондай-ақ исраилдіктер жапан далада кезіп жүрген уақыт
аралығында Мұса мен Қыдырдың арасындағы оқиға болды. Бұл
оқиға Құран Кәрімде «Кәһф» сүресінің 60-82 аяттарында
баяндалған.
Убай ибн Кағб (Аллаһ оған разы болсын) Пайғамбардың
(с.а.с.): «Мұса пайғамбар Исраил ұрпақтарына уағыз айтып
тұрғанда одан: «Адамдардың ең білімдісі кім?» – деп сұрайды.
Сонда ол: «Ең білімдісі – мен», – деп жауап береді. «Аллаһ
біледі» деп айтпағаны үшін Аллаһ оны айыптады. Оған
Аллаһ: «Расында, екі теңіздің қосылған жерінде тұратын
1
«Бақара» сүресі, 67-74 аяттар.
220
Достарыңызбен бөлісу: |
