деді ол, Кенжетай ұсталып кеткесін (С.Мұқанов).
- А... Мен өзім де солай шығар деп ойлап ем... – деді де, Быков өз жөніне кетті
(Т.Мүсірепов).
– Алма, сен жақсы салдың еске! – деді Жанат, есіне жаңа түскендей
(Ғ.Мұстафин).
§34. Цифр немесе әріптер арқылы санамаланып айтылған сөйлемдерден
кейін нүкте, нүктелі үтір, кейде үтір қойылады.
§35. Жанды, жансыз заттарға қарата айтылған сөздер (қаратпалар) сөйлем
ішіндегі басқа сөздерден үтірмен ажыратылады. Қаратпа сөз сөйлемнің
басында тұрса, үтір оның соңынан, ортасында тұрса, екі жағынан, соңында
тұрса, одан бұрын қойылады: Жігіттер, ойын арзан, күлкі қымбат. Жүрегім,
нені сезесің! Сөз түзелді, тыңдаушы, сен де түзел (Абай). Тыңда, дала,
Жамбылды (Жамбыл). Тыныштал! Тынышталшы, Абайжан! (М.Әуезов).
§36. Қаратпа сөздің алдында өз анықтауыштары болса, олар қаратпа сөзден
тыныс белгісімен бөлінбейді. Қаратпа сөз анықтауыштарымен тұтасып,
сөйлемнің басқа мүшелерінен үтірмен ажыратылады:
Достарыңызбен бөлісу: |
