36
Мінеки, бұл оқиғалар мен дұғалар әрбір адамның Аллаһ нәсiп етiп,
қажылық яки умраға барғанда немесе күнде бес уақыт жүздерін Қағбаға
қаратып, намаз оқыған сәттерінде естеріне түсері хақ деп сенеміз.
Аллаһ тағала барлығымызға бұл болып өткен
оқиғаларды ғибрат алсын
деп түсірген. Әрбір мұсылман бұл хикаялардан пайда, үлгi-өнеге алып,
көңіліне түйгендерін іс жүзінде қолданып,
білгендерін игiлiкке жаратып,
қоғамға игі істер жасауға міндетті.
Бұл хикаядан алынатын пайда
1. Мұсылман адам ақыл-ойын пайдаланып, Ибраһим пайғамбардың
сенгенiндей, Аллаһ тағалаға иман келтіруі (сенуі) тиіс.
2.
Мұсылман адам еш қорықпай, әрқашан шындықты айтуы керек.
3. Мұсылман адам үнемi Аллаһ тағаланың өзiмен әрдайым бiрге екенiн,
оны қорғап, көмек беретiнiн бiлгені абзал.
4. Мұсылман адам Аллаһ тағаланың бұйырғандарын бұлжытпай
орындауға міндетті.
5. Мұсылман адам дұшпандардың тигізген зияны мен жасаған
қастандықтарына сабырлы болады.
6. Мұсылман адам кәпірлер мен
надандарға немқұрайды қарамай,
маңайындағылар тура жолға түскенше уағыз-насихат айтудан жалықпағаны
және оларды Аллаһтың дініне шақыруды бір сәтке де естен шығармағаны
жөн.
7. Мұсылман адам бабасы Ибраһимнiң дінін ұстанып, оның ұлы Исмаил
сияқты бойсұнушы болуы керек.
8. Мұсылман адам қайда болса да, бұзық
қоғамды өзгертуге тырысып,
адамдарды жақсылыққа шақырып, жамандықтан қайтарады.
9. Мұсылман адам мүміндердің түбінде жаннатқа, ал кәпiрлердiң тозаққа
кіретініне нық сенімде болады.
