ҚҰран кәрім хикаялары
жүктеу/скачать 0.91 Mb. Pdf көрінісі
|
- Бұл бет үшін навигация:
- Билқис патшаның Аллаһқа бойсұнуы
| Сыйға – сый
Билқис: «Егер соғыссақ, Сүлейменнің қалың қолы үй-жайларымызды талқандап, мәдениетiмiздi ойрандап тастайды. Сондықтан мен Сүлейменге қымбат бағалы сыйлықтар жiберiп, оның жауабын күтемiн», – деген тұжырымға келдi. Барлығы оның ойын қолдады. Сөйтіп, ол Сүлейменге арналған қымбат бағалы сыйлықтармен өз өкiлдерiн жiбердi. Һудһуд олардан бұрын келiп, Сүлейменді Билқистың жоспарымен таныстырды. Сүлеймен өкiлдердiң келуiне дейiн жүректердi сиқырлап алатындай жиһаздарымен сарайлар жасатып, дайындалды. Қонақтар алып келген сыйлықтарының Сүлейменнің мүлкiнiң алдында түкке тұрмайтындығына көз жеткiздi. Олар ғажайып сарайға келiп, көз жауын алатындай әсемдiктi көрiп, таңдай қағысты. Патшалары жiберген қымбат бағалы сыйлықтарын ұяла-ұяла Сүлейменге тапсырды. Бiрақ Сүлеймен жылы шыраймен: «Сыйлықтарың үшiн рақмет. Аллаһ маған әлемде ешкiмге берiлмеген байлықты берген. Сендердiң менің алдыма Хақ тағалаға бойсұнып, мүмін болып келулерiңнiң орнына сыйлық алып келгендерiңе риза емеспiн. Сендер Аллаһ тағаланың тура жолға түсулерiңдi қалап тұрғанын сезбей тұрсыңдар. Елдерiңе барып, күтiңдер. Бiз сендер бұрын- соңды көрмеген үлкен әскермен барып, елдерiңдегi әдiлетсiздiктi жоятын боламыз. Әдiлетсiздiктi жойып, кәпiр болғандарды қуып шығарамыз», – дедi. Өкiлдер алып келген сыйлықтарын қайта алып, патшалары Билқисқа барып, көрген, естiген, бiлгендерiн айтып бердi. Сонда Билқис: «Демек, Сүлеймен бiзден едәуiр қуатты екен. Бiз ендi кешiкпей, оның бұйырғанындай, мұсылман болып, бойсұнып, оның алдына баруымыз керек», – дедi. 87 Билқис патшаның Аллаһқа бойсұнуы Сүлеймен олардың келе жатқанын естiп, жындарға: «Қайсыларың Билқис мұнда келiп жеткенге дейiн оның тағын алып келе аласың?» – дедi. Ифрит есiмдi жын: «Мен оны сiз орныңыздан қозғалмай тұрып-ақ алып келе аламын. Бұйрық берсеңіз болғаны, қазiр-ақ жеткiземiн», – дедi. Сонда жындар арасында Аллаһтан бiлiм берілген бiреуi бар едi. Ол Ифриттiң сөздерiнен кейін Сүлейменге: «Мен оны көзiңiздi ашып-жұмғанша алып келе аламын», – дедi. Шындығында да, Аллаһ тағаланың құдiретiмен лезде- ақ Билқистың тағы Сүлейменнің қасында тұрды. Сүлеймен тақтың соншалық тез жеткiзiлгенiне қуанып: «Бұл – маған Раббымның берген қасиетi. Уа, Раббым! Бұл нығметiң үшiн сансыз шүкiршілік болсын», – дедi. Сосын Билқис патша өз тағын көргенде не дейтiнiн бiлулерi үшiн оны бiраз өзгертiп қоюларын бұйырды. Билқис қауымымен бiрге бұл елге де келiп жеттi. Сүлеймен оған бiраз өзгертiлген тақты нұсқап: «Тағыңыз осы ма едi?» – деп сұрады. Ол таңғалып: «Осы сияқты», – дедi өз көздерiне өзi сенбей, таққа қадала қарап. Сосын Сүлеймен оған шыныдан жасалған сарайға кiруiн ұсынды. Билқис патша сарайдың мөлдірлігін көріп, оны су екен деп ойлап, су тимесiн дегендей етегiн көтерiп алды. Сосын ол шындыққа көз жеткiзiп, өзiнiң сарайдың әсемдiгiмен, құрылысымен алданғанын бiлiп: «Уа, Раббым! Мен өзiме зұлымдық жасаған екенмiн. Ендi ұзақ уақыт сиынып келген күндi қойып, Өзіңе бойсұнушы болып, Саған келiп тұрмын. Уа, Раббым! Менi мейiрiмiңе алып, күнәларымды кеше гөр. Сен – мейiрiмдiлердiң мейiрiмдiсiсiң», – дедi. Осылайша Билқис патша Сүлейменнен қорыққанынан емес, Аллаһ тағаланы мойындағанынан мұсылман болып, тәубеге келді. Аллаһ тағаланың пендесi және пайғамбары Сүлейменге берген сансыз нығметтерi осындай. Оның пайғамбарлығымен қатар, әдiл патша болғаны да Аллаһтан берілген нәсіп еді. Патшалар мен әкiмдердiң Аллаһ тағалаға сенген мүміндер болып, халқына және өздерi сияқты патшалар мен әкiмдерге ақиқат дінін насихаттауы қандай ғанибет?! Әрi әрбiр адамның патшадан, әкiмнен қорыққанынан емес, жақсылықты қалағанынан, ақиқатқа қанағаттанғанынан Аллаһ тағалаға бағынып, иманға келгендiгi қандай жақсы?! Аллаһ тағаладан барлық пендесіне мұсылмандықты нәсіп етуін сұраймыз. |