Ш. Т. Таубаева педагогика ғылымдарының докторы, профессор
жүктеу/скачать 2.74 Mb. Pdf көрінісі
|
| «Қолдау хат»
Логотерапияда уақыт маңызды рөл атқарады. Виктор Франкл уақытты дәстүрлі үш негізгі өлшеммен көрсетеді: өткен шақ, осы шақ, болашақ. Өткен шақ қорқынышпен жұмыс істеу барысында маңызды ақпараттар көзі болып табылады. Тұлғаның қазіргі уа- қытта жиналған білімі, тәжірибесі, сезімдері мен ойлары өткен- 168 нің айнасы және ондағы тұлғаның іс-әрекеттері анық. Тұлғаның бұрынғы уақыттағы позитивті және негативті тәжірибелерімен жұмыс істеуге болады. Мысалы, бұрынғы жарыстарда жеңген сәтін позитивті тәжірибе ретінде пайдалана отырып, қорқыныш- пен күресте тірек ретінде қолдануға болады. Бұл тірек «бір рет қолымнан келді, екінші рет те қолымнан келеді» деген зәкірмен ұштасады. Мақсаты: «Өткеннен хат» қалдыру болашақтағы Менді қол- дау үшін қажет. Жеңіліс пен жеңістерден құралған өтпелі кезең- дерден хат өзін-өзі қолдаудың маңызын көрсетеді. Мұнда өткен шақ ресурстық рөл атқарады. Барысы: Қорқыныштарыңызды жеңгеннен кейін болашақ өзіңізге хат жазыңыз. – «болашақ Мен» сезімін түсінуге тырысыңыз; – қазіргі өзіңізге сенімді, мықты, белсенді күйіңізбен бөлісіңіз; – қорқынышты жеңуге әсер еткен ойлар, іс-әрекет, сенім- дер, әрекет немесе әрекетсіздіктерді еске түсіріңіз; – өзіңізді қолдап, алғыс айтыңыз! Хатты өзіңізге белгілі жерге сақтап қойыңыз, әр сәтсіздікте қолдау хат сізге демеу болады. Аталған әдістер кез келген қорқынышты басқару мен жеңуге бағытталады. Арт-терапия Арт-терапия (ағылшын тілінен аударғанда art – өнер, therapy – терапия дегенді білдіреді) – тұлғаның шығармашылық іс- әрекеттеріне негізделген психотерапияның саласы. Қазіргі таңда кең етек жая бастаған саланы алғаш рет тек сырқат, ауру адамдарды емдеуге ғана пайдаланды. Хилл бұл ұғымды тубер- кулез ауруына шалдыққан пациенттерімен жұмысын сипаттау үшін қолданған болатын. Ал АҚШ пен Германияда екінші дүние- жүзілік соғыстан кейін фашистік лагерлерде күйзеліске ұшыра- ған балалардың эмоциялық-тұлғалық мәселелерін түзету мақса- тында қолданды. Заманауи арт-терапияның негізгі үш бағыты көрсетіледі: 1. Клиникалық арт-терапия медицинада көмекші терапия ретінде қолданылады. Қарым-қатынасқа түсуде қиындығы бар пациенттермен қолдануға тиімді. 169 2. Психологиялық мәселелері бар адамдармен жұмыс істеу- де қолданылатын нақты өмірлік мәселелерді шешуге бағыттал- ған арт-терапия. 3. Тұлғаның дамуы мен өзін-өзі жетілдіруге бағытталған арт-терапия. жүктеу/скачать 2.74 Mb. Достарыңызбен бөлісу:
|