Удмурт кыл сярысь. Кыл сочетание но предложение. Предложенилэн членъёсыз. Однородной членъёс.

3. Портэм наклонениысь глаголъёсты уже кутыса, эшъяськон сярысь коня ке предложение гожтэ.

3-ти группалы ужъёс:

1.Учебникысь 310-ти ужез быдэстэ.(юрттись глаголъёссэ пусъёно).

2. 310-ти ужез быдэстэ (безличной глаголъёсын 5 предложение малпано).

3. Портэм наклонениысь глаголъёсты уже кутыса, эшъяськон сярысь коня ке предложение гожтэ.

Пиналъёс куспазы вераськыса ужъёст быдэсто но быдэс класс азьын вераською

Гуртэ уж. 57, 58, 59 §§. 305, 311 ужъёс. Итоговой контрольной ужлы дасяськоно.

Зачёт №28. Контрольной диктант. «Лоба, дыдыке» (Г.Ушаков «Удмурт кылъя диктантъёс», 84 бам).

А-Б-уровень: текстэз янгышъёстэк гожъяно.

В-уровень. Текстысь возвратной глаголъёслэсь но условной наклонениысь глаголъёслэсь суффиксъёссэс пусъёно.

Блок №29

1. Тема: Глаголы морфологической разбор. Глаголъя вань ортчемез тодэ ваён.

2. Цель: - глаголъя вань ортчемез тодэ ваён но пиналъёслэсь тодон-валанъёссэс радъян но муромытон.

3. Задачаос: - глаголлы морфологической разбор лэсьтыны дышетон;

- вераськон люкетъя тодон-валанзэс таблицае огазеяны но радъяны быгатонлыксэс азинтон но муромытон;

- пиналъёслэсь творческой быгатонлыкъёссэс азинтон.

Блоклэн мынэмез.

Лекция. Уроклэн темаеныз но целеныз тодматскон. Глаголъя вань ортсемез тодэ ваён понна, пиналъёс ньыль группалы люкиськыса ужало. Котькыд группа аслэсьтыз ужзэ быдэстэ: 1-ти группа доска дорын глаголъя огъя таблица лэсьтэ. 2-ти группа юанъёсъя ужа (юанъёс доска вылын):

• 
  Маин портэм глагол существительнойлэсь?
  
• 
  Кыче суффиксъёсны пормо возвратной глаголъёс? Кызьы соосты висъяно али дырын глаголъёслэсь?
  
• 
  Вералэ глаголлэн видъёсыз сярысь.
  
• 
  Мае спряжение шуо? Кызьы висъясбкомы I-ти но II-ти спряжениысь глаголъёсты?
  
• 
  Вералэ глаголлэн наклонениосыз сярысь.
  

3-ти группаысь пиналъёс доска дорын глаголы морфологической разбор лэсьто (312-ти ужысь кык глаголлы).

4-ти группа – экспертной группа: юанъёс дася, эшъёсызлы дунъет сётэ.

Пиналъёслы дасяськыны дыр сётиськомы. Нырысь ик кыл сётиськомы 2-ти группаысь пиналъёслы: соос, примеръёс вылэ пыкиськыса, юанъёссыл валэктонъёс сёто. Соос бере кыл сётиськомы 1-ти групппаысь пиналъёслы. Соос глаголъя та выллем схема лэсьто:

Пиналъёс валэкто, ма возьматэмын таблицаязы. Валэктонъёс сёто экспертной группалэн юанъёсызлы.

3-ти группаысь пиналъёс возьмато, кызьы лэсьтоно глаголлы морфологической разбор.

1-ти группаысь пиналъёслэсь таблицазэс ваньмыз лекционной тетрадьёсазы суредало.

Самопогружение, практикум. Доска дорын 312-ти ужез быдэстон – висъям глаголъёслы морфологической разбор лэсьтон.

Шудон. «Киросъёс – питыриос» («крестики-нолики»). Та шудонэн щудон понна, пиналъёс люкисько куинь группалы: кык командаос но экспертной группа (3 адями, усто дышетскисьёсыз полысь). Доска вылын ошемын станциосын план-карта. Со та выллем луыны быгатэ:

Быгатод-а?	Юан- веран	Кин мултэс?
Шедьты кыкети люкетме	Эскеры астэ	Зечбур, выжыкыл!
Ойдо малпаськом	Йыртиян	Нима монэ

Котькуд станциын пиналъёсты возьмало юанъёс, ужъёс. Кудиз команда станциын устогес ужа, заданиез шаплыгес но шонер быдэстэ, солэсь знаксэ ик пуктиськомы со станция вылэ (карта вылэ). Шуом, «Юан-веран»станциын вормизы «питыриос», О пус пуктиськоз «Юан-веран»станцилэн карта вылаз. Озьы, одиг командалэн пусъёсыз карта вылэ борсьысь борсе артэ 3 пол интыясько ке (яке паллянысен буре, яке улиысен вылэ, яке кечевыл), со команда ик вормисе потэ. Станциосын дасямын та выллем ужъёс:

1-ти станция. «Быгатод-а?».

Сётэм кылъёслы морфологической разбор лэсьтоно: «жутскылиз» (тюрагай), «кысэм», (инбам).

Котькуд команда ужез нимаз листокъёсы быдэстэ но экспертъёслы сётэ, соос чаклало, кудиз команда шаплыгес но янгышъёстэк быдэстиз ужез, книлэсь пуссэ пуктоно карта вылэ.

2-ти станция «Юан-веран».

Предложениосты пумозяз вуттэ (ужало устно):

Глаголлэн видъёсыз луо …

• 
  Возвратной глаголъёс пормо …
  
• 
  Безличной глаголъёс – со …
  
• 
  Глагол преодложениын луэ …
  
• 
  Глагол – со …
  
• 
  Глаголлэн условной наклонениез порме …
  

3-ти станция. «Кин мултэс?» (ужало устно):

• 
  Шудыны, бертыны, ужаны;
  
• 
  Шутэтскисько, ужасько, вуриськиськисько;
  
• 
  Дасяськы, эн азьтэмъяськы, верасал;
  
• 
  Ужалляны, зорылыны, вераны;
  
• 
  Ужай, верад, вералод, кырзамы,
  
• 
  Жадиське, пелляське, кынтэм, жадимы.
  

4-ти станция. «Шедьты кыкети люкетме».

Сложной глаголы кыкети люкет ватсалэ но шонер гожтэ:

Сураны …, юаны …, шум .., кырзаны …, ширъяны …, буре …, уммме …, пень …, тау …, кылыны … .

5-ти станция. «Эскеры астэ». Точкаос интые кулэ букваос пуктылыса, гожъялэ: Быр..ыны, жутск..зы, чаш..з, быр..зы, ла..м, у..мы, пор..яны, тол...зы, ворд..ськод, бычы.., сяська..ське, ну..сько, утялт…мы.

6-ти станция. «Зечбур, выжыкыл!».

Глаогл сярысь вакчияк выжыкыл малпалэ.

7-ти станция. «Ойдо малпаськом» (письменно).

Глаголъёс пормытэ, кыллюкетъёсъя эскере:

Жингыр, чыжыт, ческыт, бун, уд.

8-ти станция. «Йыртиян». кроссвордэз тодэ:

		1
	2
			3
4
		5
			6

Кроссвордлы юанъёс:

1. 
   Глаголлэн отрицательной частицаез. (Уг)
   
2. 
   «Шудысал» глаголлэн наклонениез. (условной)
   
3. 
   Глаголлэн одигез дырыз (али)
   
4. 
   «Улыны» глаголлэн видэз. (одиглыко)
   
5. 
   Кыче глаголъёс –ск суффиксъёсын пормо? (возвратной)
   
6. 
   Глаголлэн со нырысети, кыкети но куинети луэ. (лицо).
   

9-ти станция. «Нима монэ». (дыштиьс лыдзе, пиналъёс листокъёс вылэ гожъяло):

1. 
   Мон – собирательной числительной, В.п. сылисько;
   
2. 
   Мон – притяжательонй существительной, одиг лыдын, нарицательной, Н.п сылисько.
   
3. 
   Шоме возьматись прилагательной одиг лыд А.п;
   
4. 
   Определит. местоимение, сущ. воштисько, С. п сылисько;
   
5. 
   Мон – возвратной глагол, одиглыко видэ, али дырын, 2-ти лицое, трос лыдын,
   
6. 
   Мон – невозвр. глагол, одиглыко видэ, вуоно дырын, 1-ти лицое, одиг лыды.
   

Зачет №29.

А-уровень. Словарной диктант.

Бугыръяны, шобырскыны, шутэтскыны, палэнскыны, нюжтиськыны, утиськыны, уйыны, уяны, сэрттыны-пертчыны, сураны-пожаны, пушйыны, пушйиллям, чашъем, бырйиллям, пусъёз, лусйыны, вайыны, нциллям, шумпотисько, зарнивуаны, сисъяны-поръяны, керпотыны, тау карыны, буре вайыны, кылыны-бураны, улляны, бералляны, позырскем, вандиськыны

Б-уровень. Сётэм предложениысь глаголъёсолы морвологической разбор лэсьтэ.

• 
  Улонам самой дуноен мон лдыъясько вордиськем палъёсме.
  
• 
  Улон сюрес вылам пумиськылизы трос шуг-секытъёс.
  

В-уровень. Сётэм кылъёслэсь глаголъёс пормытэ но кыллюкетъёсъя эскере:

Блок№30

1.Тема: Ар чоже орчемез тодэ ваён. Итоговой контрольной уж но солы анализ.

2. Цель: - «текст», «лексика» но «морфология» разделъёсысь ар чоже ортчем валтись валатонъёсты тодэ ваён, пиналъёслэсь та удысын ар чоже басьтэм тодон-валанъёссэс радъян но муромытон.

3. Задачаос: - пиналъёслэсь тодон-валанъёссэс огазеяны но радъяны быгатэмзэс но сое графически суреданы быгатонлыкъёссэс азинтон но муромытон;

- итоговой тестированилы дасян.

Блоклэн мынэмез.

Лекция. Дышетись тодматэ пиналъёсты уроклэн темаеныз но целеныз но пусъе: туннэ урокын тодамы ваёмы текст но лексика сярысь 5-ти но 6-ти классъёсын ортчем материалмес, озьы ик тодамы ваёмы, ма выльзэ тодимы туэ дышетскон арын морфология разделъя. Ортчытомы блоуклэн пумаз итоговой контрольной уж. Юанъёъя ужан (соос доска вылын дасямын):

• 
  Кыл сярысь наукалэн кыче разделъёсыз бордын ужамы туэ дышетскон арын (пиналъёс пусъё текстэз, лексикаез но морфологиез)
  
• 
  Мае дышетэ текст, ма выльзэ тодиды текст сярысь таяз дышетскон арын? (пиналъёс пусъё текстлэсь стильёссэ)
  
• 
  Мае дышетэ лексика? Ма выльзэ тодиды таяз удысын туэ дышетскон арын? (асэстэм кылъёс, выль кылъёс, вуж кылъёс
  
• 
  Мае дышетэ морфология? Кыче вераськон люкетъёс бордын ужамы туэ дышетскон арын?
  
• 
  Ма выльзэ тодиды котькудиз сярысь туэ дышетскон арын?
  

Юанъёсты сэрттэм-пертчем бере, ужаськом, куинь группалы люкиськыса.

1-ти группа ужа текст бордын (доска дорын кластер лэсьтэ но валэктонъёс сётэ). 2-ти группа ужа лексика бордын (озьы ик кластер лэсьтэ но валэктонъёс сётэ).

3-ти группа (татын пиналъёс тросгес луыны кулэ но доска дорын инты но соослы тросгес висъяно) ужа морфология раздел бордын. Пиналъёслы дасяськыны дыр сётоно.

Самопогружение. Кластеръёссы та выллемесь луо. 1-ти группа текстъя быдэстэ таче кластер но вакчияк валэктэ валтись валатонъёссэ.

2-ти группаысь пиналъёс лексикая таче уж быдэстэо но вакчияк валэкто кластерзылэсь валтись валатонъёссэ.

3-ти группалэн ужез самой бадзым. Та группае пырись пиналъёс туэ дышетскон арын ортчем 4 вераськон люкетъёсъя огъя кластер лэсьто, существительнойлэсь, прилагательнойлэсь, числительнойлэсь но местоименилэсь валтись грамматической категориоссэс пусйыса. Кластерзы та выллем порме.

Пиналъёсты кылзон ноужам ужзылы огъя дунъет сётон.

Практикум, зачёт №30. Итоговой контрольной уж (котькуд дышетскисьлэн азяз).

А-уровень.

1. Точкаос интые кулэ букваос пуктылыса но скобкаосты усьяса, гожъялэ:

Горд (пыръем) сяськаос, дыдык (син), куака (гырлы), нин (губи), дись (кут), нюр (кот), яр (дур), чыжы (выжы), ю (нянь), ю (бусы), турын (куар), возь (выл), лызпыр (вож) буёл, ог (ёзо) эшъёс, ог (тусъем) сузэръёс, нап (чуж) дэрем, пурысялэс (тодьы) пилем, ог (огмес), оло (кин), кинэ (ке), ма (ке), кыдиз (огез), конязэ (ке), ма (мында), кык (куиньмос), дас (сюрс) вить (сю) куамын, тау (карыны), шуг (адзыны), паль (потыны), сураны (пожаны), пыраны (потаны).

2. Пумозяз вуттэ.

1. 
   Морфология – со …
   
2. 
   Местоимение прелдожениын луэ …
   
3. 
   Собирательной числительнойёс пормо …
   
4. 
   Текстлэн стильёсыз луо …
   
5. 
   Непределённой местоимениос пормо …
   
6. 
   Притяжательной суффиксъёс возьмато …
   
7. 
   Висъясь суффиксэн прилагательнойёс быгато …
   

3. Текстысь шедьтэ но пусъе существитеьнойёссэ, прилагательнойёссэ, числительнойёссэ, местоимениоссэ, послелогъёссэ но глвголъёссэ.

Гурезь йылын ик вол-вол вож куаро бадяр сылэ. Одиг писпу но, куакъёс но со котырын овол. Кисыриё-кисыриё пеймыт-пурысь мугорыз батырлэн кадь. Лабыр-лыбр вайёсыз тазаесь пельпумъёслы кельшо.

Б-уровень. Шедьтэ мултэссэ, валэктэ.

1. 
   Омоним, антоним, суффикс, синоним.
   
2. 
   Существительной, послелог, глагол, числительной.
   
3. 
   Котькин, котьконя, котькыче, котькытын.
   
4. 
   Сэзь, етиз, чупрес, котырес.
   
5. 
   Пуш..из, ла..из, ва..из, ну..из.
   
6. 
   Пегзиллям, пукиллям, косиллям, кожалля.
   
7. 
   Ульчаяд, коркаяд, садэныд, гуртад.
   

Эскере кыл люкетъёсъя:

Бусыосын, гуртэдлэн, гуртэныд, лысвуо, чужпыръем-вож, лызъёсыз, гордэктыны, котькинлы, олокинъёслэн.

В-уровень. Малпалэ предложениос, кытын прилагательной:

1. 
   Подлежащей.
   
2. 
   Сказуемой.
   
3. 
   Дополнение.
   

Падежъёссэс пусъе:

Куинетияз (коркан), чагырезлы, витьнамес, одиг кыкмосысь, бусыослэн, ульчаедтэк, витетиез, мынэсьтым.

Контрольной ужлы анализ лэсьтиськомы лаборатория урокын.