Удмурт кыл сярысь. Кыл сочетание но предложение. Предложенилэн членъёсыз. Однородной членъёс.

-Кыче кылпумъёсын гожтисько зуч кылысь пыреем прилагательнойёс?

- Ку гожтиське -ой кылпум? -ей кылпум? -ий кылпум?

Та юанъёс вылэ пыкиськыса, пиналъёс асьсэос лекционной тетрадьёсазы лэсьтыны быгато ини та выллем схема:

Ужзэс эскериськом, тупатъяськом янгышъёссэс.

Прилагательнойя вань ортчемез тодэ ваён понна, ужаськом таче юанъёсъя (доска вылын дасямын):

-Кыче вераськон люкетэз прилагательной шуо?

- Кыче тодметъёсызъя прилагательноез висъяны луэ существительнойлэсь?

- Кыче амалъёсын пормо прилагательгойёс?

- Кызьы гожтисько сложной прилагательнойёс?

Юанъёслы валэктонъёсты кылзэм бере, кутскиськом прилагательнойя огъя таблица лэсьтыны. Со та выллем порме:

( пиналъёс таблицаез лекционной тетрадьёсазы лэсьто).

Бадзымъёсаз корзинаосы самой чеберъёссэ, жалемъёссэ емышъёсыз тыримы.

Бадзымъёспаз корзинаосы) – прил., н.ф. бадзымъёсыз, чошатон степенез овол, висъясь суффиксэн, И, п. одиг лыд.

Учебникысь 31 § эскерон. (Зуч кылысь пыреем прилагательнойёсты шонер гожъян правилоосын тодматско). 167-ти ужез доска дорын валэктыса быдэстон: кыче кылпум пуктоно прлагательнойлы сояз яке таяз учыре.

Словарной диктант (пиналъёс быдэсто сое, доска доры потаса):

Коньыгубиё инты. Улыно-вылыно юрт, зарыт-чуж штора, визьнодо адями, огтусъемесь сузэръёс, чыры-пыры уж, тодьыалэс-пурысь костюм, льольпыр-тодьы буёл, бездыт-вож турын, нап-чуж кышет, чужпыр-вож борддор, огвыллемесь сяськаос, куинь килограммъем гира, чужпыръем-вож турын-куар, сьодмыт-вож клевер, чужмыт-вож писпу куаръёс.

Кылъёсты эскерон, сложной прилагательнойёсты шонер гожъян правилоосты тодэ ваён.

Практикум. Группаосъя ужан.

1-ти группа. Текст бордын ужан.

Улонлэн сюресэз гырко(гопо), гутёе (выро). Нокин но пыд улад небыт ковёр вальыса уз дася. Бугырес улонлэн читыр(чутыр) сюрес кузяз йыгмыт вамышъёсын ортче художник А.Н.Абрамов но. Вордиськиз Алнаш ёросысь Зачча черкогуртын. Пичи дырысеныз яратэ аслэсьтыз гуртсэ, паймымон инкуазьзэ, тусныкъяське калыклэн вашкала улонэныз. Солэн картинаосысьтыз вашкала дауръёсысь юзмыт тол пельтэ, визьмес бугыртэ. Огшоры учкисьёсты малпаськытэм сяна, кемалась-кемалась ортчем вапумъёсы вуттэ.

Ужъёс:

- Прилагательнойёссэ пусъе.

- Ма тодиды А,Н. Абрамов сярысь, текстэз лыдзыса?

-Кызьы валаськоды 1-ти но 2-ти предложениослэсь пуштроссэс?.

2-ти группа. Текст бордын ужан. (Ужало Абрамовлэн «Пойшурась» картинаезъя).

А.Абрамовлэн»Пойшурась» картинаяз возьматэмын вашкала пойшурась. Адзиське, та воргорон кужмо шуыса: паськыт пельпумо, киосыз бадзымесь. Бамыз ыргон тусъем: кырын ужаса, толамын, шундыен пыжемын. Йыраз солэн балян ку, кусказ е, со бордын лэчыт пуртэз, тамак пуйыез юнматэмын. Кускерттонэз векчи коньдонэн чеберъямын. Одиг кияз лэчыт шибоды возе, мукетыныз визьмо пунызэ веша.

Ужъёс:

-Текстэз выразительно лыдзе, прилагательнойёссэ пусъе.

-Валэктэ «шибоды», «кускерттон», «ыргон» кылъёслэсь значенизэс.

Пиналъёс ужзэс быдтэм бере, вераськемзэс кылзиськом, (кыкети группа вераськон азьын тодматскиськомы А.Абрамовлэн «Пойшурась» картинаеныз). Дышетись тодматэ пиналъёсыз зачётэн: туннэ зачётын гожтомы А.Н. Абрамовлэн «Пойшурась» картинаезъя сочинение.
Зачёт№17. Вераськон кылэз волятон. А.Н.Абрамовлэн «Пойшурась» картинаезъя сочинение гожтон. (Уже кутыны луоз «Вордскем кыл» 1998 №4 материалэз) . Юанъёсъя ужан:

-Кинэ адзиськомы суред вылысь?

- Мая валаны луэ, со вашкала пойшурась шуыса?

- Кызьы со дисяськмын?

_Пыр-поч эскере солэсь ымнырзэ: кыче сямъёсыз сярысь верало солэн кышкасьтэм, визьмо синъёсыз, толам ымнырыз, кужмо, силё-виро мугорыз?

-Кыче возьматэмын инкуазь, тэль?

- Маин кельше тиледлы пойшурась?

_Кыче мылкыд кельтэ та суред?

4. 
   А.Н.Абрамов – тодмо удмурт художник.
   

1. 
   вылтусыз: (ымнырыз, дисез, ожмаськон тирлыкез);
   
2. 
   пуныез- пойшурасьлэн оскымон эшез;
   
3. 
   вашкала тэльлэн вылтусыз.
   

5. 
   Маин тунсыко картина туннэ нуналын?
   

Блок №18

1. 
   Тема: Числительной сярысь валан. Количественной но порядковой числительнойёс.
   
2. 
   Цель: - числительнойёсын тодматон но количественной но порядковой числительнойёс сярысь валан сётон;
   

3. Задачаос: - числительнойёсты предложениысь шедьтыны но пуштросэзъя кыче группае пыремзэ валаны дышетон.

• 
  Кыче вераськон люкетъёсын тодматским ни туэ дышетскон арын?
  
• 
  Ма выльзэ тодиды существительной, прилагательной сярысь туэ дышетскон арын?
  
• 
  Ма тодиськоды ни числительной сярысь начальной классъёсысь?
  

• 
  Витялэн корзинаяз ог куамын ёрос яблокез.
  
• 
  Бакчамылэн кык куиньмосаз картофка мерттэмын.
  
• 
  Куинь кузя нюлэскы вамыштим.
  
• 
  Дас куинети коркан улэ мынам эше.
  

Учебникысь 32, 33 §§ тодматскон. Пиналъёс шара лыдзо параграфъёсысь правилоосты но примеръёсты.

• 
  Кыче вераськон люкетэз существительной шуо?
  
• 
  Кыче вераськон люкетэз прилагательной шуо?
  
• 
  Маин портэм самостоятельной но юрттись вераськон люкетъёс ог-огзылэсь?
  
• 
  Кыче юрттись вераськон люкетэз ти тодиськоды ини?
  
• 
  Кызьы пормо сложной кылъёс?
  
• 
  Вакчи гожен гожтиськись сложной существиельнойёслы 5 пример вералэ.
  
• 
  Ма со текст?
  
• 
  Текстлэсь кыче типъёссэ ти тодиськоды?
  
• 
  Мае дышетэ лексика?
  
• 
  Кыче вераськон люкетэз числительной шуо?
  
• 
  Малпалэ предложение, кытын существительно сказуемой луэ (письменно ужа быдэс группа)
  
• 
  Малпалэ предложение, кытын прилагательонй сказуемой луэ (письменно ужа быдэс команда).
  
• 
  Кызьы пормо порядковой числительнойёс?
  
• 
  Кызьы пормо дробной числительнойёс?
  
• 
  Предложеилэн кыче членэз луыны быгатэ существительной?
  
• 
  Кыче существительнойёсты притяжательной шуо?
  
• 
  Ёросэз возьматись числительнойёслы 3 пример вералэ.
  
• 
  «Ческытэз улмо» кыл сочетаниез А.п., Лт.п. пуктэ.
  
• 
  «Сюлмо» кыллы синоним малпалэ.
  
• 
  «Чалмыт» кыллы синоним малпалэ.
  
• 
  «Вить пол вить – кызь вить» предложениын числительнойёсыз кыче член луо?
  
• 
  «Витя эшъёсыныз нюлэскы губияны кошкиз» предложениысь шедьтэ существительнойёссэ но пусъе соослэсь падежъёссэс.
  

А-уровень. Мини-диктант.

«Удмурт дунне» газетлэн призэз понна велосипедэн чошатсконъёс элькунамы туэ дас одигетиез вал. Пиос ныль сю иськем сюресэз ортчизы. Соослэн жоглыксы часкын куамын укмыс - ньльдон вить иськем луиз. Нырысети интые потиз «Динамо» командаысь Андрей Карпов. Кыкети интые потиз «Ижпланетаысь» Слава Стрелков, нош куинети инты сётэмын вал «Соколысь» Юра Матвеевлы. Самой пинал велосипедистлы вал дас куинь арес гинэ.
Б-уровень. Числительнойёссэ пусъе, кыче группае соос пыро.
В-уровень. Предложениос малпалэ, кытын числительной луэ:

а) Определение.

б) Подлежащей.

в) Дополнение.

Блок №19

1. 
   Тема: Числительнойёслэн склоненизы.
   
2. 
   Цель: числительнойёс сярысь тодон-валанзэс паськытатон но муромытон;
   

3. Задачаос: - портэм гурппаосы пырись числительнойёсты падежъёсъя вошъяны дышетон;

- числительнойёсты удмурт кылын шонер вераны но гожъяны дышетон;

- бордгазетэ заметка гожтыны быгатонлыксэс азинтон но муромытон;

- числительнойёсты кыллюкетъёсъя эскерыны дышетон.

3. Задачаос: - числительнойёсты предложениысь шедьтыны но пуштросэзъя кыче группае пыремзэ валаны дышетон.

Юанъёсты сэрттэм-пертчем берамы, эскериськомы доска вылысь предложениосты:

• 
  Республикаямы 49 сюрслэсь тросгес дышетскисьёс «Ижсталь» двореце ёлкае ветлизы.
  
• 
  Витьназылы ик кельше быръем ужзы.
  
• 
  Кыкысь куштоно одиг куиньмоссэ.
  
• 
  Кыкети коркан улэ милям дышетисьмы.
  
• 
  Кыкетияз коркан улэ дышетисьмы.
  
• 
  Кыксэ улмоме сузэрелы сёти.
  
• 
  Кык улмоме сузэрелы сёти.
  

Тренировочонй ужъёсты быдэстон. 189, 194,197ти ужъёсысь 1-3 рпедложениоссэ , 200-ти ужысь(1, 2, 4, 5-ти предложениоссэ) доска дорын комментировать карыса быдэстон.

Та ужъёсты письменно быдэстыса, пиналъёс портэм группаысь числительнойёслэсь падежъёсъя вошъяськемзэс эскеро но асьсэос но соосты кулэ падеже пуктыны дышетско.
Практикум. Группаосъя ужан. 1-ти группалы ужъёс.

1.Текст бордын ужан.

Гера эше кыкетизэ арзэ школае ветлэ мукет гуртэ. Со дышетске куатети классын. Классазы кык Олязы. Нырысетиез бордгазетсылэн редакторез, нош кыкетиезлы кельшем библиотекарьлэн ужез. Кыкназы но нылашъёс тыршыса ужало, кыкназылы но кельше быръем ужзы.

Ужъёс:

• 
  Текстэз гожъялэ, числительнойёссэ пусъе.
  

• 
  Пуштроссыя кыче группае соос пыро.
  

• 
  Падежъёссэс пусъе.
  

3 – 2/4= ; 314 – 15 = 299; 20х4 = 80.

3. Вошъялэ падежъёсъя:

«ньыльнамы», «куинетиез корка».

1. Текст бордын ужан.

Куатети классын дышетскись пиналъёс вазь чукна ик сюрес вылэ потизы. Коля но Саша кыкназы ик визнанъёс басьтиллям, чорыганы малпало. Мукетъёслэн но киосазы мазы но созы вань. Ог кызь минут ортчыса, пиналъёс тымет дорв вуизы. Пиос ог дас чорыг кутизы, витез соос полысь чабакъёс. Саша нош кыксэ карасьёсты но пояны быгатиз.

Ужъёс:

• 
  Текстэз гожъялэ, числительгойёссэ пусъе.
  

• 
  Пуштроссыя кыче группае соос пыро.
  

• 
  Падежъёссэс пусъе.
  

49:7 = 7; 38х3 = 114; 4/13 – 2/14 = 2/13.

3. Вошъялэ падежъёсъя: «одиг быдэс но кык куиньмос».

Пиналъёс котькудиз быдэс ужлэсь ас люкетсэ быдэстэ,группаын ог-огзэс кылзо, быдэс класс азьын вераськыны дасясько. Пиналъёсты кылзон.

Одиг но жыны гектар ёрос музъеммы, зо кузя пиналъёс, 4-5 убоосы, куатети инвожое, 60-70 модос помидор, кык куиньмоссэ будэтэм емышъёсмес, ог куамын ведра сутэр, 50 пала банка варення.

Блок № 20

1.Тема: Простой но составной числительнойёс. Числительнойёсты шонер гожъян.

2. Цель: - простой но составной числительнойёс сярысь валан сётон;

- числительнойёсты шонер гожъян правилоосын тодматон:

- сложной существительнойёсты но сложной прилагательнойёсты шонер гожъян правилоосты тодэ ваён.

3. Задачаос: -числительнойёсты шонер гожъяны дышетон;

- пиналъёсты контрольной диктант гожтыны дасян.

пыремзэ валаны дышетон.

Блоклэн мынэмез.

Лекция. Уроклэн темаеныз но целеныз тодматскон. Числительной сярысь азьвыл блокъёсын ортчемез тодэ ваён:

• 
  Кыче вераськон люкетэз числительной шуо?
  
• 
  Кыче группаослы люкисько количественной числительнойёс?
  
• 
  Кызьы пормо порядковой числительнойёс?
  

• 
  Ньыльдон, куамын, дас.
  
• 
  Сюрс укмыс сю витьтон ньыль.
  
• 
  100-озь, 1941-ти арын.
  
• 
  3⁰-озь (куинь градусозь), 25%-лы (кызь вить процентлы).
  
• 
  9-ти Мае (Укмысэти мае), в-ти Март (Тямысэти март).
  

Учебникысь 34, 39 §§ эскерон.

Словарной диктант

Укмысэти мае, сюрс укмас сю сизьымдон витети, дас-дас вить вамыш, кык-куинь нунал, дас градусозь шунтыны, 10⁰-озь шунтыны, сю дас-сю дас вить миллион, ог кызь вить пол, ныльнамы, вить полэс, кык кузя, огпол, одиг пол, одиг быдэс но куинь дасмос, дас вить кызьмос.
Практикум. Группаосъя ужан. 1-ти группалы ужъёс:

1. 
   Предложениосты гожтэ, числительнойёссэ букваосын гожтэ. Кыче группае пыре котькуд числительной.
   
   • 
     1897-ти арын удмуртъёс полысь ваньзэ-оволзэ 32 адями гинэ начальной образованиен вал.
     
   • 
     1939-ти арын удмуртъёс полын гожтэт тодисьёслэн лыдзы йылиз 81,2%-озь.
     
   • 
     Писпу сяська кулэ луыку, вайёсты бадзымен тияно овол, 20-30 см. кузьда вай йылъёсты пуртэн вандылоно.
     
   • 
     Пиналъёс витьназы ик 6-ти классэ ветло.
     
2. 
   Числительнойёсты букваосын гожтэ: ; 10 075; 4,5; 156 457; .
   
3. 
   Портэм числительнойёсты уже кутыса, асьтэ классты сярысь пичияк текст малпалэ.
   

2-ти группалы ужъёс.

1. 
   Предложениосты гожтэ, числительнойёссэ букваосын гожтэ. Кыче группае пыре котькуд числительной.
   
   • 
     1914-ти арын странаысьтымы 76 библиотекаын ог 50 000 000 том книга вал.
     
   • 
     Гектар вылысь нюлэс 30 кузя муртлы тырмымон озон но фитонцид сетэ.
     
   • 
     Пашпумульы зечлыкезъя 1,5 пол узыр кой парсь сильлэсь.
     
   • 
     Котькуд ар гектар нюлэс улэ куашка 2 тонна пала лыс, писпу куаръёс, чыжинъёс, писпу сул.
     
2. 
   Гожъялэ букваосын: ; 25 673; 1,6; 200 756; 3,9.
   
3. 
   Портэм числительнойёсты уже кутыса, асьтэ классты сярысь пичияк текст малпалэ.
   

Контрольной диктант. «Дас кык кузя» (Г.А.Ушаков «Удмурт кылъя диктантъёс»,71 бам).

АБ-уровеньёс. Текстэз янгышъёстэк гожъяно.

В-уровень. Текстысь порядковой числительнойёсты пусъе.

Блок №21

1.Тема: Числительнойёсъя вань ортчемез тодэ ваён. Числительнойлы морфологической разбор.

2. Цель: - числительнойёсъя вань тодон-валанзэс паськытатон но муромытон, морфологической рвзбор лэсьтон схемаен тодматон;

- существительнойёсъя но прилагательнойёсъя ортчемез тодэ ваён.

3. Задачаос: - числительнойя азьвыл урокъёсын басьтэм тодон-валанзэс огазеяса но радъяса, огъя таблицаын суредаса возьматыны быгатонлыксэс азинтон но муромытон;

Портэм вераськон люкетъёсты ог-огенызы чошатыса, соослэсь огкадьзэс но портэмлыкъёссэс шодыны быгатонлыксэс азинтон;

- числительнойлы морфологической разбор лэсьтыны дышетон.

Блоклэн мынэмез.

Лекция. Уроклэн темаеныз но целеныз тодматэмез бере, дышетись пиналъёсты люке кык группалы. Нырысети группае пырем пиналъёс доска дорын лэсьто числительнойёсъя таблица,(азьвыл ортчем вераськон люкетъёсъя) нош мукетъёсыз ужало учебникын 106-ти бамын сётэм юанъёсъя (эскеро 1-5, 7, 8-ти юанъёсты).

Пиналъёслы дасяськыны дыр сётиськомы.

Нырысь кыл сётиськомы 2-ти группаыст пиналъёслы: примеръёс вылэ пыкиськыса, соос юасъёслы пыр-поч валэктонъёс сёто, собере эскериськомы 1-ти группаысь пиналъёслэсь таблицазэс. Таблицазы та выллем порме (сое соос сущесттвительнойя но прилагательнойя лэсьтизы):


Ужам ужзылы дунъет сётиськомы.

105-ти бамысь числительнойлы морфологической разбор лэсьтыны схемаез эскерон но числительнойлы разбор лэсьтыны дышетскон. (учебникъя).

• 
  Нырысетияз коркан улэ самой матысь эше.
  
• 
  Ог тямыстонзэ улмоез нимаз корзинаосы тырим.
  

Выборочной диктант

Текст.

Нюлэскы узыяны-борыяны, губияны, пушмульыяны ветлыкуды, жалялэ нюлэсэз. Тодады возе: пушмульы аслаз зечлыкезъя одиг быдэс но вить дасмослы узыргес парсь сильлэсь, ог дас куинь-дас ньыль пол узыргес грушалэсь но улмолэсь. Мульыосын сизьымдон процент ёрос воез, белокез но портэм витаминъёсыз.

Гектар вылысь нюлэс куамын кузя адямиослы тырмымон озон но фитонцид сётэ, нош нюлэс ул одиг но жыны тонна пала губизэ кузьма.

Пиналъёс текстысь числительнойёссэ гинэ бырйыса гожъяло но радъяло соосты таблицае. Таблицазы та выллем луыны кулэ:

Порядковой	Количественной
	Ёросэз возьматись	Собирательной	Дробной
сюрс укмыс сю сизьымдон тымысэти	ог дас куинь-дас ньыль сизьымдон процент ёрос, кызь-куамын, куатьтон кык пала , ог кызь укмыс мында	куамын кузя	одиг быдэс но вить дасмослы, одиг но жыны

Текстлэн пуштросэз бордын ужан:

• 
  Кыче узырлык со – асьмелэн инкуазьмы?
  
• 
  Быгатиськом- а сьиеос сое дунъяны?