Удмурт кыл сярысь. Кыл сочетание но предложение. Предложенилэн членъёсыз. Однородной членъёс.



бет5/9
Дата10.07.2016
өлшемі1.46 Mb.
#189159
түріЛекция
1   2   3   4   5   6   7   8   9

Самопогружение. Учебникысь 25, 26, 27 §§ эскерон. Дышетись юа: ма выльзэ тодиды прилагательной сярысь, учебникез лыдзыса? Пиналъёс верало прилагательнойлэн чошатон степенез сярысь, кудзэ нош ик пыртиськом кластере. Озьы кылдэ выли суредам кластер, кудзэ пиналъёс лекционной тетрадязы но быдэсто. 140, 141 ужъёсты доска дорын быдэстон. Прилагательнойёссэ шедьто но пуъё, предложенилэн кыче членэз соос луо. 144, 145 асьсэ коже быдэсто.
Практикум. Шудон – путешествие «Тодон-валан шаере». Та шудонэн шудыны кулэ луоз бадзым карта. Пиналъёс куинь группалы люкисько: кык команда но визьпогъёс – экспертной группа. Пиналъёс, пыже пуксьыса, одиг шормучысь мукет шормуче ветло. Доска вылын ошемын бадзым карта. Со та выллем луын быгатэ:

Нырысети шормуч. Татын возьма пиналъёсты Нюшмылёклэн гожтэтэз. Дышетись тодматэ пиналъёсты Нюшмылёкен. Со «Кизили» журналысь одигез герой, кудиз ке дышетскыны азьтэмъяськегес. Соин ик солэн гожтэтаз но янгышъёсыз луыны быгатозы. Ойдолэ гожтэтсэ лыдзом но янгышъёссэ пусъём, - вазиське дышетись. Нюшмылёклэн гожтэтэз (сое возьматыны луоз графопроектор пыр) та выллем луыны быгатэ:

Зечбуресь гажано, пиналёс! Отисько тиледыз куное, паймымон дунее – тодон валан шаере. Отын возьмалозы тиледыз: тунсыко ужъёс, паймымон пумиськонъёс, йыр тиянъёс. Ойдолэ жоггес сюрес вылэ!

Тиляд Нюшмылёкты.

Котькуд команда гожтэтысь янгышъёсты, листок вылэ гожъяса, визьпогъёслы сётэ, соосыз пиналъёслэсь ужъёссэс дунъяло но баллъёс пуктыло.

Кыкети шормуч. «Юан-веран». Татын пиналъёсты возьмало юанъёс. Дышетись соосты командаослы ачиз сётъя. Пиналъёс юанъёслы устно валэктонъёс сёто. Котькуд шонер ответ понна визьпогъёс командалы жетон сёто. Озьы, кыче команда тросгес жетон люка, солэн ик тросгес баллъёсыз но люкасько. Юанъёс та выллем луыны быгато:

1-ти командалы: коня падежъёсъя вошъясько луло предметэз нимась существительнойёс?

2-ти ком: кыче сложной существит. гожтисько вакчи гожен?

1-ти ком: кыче учыръёсы кылпум суффикс азе султыны быгатэ?

2: ма со кыллэн лексической но грамматической значениез?

1: кыче стилен гожтэм текстысь басьтэмын та кылъёс: «инльоль, «крезьгур», зардон»?

2: кыче типъем текст кутскыны быгатоз таче кылъёсын: одиг пол шулдыр гужем нуналэ…

1: ма одиг кадез но ма портэмлыкез послелог но наречие вискын?

2: шедьтэ мултэссэ: морфология, прилагательной, омоноим, приставка.

1: маин портэм послелог предлоглэсь?

2: предложенилэн кыче членэз луыны быгатэ прилагательной?

Юанъёслы валэктонъёс сётэммы бере, выжиськомы куинети шормуч доры. Татын уло сложной кылъёс. (Карта вылэ суредано яке лякылоно сяськаосты, губиосты, мукет сложной кылъёсын верам предметъёсты). Дышетись тодматэ пиналъёсты шормучын улись геройёсын но вера, соос куспазы керетиллям но ог-огенызы уг ни верасько шуыса. Соослэсь кусыпъёссэс тупатыны луоз, соос сярысь огъя текст малпаса гинэ. Пиналъёс, сложной кылъёсты уже кутыса, вакчияк текст малпало. Солы но дунъет сёто визьпогъёс.

Ньылети шормуч «Йыритян». Пиналъёс татын кроссвордэз сэрттон-пеотчон бордын ужало.


Корссвордлы юанъёс:

1.Пуштроссыя ог-огзылы матын луись кылъёс. (синоним)

2. Кинъя? Мая? юанъёслы валэктон сёись падеж. (луонъя)

4. Кинтэк? Матэк? юанъёслы валэктон сётись падеж. (кельтон)

5. Кинлы? Малы? юанъёслы валэктон сётись падеж. (сётон)

6. Куспазы герзаськем предложениос. (текст)

7.Текстлэн одигез типез. (повествование)

8. Вераськон люкет, кудиз нима предметлэсь портэм тодметъёссэ. (прилагательной)

9. Предметлэсь кинлэн яке малэн луэмзэ возьматись суффиксъёс. (притяжательной)

10. Кыче стилен гожтиське ялон? (деловой)

11. Юрттись вераськон люкет.(послелог)

12. Вылтуссыя одиг кадесь, пуштроссыя портэмесь кылъёс. (омоним)

13. Пуштроссыя ваче пумит луись кылъёс. (антоним)

14. Текстлэн одигез типез. (описание)

15. Текстлэн одигез стилез. (деловой).




1




























2






















3










4

























5



















6
















7











































8











































9














































10

























11































12






















13

























1
15
4



















































Пиналъёс быдэстэм кроссвордзэс виэьпогъёслы сёто. Соосыз, пиналъёслэсь ответъёссэс но быдэстон жоглыксэс лыдэ басьтыса, команадослы баллъёс пуктыло. Итогъёс лэсьто визьаогъёс ик: кудих команда тросгес балъёс люказ.

Гуртэ уж: 25, 26, 27 §§, 146, 150-ти ужъёс.
Зачёт №14.

А, Б-уровеньёс. В.Белыхлэн «Арчакар базар» картинаезъя творческой диктант (текстэз янгышъёстэк гожъяно но кулэ прилагательнойёс пуктылоно художниклэсь картиназэ возьматоно).


В.Белых – (тодмо удмурт) художник. Пинал дыръяз ик шодиськиз ини та (визьмо, нодлыко) пияшлэн котырысь инкуазез (яркыт, узыр, аспортэмлыко) буёлъёс пыр адзыны быгатэмез.

В.Белых аслаз суредъёсаз мур эскере (вашкала) удмуртъёслэсь улэм-вылэмзэс. Одигез солэн суредэз «Арчакар базар» нимаське. Татысь адзиськомы (паймымон, адзылымтэ) дисьёсын дисяськем адямиосты, соослэсь (портэм, дуно) вузъёссэс. Базаре лыктэм адямиос (лякыт, зеч) сямоесь, (капчи, жутскем) мылкыдын ог-огенызы верасько. Татын вань (арлыдо, мойы) воргоронъёс но, (егит, пинал) нылкышноос но, (пичи) пиналъёс но.

Суред шоры учкыса, син азе пуксе (юн, батыр, вашкала) Арчакар: (вольыт, кужмо) коръёслэсь лэсьтэм юртъёс, (жужыт ) бордъёс утё сое (лек, кышкыт, адземпотостэм) тушмонъёслэсь.
В-уровень. Малпалэ вить кыл сочетание (прил. + сущ.). Прилагательной возьматэ:


  • шомез;

  • арлыдэз;

  • материалэз;

  • сямез;

  • буелэз.

Блок №15.

1. Тема: Висъясь суффиксэн прилагательнойёс но соослэн склоненизы.

2. Цель: - Висъясь суффиксэн прилагательнойёсын но соослэн падежъёсъя вошъяськеменызы тодматон;

3. Задачаос: - висъясь суффиксэн прилагательнойёсты падежъёсъя вошъяны но соосты шонер гожъяны дышетоно;

-висъясь суффиксэн прилагательнойёслэсь падежъёссэс тодманы но кулэ падеже пуктыны дышетоно.

Блоклэн мынэмез.

Лекция. Уроклэн темаеныз но целеныз тодматон. Прилагательной сярысь кылем блокын ортчемез тодэ ваён:


  • Кыче вераськон люкетэз прилагательной шуо?

  • Мае возьматэ прилагательной?

  • Кызьы порме прилагательнойлэн чошатон степенез?

Выль темаен тодматскон понна доска вылын дасямын предложениос.

Жужыт корка син шоры йотэ. Жужытэз корка син шоры йотэ.

Чагыр лентаелы эше синмаське. Чагырезлы лентаелы эше синмаське.

Пиналъёс предложениосысь чошато прилагательнойёсты но пусъё: кыкети столбикысь прилагательной-ёслэн вань -эз, -ез суффиксъёссы. Нырысети столбикысь прилагательнойёс, существительной котькыче падеже мед пуксёз, падежъя уг вошъясько. Нош кыкети столбикысь прилагательнойёс падежъя вошъясько. Озьыен -эз, -ез суффикс сётэ луонлык прилагательнойёслы вошъяськыны падежъёсъя. Басьтиськом коня ке падежъёсты но вошъяськом «жужытэз корка» кыл сочетаниез падежъёсъя (пиналъёс сое лекционной тетрадьёсазы лэсьто):

Н. жужытэз корка,

А. жужытсэ коркаез,

В. жужытэзлэн коркалэн,

С. жужытэзлы коркалы,

Лт. жужытэныз коркаен,

И. жужытаз коркан.

Прилагательнойлэсь падежъёсъя вошъяськемзэ эскерыса, пиналъёс выводъёс лэсьто: висъясь суффиксэн прилагательнойёс падежъёсъя вошъясько, притяжательной существительнойёс сямен ик. Лекционной тетрадязы тазьы гожто:

В: прилагательнойёс висъясь (-эз, -ез, -ыз) суффикс куто но падежъёсъя вошъяськыны кутско. Вошъясько, притяжательной существительнойёс сямен ик.


Самопогружение. Учебникысь 28 § быдэс классэн эскерон. Прилагательнойёслэсь падежъёсъя вошъяськемзэс чаклан. 156-ти ужез доска дорын быдэстон. Прилагательнойёсты кык столбике радъяса гожъяло тазьы:

Огшоры прилагательнойёс

Небыт жуй

Кыз лысъёс

Тодьы-тодьы нырзэ

Возьдаськись нылмурт

Нордос, чарс-чарс губи

Будись лиялгубиос

-эз, -ез, -ыз

Тодьыез нингуби

Бадзымез губи

Пичиез губи

Гордмытъёсыз, вожмытъёсыз коньыгуби.



Ужлы анализ лэсьтон. Сётэм кыл сочетаниосысь прилагательнойёсты, висъясь суффиксэн карыса, кылэ падеже пуктыны дышетскон:

Усьтэм укноос - (усьтэмъёсыз укноос)

Сайкыт малпанъёсты - (сайкытъёссэ малпанъёсты)

Жужыт писпуэз - (жужытсэ писпуэз)

Яркыт сяськаен - (яркытэныз сяськаен)

Бездыт буёллэсь - (безжытэзлэсь буёллэсь)

Веськрес кызьпуос - (веськресъёсыз писпуос)

Жужыт пуконтэк - (жужытэзтэк пуконтэк)

Пиналъёс нырысь существителтнойлэсь падежзэ тодмосто, собере ини со падеже пукто прилагательноез но, солы висъясь суффикс ватсаса.


Практикум. Группаосъя ужан. 1-ти группалы ужъёс. Текст бордын ужан.

Сялатурын

Сизьыл нюлэс адямилы вань узырлыксэ сётэ кисьмало горд-гордэсь емышъёс жужало портэм губиос. Чырстурын гинэ сизьыл уг луы ни. Чырстурынэз воштыны быгатоз сялатурын. Жужытъёсызлэн писпуослэн выжыосысьтызы сое лачак шедьтод. Ненег куаръёсыз векчиесь кузесь овол. Огзэ чеберзэ куарез сыскыса эскере – шомыз чылкак чырстурынлэн кадь. Бичалэ небытъёссэ ненегъёссэ гинэ куаръёсты выжыоссэс эн исалэ.

Ужъёс:


    1. Гожъялэ, знакъёссэ пуктылыса, валэктэ.

    2. Пусъе существителтнойёссэ.

    3. Пусъе прилагательнойёссэ.

    4. Висъясь суффиксэнъёсызлэсь падежъёссэс тодмостэ.

2-ти группалы ужъёс. Текст борыдн ужан.

Тулыс матэктэ

Южтолэзь жингрес кырзась куашетись толэзь. Пось шунды улэпъёссэ макеосты улзытэ кырзатэ. Лымы улэ пачкамъёсыз писпуос шонерско куаръяськыны дасясько. Жингрес куараё тылобурдоос чебер кырзанъёсынызы музъеммес сайкато. Сюсьтыл кадь шонересь веськресэсь писпуос жоген вож-вож ненег куаръёсынызы шобырскозы.

Ужъёс:


  1. Гожъялэ знакъёссэ пуктылыса, валэктэ.

  2. Пусъе существителтнойёссэ.

  3. Пусъе прилагательнойёссэ.

  4. Висъясь суффиксэнъёсызлэсь падежъёссэс тодмостэ.

Кык группалы но огъя уж (дасямын доска вылын). Пуктылэ прилагательнойёс кыкез-куинез -эз, -ез, -ыз суффиксъёсын мед луозы: (…) зор писпу куаръёс вылысь (…) тузонэз гылтиз. Соос табере выльысь (…) луизы. (…) тол ас сьораз нуиз (…) пилемъёсты, собере (…) шунды потиз, (…) инбаме (…) вуюись кылдиз. Огдырлы чалмем тылобурдоос выльысь (…), (…) кырзанъёссэс мытизы.

Пиналъёсты кылзон.




Зачёт №15.

Кыл волятон. Изложение «Писпу».(Е.В.Осотова, А.С.Березина «Изложениослы люкам статьяос»)

А, Б-уровень. Текстлэсь пуштроссэ вольыт, янгышъёстэк гожтон.

В-уровень. Изложениез йылпумъялэ, «Малы мерттэм писпуосты изъянтыны уг яра» юанлы валэктон сётыса.

Блок №16

1. Тема: Прилагательнойёслэн пормонзы. Сложной прилагательнойёс но соосты шонер гожъян.

2. Цель: - прилагательнойёслэн пормон амалъёсынызы тодматон;

- сложной прилагательнойёс сярысь валан сётон но соосты шонер гожъян правилоосын тодматон.

3. Задачаос: - сложной прилагательнойёсты шонер гожъяны дышетон;

- прилагательнойёсты портэм вераськон люкетъёслэсь пормытъяны но соосты кыллюкетъёсъя эскерыны дышетон;

- пиналъёсты словарной диктант гожтыны дасян.

Блоклэн мынэмез.

Лекция. Уроклэн темаеныз но целеныз тодматон. Выль темаен тодмтаскемлэсь азьло тодамы вайиськомы существительнойёслэсь пормон амалъёссэс. Пиналъёс тодазы ваё, существительной куинь амалэн пормыны быгатэ шуыса: суффиксъёсын, основаосты валчеяса но люконтэм кыл сочетаниосын. Эскериськом доска вылысь кылъёсты:


  1. Шунды – шундыё, лыз – лызалэс, горд – гордмыт.

  2. Шудбур – шудо-буро, узы-боры – узыё-борыё.

Но шудбуро, улваё.

  1. Нап-чуж, бездыт-вож, лызалжс-сьод.

  2. Огбыдзаесь, огвыллемесь, огтусъемесь.

Та кылъёсты эскерыса, пинадъёс выводъёс лэсьто: прилагательнойёс но, существительнойёс сямен ик, суффиксъёсын но, основаосты валчеяса но пормыны быгато. Озьы ик валче но, вакчи гожен но гожтиськыны быгато. Эскеро, кыче амалэн пормем прилагательнойёс гожтисько валче, нош кычеосыз – вакчи гожен. Эскеремъёссы вылэ пыкиськыса, быдэс классэн лэсьтиськомы таблица (пиналъёс – лекционной тетрадьёсазы):


Прилагательнойёс пормо

Гожтисько

1

2



Суффиксъёсын

-о, -ё, -тэм, -эсь, -эм, -ала, -эс, -алэс


Основаосты валчеяса

  1. Синонимъёслэсь яке антонимъёслэсь.

  2. Буёллэсь портэм оттенокъёссэ возьматэ.

  3. Ог кылын пормо.

  4. Сложной кыллэн кыкети люкетаз гинэ суффикс ватсаса.

Валче: зоро, шундыё, шудтэм, дэриесь, аааалызмыт, пудъем, гордалэс.
Вакчи гожен:

шудо-буро, уло-ваё.

Нап-чуж, сьодалэс-горд, лызпыр-горд.
Валче: огжуждаесь, огбыдзаесь

визьнодо, улваё.




Самопогружение. Учебникысь 29, 30 §§ эскерон.

158, 159, 162-ти ужъёсты доска дорын комментировать карыса быдэстон. Ужъёсты быдэстыса, пиналъёс дышетско, суффиксъёсты уже кутыса, прилагательнойёс пормытыны но прилагательнойёсты кыл люкетъёсъя эскерыны.

Словарной диктант (быдэсто тетрадязы, эскеро асьсэды: макем шонер гожъяны быгато сложной прилагательнойёсты).

Узыё-борыё, огбыдзаесь, пеймыт-вож, лызалэс-тодьы, вожпыр-чуж, лызпыр-сьод, гордо-вожо, юг-юг, шудбуро, пурысялэс-тодьы, паськыт пельпумо, эмезьпуо инты.

Пиналъёсты эскерон, комментировать карон.
Практикум. Группаосъя ужан. 1-ти группалы ужъёс:


  1. Скобкаоссэ усьяса, возаз существительнойёс ватсаса, гожъялэ:

Суро (пожо), чыры (пыры), нап (вож), горд (мыт), бездыт (чуж), ог (тусъемесь), ог (выллемесь), шуд (буро), шудо (буро), кырыж (мерыж), визь (нодо), куинь (этажъем).

  1. Прилагательнойзэ кулэ падеже но лыдэ пуктэ:

Паськыт бусыос – (паськытъёсыз бусыос)

Чагыр сяськаез – (чагырзэ сяськаез)

Кыдёкысь гуртын – (кыдёкысяз гуртын)

Мусо пуныетэк – (мусоезтэк пуныетэк)



  1. Эскере кыллюкетэзъя:

Лысвуосын, шудбуро, вормон, уло-ваё, лызалэс-сьод, гордъёссэ, пытсэт, чужъёсыз, узырлыктэк, гуртъёстылэсь.

2-ти группалы ужъёс:



  1. Скобкаоссэ усьяса, возаз существительнойёс ватсаса, гожъялэ:

Юг (юг), льлялэс (тодьы), пеймыт (лыз), бездыт (чуж), ог (жуждаесь), кык (аресъем), куинь (метръем), узыё (борыё), ул (ваё), суро (пожо), нап (чуж), сьодмыт (вож)

  1. Прилагательнойзэ кулэ падеже но лыдэ пуктэ:

Яркыт буёлэн – (яркытэныз буёлэн)

Пеймыт уйёс – (пеймытъёсыз уйёс)

Матысь эшеным – (матысеныз эшеным)

Горд-чыжыт емышлы – (горд-чыжытэзлы емышлы)

Усьтэм укноети – (усьтэмезти укноети).


  1. Эскере кыллюкетъёсъя:

Ужасьёстэк, инкуазьлы, чужалэс-гордэзлы, бездытэныз, пурысялэс-вож, дышетскон, ужазинлыкты, ульчаосмылы, огтусъемесь, визьнодо.

Пиналъёс, асьсэлы уж басьтыса, сое быдэсто. Группаын ог-огенызы кенешыса, быдэс класс азьн верасько.


Зачёт №16.

А-уровень. Словарной диктант.

Паськыт пельпумо, эмезьпуо инты, йарсазе адями, суро-пожо нюлэс, йыг-йыг вамышъёс, кыло-ымо машинаос, бездыт-горд дэрем, нап-вож костюм, шундыё нунал, тыо инты, уырыж-мерыж сюрес, сьодмыт-лыз кудымульыос, льолялэс-тодьы пилемъёс, пурысялэс-тодьы волдэт, пеймыт-горд лента, яркыт-вож турын, юг-тодьы кечсин, толтурын, чуньыбыж, коньыгуби, дыдыксин, нымы-кибы, сялаберъёс, вузольгыри, сиё-дано адями, азё-беро уробо.
Б-уровень. Пормытэ прилагательнойёс:

Шунды, лыз, лы, пыд, грамм, арес, писпу, сад, шудбур, бирды, сяська, этаж, кизили.


В-уровень. Эскере кыллюкетъёсъя:

гордмытъёсыз, гордмытъёсыныз, чужмыт-вож, визьнодо, огтусъемесь, аресъем, пызесь, лызмытэзтэк.


Блок № 17

1. Тема: Зуч кылысь пырем прилагательнойёс. Прилагательнойлы мрофологической разбор.

Прилагательнойёсъя вань ортчемез тодэ ваён.

2. Цель: - прилагательнойёсъя вань тодон-валанзэс паськытатон но муромытон;

- прилагательнойлы морфологической разбор лэсьтон схемаен тодматон4

-А,Н.Абрамовлэн творчествоеныз тодматон.

3. Задачаос: - прилагательнойёсты шонер гожъяны, соосты портэм амалъёсын пормытъяны но кыллюкетъёсъя эскерыны быгатонлыксэс азинтон но муромытон;

- зуч кылысь пыреем прилагтельнойёсты, шонер кылпум кутыса, вераны дышетон;

- прилагательнойёсты текстъёсы быгатыса кутыны дышетон но А. Н. Абрамовлэн «Пойшурась» картинаезъя сочинение гожтыны дасян.

Блоклэн мынэмез.



Достарыңызбен бөлісу:
1   2   3   4   5   6   7   8   9




©dereksiz.org 2024
әкімшілігінің қараңыз

    Басты бет