Удмурт кыл сярысь. Кыл сочетание но предложение. Предложенилэн членъёсыз. Однородной членъёс.

Инкуазь – асьмелэн узырлыкмы.

Толамы вайиськомы, ма вераськимы никуазь сярысь туннэ урокын. Солэн мудрон луэмез, солэн узырлыксэ адямилы кузьмамез, солэн чеберлыкез но адямиез зечлы но умойлы гинэ дышетэмез сярысь нош ик вераськиськом на.нимысьтыз саклык висъяськом экологической ужпумъёслы: кыче кышкытлык кылдэ берло дыре инкуазь азьын, кызьы асьмеос дунъяны но утьыны ум валаське асьмелэсь улон интымес. Кылдытиськом сочиненилы примерной план:

1. 
   Нюлэс, шуръёс, возьёс, бусыос – асьмелэн лыдтэм ваньбурмы, тылобурдоослэн но пойшуръёслэн улон интызы.
   
2. 
   Инкуазь азьын кылдись кышкытлык.
   
3. 
   Котьку мед жильыртоз ошмес!
   

Сочинениез гожъяло кык час: пумозяз вутто лаборатория урокын.

1. Тема: Глагол. Начальной классъёсын ортчемез тодэ ваён.

Глаголлэн неопределённой формаез. Глаголлэн спряжениез.

2.Цель: глагол сярысь азьвыл ортчем материалэз тодэ ваён но пиналъёслэсь глагол сярысь тодон-валанзэс паськытатон но муромытон;

- глаголлэн неопределённой формаеныз но спряжениеныз тодматон.

3. Задачаос: - глаголлэсь неопределённой формазэ но глаголлэсь спряженизэ тодманы дышетон;

- кластер лэсьтыны быгатонлыксэс азинтон;

- учебникен асьсэ коже ужаны быгатонлыксэс юнматон.

• 
  Мае возьматэ глагол? Солэн юанъёсыз.
  
• 
  Мая вошъяське глагол?
  
• 
  Ма вераны быгатоды глаголлэн лицоез, лыдыз но дырыз сярысь?
  

• 
  Ма выльзэ тодиды глагол сырысь, учебникез лыдзыса?
  
• 
  Глаголлэсь кыче формазэ неопределённой шуо?
  
• 
  Ма со – глаголлэн спряжениез? Кычеесь соос луыны быгато?
  

В: Глаголлэн спряжениез - солэн лицоя, лыдъя но дыръя вошъяськемез.

1: Морфология – со….

2: Существительной – со….

1:Количественной числительнойёс полы пыро…

2: Текст типезъя луыны былатэ….

1: Синонимъёс – со….

2: Спряжение – со…

1: Порядковой числительнойёс пормо…

2: падежъёсъя вошъясько сыче прилагательнойёс….

1: притяжательной существитльной – со….

2: Местоимение предложениын луыны быгатэ…

Командаослэсь валэктонъёссэс чакласа, экспертъёс соослы баллъёс лыдъяло, нимысьтыз усто ужаксь пиналъёслы жетонъёс но сётыны луоз.

• 
  Котькин, ачим, ваньмы, таиз;
  
• 
  Шудыны, матэктыны, веръяны, пальпотыны;
  
• 
  Юан(веран), нымы(кибы), возь(выл), турын(куар);
  
• 
  Чужез куар, горд сяськалы, кисьмамезлы улмолы;
  
• 
  Ульчаын, азбаредлы, сузэрезтэк;
  
• 
  Чужпыр(вож), лызо(вожо), пеймыт(горд), ог(тусъемесь).
  

Кроссвордлы юанъёс (дасямын листокъёс вылэ нокотькуд колмандалы сётиське):

1. 
   Местоименилэн удмурт нимыз (нимвоштос)
   
2. 
   -мос суффиксэн пормем числительной (дробной)
   
3. 
   «Секыт лопата» кыл сочетаниын «секыт» кыллэн значениез ( прямой)
   
4. 
   Кыл сярысь наукалэн люкетэз, кудиз дышетэ куараосты (фонетика)
   
5. 
   Юрттись вераськон люкет, кудиз герза сущ-ты, числ-ты но местоим-ты (послелог)
   
6. 
   «мон»местоименилэн группаез ( личной)
   
7. 
   Кыче приставкаосын пормо опреденлительной местоимениос (-коть)
   
8. 
   Действиез возьматись вераськон люкет (глагол)
   
9. 
   Кыче суффиксъёсын прилагательнойёс падежъёсъя вошъяськыны быгато? (висъясь)
   
10. 
    Глаголлэн лицоя, лыдъя но дыръя вошъяськемез (спряжение)
    

Визьпогъёс пиналъёслэн ужзылы огъя йылпумъянъёс лэсьто, пусъё тужгес но усто ужась пиналъёсты. Быдэс уроклы йылпумъянъёс лэсьтон.

А Б-уровеньёс – текстэз янгышъёстэк гожъяно.

В-уровень. 1, 2-ти абзацъёсысь трослыко видъем глаголъёссэ пусъе.

Блок №26

2. Цель: - глагол сярысь тодон-валанзэс паськытатон но муромытон;

- возвратной глаголъёсын но глаголлэн видъёсыныз тодматон;

- трослыко видъем глаголлэн пормон амалъёсыныз тодматон.

3. Задачаос: - возвратной глаголъёсты но трослыко видъем глаоглъёсты вераськон кылазы шонер кутыны но шонер гожъяны дышетоно;

- возвратной глаголъёсты али дырын -ск суффиксъёсын кутиськись глаголъёслэсь висъяны дышетон.

- учебникен асьсэ коже ужаны быгатонлыксэс юнматон.

Блоклэн мынэмез.

Лекция. Азьвыл блоклэсь темазэ тодэ ваён:

• 
  Ма со глагол?
  
• 
  Вералэ глаголлэн спряжениез но начальной формаез сярысь.
  
• 
  Глаголлэн лицоез, лыдыз, дырыз.
  

Пиналъёс эскеро глаголъёсты но выводъёс лэсьто:

• 
  возвратной глаголъёс пормо -ск, -ськ, -иськ суффиксъёсын;
  
• 
  глаголлэн кык пумо видъёсыз: одиглыко но трослыко. Трослыко вид порме -лля, -лы суффиксъёсын.
  

1. 
   Текст бордын ужан.
   

Тюрагай

Жоген тюрагайлэн пиосыз потизы. Анайзы соосты нунал лумбыт сюдылиз. Со жужыт зег полти бызьылиз портэм нумыръёсты кутылиз. Нош нуназе вакыт тылобурдо вылие чагыр инме лобзылиз но паймымон гуръёссэ кырзалляз.

• 
  Текстэз, знакъёссэ пуктылыса, гожъялэ.
  
• 
  «Тюрагай» кыллы текстысь синонимъёс шедьтэ.
  
• 
  Пусъе глаголъёссэ. Трослыко видъемъёссэ – нимысьтыз.
  
• 
  Возвратной глаголзэ шедьтэ, пусъе солэсь лицозэ, лыдзэ, дырзэ.
  
1. 
   Шедьтэ мултэссэ, валэктэ:
   

1. 
   Чакласько, шутэтскисько, кырзасько.
   
2. 
   Улиллям, кутылиллям, вераллям.
   
3. 
   Берганы, поръяны, лыдзыны.
   
4. 
   Пытсэт, вормон, ворекъяны, ворекъян.
   

2-ти группалы ужъёс:

1. 
   Текст бордын ужан.
   

Жуыжт майыгъёс йылэ жутэм умортоосын шырчикпиос кесяськыса пуко. Мойы шырчикъёс минутлы быдэ вожмин вуыло пиоссы доры.

• 
  Текстэз, знакъёссэ пуктылыса, гожъялэ.
  
• 
  Глаголъёссэ тодмостэ, возвратной глаголъёслэсь суффикссэс пусъе.
  
• 
  Трослыко видъем глаголъёслэсь суфиксъёссэс пусъе.
  
• 
  Куинь глаголлэсь (асьтэ чакламдыя) лицозэ, лыдзэ, дырзэ тодмостэ.
  

2. 
   Шедьтэ мултэссэ, валэктэ:
   

1. 
   Ужасько, пукисько, жутскисько.
   
2. 
   Улыны, гажаны, чорыганы.
   
3. 
   Адзиллям, вуылиллям, кылиллям
   
4. 
   Вераськон, шепан, кизён, шепаны.
   

Дышетись текстэз абзацъёсъя лыдзе (одиг абзацез 3 пол). Пиналъёс текстэз, изложениез сямен гожъяло, текстлэсь пуштроссэ текстлы матэ карыны турттыса.

Блок№ 27

1.Тема: глаголлэн наклонениез сярысь валан. Изъявительной, повелительной но условной наклонение. Изъявительной наклонениысь глаголъёсты шонер гожъян.

2. Цель: -глагол сярысь тодон-валанзэс паськытатон но муромытон;

- глаголлэн наклонениез сярысь валан сётон но изъявительной, повелительной но условной наклонениосын тодматон;

- изъявительной наклонениысь глаголъёсты шонер гожъян правилоосты тодэ ваён;

-пиналъёслы ужез гажан мылкыд пычатон.

3.Задачаос:- изъявительной, повелительной но условной наклонениысь глаголъёсты ог-огзылэсь висъяны дышетон;

- изъявительной наклонениысь глаонолъёсты шонер гожъяны быгатонлыкъёссэс муромытон но азинтон;

• 
  Кыче глаголъёсты возвратной шуо?
  
• 
  Удмурт кылын глаголлэн кыче видъёсыз вань?
  
• 
  Кызьы порме глаголлэн трослыко видэз?
  
• 
  Кызьы порме глаголлэн неопределённой формаез?
  

Эскериськомы котькуд столбикысь глаголъёсты: мае соос возьмато. Пиналъёс пусъё: нырысети столбикысь глаголъёс возьмато косэмез, кыкети столбикысь глаголъёс пормо -сал суффиксэн. Куинети столбикысь глаголъёс кутэмын: ортчем, али, вуоно. Озьы, - пусъе дышетись, - али асьмеос тодматским глаголлэн куинь наклонениеныз: повелительной, условной но изъявительной. Лекционной тетрадязы гожто:

Учебникысь 51, 53, 54, 55, 56 §§ эскерон. Параграфъёсты эскерыса, пиналъёс глаголлэн наклонениез сяырсь тодон-валанзэс юнмато, нырысети спряжениысь глаголъёсты шонер гожъян правилоосын тодматско.

1.Текст бордын ужан.

Адями но уж

Адями ужен чебер. Мойыослэсь тазьы верамзэс чем гинэ кылоно. Мон паймыса учкыли шоразы. Ма кызьы уж адямиез чебер кароз? Мон соку пичи на вал. Табере аслым но серемес потэ.

Тани бускельмы писпу мерттиз. Мукетыз укно улаз сяська кизиз. Гуртмы уката но шулдыр но чебер луиз. Нош гурт калык табере со тыршись адямиосты умоен вера. Зэм, уж адямиез чебер каре ввлэм.

1. 
   Текстэз выразительно лыдзе.
   
2. 
   Текстлэн темаез, идеяез.
   
3. 
   Глаголъёссэ гожтыса потэ, соослэсь дырзэс, наклоненизэс, видзэс пусъе.
   

1. 
   Пословицаосты гожтэ. Глаголъёслэсь наклоненизэс пусъе.
   

• 
  Ужез яраты: со дышетэ.
  
• 
  Эн ушъяськы умой ужен: сое сотэк но адзозы.
  
• 
  Ужась муртэз котькытын ярато.
  
• 
  Уж дурын посялод – калык полын данъяськод.
  

2-ти группа.

1. 
   Текст бордын ужан.
   

Чурайшур тылъёсын ворекъя. Инмысь кизилиос но азьло сярысь зарытгес адзисько кадь – сокем яркыт пишто электролампочкаос урамысь юбоосын, корка укноосын. Учкисько мон соос шоры но быдэс шаер тыр вераме потэ: тани, адямиос, учке, со тылъёсыз жуати мон, Алексей Курбатов! Мынам но уже понэмын отчы. Али мон возын Анна ке луысал, солы вань шумпотонмэ верасал. Оскисько, со монэ валасал, одно ик валасал.

• 
  Текстэз выразительно лыдзе.
  
• 
  Текстлэн темаез, идеяез.
  
• 
  Глаголъёссэ гожтыса потэ, соослэсь дырзэс, наклоненизэс, видзэс пусъе.
  
• 
  Шедьтэ возвратной глаголъёссэ, пусъе соослэсь суффиксэс.
  

1. 
   Пословицаосты гожтэ. Глаголъёслэсь наклоненизэс пусъе:
   
• 
  Гырон дорын огзэ тод: герыдэ киысьтыд эн лэзья.
  
• 
  Ужаны уж дышетэ.
  
• 
  Эн дырты кылыныд, дырты уженыд.
  
• 
  Уж кадь умойзэ кин мае шедьтэм.
  

• 
  Малы адями ужен чебер ршуиллям?
  
• 
  Кызьы учко вылэм вашкалаос уж но ужась адями шоры?
  
• 
  Малы котькуд адямилы одно ужаны кулэ?
  

Адями ужен чебер

Юанъёсъя ужан:

1. 
   Малы адями ужатэк улыны уг быгаты?
   
2. 
   Кыче зеч сямъёс пычатэ адямилы уж?
   
3. 
   Гуртысьтыды ужен данэ потэм адямиосты тодиськоды-а? Вералэ соос сярысь.
   
4. 
   Мая дунъяло адямиез: солэн вылтусызъя-а, ужезъя-а?
   
5. 
   Шудо-а ужзэ гажась адями?
   
6. 
   Малы дышето уж сярысь визькылъёс?
   

Блок №28

2. Цель: - юрттись но безличной глаголъёс сярысь валан сётон;

- глаголъёслэн пормон амалъёсынызы тодматон;

- сложной глаголъёсты шонер гожъян правилоосын тодматон.

3. Задачаос: - юрттись но безличной глаголъёсты предложениосын шонер кутыны дышетон;

- сложной глаголъёсты вераськон кылазы шонер кутыны но шонер гожъяны дышетон;

- пиналъёсты контрольной диктант гожтыны дасян.

Блоклэн мынэмез.

Лекция. Дышетись тодматэ пиналъёсты уроклэн темаеныз но целеныз. Выль тема борды кутскемлэсь азьло тодамы вайиськом азьвыл блокъёсын ортчем темаосты:

• 
  Вералэ глаголлэн повелительной, условной но изъявительной наклонениосыз сярысь.
  
• 
  Кычеесь луыны быгато глаголлэн видъёсыз удмурт кылын?
  
• 
  Кызьы пормо возвратной глаголъёс?
  

Асьсэ коже эскеро 57, 59 §§. Дышетисьлэн юанэзлы валэкто, кыче глаголъёсты безличной но кычеоссэ юрттись глаголъёс шуо. Таблица улэ лекционной тетрадязы таче записьёс лэсьто: безличной глаголъёс – лицоез возьматисьтэм глаголъёс (верано, гожъяно, жадиське).