2-деңгей Амбулаториялық жағдайда пациентті бастапқы қабылдау кезінде жалпы тәжірибе дәрігерінің әрекетінің алгоритмін жазыңыз
Амбулаториялық жағдайда созылмалы ауруларды диспансерлеу ережелерін
жүктеу/скачать 157.72 Kb.
|
| 31. Амбулаториялық жағдайда созылмалы ауруларды диспансерлеу ережелерін түсіндіріңіз.
Созылмалы аурулары бар адамдарға медициналық көмек көрсетуді ұйымдастыру тәртібі, байқаудың мерзімділігі мен мерзімдерін, диагностикалық зерттеулердің міндетті минимумы мен еселігі 3. Созылмалы аурулары бар адамдарға медициналық көмек көрсету Кодекстің 7-бабының 82) тармақшасына сәйкес уәкілетті орган бекіткен медициналық көмек көрсету қағидаларына сәйкес пациенттің бекітілген жеріне байланысты алғашқы медициналық-санитариялық және консультациялық-диагностикалық көмек ұйымдарында жүзеге асырылады. 4. Созылмалы аурулары бар адамдарға медициналық көмек көрсетуді қамтамасыз ету Кодекстің 7-бабының 32) тармақшасына сәйкес уәкілетті орган бекіткен денсаулық сақтау саласындағы стандарттарға сәйкес жүзеге асырылады. 5. Созылмалы аурулары бар адамдарға медициналық көмек көрсету асқынулардың, аурулардың асқынуларының алдын алу, олардың профилактикасы және аталған адамдарды медициналық оңалтуды жүзеге асыру мақсатында ТМККК шеңберінде және (немесе) МӘМС жүйесінде динамикалық байқау арқылы жүзеге асырылады. 6. Созылмалы аурулары бар адамдарға медициналық көмек көрсету: 1) Кодекстің 7-бабының 82) тармақшасына сәйкес уәкілетті орган бекіткен Медициналық-санитариялық алғашқы көмек (бұдан әрі – МСАК) көрсету қағидаларына сәйкес МСАК ұйымдарында динамикалық байқауға жататын аурулардың тізбесі бойынша. ТМККК шеңберінде МСАК ұйымдарында динамикалық байқауға жататын созылмалы аурулар кезінде байқаудың мерзімділігі мен мерзімдерін, диагностикалық зерттеулердің міндетті минимумы мен еселігі осы Қағидаларға 1-қосымшаға сәйкес айқындалады. 2) Кодекстің 7-бабының 82) тармақшасына сәйкес уәкілетті орган бекіткен Консультациялық-диагностикалық көмек (бұдан әрі – КДК) көрсету қағидаларына сәйкес КДК деңгейінде динамикалық байқауға жататын аурулардың тізбесі бойынша жүргізіледі. КДК деңгейінде медициналық көмек көрсету ТМККК шеңберінде бейінді мамандардың динамикалық байқауына жататын әлеуметтік мәні бар аурулар кезінде және ТМККК шеңберінде және (немесе) МӘМС жүйесінде бейінді мамандардың байқауына жататын созылмалы аурулар кезінде жүзеге асырылады. ТМККК шеңберінде бейінді мамандардың динамикалық байқауына жататын әлеуметтік мәні бар аурулар кезіндегі байқаудың мерзімділігі мен мерзімдерін, диагностикалық зерттеулердің міндетті минимумы мен еселігі осы Қағидаларға 2-қосымшаға сәйкес айқындалады. ТМККК шеңберінде және (немесе) МӘМС жүйесінде бейінді мамандардың бақылауына жататын созылмалы аурулар кезінде байқаудың мерзімділігі мен мерзімдерін, диагностикалық зерттеулердің міндетті минимумы мен еселігі осы Қағидаларға 3-қосымшаға сәйкес айқындалады. 7. Осы Қағидаларға 1, 2 және 3-қосымшаларға сәйкес тізбелерде көзделмеген аурулары бар адамдарды байқау, оның ішінде диагностикалық зерттеулер ТМККК шеңберінде және (немесе) МӘМС жүйесінде медициналық көмек тізбелеріне және клиникалық хаттамаларға сәйкес жүргізіледі. 8. Созылмалы аурулары бар адамдарға медициналық көмек көрсетуді МСАК ұйымдарының және КДК мамандары: МСАК дәрігерлері (жалпы практика дәрігері, учаскелік терапевт дәрігері/ учаскелік педиатр), орта медицина қызметкерлері (учаскелік мейірбике немесе фельдшер) және бейінді мамандар медициналық айғақтарға сәйкес жүзеге асырады. Көрсетілімдер болған кезде денсаулық сақтау саласындағы әлеуметтік қызметкерлер, психологтар және салауатты өмір салты кабинеттерінің мамандары тартылады. 9. Созылмалы аурулары бар адамдарға медициналық көмек көрсету кезінде МСАК дәрігері: 1) алғашқы қарап-тексеруді, ауруларына шағымдары мен анамнезін жинауды, жазуды; 2) пациентті физикалық қарап-тексеруді; 3) диагностикалық зерттеулердің нәтижелерін бағалауды; 4) ауруына қарай пациентті өз-өзіне көмек көрсетуге оқыту нәтижелерін бағалауды; 5) дәрі-дәрмекпен және дәрі-дәрмексіз емдеудің жеке жоспарын, пациенттің өзін-өзі бақылау күнделігін қарап-тексеру нәтижелерін, зерттеу деректерін, бейінді мамандардың, СӨС мамандарының ұсыныстарын ескере отырып, түзетуді; 6) аурудың ушығу және (немесе) үдеу белгілері айқындалған кезде, стационарлық жағдайларда медициналық байқау үшін көрсетілімдер болған кезде стационарды алмастыратын және (немесе) стационарлық емдеуге жіберуді; 7) Кодекстің 7-бабының 32) тармақшасына сәйкес уәкілетті орган бекіткен Қазақстан Республикасының халқына медициналық оңалту көрсетуді ұйымдастыру стандартына сәйкес медициналық оңалтуға, медициналық-ақпараттық жүйе болған кезде, электрондық форматта жіберуді; 8) халықты әлеуметтік қорғау саласындағы уәкілетті орган бекіткен Медициналық-әлеуметтік сараптама жүргізу қағидаларына сәйкес медициналық-әлеуметтік сараптамаға (бұдан әрі – МӘС) жіберу үшін құжаттарды, медициналық-ақпараттық жүйе болған кезде, электрондық форматта ресімдеуге ұсыныстар беруді жүзеге асырады. 10. Осы Қағидаларға 1, 2 және 3-қосымшаларға сәйкес созылмалы аурулары бар пациенттерде қарап-тексеру нәтижелері бойынша шағымдар, аурулардың ушығу және үдеу белгілері, зертханалық және аспаптық зерттеулер нәтижелерінің нормадан ауытқуы болмаған кезде МСАК дәрігері емдеуді түзетеді, саламатты өмір салтын ұстану бойынша ұсынымдар береді. 11. Осы Қағидаларға 1, 2 және 3-қосымшаларға сәйкес созылмалы аурулары бар пациент бейінді маманның қарап-тексеруіне жатады. 12. Бейінді маман МСАК дәрігеріне Кодекстің 7-бабының 31) тармақшасына сәйкес уәкілетті орган бекіткен нысан бойынша медициналық қорытынды (консультациялық-диагностикалық қорытынды) ұсынады, онда жүргізілген зерттеп-қарау нәтижелері және пациентті одан әрі емдеу бойынша ұсыныстар, медициналық ақпараттық жүйе болған кезде, электронды форматта көрсетіледі. 13. МСАК дәрігері консультациялық-диагностикалық қорытынды алғаннан кейін, бейінді маманның ұсынымдарына сәйкес пациентті одан әрі байқауды жүзеге асырады. 14. Көрсетілім болған кезде пациент ауруының бейініне сәйкес тәуліктік немесе күндізгі стационарға емдеуге жатқызуға жіберіледі. Созылмалы аурулары бар адамдарға көрсетілетін стационарлық көмек Кодекстің 7-бабының 82) тармақшасына сәйкес уәкілетті орган бекіткен Стационарлық көмек көрсету қағидаларына сәйкес көрсетіледі. Стационарды алмастыратын көмек Кодекстің 7-бабының 82) тармақшасына сәйкес уәкілетті орган бекіткен Стационарды алмастыратын көмек көрсету қағидаларына сәйкес көрсетіледі. 15. Күндізгі немесе тәуліктік стационардың дәрігері ауруханадан шығарған кезде Кодекстің 7-бабының 31) тармақшасына сәйкес уәкілетті орган бекіткен нысан бойынша стационарлық науқастың медициналық картасынан көшірме ресімдейді, онда диагностикалық зерттеулердің, емдік іс-шаралардың көлемі және одан әрі байқау және емдеу бойынша ұсынымдар көрсетіледі. Көшірменің электронды нұсқасы бекітілген жері бойынша МСАК ұйымына жіберіледі. 16. МСАК дәрігері стационарлық науқастың медициналық картасынан, оның ішінде электрондық денсаулық сақтау жүйелерінен көшірмені алғаннан кейін, күндізгі немесе тәуліктік стационар дәрігерінің ұсынымдарын ескере отырып, пациентті одан әрі байқауды жүзеге асырады. 17. Созылмалы ауруы бар адам бекітілген жері бойынша МСАК ұйымына динамикалық байқау үшін үш құжаттың бірінің негізінде есепке қойылады: 1) МСАК дәрігерінің қорытындысы; 2) бейінді маманның консультациялық қорытындысы; 3) стационарлық науқастың медициналық картасынан үзінді көшірмелер. Динамикалық байқауға алғаш алынған адамдар ресімдеу кезінде учаскелік мейірбике Кодекстің 7-бабының 31) тармақшасына сәйкес уәкілетті орган бекіткен нысан бойынша амбулаториялық пациенттің медициналық картасына 5-қосымша парақты, оның ішінде Ақпараттық жүйелер арқылы толтырады. Техникалық мүмкіндік болмаған кезде кейіннен ақпараттық жүйеге енгізе отырып, қағаз түрінде ресімделеді. 18. Емдеуді орындау мониторингін орта медицина қызметкері (бұдан әрі - ОМҚ) жүзеге асырады. 19. ОМҚ қайтадан келген кезде адамдардан жауап алады, физикалық тексеру жүргізеді, осы Қағидаларға 1, 2 және 3-қосымшаларға сәйкес зертханалық және аспаптық зерттеулерге жібереді. 20. Шағымдар, физикалық тексеру кезінде аурудың өршу және өршу белгілері, зертханалық және аспаптық зерттеулер нәтижелері көрсеткіштерінің ҚМЖ нормасынан ауытқуы болмаған кезде: әңгімелесу жүргізеді және салауатты өмір салтын жүргізу бойынша ұсыныстар береді, қажет болған жағдайда СӨС мамандарына жібереді; асқынулардың даму қаупі жоғары немесе өмірге қауіп төндіретін жай-күйі бар пациентке оларды дамыту кезіндегі іс-қимыл қағидаларын және жедел медициналық көмекті уақтылы шақыру қажеттілігін түсіндіреді; рецепт жазады; Кодекстің 7-бабының 31) тармақшасына сәйкес уәкілетті орган бекіткен нысанға күнді енгізе отырып, келесі келу күнін белгілейді. Қарап-тексеру нәтижелері бойынша шағымдар, аурудың асқыну, асқыну және өршу белгілері, зертханалық және аспаптық зерттеулер нәтижелері көрсеткіштерінің ҚМЖ нормасынан ауытқулары болған кезде пациентті МСАК дәрігеріне жоспардан тыс қарап-тексеруге жібереді. 21. Есепке алу құжаттамасын жүргізуді және деректерді ақпараттық жүйеге енгізуді қоса алғанда, динамикалық бақылау мәселелері бойынша ОМҚ жұмысын ұйымдастыруды бақылауды МСАК дәрігері және медициналық ұйымның басшысы жүзеге асырады. Көрсетілімдер болған кезде созылмалы аурулары бар адамдарға МСАК ұйымы қалпына келтіру емі және медициналық оңалту, арнайы әлеуметтік-медициналық қызметтер көрсете отырып, паллиативтік көмек қызметтерін көрсетеді. 22. Созылмалы аурулары бар адамдарды дәрі-дәрмекпен қамтамасыз ету Кодекстің 108-бабы 1-тармағының 6) тармақшасына сәйкес жүзеге асырылады. 23. Созылмалы аурулары бар адамдарға динамикалық байқау ауруларды басқару бағдарламасы (бұдан әрі - АББ) шеңберінде де жүргізіледі. 24. Динамикалық байқау кезінде мамандар пациенттерді АББ-ға қатысу үшін үш нозология бойынша іріктейді: артериялық гипертензия, 2-типті қант диабеті, созылмалы жүрек жетіспеушілігі. 25. АББ-ға қатысатын пациенттерді іріктеуге арналған өлшемшарттар мыналар болып табылады: бастапқы артериялық гипертензиясы (ауыр емес) бар пациенттер; 2-типті қант диабеті (компенсацияланған және субкомпенсацияланған) бар пациенттер; шығарылуы кемінде 40% фракциясы немесе шығарылуы 40 %-дан жоғары фракциясы және эхокардиография деректері бойынша сол жақ қарыншаның дисталогиялық дисфукциясы бар NYHA бойынша II-IV сыныпты функциясының созылмалы жүрек жетіспеушілігі бар пациенттер. 26. АББ-ға 25-тармақта жазылған іріктеу өлшемшарттарына сәйкес келетін бірнеше аурулары бар пациенттер тартылуы мүмкін. 27. Пациент АББ-ға қатысуға келіскен кезде, учаскелік мейіргер Қазақстан Республикасының Азаматтық кодексіне сәйкес шарт жасасады. Учаскелік мейіргер АББ-ға қатысу туралы шарттың электрондық нысанын "Бірыңғай төлем жүйесі" ақпараттық жүйесіне немесе медициналық ақпараттық жүйеге енгізуді қамтамасыз етеді. 28. АББ бойынша пациентті байқауды біліктілікті арттыру туралы тиісті куәлігі бар МСАК учаскесінің мамандары жүзеге асырады. Учаскелік дәрігер (жалпы практика дәрігері, учаскелік терапевт дәрігер (педиатр)) МСАК ұйымы учаскесінің шегінде АББ үйлестірушісі болып табылады. 29. АББ-ны МСАК ұйымдарына тиімді енгізу үшін МСАК мамандарынан, тартылған психологтан, СӨС маманынан, бейінді маманнан және басқа да мүдделі мамандардан тұратын мультидисциплинарлық топ құру ұсынылады. 30. АББ бойынша пациенттерді динамикалық байқау кезінде, МСАК дәрігері мен ОМҚ құзыреті бойынша АББ-ға қатысатын пациентті байқау картасын толтырады. Байқау картасына пациент туралы ақпарат, объективті қарап-тексеру деректері, зертханалық және аспаптық зерттеу әдістерінің нәтижелері енгізіледі. 31. Байқау картасын толтыру пациент МСАК ұйымына әрбір келген кезде, ОМҚ-ның кейіннен АББ пациенттерінің тіркеліміне өзекті деректерді енгізе отырып, жүзеге асырылады. 32. АББ пациенттерінің тіркелімі деректерінің негізінде МСАК дәрігері тұрақты негізде пациенттердің сегментациясын жасайды. Пациенттер сегментациясының нәтижесінде динамикалық байқаудың (МСАК дәрігері мен ОМҚ-ның қарап-тексеруі), зертханалық және аспаптық зерттеулердің қысқалығы, бейінді мамандардың қарап-тексеруі айқындалады. 33. Пациенттерді жоспарланған қабылдауды ұйымдастыруды ОМҚ жүзеге асырады. АББ-ға қатысатын пациенттерді хабардар ету АББ пациенттерінің тіркелімінде қалыптастырылған тізімге сәйкес телефон байланысы, SMS-хабарламалар, әлеуметтік желілілер, мобильдік қосымшалар арқылы жүргізіледі. 34. Пациенттерді хабардар ету (қоңырау шалу) пациентті келесі байқауды қамтамасыз ету үшін зертханалық және аспаптық зерттеулерге шақыру үшін де жүргізіледі. 35. Пациентті өз-өзіне көмектесу элементтеріне оқытуды МСАК мамандары пациенттің жеке ерекшелік деңгейін ескере отырып, қамтамасыз етеді. 36. АББ шеңберінде пациент физикалық жүктемелерді, тамақтану режимін, өмір сүру салтын, жағымсыз қылықтарды жоюды қамтитын қысқа (2 аптадан аспайтын) мерзімге жеке іс-қимыл жоспарын жасайды. 37. Бағдарлама тиімділігінің мониторингі нысаналы индикаторларға қол жеткізу негізінде бағаланады. 38. Созылмалы аурулары бар адамдарды есептен шығару осы Қағидаларға 1, 2 және 3-қосымшаларға сәйкес өлшемшарттар және мерзімдер бойынша жүзеге асырылады. 39. МСАК ұйымдарында созылмалы аурулары бар пациенттерді динамикалық байқауды тоқтату үшін мыналар негіз болады: 1) бекіту орнын ауыстыру (пациенттің бекітілген орны бойынша МСАК ұйымына актив беруді қамтамасыз ету); 2) пациенттің жазбаша бас тартуы; 3) пациенттің қайтыс болуы жүктеу/скачать 157.72 Kb. Достарыңызбен бөлісу:
|