2014 жылдың қаңтар-қыркүйек айлары бойынша Үржар ауданының әлеуметтік–экономикалық дамуының болжамды көрсеткіштері туралы

Есептік кезеңде «Мадина» ЖШС-мен өндірілген көмір көлемі 53,2 мың тоннаны құрап, 2013 жылдың сәйкес кезеңімен салыстырғанда өндірілген өнім көлемі 8,4 %-ға немесе 4,1 мың тоннаға артты.

«Швабские колбаски» серіктестігі өндірілетін шұжық өнімдерінің көлемі 168 тоннаны құрап, былтырғы жылдың тиісті кезеңімен салыстырғанда 30,0 тоннаға кеміді.

Сонымен қатар, аудан көлемінде азық-түлік өнімдерін өндіруші орта және шағын кәсіпорындар 1065 (101,1%) тонна өсімдік майын және 294,0 (171,9%) тонна көлемінде нан және нан өнімдерін өндірген.

Үржар ауданы бойынша 2014 жылы егілген барлық егістік көлемі 180 058,2 га, оның ішінде барлық дәнді және бұршақты дақылдар – 58 562,4 га, майлы дақылдар – 84 066,9 га, бұның ішінде: (күнбағыс 78619,9 га, мақсары 1725 га, қытайбұршақ 3607 га, рапс 115 га), картоп 2 758,5 га, көкөніс 1 909,1 га, бақша дақылдары 1 683,2 га, мал азықтық дақылдар – 31 078,1 га.

Биылғы жылы егілген күнбағыстың көлемі 2013 жылмен салыстырғанда 3 084 га азайтылып, керісінше дәнді дақылдар – 2 265 гектарға, соя 1227 га, мал азықтық дақылдар 6 881 га көбейтілді.

Ағымдағы жылдың 1-ші қазанына барлығы: 46 218,3 га дәнді дақылдар орылды, бұл орылатын көлемнің 95,9 %, бір гектардан алынған орташа өнім 11,3 ц, жиналған өнімнің көлемі 52 457,4 тонна. Сонымен қатар, 60028,4 тонна картоп, 83 242,7 тонна көкөніс және бақша дақылдары жиналып, картоптың 1 га алынған өнім 223,6 центнер, көкөністің 1 га алынған өнім 241,5 центнер және бақшаның 1 га алынған өнім 229,0 центнерді құрады.

Сойылып сатылған ет көлемі – 8398,0 тонна (106,0%), сүт – 56 766,1 тонна (102,0%), жұмыртқа – 15 009 мың дана (103,2%) болды.

Аудан бойынша ірі қара малы саны 86 771 басты (107,3 %), оның ішінде сауын сиырлар – 34 339 басты (102,4 %), қой мен ешкі – 286 089 басты (104,5%), жылқы – 24 534 басты (110,7 %), шошқа – 4 396 басты (53,5%) және құстар – 358 938 басты (102,4%) құраған.

Негізгі капиталға жұмсалған инвестицияның жалпы көлемі 8 003,8 млн. теңгені құрап, былтырғы жылдың тиісті кезеңімен салыстырғанда 153,8 %-ға, соның ішінде кәсіпорындардың жеке қаражаты есебінен негізгі капиталға жұмсалған инвестицияның көлемі 4 229,7 млн. теңгені құрап, 1,7 есеге дейін көбейді. Жеткізілген жоспар-тапсырманың орындалуы 154,3% (жоспар-тапсырма 5186,8 млн. теңге).

Құрылыс жұмыстарының көлемі былтырғы жылдың тиісті кезеңімен салыстырғанда 68,4 %-ға дейін көбейіп, 4 880,4 млн. теңге болды. Жеткізілген жоспар-тапсырманың орындалуы 100,0% (жоспар-тапсырма 4 878,4 млн. теңге).

2014 жылдың қаңтар-қыркүйек айларында аудан көлемінде 5148 шаршы метр көлемінде тұрғын үй пайдалануға беріліп, 2013 жылдың тиісті кезеңімен салыстырғанда 1,3 есеге немесе 1178 шаршы метрге дейін артады. Жеткізілген жоспар-тапсырманың орындалуы 100,5 % (жоспар-тапсырма 5124 шаршы метр).

Аудан бойынша балалардың мектепке дейінгі біліммен және тәрбиемен қамтылуы 96,2 %-ды (5101 бала) құрап, былтырғы жылдың тиісті кезеңімен салыстырғанда мектепке дейінгі біліммен қамтылған балалар саны 21,0 %-ға дейін артатын болады.

Аудан көлемінде жергілікті бюджеттің кіріс бөлігіне қосымша салық көздерін іздестіру Алгоритм іс-шаралары жүргізіліп, нәтижесінде аудан бюджетіне 27,8 млн. теңге көлемінде қосымша салықтар мен алымдар түсті. Бұл көрсеткіш 2013 жылдың тиісті кезеңімен салыстырғанда 15 %-ға немесе 3,7 млн. теңгеге артты.

2014 жылдың қаңтар-қыркүйек айларында аудан бюджеті шығысының кассалық орындалуы – 4 894,3 млн. теңгені құрап, бөлінген қаржы 98,4 %-ға игерілді.

Әлеуметтік қорғау, жұмыспен қамту. 2014 жылдың 1-ші қазанына 206 адам ресми түрде жұмыссыз ретінде тіркеліп, 2013 жылдың тиісті кезеңімен салыстырғанда жұмыссыздардың саны 12 адамға азайған.

Қаңтар-қыркүйек айларында жаңадан 792 жұмыс орындары құрылды. 2013 жылдың тиісті кезеңімен салыстырғанда атаулы әлеуметтік көмекті алушылар саны 24,7 %-ға (57 адамға) кеміді.

Экономика және бюджеттік жоспарлау