ҚАРЖЫЛЫҚ ТӘУЕКЕЛДЕРДІ БАСҚАРУ МАҚСАТЫ МЕН САЯСАТЫ (жалғасы)

28. ҚАРЖЫЛЫҚ ТӘУЕКЕЛДЕРДІ БАСҚАРУ МАҚСАТЫ МЕН САЯСАТЫ (жалғасы)

Әділ құнының иерархиясы (жалғасы)

Әділ құн иерархиясында 1-деңгей мен 2-деңгей арасындағы айтарлықтай орын ауыстыру Батыс Транзит баға белгіленетін облигациялары үшін белсенді нарықтың болмауымен түсіндіріледі (11-ескертпе). 2014 жылғы 31 желтоқсандағы жай-күй бойынша аталған облигациялардың әділ құны болашақ ақшалай міндеттемелердің ағымдағы құны бойынша есепке алынды.

Қаржы құралдарының әділ құны

Бағалау әдістері мен ҰЭТ ғимараттарының әділ құнын бағалаудың негізгі қолданылған ұйғарымдары 4-ескертпеде баяндалған.

1. ШАРТТЫ МІНДЕТТЕМЕЛЕР

Қызметті жүргізу шарты

Қазақстандық салық заңнамасы мен норматвтік-құқықтық актілер ұдайы өзгерістер мен әртүрлі түсініктемелердің мәні болып табылады. Жергілікті, өңірлік және республикалық салық органдары арасындағы пікірлерде болған алшақтық жағдайлары аз кездеспейді. Қазақстанда қолданылатын заңдар негізінде анықталған құқық бұзушылықтар үшін қазіргі уақытта қолданылатын айыппұлдар мен өсімпұлдар жүйесі өте қатал. Айыппұл шаралары әдетте қосымша есептелген салықтар сомасынан 50 % мөлшеріндегі айыппұлдарды және Қазақстан Республикасының Ұлттық Банкі белгілеген қайта қаржыландыру мөлшерлемесі бойынша есептеліп 2,5-ке көбейтілген өсімпұлды қамтиды. Нәтижесінде айыппұл шараларының сомасы толық есептелуі тиіс салықтар сомасынан бірнеше есе артуы мүмкін. Қаржылық кезеңдер тексеру жүргізілетін жылдың алдындағы бес күнтізбелік жыл ішінде салық органдары тексеру үшін ашық қалдырылады. Белгілі бір жағдайлар кезінде салықтық тексерулер ұзағырақ мезгілдерді қамти алады. Жоғарыда баяндалғандарға орай, салықтардың, айыппұл шаралары мен өсімпұлдардың, егер мұндайлар болса, ақырғы сомасы осы уақытқа және 2012 жылдың 31 желтоқсанына есептелген шығыстарға жатқызылған сомадан артуы мүмкін.

2014 жылғы 30 желтоқсандағы жай-күй бойынша Топ басшылығы қолданылатын заңнама түсіндірмесі дұрыс және Топтың салықтар бойынша ұстанымы аталған шоғырландырылған қаржылық есептемеде қарастырылған немесе ашып көрсетілген жағдайларды қоспағанда расталады деп санайды.

Кредиттік келісімдердің шарттары

1999 жылдан 2011 жылға дейін Топ ЕҚДБ және ХҚДБ-мен (бұдан әрі – кредиторлар) 558 миллион АҚШ доллары және 233 миллион еуро жалпы сомасына кредиттік келісім жасады (16-ескертпе). Топ және кредиторлар арасындағы кредиттік келісімдерге сай Топ мынадай кредиттік келісім шарттарын сақтауға міндеттенеді:

• 
  Ағымдағы активтердің ағымдағы міндеттемелерге арақатынасы кем дегенде 1:1;
  
• 
  Жиынтық берешектің жалпы капиталдандыруға ара қатынасы көп дегенде 50%;
  
• 
  Қаржылық шығыстарды, пайда салығын, тозу мен амортизацияны («EBITDA») шегергенге дейінгі табыстардың қаржылық шығыстарға ара қатынасы кем дегенде 3:1;
  
• 
  Таза борыштың EBITDA арақатысы көп дегенде 4:1;
  
• 
  Өзін өзі қаржыландыру коэффициенті кем дегенде 20%;
  
• 
  Борышқа қызмет көрсету коэффициенті кем дегенде 1,2.
  

Жалғыз акционер – «KEGOC» АҚ (100% акциялары).

Миссиясы: Ең үздік әлемдік тәжірибелер мен инновациялық технологияларды қолдана отырып, Қазақстан Республикасы БЭЖ-і ақпараттық-телекоммуникациялық кешенінің сенімді жұмысын және тиімді дамуын қамтамасыз ету.

Стратегиялық мақсаттары:

«KEGOC» АҚ телекоммуникациялық және ақпараттық кешендерінің сенімді және тиімді жұмыс істеуі мен дамуы.

Қазақстан Республикасы Біртұтас электр энергетикалық жүйесінің ақпараттық интеграторын қалыптастыру.

Акционерлік капиталдың құнын арттыру.

Негізгі қызмет - «KEGOC» АҚ телекоммуникациялық және ақпараттық кешендеріне қызмет көрсету, соның ішінде: АСКУЭ, SCADA, БРЭ, ИСУ, ВЧ, РРЛ, ССС, СГП, АТС, ВОЛС, ПОС және корпоративтік сервистер.

«Энергоинформ» АҚ Жарғылық капиталы – 2 179,700 млн. теңге. Шығарылған акцияларының саны 700 000 дананы құрайды, бір акциясының номиналды құны 10 000 теңгеге тең. Орналастырылған акцияларының саны 217 970 дана.

«Энергоинформ» АҚ кірісі 2014 жылы 3 877,742 млн. теңгені құрады, жалпы шығысы – 3 594,907 теңге. Есепті кезеңдегі қызмет қорытындысы бойынша 201,385 млн. теңге табыс түсті.

2013 жылмен салыстырғанда кіріс көлемі 189,39 млн. теңгеге немесе 5,1%-ға артты, бұл ретте шығыс мөлшері де 208,793 млн.теңгеге немесе 6,2%-ға өсті.

2014 жылы «Энергоинформ» АҚ қызметінің негізгі көрсеткіштері мынадай жағдайда болды:

- EBIDTA margin көрсеткішінің өткен жылға қарағанда төмендеуі Компания шығысының өсу қарқынымен байланысты болды;

- таза табыс 201,385 млн.тенгені құрады, бұл шама 2013 жылдың нақыт көрсеткішінен 34,511 млн.тенгеге немесе 14,6%-ға төмен болды, бұл өзгеріс еңбекақы төлеу, амортизациялық шығындар және мердігерлік жұмыстар мен қызметтерді орындау шығыстарының артуы есебінен орын алды.

«Энергоинформ» АҚ 2012 жылғы қазанда «EAST INDUSTRY COMPANY Ltd» ЖШС-мен бірлесе отырып жаңа кәсіпорын - «КазЭнергоПровод» ЖШС құрды. Оның қызметінің негізгі бағыты - электр жеткізудің әуе желілері үшін оқшауландырылмаған А,АС маркалы сымды өндіру және сату. Кәсіпорын қуаты – жылына 8 000 тонна кабель-сым өнімдерін шығару. «Энергоинформ» АҚ-ның «КазЭнергоПровод» ЖШС-ға қатысу үлесі 49,9%-ды құрайды, ақшалай мөлшерде 179,64 млн.теңгені құрайды.

2014 жылы «КазЭнергоПровод» ЖШС мен «Промстрой-Энерго» ЖШС арасында «500 кВ Екібастұз-ШГЭС-Өскемен желісінің құрылысы» жобасы аясында құрылыс нысандарына қажетті жалпы сомасы 2 885,32 млн.теңгеге 5500,74 тонна көлемінде оқшауландырылмаған АС маркалы сымды жеткізуге ұзақ мерзімді шарт жасалды. «Промстрой-Энерго» ЖШС үшін АС 330/43 маркалы 900 тонна сымды жеткізуге қатысты техникалық ерекшелімге қол қойылды. 2014 жылы 307,9 тонна дайын өнім сатылды (АС 330/43 маркалы сым).

«Жаңартылатын энергия көздерін қолдау жөніндегі қаржы-есеп айырысу орталығын белгілеу туралы» Қазақстан Республикасы Үкіметінің 2013 жылғы 29 қарашадағы № 1281 қаулысын орындау үшін «Жаңартылатын энергия көздерін пайдалануды қолдау туралы» Қазақстан Республикасының 2009 жылғы 4 шілдедегі Заңы бабының 7-3) тармақшасына сәйкес «KEGOС» АҚ Директорлар кеңесі «Жаңартылатын энергия көздерін қолдау жөніндегі Қаржы-есеп айырысу орталығы» жауапкершілігі шектеулі серіктестігін құру туралы («ЖЭК жөніндегі ҚЕО» ЖШС) шешім қабылдады.

«Жаңартылатын энергия көздерін қолдау жөніндегі Қаржы-есеп айырысу орталығы» ЖШС «KEGOC» АҚ Директорлар кеңесінің 2012 жылғы 12 тамыздағы «Жаңартылатын энергия көздерін қолдау жөніндегі Қаржы-есеп айырысу орталығы» жауапкершілігі шектеулі серіктестігін құру туралы шешіміне сәйкес құрылды.

Қызметінің негізгі түрі - жаңартылатын энергия көздерін пайдалану жөніндегі объектілер өндірген және Қазақстан Республикасының біртұтас электр энергетикасы жүйесіне жеткізілген электр энергиясын орталықтандырылған сатып алу және сатуды жүзеге асыру.

Жалғыз құрылтайшысы және Жалғыз қатысушысы «Электр желілерін басқару жөніндегі Қазақстан компаниясы» акционерлік қоғамы болып табылады.

«ЖЭК жөніндегі ҚЕО» ЖШС Астана қ., Әділет департаментінің Сарыарқа аудандық Әділет басқармасында 2013 жылғы 27 тамызда тіркелді.

Жарғылық капиталы - 100 млн.теңге.

«Жаңартылатын энергия көздерін қолдау жөніндегі Қаржы-есеп айырысу орталығы» ЖШС-ның 2014 жылғы қорытынды бойынша табысының жалпы сомасы 208,235 млн.теңгені құрады. Шығысы 196,954  млн.тенге болды. 2014 жылдың қорытындысы бойынша қаржылық нәтижесі (таза табыс)  9,069 млн.теңгені құрады.

«Энергоинформ» АҚ пен «ЖЭК қолдау жөніндегі ҚЕО» ЖШС-ның 2014 жылғы қаржы-шаруашылық қызметі Компания қызметінің қаржылық көрсеткіштеріне әсер еткен жоқ деуге болады.

«Батыс транзит» акционерлік қоғамы 2005 жылғы қараша айында «Солтүстік Қазақстан – Ақтөбе облысы өңіраралық электр жеткізу желілерін салу» жобасын іске асыру мақсатында Қазақстан Республикасы Үкіметінің қаулысына сәйкес құрылды. «Батыс транзит» АҚ құрылтайшысы «KEGOC» АҚ (20%) және «Мехэнергострой» ЖШС (80%) болып табылады.

«Батыс транзит» АҚ Қазақстан Республикасының Үкіметі мен Қазақстан Республикасы Индустрия және жаңа технологиялар министрлігі атынан жасалған концессиялық келісім негізінде жүзеге асырылады және концессиялық келісім негізінде жүзеге асырылатын және инфрақұрылымдық облигацияларды орналастыру есебінен қаржыландырылатын ұлттық маңызы бар жобаларды жүзеге асыруда мемлекеттік-жеке әріптестіктің алғашқы үлгісі болып табылады.

«Қазақстан халқының ұлттық әл-ауқатын жақсарту - мемлекеттік саясаттың басты мақсаты» жөніндегі Елбасының Қазақстан халқына 2008 жылғы 6 ақпандағы Жолдауында «Солтүстік Қазақстан – Ақтөбе облысы өңіраралық электр жеткізу желілерін салу және пайдалану» жобасын «Қазақстанның 30 корпоративтік көшбасшысы» мемлекеттік бағдарламасына кіретін басты жобалардың бірі екені атап өтілді.

«Батыс транзит» АҚ миссиясы: Қазақстан Республикасының біртұтас энергетикалық жүйесінің құрылымын жетілдіруге қатысу жолымен Қазақстанның электр энергетикасын дамытуға ықпал ету.

«Батыс транзит» АҚ қызметінің негізгі түрлері:

• 
  электр энергиясын жеткізу жөнінде қызмет көрсету;
  
• 
  электр желілері мен қосалқы станцияларды пайдалану;
  
• 
  құрылыс-монтаждау жұмыстары;
  
• 
   қолданыстағы заңнамамен тыйым салынбаған қызметтің басқа түрлері.