«Алматы қаласының өңірлік қаржы орталығының қатысушыларын аккредиттеу» мемлекеттік қызметтерінің регламенті 1

Ұлттық Банкі

Директорлар кеңесінің

2011 жылғы 29 желтоқсандағы

№ 259 қаулысымен
бекітілген

«Алматы қаласының өңірлік қаржы орталығының қатысушыларын аккредиттеу» мемлекеттік қызметтерінің регламенті
1. Жалпы ережелер

 

1. Мемлекеттік қызметтерді 050000, Алматы қаласы, Әйтеке би көшесі,
67 мекенжайында орналасқан Қаржы нарығын және қаржы ұйымдарын бақылау мен қадағалау комитеті (бұдан әрі – Комитет) сенбі, жексенбі, демалыс және мереке күндерінен басқа күндері сағат 13:00-ден 14:00-ге дейінгі түскі үзіліспен сағат 9:00-ден 18:00-ге дейін көрсетеді.

2. Көрсетілетін мемлекеттік қызметтер нысаны: автоматтандырылмаған.

3. Мемлекеттік қызмет «Алматы қаласының өңірлік қаржы орталығы туралы» 2006 жылғы 5 маусымдағы Қазақстан Республикасы Заңының 5-бабы
2-тармағының 1-1) тармақшасы, Қазақстан Республикасы Алматы қаласының өңірлік қаржы орталығының қызметін реттеу агенттігі Төрағасының 2009 жылғы 20 наурыздағы № 04.2-44/78 бұйрығымен бекітілген Алматы қаласының өңірлік қаржы орталығының қатысушысы ретінде аккредиттеу ережесі
(бұдан әрі – Ереже) және Қазақстан Республикасы Президентінің 2011 жылғы 14 желтоқсандағы № 196 Жарлығымен бекітілген «Алматы қаласының өңірлік қаржы орталығының қатысушыларын аккредиттеу» мемлекеттік қызметтер стандартының (бұдан әрі – Стандарт) негізінде көрсетіледі.

4. Көрсетілетін мемлекеттік қызметтердің нәтижесі – өтініш берушіге Алматы қаласының өңірлік қаржы орталығының қатысушысы (бұдан әрі – АӨҚО) ретінде аккредиттеу туралы куәлікті не қызмет көрсетуден бас тарту туралы дәлелді жауапты қағаз тасымалдауышпен беру. АӨҚО қатысушысы ретінде аккредиттелген заңды тұлға туралы мәлімет Алматы қаласының өңірлік қаржы орталығы қатысушыларының мемлекеттік тізіліміне енгізіледі.

6. Мемлекеттік қызметтер құжаттардың толық пакетін ұсынған күнінен бастап бір жұмыс күні ішінде көрсетіледі.

7. Осы мемлекеттік қызметтерді көрсетуден бас тарту үшін негіздемелер Стандарттың 16-тармағында көрсетілген.

8. Тұтынушыдан мемлекеттік қызметтерді алу үшін сұратуды алған сәттен бастап мемлекеттік қызметтердің нәтижесін беру сәтіне дейін мемлекеттік қызметтерді көрсету кезеңдері:

өтініш беруші мемлекеттік қызметтерді алу үшін Комитетке Стандарттың
11-тармағында көрсетілген құжаттар пакетін жібереді;

қоса берілген құжаттармен өтінішті қабылдау және тіркеу;

ұсынылған құжаттардың Қазақстан Республикасының заңнамасына сәйкестігін тексеру;

ұсынылған құжаттар Қазақстан Республикасының заңнамасына сәйкес келген жағдайда:

бұйрықтың және Комитеттің заң бөлімшесінен өтетін құрылтай құжаттарын құқықтық сараптау;

ұсынылған құжаттар Қазақстан Республикасының заңнамасына сәйкес келмеген жағдайда:

бас тарту себебі туралы дәлелді жауаптың жобасын және Комитеттің заң бөлімшесінен өтетін құрылтай құжаттарын құқықтық сараптау;

9. Құжаттарды қабылдауды және тіркеуді хат-хабарды қабылдауға және тіркеуге уәкілетті бөлімше немесе жауапты тұлға жүзеге асырады немесе құжаттар Комитеттің хат-хабарды қабылдау үшін арнайы жабдықталған жәшігіне салынады не почта жіберілімі арқылы жіберіледі.

Мемлекеттік қызметтер көрсету үшін құжаттарды қабылдауды жүзеге асыратын тұлғалардың ең төменгі саны құжаттарды қабылдауға және тіркеуге уәкілетті 1 қызметкер болады.
3. Мемлекеттік қызметтер көрсету барысындағы іс-әрекеттердің

(өзара іс-әрекеттердің) тәртібін сипаттау
10. Өтініш беруші құжаттар пакетін қолма-қол табыс еткен жағдайда, өтініш берушінің қолына өз құзыреті шегінде құқықтық статистика және арнайы есеп жүргізу саласында статистикалық қызметті жүзеге асыратын уәкілетті мемлекеттік орган белгілеген нысан бойынша құжаттардың алынғаны туралы талон беріледі.

Талонды Комитеттің құжаттарды қабылдауға уәкілетті бөлімшесі немесе жауапты тұлғасы жазып береді.

Тұтынушы құжаттарды почта жіберілімі арқылы жіберген немесе хат-хабарды қабылдау үшін арнайы жабдықталған жәшік арқылы тапсырған жағдайда құжаттардың алынғаны туралы талон берілмейді.

11. Ақпарат қауіпсіздігіне талаптар қойылмайды:

өтініш беруші ұсынған құжаттардың сақталуын қамтамасыз ету;

өтініш беруші туралы конфиденциалды ақпараттың пайдаланылуына жол бермеу;

12. Мыналар мемлекеттік қызметтер көрсету үдерісіне қатысады:

Лицензиялау департаменті – Қоса берілген құжаттармен бірге өтінішті қабылдау және тіркеу. Бұйрықтың жобасын дайындау және АӨҚО қатысушысы ретінде аккредиттеу туралы куәлікті ресімдеу. Өтініш берушіге АӨҚО қатысушысы ретінде аккредиттеу туралы куәлікті беру;

Комитет басшылығы – АӨҚО қатысушысы ретінде аккредиттеу туралы бұйрыққа және куәлікке қол қою.

14. Мемлекеттік қызметтер көрсету үдерісіндегі әкімшілік іс-әрекеттердің қисынды сабақтастығы мен Комитеттің құрылымдық бөлімшелері арасындағы өзара байланысты көрсететін схемалар осы Регламенттің 2-қосымшасында көрсетілген.

15. Өтініш берушінің атына жіберілетін хат еркін нысанда жазылады.

16. Өтініш беруші осы мемлекеттік қызметтерді көрсетудің барысы туралы ақпаратты Лицензиялау департаментінің хатшысынан мына телефон бойынша 8 (727) 2788 008 алуына болады.

1-қосымша

2-қосымша