Қазақстан Республикасының Президенті Н.Ә. Назарбаевқа

«Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасын бекіту туралы» Қазақстан Республикасы Президентінің 2010 жылғы 7 желтоқсандағы № 1118 Жарлығына өзгерістер мен толықтырулар енгізу туралы» Қазақстан Республикасының Президенті Жарлығының жобасы (бұдан әрі –жоба) Қазақстан Республикасы Президентінің 2012 жылғы 18 желтоқсандығы № 499 Жарлығымен бекітілген Мемлекет басшысының 2012 жылғы 14 желтоқсандағы «Қазақстан-2050» стратегиясы: қалыптасқан мемлекеттің жаңа саяси бағыты» атты Қазақстан халқына Жолдауын іске асыру жөніндегі жалпыұлттық іс-шаралар жоспарының 32.2 тармағына, «Қазақстанның әлемнің ең дамыған 30 мемлекетінің қатарына кіруі жөніндегі тұжырымдама туралы» Қазақстан Республикасы Президентінің 2014 жылғы 17 қаңтардағы № 732 Жарлығының 2.2) тармақшасына сәйкес әзірленді.

Жобада Қазақстан Республикасында білім беруді дамытудың 2011 - 2020 жылдарға арналған мемлекеттік бағдарламасын еңбек нарығының қажеттілігіне бағыттау мақсатында оған түзетулер енгізу көзделген.

Енгізіліп отырған өзгерістер мен толықтырулар кооперативтік (дуальді) оқытудың негізгі қағидаттарын енгізуге, мемлекеттің индустриялық-инновациялық дамуына сәйкес кадрлар даярлауға, жоғары оқу орындарын қайта бейіндеуге және өңірлік мамандандыруға мүмкіндік береді, бұл кадрлар даярлау жүйесін өңірдің салалық мамандануын ескере отырып дамытуды қамтамасыз етеді.