Қазақстанның депозиттерге кепілдік беру қоры жарналардың дифференциалды мөлшерлемелерін есептеу және методологиясы бөлімі

Қазақстанның депозиттерге кепілдік беру қоры

2012 ж. 2 тоқсандық ақпараттық шолу

1. 
   Жеке тұлғалардың депозиттер нарығының тенденциясына шолу
   

2012 жылдың 1 қазанындағы жағдай бойынша жұртшылықтың жиынтық депозиттік қоржынының құрылымы келесідей: негізгі бөлікті жалпы үлесі 87,2% немесе 2,8 трлн. теңге және оның тоқсандық өсімі 4,9% болатын мерзімді және шартты салымдар құрайды. Одан кейінгі орында жиынтық депозиттер сомасының 11,7% немесе 370,0 млрд. теңгені құрайтын ағымдық және карт-шоттардағы қалдықтар болып табылады. Тоқсан бойынша олардың мөлшері 2,1%-ке кеміді. Содай-ақ талап етілгенге дейінгі салымдар тоқсан ішінде 0,1% кеміп, жеке тұлғалар депозиттері қоржынының 1,1% немесе 34,3 млрд. теңгені құрайды.

Мөлшері 5 млн. теңгеге дейінгі мерзімді және шартты салымдар көлемі тоқсан ішінде 30,2 млрд. теңгеге өсті. Қарастырылып отырған кезеңде 5-тен 15 млн. теңгеге дейінгі мерзімді салымдар қоржыны 20,7 млрд. теңгеге көбейді. Мөлшері 15 млн. теңгеден жоғары мерзімді салымдар бар болғаны 6,1%-ке өсті. Таза өсім 79,2 млрд. теңгені құрайды, ал сомасы 1,4 трлн. теңге деңгейінде (немесе жалпы көлемнің 43,8% құрайды).

Қосымша айта кететін болсақ, барлық жеке тұлғалар депозиттерінің 4,9% немесе 154,5 млрд. теңге, оның ішінде ағымдық және карт-шоттардағы сомалар банктік басқарушы қызметкерлерге, сонымен бірге 5% және одан жоғары дауыс беру құқығы бар акцияларға ие акционерлер мен олардың жақын туыстарына тиесілі. Есептік тоқсан ішінде мұндай депозиттер сомасы 8,9 млрд. теңгеге немесе 6,1%-ке өсті.

Екінші деңгейлі банктердегі жеке тұлғалардың депозиттері бойынша Қор өтеуге қажетті кепіл берілетін өтемақының мөлшері 2012 жылдың 1 қазанындағы жағдай бойынша 1,58 трлн. теңгеге жетті. Ал есептік тоқсандағы Қордың арнайы резерві 186,6 млрд. теңгені немесе кепіл берілетін жиынтық соманың 11,8%-ін және жалпы депозиттер сомасының 5,9%-ін құрайды.

Есептік тоқсанның жалпы қорытындысы бойынша басқы қаржылық көрсеткіштерге негізделген және сәйкесінше тоқсандық жарналарымен бес жүйеленген топтарды - «A», «B», «C», «D» және «E» - анықтайтын «БАТА» міндетті күнтізбелік сараланған жарна мөлшерін есептеу жүйесіне сәйкес, банктердің басым бөлігі 0,19% тоқсандық жарналы «D» (10 банк) және 0,11% тоқсандық жарналы «C» (12 банк) топтарына жатады. Бұл тоқсанда үш банк-қатысушы өзінің көрсеткіштерінің төмендеуіне байланысты жарна мөлшері жоғары топқа көшті, сондай-ақ үш банк-қатысушы өзінің көрсеткіштерін жақсартып, жарна мөлшері төменгі топқа көшті.

1 қарашадағы жағдайы бойынша Қор төлеген кепілдік берілген өтемақынының жиынтық сомасы Наурыз Банкі бойынша 679,5 млн., ал Валют-Транзит Банкі бойынша 13,9 млрд. теңгені құрады. Қордың Наурыз Банкінің ликвидациялық комиссиясынан кепілдік берілген өтемақыны төлеу сомасы бойынша талаптарын қанағаттандыру барысында алынған сома мөлшері 679,4 млн. теңге немесе ликвидациялық коммиссиясына қойылған барлық талап сомасының 88,01%, ал Валют-Транзит Банкі бойынша 6,7 млрд. теңге немесе Қордың ликвидациялық коммиссиясына қойылған талап сомасының 47,1% өндірілді.

2012 жылдың 1 қазанына сәйкес