Біздің қатарымызға қосыл!!

1. 
   «Алтын ұя» мектебіңді бітіріп үлкен Өмірге қадам басар кезең басталды! Мектеп бітіргеннен кейін түлектер алдында олардың өміріндегі ең маңызды шешімдердің бірі - оқу орнын таңдау тұр. Сізді жоғарғы білімді қай оқу орнынан аламын, қай университеттің студенті атанамын деген сауал  мазалап  жүргені анық. Алдыңызда үлкен таңдау бар. Дұрыс қабылданған шешім келешегіңіз бен кәсіби өсу жолыңыздағы жетістіктерге жол ашады! Әрбір адам өз мамандығын саналы түрде таңдап, болашақта кім болғысы келетінін өзі үшін шешуі керек. Мен де еліміздің барлық жоғарғы оқу орындарын ұзақ сараптадым, менің назарым «Сырдария» университетіне тоқтады. Алдыңда жаңа өмір, жаңа жол! Өзіңнің және жанұяңның болашақ өмірі мен ырысы енді сенің таңдауыңа байланысты болады.Болашақ мамандыққа дұрыс таңдау жасау көп ойлануды қажет ететін мәселе, өйткені Сен болашақта немен шұғылданатындығыңды және таңдаған мамандығыңмен қай жерлерде қызмет атқаруға болатындығын әлі терең бойлап түсіне алмайсың.  Жарқын болашағыңыз үшін өз бетіңізше дұрыс шешім қабылдап, барар бағытыңызды дұрыс таңдай біліңіз. Біз ұсынған университетпен танысып, өз таңдауыңызды жасаңыз. Дұрыс таңдау жасалғанда ғана сіздің қадамыңыз сәтті болады. Біздің қатарымызға қосыл!!
   

02. Менің атым Нұрбек , мен Биология кафедрасының биология мамандығының түлегімін. Мен Жетісай қаласында туып-өстім. 4 жыл бұрын мен Сырдария университетіне оқуға түсу туралы ойланбаған едім. Әрине, мен біздің университеттің білім беру сапасы, ерекшеліктері мен артықшылықтары туралы естігенмін. Сырдария университеті-бұл сапалы білім алуға, дамуға, студенттік өмірге түсуге мүмкіндік беретін орын. Субъективті айтқанда, университетте оқу кезінде мен түрлі іс шараларға қатыстым.Біздің Сырдарияның ерекшелігі – беделі, білім беру сапасы, абыройы мен шексіз мүмкіндіктері. Университет менің мақсаттарымның орындалуына үлкен мүмкіндіктер беріп жатыр,

Сырдария университетінде оқу-бұл мансапты бастау!

2. 
   Қазіргі таңда заман талабына сай тұлға болып қалыптасып, мақсат – арманыңа жету үлкен өнерді, өмір сүру өнерін меңгеруді қажет етеді. Әрбір адам өзін-өзі дамыта алу үшін білім алып, сол біліміне сай мамандыққа машықтану керек.
   Мамандық – бұл әрбір адамның ертеңгі болашағы. Жоғары білім берудің негізгі міндеті маманды тек қана біліммен қарулардырып қоймай, сонымен қатар олардың жеке басының жан-жақты қалыптасуына, дамуына, шығармашылық қабілетінің жетілуіне, кәсіби мәдениеттің қалыптасуына өз дәрежесінде көңіл бөлу, мүмкіндік жасау болып табылады. Студентті тек болашақ маман ретінде ғана қарамай, оны өз қоғамының азаматы, шығармашылық тұлға келешектің иесі, тірегі ретінде тану, соған мүмкіндік жасау қажет. Ал болашақ мамандарды осы айтылғандарға сәйкес дайындау, оның болашақ кәсіби құзыреттілігіне сәйкес білім беруден бастау алады.
   

04. Соңғы уақытта, мен өскенде кім боламын, қандай мамандықты таңдаймын деп көп ойланып, толғанып жүрмін. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.

Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.

Болашақ мамандығымды дұрыс таңдадым деп нық сенемін.