-
Жұмыс тобы мүшесінің бірі Қазақстанға ДСҰ кірген күннен бастап нөлдік деңгейде осындай алымдар үшін соңғы байлауды белгілей отырып, ГАТТ 1994 жылғы II:1 (b) бабына сәйкес ұсынылған тауарлар бойынша қандай да бір өзге баждар мен алымдарды қоспайды деген міндеттемені қабылдау өтінішімен жүгінді.
-
Қазақстан өкілі импортқа салынатын баждар ЕАЭО туралы шарттың 42-бабына және «Бірыңғай кедендік-тарифтік реттеу туралы хаттама»
6-қосымшаға сәйкес «Кеден одағын бірыңғай кедендік-тарифтік реттеу туралы» Еуразиялық экономикалық қоғамдастықтың Мемлекетаралық кеңесінің ЕурАзЭҚ-тың «Беларусь Республикасы, Қазақстан Республикасы және Ресей Федерациясының кеден одағының бірыңғай кедендік-тарифтік реттеу туралы» 2009 жылғы 27 қарашадағы № 18 шешіміне және «Беларусь Республикасы, Қазақстан Республикасы және Ресей Федерациясының кеден одағын бірыңғай кедендік-тарифтік реттеу туралы» КО Комиссиясының 2009 жылғы 27 қарашадағы № 130 шешіміне сәйкес қолданылады. Аталған ережелер осы Баяндаманың «Қарапайым кедендік баждар» атты тарауында сипатталғандай, Комиссияға ЕАЭО мүше мемлекеттердің, оның ішінде Қазақстанның кедендік әкелім баждарын белгілеу және өзгерту өкілеттіктерін берді. Өзге де баждар мен алымдарды қолдануға рұқсат етілмейді. Осылайша ол Қазақстан ГАТТ 1994 жылғы II: 1(b) бабының мағынасында кез келген импортқа арналан өзге баждар мен алымдарды қолданбайтынын растады.
-
Айтылған мәлімдемеге сәйкес, Жұмыс тобының кейбір мүшелері Қазақстанға тауарлар бойынша мідеттемелер мен табыстаулар Тізімінде барлық өзге баждар мен алымдарды нөлдік деңгейде байлау өтінішімен және ДСҰ міндеттемелеріне сәйкес өзге де баждар мен алымдарды қолданбау міндеттемесін қабылдау өтінішімен жүгінді.
-
Қазақстан өкілі Тауарлар бойынша жол берулер мен міндеттемелер тізімінде барлық мөлшерлемелерді шектегенін растады. Ол, Қазақстан
ДСҰ-ға кіргеннен кейін 1994 жылғы ГАТТ-тың II:1(b) бабының мағынасында кез келген импортқа арналан өзге баждар мен алымдарды қолданбайтынын да растады және ол осындай баждар мен алымдарды барлық тауарлар бойынша нөлдік деңгейде байлайтынын растады. Осы міндеттемелер 1994 жылғы ГАТТ-қа қоса берілетін Қазақстан Республикасының жол берулер мен міндеттемелер Тізіміне енгізілетін болады. Жұмыс тобы осы міндеттемелерді ескерді.
Тарифтік жеңілдіктер
-
Қазақстан өкілі 2015 жылдың 1-ші қаңтарынан бастап, ЕАЭО әкелінетін тауарларға тарифтік жеңілдіктер беру үшін ЕАЭО туралы шарттың «Тарифтік жеңілдіктер» 43-бабының және ЕАЭО туралы шарттың «Бірыңғай кедендік-тарифтік реттеу туралы хаттама» 6-қосымшаның
II бөлігінің құқықтық негіз болатынын айтты. ЕАЭО туралы шарттың
6-қосымшасының II бөлігі тарифтік жеңілдіктердің бірыңғай тізімі үшін құқықтық негізді қамтамасыз етеді. ЕАЭО туралы шарттың 45-бабы Бірыңғай экономикалық комиссияға бірыңғай тізім белгілеуге уәкілдік береді. ЕАЭО тарифтік жеңілдіктері қолданылатын ЕАЭО бірыңғай тауарлар тізіміне қатысты барынша толық ережелер Мемлкетаралық Кеңестің
2009 жылғы 27 қарашадағы № 18 шешімінде және 2009 жылғы
27 қарашадағы КТС № 331 шешімімен (бұдан әрі – КО Коммиссиясының
№ 331 шешімі) қамтылған. 2010 жылғы 18 маусымдағы КТС шешімімен кеден баждарынан толығымен босатылған уақытша әкелім баждарының тізімі бекітілген. ЕАЭО туралы шарт және тиісті шешімдер инвестицияларды тарту үшін өзге де жеңілдіктерді, дамушы және кішігірм дамушы елдер үшін тарифтік преференцияларды (аталған баяндаманың «Субсидиялауды қосқанда, өнеркәсіпті қолдау саласындағы саясат» және «Сауда саласындағы инвестициялық шаралар» атты тарауларды толығымен мазмұндалған), тарифтік квоталарды (бұдан әрі аталған баяндаманың «Тарифтік квоталар» атты тарауында сипатталған) көздейді. 2015 жылдың 1-ші қаңтарында күшін жоятын, 2008 жылғы 12 желтоқсандағы КО бірыңғай кедендік тариф мөлшерлемелерінен (бұдан әрі – КО БКТ алып тастау туралы хаттама) бөлек кедендік әкелім баждарының мөлшерлемелері жағдайында қолдану тәртібі мен шарттары туралы Хаттамамен көзделген ЕАЭО мүше мемлекеттер үшін БКТ мөлшерлемелерінен ерекше мөлшерлемелерді қолдану.
-
Қазақстан өкілі 2010 жылдың 1 қаңтарына дейін Қазақстанмен тарифтік жеңілдіктерді ұсыну Қазақстан Республикасының 2003 жылғы
5 сәуірдегі № 401-ІІ Кеден кодексімен, сондай-ақ «Кедендiк баждар мен салықтар төлеуден толық босатыла отырып, уақытша әкелiнетiн және кедендiк баждар төлеуден толық босатыла отырып, уақытша әкетiлетiн тауарлардың тiзбесiн бекiту туралы» Қазақстан Республикасы Үкіметінің 2003 жылғы 8 шілдедегі № 668 қаулысымен (бұдан әрі – № 668 Үкімет қаулысы) және «Тауарлар мен көлiк құралдарын уақытша әкелудің кеден режимі қолданылатын лизинг заттарының тізбесін бекіту туралы» Қазақстан Республикасы Үкіметінің 2001 жылғы 21 тамыздағы № 1092 қаулысымен (бұдан әрі – №1092 Үкімет қаулысы) реттелді. Қазақстан Республикасы Кеден кодексінің 30-бабымен Кедендік баждарды салудан
(i) дипломатиялық импорт, және (ii) 5 жылға дейінгі мерзімге инвестициялық жобаны іске асыру үшін әкелінетін тауарларды көздеді. Индустрия және даму министрлігінің Инвестициялар жөніндегі комитеті кедендік баждардан босатумен қоса алғанда, инвестициялық преференцияларды ұсыну үшін жауапты болды.
-
ЕАЭО туралы шарттың 6-қосымшаның II бөлігіне сәйкес және Кеден одағы Кеден кодексінің тиісті ережелеріне сәйкес ЕАЭО кедендік аумағына әкелінетін мынадай тауарларға қатысты тарифтік жеңілдіктер ұсынуға рұқсат етіледі: (i) кедендік заңнамамен белгіленген тиісті кедендік режим шеңберінде кедендік бақылаумен әкелінетін тауарлар; (ii) осы капиталды қалыптастыру үшін құрылтай құжаттарымен белгіленген, мерзім шегінде шетелдік құрылтайшының жарғылық капиталы ретінде әкелінетін тауарлар; (iii) зерттеу және ғарыштық кеңістікті пайдалану саласындағы, сондай-ақ ғарыштық аппараттарды іске қосу бойынша қызметтер туралы келісім саласында ЕАЭО мемлекеті тараптарының халықаралық ынтымақтастығы шегінде әкелінетін тауарлар. «Беларусь Республикасы, Қазақстан Республикасы және Ресей Федерациясы Кеден одағының «Бірыңғай кедендік-тарифтік реттеу туралы Кеден одағы Комиссиясының 2009 жылғы 27 қарашадағы № 130 шешіміне» түзетулер енгізу туралы» КО Комиссиясының 2011 жылғы 22 маусымдағы № 727 шешімімен кедендік баждардан босатылатын жоғарыда көрсетілген тауарлардың тізімі бекітілді.
-
Қазақстан өкілі кедендік заңнамамен белгіленген тиісті кедендік режим шеңберінде кедендік әкелім бажынан босатылуы мүмкін екені атап өтті, мысалы, КО Кедендік кодексі. КО Кедендік кодексінің 80-бабы кедендік баждар төленбейтін жағдайларды көздейді, бұл жағдайлар мыналарды қамтиды: (i) ЕАЭО-ға мүше мемлекеттердің заңнамасымен немесе Кеден одағы Кеден Кодексімен көзделген; (ii) егер кедендік баж төленіп қойса немесе төленетін кедендік баждың сомасы баламалы 5 еуродан аспайтын болса; (iii) осындай босатулар ұсынылатын шарттарды орындау кезінде, сондай-ақ әрекет ету кезеңінде тауарлар мұндай кедендік баждарды төлеуден босатылған жағдайда; (iv) мұндай төлемерді көздемейтін тауарларды кедендік рәсімдерге орналастырған жағдайда; (v) тауарларды бір тұлға бір шот бойынша әкелген кезде олардың жалпы кедендік құны баламалы 200 еуродан аспайтын болса; (vi) тасымалдаудың қалыпты жағдайында (тасымалдауда) және (немесе) сақтауда немесе апат салдарынан немесе жеңе алмайтын күш салдарынан (қайтарымсыз жоғалту) тауар кеденнен өткенше жойылған жағдайда; (vii) тауарлар – осы мүше мемлекеттің заңнамасына сәйкес ЕАЭО қатысушы мемлекеттің меншігіне айналғанда; және (viii) тауарлар кедендік рәсімдеуден өтпеген жағдайда.
-
Қазақстан өкілі ЕАЭО туралы шарттың 6-қосымшасы және КО Кеден кодексінің мүше мемлекеттердің бірыңғай кедендік аумағына үшінші елдерден әкелу кезінде кедендік әкелім бажынан мыналар босатылатынын көздейді: (1) жүктердi, багаж бен жолаушыларды халықаралық тасымалдауды жүзеге асыратын көлiк құралдары және оларды қаматамасыз ететін басқа тауарлар; (2) мүше мемлекеттер кемелерінің, сондай-ақ мүше мемлекеттердің заңды және жеке тұлғалары жалға алған кемелерінің теңіз кәсіпшілігі өнімдері; (3) үшінші мемлекеттер дипломаттарының ресми немесе жеке қолданысы үшін әкелінген тауарлары; (4) мүше мемлекеттердің ұлттық заңнамасына сәйкес валюта және бағалы қағаздар; (5) гуманитарлық көмек ретінде немесе авария, апат және табиғи зілзала салдарларын жою үшін әкелінетін тауарлар; (6) көмек (техникалық көмекті қоса) ретінде және үшінші елдер мен халықаралық ұйымдардан әкелінетін қайырылымдылық тауарлар; (7) баждан босатуды көздейтін кедендік режим шеңберінде әкелінетін тауарлар; (8) кедендік заңнамаға сәйкес жеке тұлғалар әкелетін тауарлар; (9) олардың заңнамаларымен көзделген жағдайларда қатысушы-мемлекеттердің меншігіне айналуға жататын тауарлар. Тарифтік жеңілдіктер ЕАЭО туралы шарттарда белгіленген, үшінші елдермен жасалған Одақтың халықаралық шарттарымен және Комиссия актісімен берілуі мүмкін.
-
ЕАЭО туралы шарттың 6-қосымшасында көзделмеген тарифтік жеңілдіктер консенсус негізінде Комиссияның шешімі бойынша қолданылуы мүмкін. КО Комиссиясының № 130 шешімімен ЕАЭО туралы шарттың
6-қосымшасында көзделгендерден бөлек, ЕАЭО-ға қатысушы-мемлекеттерде қолданылатын тарифтік жеңілдіктердің тізімі бекітілген.
-
ЕАЭО туралы шартпен және ЕврАзЭҚ Мемлекетаралық кеңес комиссиясының №18 шешімімен ЕАЭО БКТ енгзу бойынша өкілеттіктер ұсынылды, оның ішінде жеңілдіктер қолданылатын немесе одан тауарларды алып тастайтын тізімдерге тауарларды қосу өкілеттігі ұсынылды. Комиссияның шешімі «сезімтал тауарлар» тізіміне енгізілген тауарларға арналған кедендік баждар деңгейінің өзгеруіне қатысты болған жағдайда немесе тарифтік жеңілдіктерді ұсыну туралы шешімдер қабылданған жадайда шешімдер консенсуспен қабылданады.
-
Әрі қарай ол былай хабарлады, яғни КО БКТ алып тастау туралы Хаттамасының 2-бабына сәйкес, егер мұндай шараны қатысушы-мемлекеттің экономика саласын дамыту үшін қажетті болып табылса, Комиссия БКТ ең жоғарғы мөлшерлемесін енгізу шешімін қабылдайды. БКТ-ң бұдан төменгі мөлшерлемесі мынадай жағдайларда қолданылады; (i) қатысушы мемлекетте тауардың қатты жетіспеушілігі болса; (ii) мұндай шара қатысушы мемлекет тұрғындарының маңызды әлеуметтік қажеттіліктерін қанағаттандыру үшін қажет деп тапса; (iii) мұндай шара ЕАЭО осыған ұқсас тауары есебінен немесе үшінші елдердің дәстүрлі импортынан маңызды деңгейде тәуелді өндірісті дамыту қажеттіліктерін қанағаттандыру үшін қажетті шарт деп табылған жағдайларда қолданылады. КО БКТ алып тастау туралы Бірыңғай кедендік тарифтің алып қоюлар туралы хаттамамен белгіленген рәсімдерге сәйкес ұзартылған жағдайларды қоспағанда хаттамасының 4-бабына сәйкес қатысушы мемлекеттердің бірімен ең жоғары немесе ең төменгі мөлшерлемені қолдану мерзімі алты айдан аспауы тиіс.
-
Жұмыс тобының мүшесі үшінші елдер үшін БКТ осындай алып тастауларды ұсыну тәртібі бар ма, жоқ па, осыған қызығушылығын білдірді. Қазақстан өкілі ЕЭК егер мұндай шара дәлелді болса, және өзге қатысушы –елдер БКТ мөлшерлемесін өзгертуден бас тартатын болса, ең жоғары немесе ең төменгі мөлшерлемені қолдану туралы шешімді қабылдайды деп жауап берді. Ол «ереше жағдайларда» қолданылатын КО БКТ мұндай алып тастаулар БҚР негізінде қолданылуы тиіс және ДСҰ кіру кезінде мүше мемлекеттермен келісілген кедендік әкелім бажының мөлшерлемесінен аса жоғары болмауы тиіс. Осыған орай, Қазақстан үшінші елдер үшін осындай алып тастауларды ұсыну негіздері жоқ деп санайды.
-
КО Комиссиясының №130 шешімі бастапқыдан 409 тарифтік позицияларды қосты, оларға қатысты Қазақстан 5 жылға дейінгі әр түрлі өтпелі кезеңде ЕАЭО БКТ мөлшерлемелерінен бөлек кедендік әкелім баждарының мөлшерлемелерін қолданады. Салдарынан кейбір тауарлар үшін өтпелі кезең әлдеқашан аяқталды, ал 2011 жылдың 1 шілдесінен бастап ресейлік-қазақстандық шекарада кедендік бекеттердің жойылыуымен және бірыңғай кедендік аумақты құрумен байланысты шекара арқылы тауарлардың қозғалыс мониторингімен байланысты қиындықтарды ескере отырып, аталған тізім қайта қаралады және 72 тарифтік позицияларға дейін қысқартылды (Баяндаманың 11-ші қосымшасын қараңыз). Аталған алып тастаулар 2015 жылдың 1 қаңтарынан бастап күшін жояды.
-
Сондай-ақ, ол КО № 130 шешіміне сәйкес, кедендік әкелім баждарынан босата отырып, 2010-2019 жылдар кезеңіне (СЭҚ ТН 1701 11) Қазақстан Республикасының аумағында өнеркәсіптік өңдеу үшін шикі құрақ қантын әкелуге рұқсат етіледі. Өнеркәсіптік өңдеу үшін шикі құрақ қантын әкелу Қазақстан Республикасы уәкілетті органының (Ұлттық экономика министрлігі) рұқсатын алғаннан кейін ғана жүзеге асырылуы мүмкін. Аталған рұқат шикі құрақ қантын әкелуді мақсатты тағайындауды қамтиды. Шикі құрақ қанты және одан алынған ақ қант өзге мүше мелекеттердің аумағына шығарыла алмайды. «Қазақстан Республикасының аумағына қант және шикі қант әкелудің кейбір мәселелері туралы» Қазақстан Республикасы Үкіметінің 2010 жылғы 1 наурыздағы № 146 қаулысымен «Қазақстан Республикасының аумағына шикі қант әкелудің кейбір мәселелері туралы» Қазақстан Республикасы Үкіметінің және 2011 жылғы 26 қаңтардағы
№ 34 қаулысымен кедендік әкелім бажы төленбейтін құрақ қанттың көлемі бекітілді және осы квота бөлінген қантты өндіруші кәсіпорындардың тізімі де бекітілді.
-
Қазақстан өкілі егер мүше мемлекеттердің бірі тарифтік жеңілдіктердің жекелеген бенефициарын белгілейтін болса, онда осы мүше мемлекет ЕЭК оларды заңсыз пайдаланудың және өзге мүше мемекеттердің аумағында еркін шығару айналымының алдын алу мақсатында, әкелінген тауарларлы пайдалануды бақылау тетігі бойынша өзінің ұсыныстарын беруі тиіс. Аталған жеңілдік Еуразиялық экономикалық комиссия бекіткеннен кейін ұсынылады.
-
Жұмыс тобының мүшесі № 668 және 1092 қаулылары туралы сұрады. Соның ішінде, қай тауарлар Үкіметтің № 668 және 1092 қаулыларының әрекет ету аясына түсетінін және өзге уақытша тауарларға арналған үш пайыздық ай сайынғы төлемнің шарттары қандай екенідігін түсіндіруді сұрады: яғни бұл жалпы тарифтік деңгейдің үш пайыздық ұпайы немесе жиналатын баждардың 3%, егер әдетте төленетін баждың көлемінде жалпы төлем көлемі. Жұмыс тобының осы мүшесі аталған ереже «транзиттегі саудаға» тарайтынын не тарамайтынын, немесе «уақытша әкелім» кедендік транзит тәртібінен бөлек кедендік режим болып табылады ма, осыны ұғындыруды сұрады. Қазақстан өкілі Үкiметтің № 668 және
№ 1092 қаулылары күші жойылған деп жауап берді.
-
Әрі қарай Қазақстанға уақытша әкелінетін тауарлар (яғни кейіннен шақырылуға жататын), кедендік баждар мен салықтардан толық немесе ішінара төлеуден босатуға жатады. Кедендік баждар мен салықтарды төлеуден толық босатылған уақытша әкелінген тауарлардың тізімі КО Комиссиясының № 331 шешімімен бекітілген: (i) контейнерлер және өзге да көп пайдаланылатын ыдыстар; (ii) сыртқы сауда мен халықаралық ынтымақтастыққа атсалысу мақсатында әкелінетін тауарлар; (iii) ғылым, мәдениет, кинемотография, спорт, және туризм саласында қолдану мақсатында уақытша әкелінетін тауарлар; (iv) гуманитарлық көмек көрсету үшін уақытша әкелінетін тауарлар; (v) өзге де тауарлар. Сонымен қатар КО Комиссиясының 2010 жылғы 18 маусымдағы № 331 шешімімен кедендік баждарды төлеуден толық босатылған тауарлардың тізімі бекітілді. Ал өзге уақытша әкелінетін тауаралар КО Кедендік кодексінің 282-бабына сәйкес кедендік баждарды, салықтарды төлеуден ішінара шартты түрде босату кезінде мұндай тауарларды ЕАЭО кедендік аумағында болуының, тауарларды ішкі тұтыну үшін шығарудың кедендік рәсімімен орналастырылғанда төленуге жататындай кедендік баждардың, салықтардың сомасынан 3 % төленеді. Тауарларды уақытша әкелу мерзімін кеден органы мұндай әкелудің мақсаты мен жағдайларына негізделе отырып, тауарларды уақытша әкелудің кедендік рәсімімен орналастырған күнінен бастап
2 жылдан аспауы тиіс. Өтініш берушінің жазбаша өтініші бойынша тауарларды уақытша әкелу мерзімі 2 жылға аса мерзім шегінде ұзартуы мүмкін. Уақытша әкелу кедендік рәсімімен орналастырылған тауарлар өзгеріссіз жай-күйінде қалуға тиіс. Төленуге жататын төлемдердің жалпы сомасы әдеттегі тәртіпте төленетін сомадан аспауға тиіс. Ол «Уақытша тауарларды әкелу» кедендік рәсіміне қатысты ережелер «тауарлар транзиті» кедендік рәсіміне қолданылмайтынын қосып айтты.
-
Қазақстан өкілі КО Комиссиясының № 130 және № 331 шешімдеріне сәйкес азаматтық авиатехникаларды әкелуге арналған тарифтік жеңілдіктер ұсынылады деп атап өтті (нақтырақ ақпарат үшін, «Тауар саудасы саласындағы саясат» IV бөлімін, «Тауар саудасына әсер ететін ішкі саясат» С тарауын, «Азаматтық авиация саласындағы сауда» кіші тарауын қараңыздар).
-
Қазақстан өкілі аталған тарауда көрсетілмеген өзге де тарифтік жеңілдіктерді, сондай-ақ аталған Баяндаманың тиісті тарауларындағы өзге де тарифтік жеңілдіктерді Қазақстан қолданбайды деп хабарлады.
Достарыңызбен бөлісу: |
