Кейіпкерлер: Алпамыс Қобыланды Құртқа Саққұлақ Желаяқ Таусоғар Король Джулиан(«Мадагаскар» мультфильмінен). Морис(«Мадагаскар» мультфильмінен). Жағымсыз кейіпкерлер: Джокер Харли Квинн Екі ақ аю. I – БӨЛІК Алпамыстың зерттеу шеберханасы. Алпамыс ішке құпия қобдишаны алып кіреді. Алпамыс қорапқа салынған құпия қобдишаны ашады. Ішінен жанып тұрған шарды қолына алып қызықтап тұрады.
Алпамыс: Ғажап. Міне, қазақ жеріне бейбітшілік, ынтымақ, бірлік сыйлап келген ғажайып шар біздің қолда. Оны адамдар атадан балаға аманат қылып зұлым күштерден сақтап келеді... Көзімнің қарашығындай сақтайтын уақыт енді менікі.
Сахнаға Джокер кіріп келіп, электрошок сияқты қарумен Алпамысты ұйықтатып тастайды да, ғажайып шарды қолына алады. Джокер /Шарды ұстап/: Міне, мен қалаған ғажайып...Бұл зұлымдық тарататын шар. Енді бұл шарды тезірек Барасакелмес аралындағы әулие таудың басындағы шыңға жеткізу керек. Сол кезде барлық әлемді қараңғылық басады...Ол мәңгілік қараңғылықта мен ғана үстемдік құратын боламын. Ха-ха-ха-ха...Күнің көзі жоғалып, жердің бетін мұз басады. Тек, тек қараңғылықта, суықта: балалар қорқыныш пен үрейде өмір сүретін болады. Зұлымдық қазақ жерін басқаратын болады. Ха-ха-ха-ха... Балалардың бәрі зомбиге айналады.
Ғажайып шарды қайтадан қобдишаға салып Джокер шығып кетеді. Алпамыс оянады. Алпамыс: Не болып кетті.... Кім маған қастандық жасады... Ғажайып шарды кім ұрлап кетті? Енді барлық әлемді зұлымдық басқаратын болды. Не істеймін?!
Сахнаға Желаяқ, Саққұлақ, Таусоғар кіреді.
