Конкурс туралы хабарландыру

Жоғары немесе ортадан кейін немесе орта техникалық немесе кәсіптік білім.

1. 
   осы Қағиданың 2-қосымшасына сәйкес нысандағы өтініш;
   
2. 
   3х4 үлгідегі суретпен осы Қағиданың 3-қосымшасына сәйкес нысанда толтырылған сауалнама;
   
3. 
   бiлiмi туралы құжаттардың нотариалдық куәландырылған көшiрмесi;
   
4. 
   еңбек өтілін растайтын құжаттың нотариалдық куәландырылған көшiрмесi;
   
5. 
   Қазақстан Республикасы Денсаулық сақтау Министрінің м.а. 2010 жылғы 23 қарашадағы № 907 бұйрығымен бекітілген (нормативтік құқықтық актілерді мемлекеттік тіркеу тізілімінде 2010 жылы 21 желтоқсанда № 6697 болып тіркелген) нысандағы денсаулығы туралы анықтама;
   
6. 
   Қазақстан Республикасы азаматының жеке басын куәландыратын құжаттың көшірмесі;
   
7. 
   құжаттарды тапсыру кезінде заңнаманы білуіне тестілеуден өткені туралы шекті мәннен төмен емес нәтижесі бар қолданыстағы сертификат (немесе нотариалдық куәландырылған көшірмесі);
   
8. 
   конкурсқа қатысу үшін құжаттарды тапсыру кезінде уәкілетті органда жеке қасиеттерін бағалауды өту туралы қолданыстағы қорытынды (немесе қорытындының нотариалдық куәландырылған көшірмесі).
   

Егер азамат еңбек өтілі болмаса және конкурс жарияланған бос лауазым бойынша жұмыс өтілі талап етілмейтін болса, еңбек өтілін растайтын құжаттардың көшірмелерін ұсыну талап етілмейді.

Құжаттар пакетін толық тапсырмау, конкурстық комиссиясының оларды қараудан бас тартуға негіздеме болып табылады.

Конкурс өткiзу туралы хабарландыру соңғы жарияланған күнінен бастап 10 жұмыс күні ішінде құжаттар тапсырылуы тиіс.

Конкурс комиссиясының қарауына құжаттарды қабылдау мерзiмiнде азаматтардың өздерi тапсырған немесе поштамен жiберген (қоса тіркелген құжаттардың тізбесі құжат тігілетін папкада) құжаттары қабылданады.

Жалпы конкурсқа қатысуға ниет білдірген азаматтар «Шарбақты ауданы әкімінің аппараты» ММ-нің ұжымды басқару қызметіне құжаттарын қолма-қол тәртіпте, пошта арқылы не хабарландыруда көрсетілген электрондық пошта мекенжайына электронды түрде не «Е-gov» электронды Үкімет порталы немесе «е-қызмет» біріктірілген ақпараттық жүйесі арқылы құжаттарды қабылдау мерзімінде тапсырады.

Конкурсқа қатысу үшін құжаттарды электронды түрде электрондық почта не «Е-gov» электронды Үкімет порталы арқылы берілген жағдайда азаматтар құжаттардың түпнұсқасын әңгімелесу басталғанға дейін бір сағат бұрын кешіктірмей береді. Оларды ұсынбаған тұлға конкурс комиссиясымен әңгімелесуден өтуге жіберілмейді.

Азаматтар өзінің біліміне, жұмыс тәжірибесіне, кәсіптік деңгейіне және беделіне қатысты қосымша ақпарат беруіне болады (біліктілігін жоғарылату туралы құжаттардың көшірмесі, ғылыми дәрежесі және атағы, мінездеме, ұсынымдар, ғылыми мақала, өздерінің кәсіптік біліктілігі мен қызметін сипаттайтын өзге мәліметтер).

Әңгімелесуге жіберілгендері туралы хабарланған соң бес жұмыс күні ішінде әңгімелесуге жіберілген кандидаттар «Шарбақты ауданы әкімінің аппараты» ММ-де әңгімелесуден өтеді.

Конкурс комиссиясының отырысына байқаушылар қатысады.. Байқаушылар ретінде Қазақстан Республикасы Парламентінің және барлық деңгейдегі маслихат депутаттарының, Қазақстан Республикасы заңнамасында белгіленген тәртіпте аккредиттелген бұқаралық ақпарат құралдарының, басқа мемлекеттік органдардың, қоғамдық бірлестіктердің (үкіметтік емес ұйымдардың), коммерциялық ұйымдардың және саяси партиялардың өкілдері, уәкілетті органдарының қызметкерлері қатыса алады.

Тиісті мемлекеттік органының басшысының келісімі бойынша конкурс комиссиясының отырысына сарапшылардың қатыстыруға жол беріледі. Сарапшы ретінде конкурс жариялаған мемлекеттік органның қызметкері болып табылмайтын, бос лауазымның функционалдық бағыттарына сәйкес салада, оның ішінде ғылыми салада жұмыс тәжірибесі бар тұлғалар, сондай-ақ персоналды іріктеу және жоғарылату бойынша мамандар, басқа мемлекеттік органдардың мемлекеттік қызметшілері, Қазақстан Республикасының Парламент және мәслихат депутаттары қатыса алады.

Қр Заңдарын білу бойынша тиісті санаттағы әкімшілік мемлекеттік бос лауазымдарына кандидаттарды тестіден өткізудің бағдарламасында мыналар ескерілген.

«Қазақстан -2050» стратегиясы: қалыптасқан мемлекеттің жаңа саяси бағыты, осы лауазмды мамандануыена сәйкес саласында ғы қатынастарды реттейтін Қазақстан Республикасының нормативті-құқытық актілері, осы санаттағы лауазымның функционалдық міндеттерін орындау үшін өзге де міндетті білімі болуы тиіс.

Бос әкімшілік мемлекеттік лауазымдарға орналасуға үміткерлерге арналған тестілеу бағдарламасы Е-G-4 санаты үшін: Қазақстан Республикасының мемлекеттік тілді білуге арналған тест (20 сұрақ), ұзақтығы 20 минут; Қазақстан Республикасының Конституциясын (15 сұрақ), «Қазақстан Республикасының мемлекеттік қызметі туралы» (15 сұрақ), «Сыбайлас жемқорлыққа қарсы іс-қимыл туралы» (15 сұрақ), «Қазақстан Республикасындағы жергілікті мемлекеттік басқару және өзін-өзі басқару туралы» (15 сұрақ), «Жеке және заңды тұлғалардың өтiнiштерiн қарау тәртiбi туралы» (15 сұрақ), «Мемлекеттік көрсетілетін қызметтер туралы» (15 сұрақ) Қазақстан Республикасының заңдарын бiлуге арналған тестілер.

Осы бағдарлама бойынша тестілеуді өту мәндері барлық нормативтік құқықтық актілер бойынша сұрақтардың жалпы санынан (90 сұрақ) кем дегенде 45 дұрыс жауапты және әрбір нормативтік құқықтық актілер бойынша кем дегенде 5 дұрыс жауапты құрайды. Осы бағдарлама бойынша Қазақстан Республикасының заңнамаларын білуге арналған тестілерді орындау үшін жалпы уақыт 80 минутті құрайды.

«Б» корпусындағы лауазымына кандидаттардың жеке қасиеттерін бағалауға арналған тестілеу бағдарламасы санаты Е-G-4: бастамашылық деңгейін анықтау үшін (12 тапсырма), коммуникативтілік (12 тапсырма), аналитикалық (12 тапсырма), ұйымдастырушылық (12 тапсырма), әдептілік (12 тапсырма), сапаға бағдарлану (12 тапсырма), тұтынушыға бағдарлану (12 тапсырма), сыбайлас жемқорлыққа мүлдем төзбеушілік (12 тапсырма).

Екінші бағдарлама бойынша тестілерді орындау үшін жалпы берілген уақыт 75 минут.

Екінші бағдарлама бойынша 4 (төрт) балдан тәуекел етуге мүмкіндік беріледі: бастамашылық – 1,5 балл, коммуникативтілік – 1,5 балл, аналитикалық – 2 балл, ұйымдастырушылық – 1,5 балл, әдептілік – 1,5 балл, сапаға бағдарлану – 1,5 балл, тұтынушыға бағдарлану – 1 балл, сыбайлас жемқорлыққа мүлдем төзбеушілік – 2 балл.