Мектепішілік бақылаудың негізгі бағыттары

Қазақстан Республикасының білім беру ұйымдарында оқу жылына арналған мектепішілік бақылау жоспары «Орта, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы» ҚР Білім және ғылым министрінің 2020 жылғы 6 сәуірдегі № 130 бұйрығына 4 қосымшасына сәйкес әзірленеді және жүргізуге міндетті құжаттардың тізбесіне енеді. Осы бұйрыққа сәйкес мектеп директорының қызмет бағыттары бойынша (оқу, тәрбие жұмысы, бейіндік оқыту, ақпараттық технологиялар жөніндегі) орынбасары оқу жылы басталғанға дейін бір рет мектепішілік бақылау жоспарын (қағаз немесе электрондық нұсқада) әзірлейді және оны мектеп директоры бекітеді. Мектепішілік бақылау жоспары 6 бағыттан тұрады:

1. 
   Нормативтік құжаттардың орындалуын бақылау және талаптарға сәйкес мектеп құжаттамасының жүргізілуін бақылау;
   
2. 
   Оқу процесінің сапасын бақылау;
   
3. 
   Білімнің олқылықтарын толтыру және төмен көрсеткіштермен жұмыс істеу бойынша жұмыстарды бақылау;
   
4. 
   Оқу-зерттеу қызметі;
   
5. 
   Мұғалімнің шеберлік және әдістемелік дайындық жағдайының деңгейін бақылау;
   
6. 
   Тәрбие процесін, өткізілген іс –шаралардың сапасын бақылау.