О, табиғат үлкен сезім бастаған, Өз заңымен келген ылғи аспаған. Адамға тән қасиеттер маған дос, Ғаламға жат қасиеттер қас маған…

ЖҮРЕК АҢСАРЫ

Адалдықты күтемін тек қыздардан.

Ақ жүректі, қасиетті аналар,

Жан баласын қорғар оттан, ызғардан.

Алтын қыздар айналмады жеңілге.

Қазақ қызы қазақ салтын ұстанған,

Сақтап қалды дәстүрді де өңірде.

Ана жүрек сәбиіне мұздар ма?

Қыздар күлсе бүкіл әлем шаттанып,

Тына қалар құйын менен ызғар да.

Айнасы ғой сақтап келген салтының.

Айналайын, қарындастар сендерге,

«Қорған болсақ»-деп жүремін алтыным!

Жиған байлық бақыт боп саналар ма?

Нағыз бақыт анаң ғой құт береке,

Мәңгі құрмет үзілмес сана барда!

Осы жаста ғаламат та, ғажап та.

Ұл-қыздарың өсіп-өніп, ер жетіп,

Демалдырар, артта бейнет азап та.

Жұбайлар енеді екен жарасымға.

Немерең ыстық болып, өз балаңнан,

Өмірге ерекше көз қарасың да.

Бір ойлар жүдетеді, аздау күлкің.

Кемпірің немереңмен алыс жатып,

Түсіңе сұлу кірер ойхой шіркін…

Ер жігіт осы жаста жана алады,

Елу жас еркелеген ердің жасы,

Ерлігі жүректерге таралады...

1998жыл.

Асыл аға…
Асыл аға күн шуағы күлгенің,

Жаның таза мөлдіреген бұлақтай.

Тілеп бақыт, өміріңе гүлді егін,

Өлең жаздым, шабыт қуып, шыдатпай.

Алғаш сәттен аға сізге таң қалдым.

«Жолы болса»-деп ініңіз көз ілді,

Аға сіздей кішіпейіл жандардың.

Нәр беріңіз бүкіл елге бұлақтай.

Жаныңызда мәңгі жүрсін жеңгеміз,

Ер жігіттің өр көңілін құлатпай!

1990жыл.

Гүл сезім
Көңілді көкке көтеріп,

Кетер ең бір сәт көрінсең.

Кетер ме дәптер беті еріп?

Өлеңмен саған берілсем.

Қолдардан қолға көшеді.

Асыл зат жатпас әр жолда,

Құны мың сонда өседі.

Жасаған оны жүрегің.

Жүрегің теңіз, көл, егін,

Аралдай іздер тірегін.

Жағымды ескен самалы.

Бейнебір жүрек соққандай,

Толқындай ұрып жағаны.

Көңілде нұрлы шақ қалсын!

Солмасын мәңгі гүл сезім,

Жүректе мәңгі сақталсын!

1990жыл.
Әкені аңсау
Қуандым Талғат хатыңды алып,

Бейнебір бірге жүргендей.

Кенет бір саған жақындап барып,

Бетіңнен әппақ сүйгендей.

Төбеміз көкке жеткендей,

Асқар тау биік бағымыз құлап,

Жыладық жаңбыр төккендей.

Ол заңнан адам аспаған.

Қартайған бүркіт туысын жинап,

Шыңдардан өзін тастаған.

Ақылдар айтып қаншама бауыр,

Айтса да туыс бекем ой.

Асқар тау биік әкенің орны,

Өмірде бөлек екен ғой...

Тыңдашы Талғат егіздей едік,

Бір жүрсек көп еді шығар шың.

Хабарсыз кеттім досыңның жайын,

Айтқызбай жаным ұғарсың…

1990жыл
Бұлақты көрдім…
Қаншама күндер өтіпті-ау еркем қиялдай,

Сағыныш сазы жүректі тербер сия алмай.

Қандай бір бақыт, өзіңмен әр сәт бір жүру,

Жан сезімдерімді ашайын жайып, ұялмай.

«Адамдар біздей болыңдар»-деген сыр ұқтым.

Жұбымыз біздің жазылмай өтсін өмірде,

Бұлақтай саған болсам ғой деумен тұрыппын.

1990жыл
Ән: Қайнарым- шаттық әнім
Қайнарым суың қандай мөлдір еді,

Сені ойлап, ет жүрегім елжіреді.

Бабалар әруағыңнан айналайын,

Болған ең қиын шақта ел тірегі.

Қайнарым-шаттығым,

Туған жер- тәтті ұғым.

Қонып тұр басыңа,

Бар бақыт, бақ бүгін.

Бал кәусар бұлағың,

Бақытты ұланың.

Перзенттік парызбен,

Арналды нұр әнім,

Арналды сыр әнім, жыр әнім!

Топырағың суың қандай қасиетті.

Шалабай, Төке, Сыдық бабаларым,

Бақ болып, топырағыңды басып өтті!

Ордабасы-ата тарих көрінеді.

Бірліктің, ынтымақтың туын тіккен,

Елімнің батыр,билер, серілері!

Тал бесік бұл аймаққа жер жетпейді,

Той думан құшағыңнан жыр кетпейді.

Бұлақтай жаны таза жас болашақ,

Туған жер сүйіп сені құрметтейді!

1993жыл.
Ән: Мөп-мөлдір бұлағым сен!

Жылуым шырағым сен Нұрғисам.

Өзіңмен өмірім бал қызықты,

Өмірім, жыр әнім сен Нұрғисам!

Өзіңді «Дана» дерсің,

Бағың да жана берсін.

Әр таңың күліп атқан,

Бақытын ала келсін!

Өмірде қуанышым,

Әрдайым жұбанышым.

Көңілімнің ажары сен,

Бәрі де бір сен үшін!
Өзіңсің өмірдің мәні де,

Өзіңсің көңілдің сәні де.

Өмірде тірегім, сенерім,

Өзіңсің ақылдың кені де Нұрғисам!

1990жыл
Айдарға

Сыйласқан,

Көңіл қалмаған.

Көгіңде ай бар,

Түнгі аспан,

Сенен аумаған.

Келінді тауып,

Нұр болып жауып,

Көктерсің,

Гүлденіп алап,

Тау болып талап,

Бақ берсін!

Өнерге құштар,

Жыр құмар.

Көрсетпес айбар,

Жан емес іші тар,

Мың сынар.

Намыс пен арым,

Демеушім барым,

Ардағым,

Жақсылық ету ,

Адам боп өту,

Арманым.

Ақылгөй асыл,

Данаға.

Алтынның кенін,

Анаға.

Анамызға ұқсап,

Сая ма?

Қадірін біл де,

Аяла!

Әкенің орны,

Тым бөлек.

Өмірдің соңы,

Қиналыс торлы,

Не себеп?

Жылаумен келіп,

Ұрпақтар беріп,

Таң қылып,

Қызығың қалу,

Өшу мен жану,

Заңдылық!

1997жыл.
Ән: Сағындым сені
Сағындым сені, сағыныш толы, күй бөлек,

Шарқ ұрып жүрек, мыңдаған сұрақ кимелеп,

Өмірге налып, көңілің қалып, жүрсің бе?

Өзіңе өзің: «Ешкімге сенбе, сүйме»-деп.

Жауабын таппай қиналам мың бір сұраққа-ай...

Бір-бірін аңсап, зарыға жеткен жігіт,қыз,

Кездесе қалса тұрғандай болады ұнатпай...

Өмірге келер үлесін адам алуға,

Жастыққа тән ғой жалындау,лаулау, жану да.

Өзгеге түгіл, өзіңе қимас адаммен,

Бақыт та шығар, «Мәңгілік дос» боп қалу да!

1997жыл.
Мәңгілік сезім
Жалындап жүрек, ашылды сезім бастауы,

Тиіс пе заң ба, тағдырдан адам аспауы?

Ойлармен жүдеп, сағыныш үдеп, аңсаумен,

Болып та алдым жанымның нағыз қас жауы.

Ертерек неге кездеспей қалдың қарағым?

Жанарың күн боп, сәулесін құйып жаныма,

Жүрекке еніп, қан болып бойға тарадың!

Күн көрсең көктен «Мен»- деп біл шуақ сыйлаған.

Биікте ұшқан құстарды көрсең, тоқташы,

Қанатын сермеп, «Мен»- деп біл сені қимаған.

Түсіңде болам, ойыңда, ішкі санаңда.

Мүмкін де емес мендегі сезім өшуі,

Мен өлсем дағы сезімім қалар ғаламда!

1998 жыл.
Тәңірім сені ерекше сұлу жаратқан,

Гүлсің бе өзің бүршігін ашқан дарақтан.

Кездескен сәттер жүректе мәңгі сақталар,

Кем емес сірә біз үшін жұмақ жәннаттан...

Ұзақ түн ұйықтай алмай буынады.

Жерде жұмақ жастық шақ ұмытпашы,

Бір күні ыстық дене суынады.

Жеміс те қатты піссе төгіледі.

Қадірін жастық шақтың білмегендер,

Өкініп қартайғанда егіледі.

Сұлудың ақ бетінен қан кетеді.

Жалынды жастық шақта кездескенде,

Бір сүйдір алма беттен нең кетеді?!...

1998жыл.
Көңілімнің көркем бағы...
Сен мені сағындың ба?

Беймәлім күйлер кештім.

Жастықтың жалынында,

Жайымды сен білмессің.

Мөлдіреп қарасың да,

Сұлусың өзің неткен,

Қазақта дарасың ба?

Қиындық көрсем дағы.

«Өзің»-деп мен шөлдегем,

Көңілімнің көркем бағы!

Сен менен алыстадың.

Баладай алаңдағы,

Желменен жарысқаным.

Жауапты бермегенің.

Мұңайтты гүл-жыр өрнек,

Су жерде өнбегенің...

13.04.98жыл.
Кешегі қайда серілер?
Ешкімге жоқ еді зияным,

Ешкімге жаман тіл қатпан.

Ғарышқа кетіп қиялым,

Езеді мұң зіл мың батпан.

Өзіңсің мұңды түсірер.

Ғайып боп кетсем мен ертең,

Оқыса жырды түсінер.

Бір беткей жасап затымды.

Әкеміз асыл сүйікті,

«Серітай»-деп қойған атымды.

Өнерлі топты және ертіп,

Ән күйге бөлеп даламды,

Елімді жырға кенелтіп.

Аңсаймын шыңды қырандай.

Ауылына барсам, сағына,

Сүйіктім шықса бұраңдай.

Келетін «Той»-деп қыр асып.

Шығуға сыртқа ерінер,

Көп қазақ момын, тым жасық.

Жаны жаз, текті тым ашық.

«Ақсүйек» аңыз көрінер,

Ғашықтар жүрген сырласып...

14.04.98жыл.
Сағынсаң ізде мені
Жүректің жыр маржанын,

Көңілімнің ізгі арманын,

Жанымның қызғалдағын,

Өзіңе мен теңедім

Бәріне сыздар жаны,

Еліктің ерке лағы,

«Өзің»- деп мен келемін.

Аттансам ақ туым ең,

Өзгермес пәк туып ең,

Өзіңе мен сенемін.

Кеудеңе жыр жалын боп,

Жүрекке нұр ағын боп,

Жаныңа мен енемін!

Жаз өтсе күз келеді,

Сағынсаң ізде мені.

Жаралы жүректің де,

Сыңары іздегені.

Жауапты бергеніңше,

Құшаққа енгеніңше,

Жыр арнап өлгенімше,

Бәрін де қызғандырып,

Өзіңді әнге бөлеп,

Күй арнап елден ерек,

Бәріне өзің себеп,

Кетемін із қалдырып!

1998жыл.
Өмір туралы...

Сөнбейді кімнің шырағы?

Мәңгілік өмір қайда бар?

Темір де бір күн сынады.

Жаныңда бәрі тізіліп,

Кедейлеу болсаң бір күні,

Қалады бәрі үзіліп.

Бүгінгі ашың ертең тоқ.

Бүгінгі алтын ертең мыс,

Бүгінгі жалын ертең шоқ.

Қасқырға бәрі айналар.

Ар намыс қалып жайына,

Шегіне жетті айлалар.

Қорқақтар жеңіп жеңбесін.

Дайын тұр тартып алуға,

Құдайдың да бермесін.

Тәнін сатып алтынға,

Шетелдікпен қыздар жүр,

Міз бақпаған қалпында.

Өтпес қылыш қайралар,

Барысқа елім айналар.

Бір күндей болмай қиындық,

Бір күні көңіл жайланар.

Гүлденер ауыл далалар.

Ол күнді көру бір арман,

Көрмесек көрер балалар!!!

Сағыныш күйін шертіп ем.

Көре алмай сені сахнадан,

Шарпылдым мұңның өртімен.

Ерекше туған мүсін ең.

Келе алмай әлде қалдың ба?

Тірліктің күйкі ісімен.

Мың қыздан сені таңдадым.

Ғанибет екен сезіну,

Жаныңа жақын жан барын!

Жақсы ән жанды жылатты,

Әніммен бірге жүрегім,

Қалықтап жүрген сияқты.

Жүрегім ойын бүкпеді.

Армандап,аңсап жеткенде,

Қалайша еркем күтпеді?

Армандап адам өтер ме?

Айлы түн естен кетер ме?

Ашығын айтшы жыр әнім,

Сағыныш бәрі бекер ме?

1998жыл.
Көктем келді, күн ұзақ, түн қысқарған,

Сәлем айттым өзіңе жыл құстардан.

Ұғындыра ала ма жан сырымды?

Ақтарылмай қала ма бұл ішкі арман???
Аққусың еркем...
Сағындым сені, сен дағы мені сағынғын,

Жадымда жүрсің арасындамын жалынның.

Нәзіксің талдай, бейкүнә жандай үлбіреп,

Әрдайым сенің жаныңнан келер табылғым.

Қиналды жүрек қалдың-ау сонда мұңайып,

Сезімін айту сен үшін қиын шын айып.

Шалқыған әнім, балқыған сәнім, өзің ең,

Аман сау жүрші жырыма болып лайық.

Аққусың еркем, тағдырың қалай шешілген?

Жаратқан ием Қызжібек, Баян, Ләйлінің,

Сымбатын, сәнін айнытпай саған көшірген.

Тал бойың әсем, сұлулық асыл қасиет.

«Гүл»болып гүлде, «Күн» болып күнде жадыра,

Көңілімнің бұлтын нұрыңмен сейілт, ашық ет!

Ұшқыннан сезім айналар ыстық жалынға.

Кездессем деймін жастықтың жасыл бағында,

Тосқауыл бар ма жүректей жойқын ағынға?!

01.05.1998жыл.
Асыл жырымның барлығы шындық жалған жоқ,

Жүрекке босқа жазылмас жара салғам жоқ.

Түсінсең жақсы, түсінбей өтсең не шара?

Мәңгілік жырдың кейіпкері болдың арман жоқ!

Ілмессің жырды, құлаққа бәлкім ілерсің.

Жалындап өткен, жыр-маржан төккен жігіттің,

Қадірін әттең кейіндеу, кештеу білерсің...

Жан жүрегімнен «жыр сарай» сізге салынбақ.

Мың рет қайта айналып өтсем жер шарын,

Аққудай әсем сіздей жан қайдан табылмақ?!

Ең жақын жанға көргеннен сізді балағам.

Сөзіңіз ерітіп, жаным да елітіп, мен жүрмін,

Күш-ләззат алып «ғарыштық биік санадан»

Арналар сізге тілегім, жырым-гүл дестем.

Бақытты болып, шаттыққа толып, күліңіз,

Жаны алтын ару, замандас-құрбы,бірге өскен!

14.08.1998жыл.

Мәңгілік тағзым ұстазға!

Мұғалім күні ұлы той,

Сыйлап тұр бізге шаттығын.

Жүректен жанып туған ой,

Шықсыншы сыртқа тап бүгін.
Мәңгілік тағзым ұстазға,

Мәңгілік құрмет жасалар.

Қанағат тұтар тым азға,

Кім орнын оның баса алар?

Сыйласу, сыйлау керек ақ.

Жақсысын ешкім бермейді,

Ұстаздың орны бөлек ақ.

Білімге елді бастаған.

Сыйласшы алтын жанменен,

Жаныңда жүр ғой жақсы адам.

Өмірге біздің алдағы.

Ойласам жүрек дір еткен,

Жадымда мәңгі қалғаны.

Денсаулық, бақыт, амандық!

Шәкірттеріңіз гүл-егін,

Тәрбиелеңіздер адам қып.

Сыйластық болсын мәңгілік!

Қуаныш мәңгі тарқама,

Жүрейік елді таң қылып!

Жүректің игі тілегі.

Жетемін сізге мың аңсап,

Жаныңыз шуақ күн еді.

Жаратқан сізді әсем қып.

Ежелгі дәуір уағындай,

Сайлар еді сізді «Көсем» қып.

Көрікті көркем көлдейсіз,

Сіздей жан түске енбеген.

Ең жақын бәлкім жеңгейсіз,

Күн-түні «Сіз»-деп шөлдегем.

Далада өскен гүлдейсіз.

Көргеннен сізді балқығам,

Шаршауды және білмейсіз.

Жүректің сіз ғой жаңа әні.

Бағындырдыңыз қарусыз,

Жаулап алдыңыз сананы.

Кім айтар ашық арманын?

Ұмытпағайсыз сізді де,

Сағынып жүрген жан барын.

19.08.1998жыл.
Жырлашы жүрек...
Жырлашы жүрек, ысырып мұң мен қайғыны,

Өтіп барады жастықтың жалын айбыны.

Қайда екен сол бір жап-жасыл көктем кездерім,

Махаббатымның мөлдіреп тұрған айдыны?!

Жігіт пен ару бір-бірін көріп дірілдеп.

Жұлқынар жүрек бас білмес асау тұлпардай,

Жігіт сұлтаны дәл осы сәтте білінбек.

Қызарып беттер, қаласың сөзден қақталып.

Сүйгенді көріп, нұрланып, жанып, бақ дарып,

Жүректе қалар сол бір сәт мәңгі сақталып!

Туылу бар да адамға жоғын екі өлім?

Аумаған гүлден, қан жылап жүрген адам бар,

Өмірден таппай бақытын, орнын, мекенін...

Ұмытылар ма екен сұлудың мөлдір қарасы?

Бау менен бақтар куәсі болып жастықтың,

Сақтайды сырды жап-жасыл Шымкент қаласы.

Өтіп барады жастықтың жалын айбыны.

Қайда екен сол бір уайымсыз, мұңсыз кездерім,

Махаббатымның мөлдіреп тұрған айдыны?!

1998жыл.

Өтеді-ау өмір өте тез...
Жырыммен сізді тербейін,

Ұшыңыз көкте қалықтап.

Асылын сөздің сермейін,

Жүрмеңіз сонда талып қап.

Жеңіле салу айып та.

Көп тағдырлардың өзегі,

Ескексіз жүзген қайықта.

Шапағат нұрын сыйлаған.

Нәр алып сізден қуатты,

Ешкімге тағы қимағам.

Сіз емес кербез ісінер.

Адал жандарды іздейсіз,

Жаныңызды түсінер.

Жалаңаяқтарға суықтау.

Сіздей жан «Ел»-деп туыпты-ау.

Шығатын әркез тұйықтан.

Жүректің жібін сөккенсіз,

Сөзіңіз жанды ұйытқан.

Кетеді-ау бізді ұмытып.

Жүрегімнен туған жылы сөз,

Жаныңызды жүрсін жылытып!

07.09.1998жыл.
Сеземін сені, сезімім саған мәңгілік! (Әні бар)
Сағыну қандай, сезіну қандай жүрекпен,

Арайлы таңым өзіңді «Мәңгі жыр» еткем.

Күту ме бақыт, өтсе де уақыт аңсаумен?

Сүйіктім менің жүрекке солымас гүл еккен!

Сеземін сені күндіз-түн таза ауадан.

Біргеміз біздер, бір-бірін іздер , екеуміз,

Қуаныш сыйлап, туылдық қайта жаңадан!

Түсімде жүрсің, ойлаумен көзді ілгенде.

Сағынта берер қуатты күшің жүр менде!

Сағынта берер қуатты күшің жүр менде!
14.09.1998жыл.
Асау жүрек
Қыран білер өзінің,

Биіктігін биігін.

Ұлылардың көзімін,

Бойыма берген сыйы мың...

Арманшыл болар азамат.

Ақылдым менің кеңесер,

Кешірші жүрсем мазалап.

Бабалар батыр ер еді.

Ойладым ең бір бастысы,

«Адам» боп өту керегі.

Көп ойлар біздер түйіппіз.

Күрес қой өмір алысқан,

Жеңе алсақ күнім биікпіз!

1998жыл.
Анасын жақсы көрмес бала бар ма?
Анасын жақсы көрмес бала бар ма?

Құрмет етер аталар, ағалар да.

Анасын сыйлап өткен әулиелер,

Хандар да, батырлар да, даналар да!

Ана сөзі бақ, ырыс, бал қымыз да.

Ата боп қалсақтағы ана үшін,

Қаламыз сәби бала қалпымызда.

Өмір бақи ұрпақ қамын жеп жүрер.

Дана сөзі: «Ата- анаңа не істесең,

Ұрпағың да соны алдыңа келтірер»

Түсінуге жүрек керек, ой керек!

О, адамзат ата-анаңды аяла!

Бұл өмірге келтірмесе қайтер ек?

Бұл өмірге келтірмесе қайтер ек?

Мәңгілік жанымда бол аңсағаным! (Әні бар)
Сен менің арманым ба едің?

Күндіз-түн сағындырған.

Аққуым , шалқар көлім,

Сұлусың табындырған.

Сен менің ақ таңым ба едің?

Мөлдіреп, жаның әсем.

Бақытты шақтарым менің,

Жүргенде жанымда сен!

Мәңгілік жанымда бол аңсағаным.

Әр таңды бір өзің деп қарсы аламын.

Сен менің қасымда бол, алыс кетпе,

Бірге жұт тау самалын, ән самалын!
Жүректе лаулаған жалын,

Есімді жия алмағам.

Самғатқан бір нұрлы ағын,

Әлемге сия алмағам.

Аяулым күліп тіл қатшы,

Бақыт боп әр қадамың.

Бұл өмір қандай жақсы,

Сағынар болса адамың!

29.11.1998жыл.

Сені көріп...
Сені көріп алаңдадым, шарқ ұрдым,

Қанатыңмен қиялымды қақтың да.

Жүрегімде алай-дүлей сан қырғын,

Кімді іздедің, бақытыңды таптың ба?

Бойың әсем, жаның нәзік,тал шыбық.

Көркемдігің, көрінісің бай сабақ,

Дегендей-ақ: «Сұлулықты қалшы ұғып»

Келбетіңмен от боп лаулап жанасың.

Көзіңдегі көлге батып, тұншықтым,

Күннен күнге жақын тартып барасың!

Есіме түсе бересің.

Кездесіп бейуақ, жаныма,

Жарақат салып келесің.

Алыстап кеттік армандай,

Әніміз қалды жалғанбай.

Бөленді нұрға бар әлем,

Әніңе әсем салғанда-ай!

Кең далам тұрды мөлдіреп,

Жүзімді алқап елжіреп,

Пәк, сұлу жаның, дидарың,

Аңсайды сені бұл жүрек!
Гүлімсің иісі аңқыған,

Әнімсің биік шалқыған.

Елігім, еркем ару қыз,

Өзіңе қарай талпынам!

1990жыл
Сарыуайым сағыныш күй
Жүрекке жақын жан болдың,

Күндіз-түн ойдан кетпеген.

Өзіме-өзім таң болдым,

«Сен» десем демім жетпеген.

Сағыныш күйін шерткенде.

Елес боп бейнең шақырады,

Оралам қайта өткенге.

Жапырақ жерде жатқаны.

Таба алмай сені іздегем,

Осы ғой қатты батқаны.

Біледі-ау қайта гүлдерін.

Жаныма бір күш дем берер,

Аман-сау күліп жүргенің.

Тәнті еттің биік үлгіңмен.

Әрбір күн, әрбір таңыммен,

Өзіңді аңсап жүрмін мен.

26.10.1998жыл.
Жүрек аңсары (Әні бар)
Сағынған жанды,

Көзім де талды,

Шарқ ұрдым іздеп, таба алмай.

Сағыныш тербеп,

Жүректі кернеп,

Бұза алмай тағдыр қамалды-ай.

Сен,қайдасың?

Бақыт боп жүзің жайнасын!

Кел, айнымасым!

Қол жетпес алыс айдасың.

Үміт пен арман,

Жетелер алдан.

Жас жүрек қашан тынады?

Өмірде сыйлас,

Жандар бар қимас,

Жүрегім аңсап тұрады!

1999жыл.