Психология тарихы” пәні бойынша Оқу әдістемелік кешен. 050103 «Педагогика және психология»

Мазмұны

1. Алғы сөз................................................................................................................

2. Курстың мақсаты, міндеті..................................................................................

3. Жалпы мәліметтер...............................................................................................

4. Жұмыс оқу жоспарынан көшірме......................................................................

5. Оқу сабақтарының құрылымы туралы мәлімет................................................

6. Студентке арналған ережелер.............................................................................

7. Оқу сағаттарының кредитке сәйкес тақырып

бойынша бөлінуі.......................................................................................................

8. Лекция сабақтарының жоспары, мазмұны.........................................................

9. Практикалық (семинар) сабақтарының жоспары, мазмұны ............................

10.СӨЖ – жоспары, мазмұны..................................................................................

11.ОБСӨЖ- жоспары, мазмұны..............................................................................

12. Кредиттің мазмұнына сәйкес бақылау түрлері................................................

а) тестілік сауалнамалар

б) жазбаша бақылау жұмысы

в) коллоквиумдар

г) сөзжұмбақтар

д) Глоссарий

13. Студенттердің академиялық білімін рейтингтік

бақылау жүйесі..................................................................................................

14. Пән бойынша оқу процесінің картасы.............................................................

Оқу - әдістемелік кешені - “ Психология тарихы ” дисциплинасы бойынша

050103 мамандарын дайындауға арналып, барлық қажетті оқу-әдістемелік материалдардан құралып, осы курс бойынша дәріс беруші мұғалімнің жұмысын тиімді ұйымдастыруға арналған. Білім беруде кредиттік технологияны пайдалана отыра, барлық құжаттарды бір жүйеге (комплекске) біріктіру, пәнді меңгеру процесінде студенттің білімін, машықтануын және біліктілігін жоғарғы деңгейге көтеру көзделініп отыр.

Жұмыстық бағдарламада оқу жұмысының түрлері бойынша сағаттар көрсетілген:

ПС – практикалық сабақтар, СС - семинар сабақтар, СӨЖ – студенттердің өзіндік жұмысы. ОБСӨЖ- оқытушының басшылығымен студенттердің өзіндік жұмысы.

Оқытудың мұндай бағдарламасы (SYLLABUS), семестрдің басында әрбір студентке беріліп, студенттің білімін тереңдетуге, пәнге деген ықыласының артуына, шығармашылық және зерттеушілік қабілеттері ашылып, одан әрі дамуына себін тигізеді деп күтілуде.

СӨЖ-де зерттеліп отырған материалды студент өз бетімен меңгеруі мен үйге берілген тапсырманы орындау көзделеді. Оқу материалы барлық оқыту формаларының өрімделуі мен ерекшеленеді.

Дәрістің қысқаша жазбасы студентке қайсы бір тақырыптан қарастырылуда неге назар аудару керектігіне бағыт береді, санасына негізгі ұғымдармен терминдерді енгізеді.

Пәнді толықтай меңгеру үшін студент ұсынылған әдебиеттің барлығымен дерлік жұмыс өткізіп және өзіндік жұмысынын барлық көлемін орындауы қажет.

Тапсырмалар мен жағдайлардың жиынтығы студенттерге аудиториялардан тыс өзіндік жұмысты, үй тапсырмасын орындауға арналған.

Тесттік тапсырмалар студентке кредиттерді тапсыруда пән бойынша өз білімдерін тексеруге және рейтингтік бақылауды тапсыруға, сынақ/емтиханды алуға арналған.

2 . Пәннің мақсаттары мен міндеттері, оның оқу процесіндегі рөлі.

«Психология тарихы» әлемдегі барлық психологиялық білімдер жайлы бұрынғы өткен ғұлама ғалымдарымыздың көзқарастары мен болашақты болжауының нәтижесінен туындаған, өткен тарихымыздан жас ұрпаққа мұра болып жеткен психология ғылымдарының дамуын, сондай-ақ психикалық құбылыстардың табиғаты жайлы мәселелерді қарастырады. Психология тарихы осы ғылымның негізін салушы ұлы ғұламалардың ғылыми мұраларына ұқыпты қарауға, ғалымдардың ұшантеңіз еңбектерін, ғылыми мұраларын бағалап, ғылымның әрі қарай дамуына қажетті өшпес идеяларды алуға, ғұлама ғалымдардың жанқиярлық еңбектерін бағалауға үйретеді.

Психология тарихын зерттеу арқылы бүкіл психологиялық болмысты жүйелі қарастыру қалыптасады. Ғасырлар бойы дамып келген және қазіргі психологияның ұғымдар аппаратына енген ғылымның негізгі категорияларын меңгеру жүзеге асады.

Психология тарихы курсы шетелдік психологиямен бірге отандық психология тарихында қамтиды. Арнайы түрде Шығыс соның ішінде, Қазақстан ойшылдарының психологиялық көзқарастарына көңіл аударылады. ТМД елдеріндегі психологияның қазіргі жай-күйі көбінесе кеңестік кезеңде жасалған зерттеулермен анықталады, сондықтан психология тарихы курсында отандық психологиялық ғылымдардың дамуына марксизмнің әсері де көрсетіледі.

Курста негізгі психологиялық категориялар мен көзқарастардың дамуындағы сабақтастық, әр түрлі ғылыми мектептер мен бағыттардың әрекеттестігі қадағаланып отырады.