Раковіч Віталь Уладзіміравіч
жүктеу/скачать 20.4 Kb.
|
- Бұл бет үшін навигация:
- Phone: +375 29 654 01 24 E-mail: vitaly.rakovich@gmail.com Skype: rakovich.vitaly FaceBook: vitaly.rakovich
Раковіч Віталь Уладзіміравіч
Творчая біяграфія Нарадзіўся ў 1968 годзе ў Мінску. Атрымаў сярэднюю мастацкую адукацыю. Пасля службы ў войску скончыў Мінскі Радыётэхнічны інстытут. У цяперашні час працую вядучым інжынерам-праграмістам на буйным прадпрыемстве. Фатаграфіяй займаюся з 1978 года: фотаапарат з дзяцінства заўсёды імкнуся насіць з сабою. Але як выглядам выяўленчага мастацтва, актыўна пачаў займацца фатаграфіяй толькі з 2003 года. А ўжо праз год у Маскве адбылася мая першая выстава. З 2005 года з'яўляюся членам народнага фотаклуба «Мiнск» (з 2013 па 2014 год - быў старшынёй фотаклуба). З 2008 года - член саюза фотамастакоў Беларусі, беларускага грамадскага аб'яднання "Фотамастацтва", з 2012 года - член праўлення Саюза фотамастакоў Беларусі. Сваімі настаўнікамі лічу такіх выдатных фотамастакоў, як Аркадзь Бірылка і Вадзім Качан, якія аказалі значны ўплыў на фарміраванне майго творчага "я". У дзяцінстве любіў чытаць кнігі аб падарожжах і прыгодах вядомых даследчыкаў і першаадкрывальнікаў зямнога шара. Менавіта таму, захапіўшыся ў інстытуце спелеолагiей - даследаваннем падземнага свету планеты, ня спыняю і да гэтага часу: за больш чым чвэрць стагоддзя пабываў у сотнях пячор Заходняга Каўказа, Крыма, Прыкарпацця, Татр. За плячыма Карэлія і Карпаты, узыходжанне на Эльбрус, прыпалярныя Якуція і Хібіны, сотні выдатных і непаўторных куткоў нашай Зямлі. З'яўляюся інструктарам адзінага ў Беларусі Спелеоклубы «Геликтит-ТМ». У шматлікіх падарожжах па самых розных кутках былога СССР не раз пераконваўся, што любая краіна, зямля, па-свойму прыгожая і непаўторная: і адзінота Запаляр'я, і Якуція з узрушаючым красаваннем імхоў, і горы Каўказа, і выпаленае сонцам, безжыццёвае плато высакагорнага Крыма, і выбух фарбаў восеньскіх Карпат, і субтрапічныя лясы Чарнамор'я - паўсюль можна ўбачыць прыгажосць ... Аднак Беларусь была і застаецца самым цікавым і любімым месцам для вандровак і творчасці. Прыгажосць нашага краю непаўторная, гісторыя нашай радзімы - неад'емная частка нашага "я", і існуе ў кожным з нас з крывёю продкаў. Лічу, што адна з важных задач фатографа - зафіксаваць усё гэта для будучых пакаленняў. У актыве трыццаць сем персанальных выстаў, з'яўляюся арганізатарам, куратарам і ўдзельнікам дзесяткаў сумесных выставачных фотапраектаў. Пераможца і прызёр многіх фатаграфічных Міжнародных і Рэспубліканскіх конкурсаў. Аўтар альбомаў мастацкай фатаграфіі і даведнікаў па знакавых мясцінах Беларусі. Фотаздымкі захоўваюцца ў калекцыях Нацыянальнай бібліятэкі Беларусі, Літаратурным музеі Максіма Багдановіча, Доме Беларусі ў Варшаве і Маскве, музеі сучаснага мастацтва ў Мінску, а таксама ў прыватных калекцыях Расіі, Беларусі, Украіны, Абхазіі, Літвы, Польшчы, Германіі, ЗША і Ізраіля. Phone: +375 29 654 01 24 E-mail: vitaly.rakovich@gmail.com Skype: rakovich.vitaly FaceBook: vitaly.rakovich WWW: rakovich.photoclub.by ICQ: 162254711 жүктеу/скачать 20.4 Kb. Достарыңызбен бөлісу:
|