Сабақ Лексикалық тақрып : Адам және руханият Грамматикалық тақрып: Сөз тудырушы және сөз түрлендіруші модельдерді білу, меңгеру. Мәтінді оқыңыз, мазмұндаңыз
жүктеу/скачать 18.6 Kb.
|
- Бұл бет үшін навигация:
- Адамгершілік
|
1-Сабақ Лексикалық тақрып: Адам және руханият Грамматикалық тақрып: Сөз тудырушы және сөз түрлендіруші модельдерді білу, меңгеру. 1. Мәтінді оқыңыз, мазмұндаңыз. РУХ ДЕГЕНІМІЗ НЕ? 1. Рух – ол идеалды бастаманы білдіретін ұлттық формадағы жалпы азаматтық құбылыс. Ол – рухани күш-қуат, батылдық. Ұлттық рух – ұлтыңа деген сүйіспеншілігің. Ұлттық рухтың негізі – өз ұлтыңның болмысын қаныңа, жаныңа, тәніңе сіңіре білу, тілін меңгеріп, тарихын, мәдениетін, әдет-ғұрпын білу, ұлтың үшін бар іс-әрекетке батыл бару. Ұлттық рухтың қайнар көздері: -Табиғатпен үйлесімділік, табиғаттағы өзгерістерді тани отырып, ауа райын жұлдыз арқылы болжап әрекеттену; - сөзге тоқтап, сөз бостандығын сақтау; -ұлттық рухтың қайнар көзі – жеті атаға дейін қыз алыспау нәтижесінде тектілікті, қан тазалығын сақтап қалу; -әркім өзінің аталас бауырына қамқорлық көрсетіп, жетімін жылатпай, жесірін жалғыз қалдырмау; - осы айтылғандардан туындайтын негізгі ұлттық тәрбие, ар мен ұят мәселесін алдыңғы қатарға шығара білу. 2 .Ұлттық сана - ұлт руханиятының негізі. Ұрпақтан ұрпаққа тарихтың білімі, тұлғалар тағылымы, ұлттық тәрбие арқылы беріліп отырады. Ұлттық сананы ұлт руханиятының өзегі дейтін себебіміз, тарихта қазақты ұлт ретінде сақтап қалған дүние - ұлттық сана, ұлттық сананың рухы. Ұлттық сана ұлттың рухани әлемінде сақталып, ұрпаққа рухани дүниелер арқылы беріліп отырғандықтан да тарихтың қиын кезеңдерінің өзінде елдің бірлігі жоғалмаған. АДАМГЕРШІЛІК ДЕГЕН НЕ? 3. Адамгершілік – қоғамдық талапқа сай өмірде ізгілікті, инабаттылықты білдіретін моральдық ұғым. Адамгершілік –асыл ізгі қасиет. Ол – ар-ождан, намыс, абырой, мінез және ұят. Адамның өзгелерге жақсылық тілейтін жүрегі кең, ниеті аппақ мөлдірдей, бүкпесіз түзу, ойы сара, басқа да адами таза асыл қасиеттері көп болса, әркез құрметтеледі. Адамдармен шынайы, ықыласпен қарым-қатынас жасап, сыйласып, ниеттестік білдіріп, өз ісіңе, айналаңа адал болу – адамгершіліктің биік шыңы. Адамгершілігін жоғалтқан адам – надан. Оны жоғалтып, қайта тауып алатын зат емес, оны сақтай білген жөн. Адамдар малымен емес, арымен мақтанатын болуы керек. жүктеу/скачать 18.6 Kb. Достарыңызбен бөлісу:
|