Құрастырушы: Мұрат М.М, оқу бөлімінің әдіскері, Алматы қаласының Білім Басқармасының «ҚББЖТҒӘО» қолдауымен
География пәні бойынша 9 - сынып оқушысының өзіндік жұмысының жоспары
IV тоқсан
Сабақтың нөмірі: 3
Сабақтың тақырыбы: Қазақстанның индустриялы-инновациялық даму бағыттары
Мақсаты: Бұл сабақта оқушы Қазақстанның индустриялық-инновациялық даму бағыттарын анықтап, болжам жасайды
Қысқаша конспект
Мемлекетіміздің даму стратегиясындағы инновациялық бағыт – бұл ұрпақ үлесін ғасырлар қойнауына апаратын сара жол. Инновация дегеніміз – жаңалықтарды іске асыра отырып, жасалынып жатқан үдерістер мен өнімдердің сапасын арттырып, оларды нарық үшін бәсекеге қабілетті ету болып табылады. Біздің алдағы мақсатымыз – елімізде болып жатқан демократиялық сипаттағы саяси, экономикалық, әлеуметтік және мәдени салалардағы инновациялық өзгерістердің мәнін жете түсіну үшін ғылыми-әдіснамалық және қолданбалық зерттеулер жүргізу, оларды жүзеге асыру шарттарын анықтау мен оған ғылыми болжам жасау болып табылады. Сарапшылардың пікірлері бойынша, кең мағынада индустриалды-инновациялық даму - бұл экономикалық жүйенің жедел түрде дамуы, ғылыми білімдерді инновацияларға және өндірістік қызметке айналдыру процесі. Оның ажырамас бөліктері ретінде сарапшылар жаңа технологиялық құралдарды енгізу, ұлттық ғылыми-техникалық әлеуетті дамыту, ғылым мен өндіріс арасындағы алшақтықты жою, инновациялық қызметті ынталандыру, алдыңғы қатарлы технологиялар мен халықаралық стандарттарды енгізуді қамтамасыз етуді атап отыр.
Оқулық беттеріне, Интернет-ресурстарға сілтеме: bilimland.kz, «Мектеп» баспасы, 90-84 беттер
Оқушыларға арналған тапсырмалар:
1. Тапсырма Оқушылар Қазақстанның индустриялы-инновациялық даму бағыттарын таллдайды:
2. Тапсырма. Мұғалім тарапынан оқушыларға инновациялық дамудың негізгі кедергілерін (бағыттар бойынша) анықтап, оларды шешу бойынша ұсыныстар жасалады және инновациялық даму бағыттарының болашағына болжам жасауға ұсынылады
Кері байланыс: орындалған тапсырманы оқушы электронды пошта немесе WhatsApp» мобильді қосымшасы арқылы жібереді.
Достарыңызбен бөлісу: |
