Удмурт кыллы но литературной лыдњиськонлы дышетон программаос 1–4-тћ классъёслы

1-тћ классын грамоталы дышетонъя программаез дасязы

Н.С. Байкузина, Л.Н. Парамонова
Удмурт кылъя программаез дасяз Ю.Т. Байтерякова
Литературной лыдњиськонъя программаез дасязы

Т.С. Иванова, И.Ф. Тимирзянова

Ижкар 2011

Пуштросэз

Азькыл………………………………………………………………………..............	3
УДМУРТ КЫЛЛЫ ДЫШЕТОН ПРОГРАММА
«Удмурт кыл» предметлы огъя характеристика………………………………..	6
Удмурт кыллы дышетонлэн результатъёсыз…………………………………….	7
Удмурт кыллы дышетонлэн пуштросэз…………………………………………..	20
Тематической планирование……………………………………………………….	26
Программалэн котькуд разделэзлы характеристика…………………………...	92
Дышетыны кулэ луись материально-технической база………………………..	98
Удмурт кылъя внеурочной ужлы примерной план……………………………..	100
Њуч но удмурт кылъёсъя интегрированной курслы примерной план………………………………………………………………………	103
ЛИТЕРАТУРНОЙ ЛЫДЊИСЬКОНЛЫ ДЫШЕТОН ПРОГРАММА
Дышетон предметлы огъя характеристика………………………………………	115
Дышетон предметлэн пуштросэзлэн дунлыкъёсыз……………………………..	118
Литературной лыдњиськонлы дышетонлэн результатъёсыз………………….	119
Дышетон предметлэн пуштросэз…………………………………………………...	124
Тематической планирование……………………………………………………….	128
Дышетыны кулэ луись материально-технической база………………………..	143
Литературной лыдњиськонъя внеурочной ужлы примерной план……………	144

Азькыл
Покчи классъёслы удмурт кылъя но литературной лыдњиськонъя программаос дасямын начальной школаын дышетонъя федерал кун стандартъёслэн куронъёссыя. Бадњымесь куронъёс пуктэмын школаын нылпиослэсь быгатонлыкъёссэс азинтонлы но лулпуш дуннезэс узырмытонлы, школаын дышетскыны дышетонлы, котькуд дышетон предметъя личностной, метапредметной, предметной быгатонъёссэс азинтонлы.
Удмурт кыллы но литературной лыдњиськонлы

дышетон азе пуктэм мугъёс но ужпумъёс

Огтусъем луон (глобализация) вакытэ удмурт кылэз тодћсьёслэн, сое дышетћсьёслэн лыдзы ичиёмемен, удмурт кылъя урокъёслэн кулэлыксы эшшо но кужмоя – соос анай-атай кылэз утён но азинтон урокъёслы пќрмо.

Таин валче удмурт кыл но литературной лыдњиськон покчи пиналъёсты дышетон сќзнэтын одћгъёсыз валтћсь предметъёс луо но дышетскисьёслэсь личностной но метапредметной быгатонлыкъёссэс азинтон вылысь таџе мугъёсты быдэсто:

личностной:

– пиналъёсты њеч сямъёслы дышетон, вордскем кылзэс, шаерзэс, отын улћсь калыкез гажан мылкыд пыџатон;

– удмурт калыклэн но соин џош улћсь калыкъёслэн лулчеберетэнызы, улэменызы, сямъёсынызы тодматон, ог-огенызы тупаса, валаса но ог-огзэс гажаса улыны дышетон;

– вордскем кылынызы тунсыкъяськон, сое азьланяз но дышетон мылкыд пыџатон;

– пиналъёслэсь визьлыксэс (саклыксэс, йырсазьзэс, малпаськон радзэс, вылтћ малпаськонзэс (воображенизэс)) азинтон;

метапредметной:

Дышетскыны дышетон познавательной, регулятивной, коммуникативной универсальной учебной действиослы (УДД) дышетон пыр радъяське.

– кулэ информациез пќртэм источникъёсысь утчаны дышетон: книгаосысь, энциклопедиосысь, словарьёсысь, справочникъёсысь, озьы ик интернетысь;

– схемаосын, таблицаосын ужаны дышетон;

– дышетоно материалэз чакланы-эскерыны, куспазы џошатыны, огъя но пќртэм тодметъёссэс шедьтыны, со тодметъёсъя классифицировать карыны, огъянъёс лэсьтыны, дышетон.

– уроклэсь темазэ но мугзэ пуктыны дышетон;

– уроклэсь мугзэ лыдэ басьтыса, ужез радъяны дышетон;

– ас кожад ужаны, ужамед понна кыл кутыны дышетон,

– ас ужамдэ эскерыны но шонер дунъяны дышетон;

– дышетћсен, пиналъёсын валџе ужаны; ужлэсь њечлыксэ будэтон вылысь, дэмланъёс сётыны, тупатъянъёс пыртыны дышетон.

– џош дышетскись эшъёсын, дышетћсьёсын, школаын но мукет интыосын ужась адямиосын кусып тупатыны, ваче вераськыны, юанъёс сётъяны дышетон;

– малпанэз шонер, мукетъёсызлы валамон но яркыт вераны дышетон;

– мукет адямиослэсь верамзэс кылзыны но соослэсь малпанзэс гажаны дышетон;

– калык пќлын этикетъя вераськыны дышетон.

Удмурт кыллы но литературной лыдњиськонлы программаос дасямын, та предметъёсты дышетонэз радъянлы котькуд классын арняяз огъя 4 час чакласа.

Удмурт кыллы но литературной лыдњиськонлы дышетон 1-тћ классын «Грамоталы дышетон» урокъёс бордысен кутске. 33 дышетскон арня пќлысь грамоталы дышетон 24 арня џоже кыстћське. Та урокъёслы арняяз 4 час висъяське: соос пќлысь 2 часэз – букварен ужанлы, 2 часэз – гожъяськон урокъёслы. Та урокъёс параллельно мыно, куд-ог дыръя гожъяськон урокъёс лыдњон урокъёсын яке њуч гожъяськон урокъёсын интеграция амалэн но ортчо.

Грамоталы дышетон йылпумъяськем бере, 9 арня џоже литературной лыдњонъя но удмурт кылъя нимысьтыз урокъёс нуисько. Та урокъёслы арняяз озьы ик быдэн 2 час висъяське. Та вакытэ чебер но шонер гожъяськыны, вольыт, янгышъёстэк но мыло-кыдо лыдњиськыны дышетон, кылэз радъян но волятон ужпумъёс быдэстћсько.

2-тћ классысен удмурт кылэз но литературной лыдњонэз радъяса дышетон кутске, 2-тћысен 4-тћозь классъёсын соосты дышетонлы арняяз 4 час дэмламын. Соос пќлысь 2,5 чассэ (араз 85 урок люкаське) грамматикая урокъёслы сётыны умой луоз, 1,5 чассэ (ар џоже 51 урок люкаське) – литературной лыдњиськонлы. Таин валче котькуд классын урокъёсты радъяны њечгес луоз тазьы: нырысетћ арняяз удмурт кыллы 3 урок висъяськоз, литературной лыдњиськонлы – 1; кыкетћ арняяз удмурт кыл но литературной лыдњиськон урокъёслэн лыдзы быдэн 2 луозы; куинетћ арняяз нош ик 3 но 1, ньылетћяз – 2 но 2, озьы ар йылпумъяськытозь.

Удмурт кылъя но литературной лыдњонъя кун стандартлэсь куронъёссэ быдэстыны юрттозы внеурочной ужъёс но. Внеурочной деятельностья пќртэм ужан ќръёс чакламын. Огзэ ќрзэ, 1-тћ классысен кутскыса, вордскем кылэз эскеронэн герњано, сое проектной, исследовательской, пќртэм пумо творческой ужъёс пыр радъяно. Озьы пиналъёс интеллектуальной но творческой быгатонлыкъёссэс муромытозы, вордскем кылзы сярысь ивортодэт (информация) утчаны но соин ужаны дышетскозы, ас кожазы тодон-валан люканы дышозы, удмурт кылъя но литературной лыдњонъя урокъёсын басьтэм тодон-быгатонъёссэс паськытатозы, универсальной быгатонъёссэс азинтозы.^

Та муген ик уже кутыны луоз интеграция амалэз но. Удмурт кылъя но литературной лыдњонъя программаосысь куд-ог темаосты тупамзыя њуч кылъя но литературной лыдњонъя урокъёсын џош эскероно. Та предметъёсъя вераськон кылэз азинтон бордын ужан ужпумъёс валтћсь луо. Њуч но удмурт кылъя урокъёс, ог-огзылы пумитъяськытэк, пиналъёслэсь коммуникативной компетенцизэс кылдытонын но азинтонын эшъёс-партнёръёс луыны кулэ. Огазеям урокъёсын пиналъёс њуч но удмурт фонетикаысь, грамматикаысь, синтаксисысь, шонер гожъяськон правилоосысь огъя но пќртэм луись тодметъёссэс утчалозы, котькуд темая асьсэлы огъянъёс лэсьтыны дышетскозы, одћг урокын тодэмзэс мукет урокын кутыны дышозы. Озьы соослэн котькуд кылъя басьтэм тодонъёссы мургес, нош быгатонъёссы њечгес луозы.^
УДМУРТ КЫЛЛЫ ДЫШЕТОН ПРОГРАММА
«Удмурт кыл» предметлы огъя характеристика
Начальной школаын удмурт кылэз дышетонлэн нырысетћ этапез ортче. Дышетскыны кутскемлэсь азьло пиналъёс, артэ улћсь адямиослэсь адњем карыса, вераськизы, соослэн вераськон кылзы огшоры радъяськиз. Школаын удмурт кылэз предмет чотын нимысьтыз урокъёсын дышетыны кутско. 1-тћ классын со грамоталы дышетон урокъёсын радъяське. Татын пиналъёсты вераськон куараосты кылыны, куараосты букваосын возьматыны, лыдњыны, гожъяськыны дышето, пиналъёсты азьланяз удмурт кылэз но литературной лыдњиськонэз нимысьтыз урокъёсын дышетыны дасяло. Озьы, букварез ортчем бере, пиналъёс вордскем кылзэс удмурт кылъя но литературной лыдњонъя нимаз урокъёсын дышетыны кутско.

Удмурт кыллы дышетон кулэ каре кылэз котыр ласянь эскеремез, грамматикаез дышетэмен валче пиналъёслэсь устной но письменной кылзэс азинтон бордын ужамез. Соин ик программа таџе содержательной линиослэсь кылдэмын:

– фонетика но орфоэпия, графика, кыл люкетъёс (морфемика), грамматика (морфология но синтаксис);

– шонер гожъяськон но предложениын пусъёсты шонер пуктон^;

– кылэз радъян но волятон^.

Арлыдзыя тупась языковой материалэз дышетыса, пиналъёс удмурт кыллэн структураез сярысь огъя валан басьтозы, чеберлыко удмурт кыллэн нормаосыныз тодматскозы. Вордскем кылзылэсь пќртэм палъёссэ сэрттозы-пертчозы, куараос но букваос, кыл люкетъёс, вераськон люкетъёс, предложение сярысь системаен тодон-валанъёс басьтозы. Гожъяськон но пусъёсты пуктон правилоосты дышетыса, кылэз радъян но волятон бордын ужаса, пиналъёс коммуникативной быгатонлыкъёссэс азинтозы, текстлэн теориез вылэ пыкъяськыса, вераськон но гожъяськон кылзэс радъян но азинтон бордын тыршозы.

Та линиосъя тодон-валан сётэм сяна, программа бадњымесь куронъёс пуктэ пиналъёслэсь дышетскыны быгатонлыкъёссэс кылдытонлы но азинтонлы. Соос пќлы пыро:

– интеллектуальной быгатонлыкъёс (чакланы-эскерыны, џошатыны, классифицировать карыны, огъяны но мукет);

– познавательной быгатонлыкъёс (капчи мылкыдэн дышетскыны, ас кожад ужаны, дышетскон ужпумез пуктыны но сое быдэстыны);

– организационной быгатонлыкъёс (валче ужаны, ас уждэ радъяны, ужам ужез эскерыны но дунъяны).

Озьы удмурт кыллы дышетсконэн нялтас пиналъёс дышетскыны, тодон-валан люканы дышетскозы: урокын дышетон ужпумез пуктыны, ас кожазы ужзэс радъяны, котькуд быдэстоно ужлэсь мугзэ валаны, пќртэм справочной литератураен ужаны (таблицаосын, схемаосын, словарьёсын, энциклопедиосын но мукет), лэсьтэм ужзэс дунъяны но эскерыны. Озьы ик пиналъёс ог-огенызы (параен, группаен) но дышетћсен валче ужаны, валче ужаса, ог-огзылэсь верамзэс кылзыны, ог-огзылы юрттыны, юанъёс сётъяны но юанъёслы валэктонъёс сётыны, малпанзэс радъяса вераны дышетскозы. Классысь классэ пиналъёслэн вордскем кылзы сярысь тодон-валанъёссы будоз, вераськон практиказы паськыталоз, вераськон кылзы выль уровене љутскоз.

Дышетскисьёслэсь предметной быгатонлыкъёссэс (результатъёссэс) азинтон понна удмурт кылъя урокъёсын таџе ужпумъёсты быдэстоно:

– пиналъёслэсь языковой компетенцизэс азинтон – удмурт кыллэн лексикаез, фонетикаез, граматикаез сярысь тодонъёс сётыны; кылпќрмытон амалъёсын, гожъяськон правилоосын тодматыны; шонер но чебер гожъяськыны дышетыны;

– выль тодон-валанэз басьтон опытлы дышон: дышетоно материалэз чакланы-эскерыны, ог-огенызы џошатыны, классифицировать, характеризовать карыны, огъянъёс лэсьтыны; кылъя пќртэм исследованиос ортчытъяны но проектъёс дасяны; ас ужамдэ возьматыны, дунъяны но эскерыны.

Пуктэм мугъёсты улонэ пыџатон понна, урокысь уроке таџе ужпумъёсты быдэстон бордын ужано:

– удмурт кыллэн лексикаезъя, фонетикаезъя, грамматикаезъя радъяса тодон-валан сётоно;

– дышетсконэз пиналъёс понна тунсыко кароно, урокын котькуд пиналлэсь быгатонлыкъёссэ азинтыны тыршоно, азинтћсь дышетонлэн амалъёсызъя ужано;

– дышетскыны дышетоно.
Программаын нимысьтыз «Калыкъёс куспын вераськон амалъёс» раздел висъямын. Со дышетћсьёслы вераськыны дышетонлэсь мугъёссэ валаны, ужазы тупась амалъёсты кутыны юрттоз.

Удмурт кыллы дышетонлэн результатъёсыз
1–2-тћ классъёс

Личностной

1–2-тћ классъёсты йылпумъясь пинал дышоз:

вордскем кылзэ гажаны, капчи мылкыдын дышетскыны; ассэ удмурт адямиен лыдъяны, дышетћсьёсты гажаны, классысь пиналъёсын эшлыко улыны; соослэсь мылкыдзэс валаны, соос сярысь сюлмаськыны.

дышетскисьлы луонлык кылдоз:

удмурт кыллы дышетонлэсь кулэлыксэ валаны;

азьланяз удмурт кылэз дышетонлы њеч мылкыд басьтыны.
Метапредметной

1–2-тћ классъёсты йылпумъясь пинал дышоз:

дышетћсен џош дышетон ужпумез пуктыны;

дышетћсен сётэм планъя ужаны;

дышетћсен валче ужаса, тодон-валанъёс басьтыны;

џошен но группаен ужаны;

дышетћсьлэсь дэмланъёссэ, замечаниоссэ, кќтсэ љож карытэк, шонер валаны;

дышетћсьлэн валтэмезъя дышетскон книгая ужаны: кулэ ужез шедьтыны, юанъёслы радызъя валэктон сётыны;

кулэ ивортодэтэз (информациез), учебникысь сяна, мукет источникъёсысь утчаны: словарьёсысь, энциклопедиосысь;

шедьтэм информацияя ивортонъёс дасяны;

сётэм куараосты, букваосты, кылъёсты, предложениосты сэрттыны-пертчыны, соослэсь тодметъёссэс висъяны; ог-огенызы џошатыны, огъя но пќртэм тодметъёссэс вераны, со тодметъёсъя классифицировать карыны (радъяны);

урокысь материалэз (сётэм куараосты, букваосты, кылъёсты, предложениосты, текстъёсты) эскерыса, дышетћсьлэн юрттэмез улсын, огъянъёс лэсьтыны;

дышетћсьёсын, классысь пиналъёсын кусыпъёс тупатыны, куспазы кенешыса вераськыны;

вераськыку, адямиослэсь малпанъёссэс гажаны но огъя кылэ вуыны;

аслэсьтыд малпандэ радъяса шара вераны;

аслэсьтыд ма каремдэ радызъя вераны;

мукет муртъёслэсь верамзэс кылзыны;

1-тћ классэз йылпумъясь дышоз:

удмурт алфавитысь букваосты ниманы но соослэсь кыџе куара сётэмзэс вераны;

гласной но согласной куараослэсь пќртэмлыксэс вераны;

согласной куараослэсь жингрес но тонгес, небыт но чурыт луэмзэс вераны;

кылъёсысь куараослэсь кыџе луэмзэс вераны: ёзъёссэ висъяны, ударенизэ шедьтыны, котькуд ёзысь куараослэсь кыџе луэмзэс вераны;

кыллы звуковой модель кылдытыны;

пичи но бадњым букваосты гожъяны, соосты куспазы герњаны;

букваосты, кылъёсты но предложениосты чуре интыяны;

кылъёсты, предложениосты но пичигес текстъёсты учкыса гожъяны;

кылъёсты, предложениосты но пичи текстъёсты диктовать каремъя гожъяны;

гожъяськыку, правилоосты чакланы:

– предложениез бадњым букваен гожтыны, кылъёс куспы вис кельтыны, пумаз тупась пус пуктыны;

– аснимъёсты (адями, пудо-живот нимъёсты, инты нимъёсты) бадњым букваысен гожтыны;

– кылъёсты чурысь чуре выжтыны;

– д, з, л, н, с, т согласнойёслэсь чурыт но небыт луэмзэс возьматыны;

– љ, њ, џ аффрикатаосын кылъёсты гожъяны;

– [й] куараез букваосын возьматыны;

20–25 кыллэсь диктант гожтыны;

гожтэмез пыр-поч эскерыны;

пќртэм интыосын (школаын, урокын, сиськонниын, библиотекаын но мукет азьын), тодмо но тодмотэм адямиосын этикетъя вераськон нуыны;

текстлэсь темазэ, валтћсь малпанзэ вераны, йыръян сётыны;

сураськем текстысь предложениоссэ, люкетъёссэ радъяны;

њечкылан открытка гожтыны;

дышетскись луонлык басьтоз:

сётэм йыръянъя, темая, кутсконэзъя пичигес текст малпаны;

юанъёсъя но пуштроссэ усьтыны юрттћсь кылъёсъя 30–35 кылъем текстъя изложение гожтыны;

сётэм йыръянъя но опорной кылъёсъя 5–7 предложенилэсь текст малпаны, дышетћсьлэн валтэмез улсын гожтыны.

2. «Предложение» разделъя 2-тћ классэз йылпумъясь дышоз:

предложенилэсь тодметъёссэ вераны;

предложениез огшоры кылъёслэсь висъяны;

предложениез но текстэз куспазы џошатыны (огъя но пќртэм луись тодметъёссэ вераны);

предложениез шонер гожтыны;

сураськем текстысь предложениосты висъяны, предложениос пуме тупась пус пуктыны;

сётэм кылъёслэсь предложениос малпаны.

дышетскись луонлык басьтоз:

веран мугзыя предложениослэсь кыџе луэмзэс валаны: ивортон, юан, ќтён;

интонациезъя предложенилэсь кыџе луэмзэ валаны: огшоры куараен верам предложение, кеськон куараен верам предложение;

предложениосты интонация ласянь шонер вераны, лыдњыны, гожтыку интонациез тупась пусэн возьматыны.

3. «Кыл» разделъя 2-тћ классэз йылпумъясь дышоз:

«Кыллэн пуштросэз» люкетъя

текстысь пуштроссыя тодмотэм кылъёсты шедьтыны;

дышетћсьлэн юрттэмезъя, тодмотэм кыллэсь пуштроссэ кыллюкамысь шедьтыны;

сётэм кылъёслы синонимъёс, антонимъёс утчаны;

вераськон куараослэсь но букваослэсь пќртэмлыкъёссэс вераны;

вераськон куараосты ог-огзылэсь висъяны, куспазы џошатыны:

согласной но гласной куараосты;

кузэн жингрес но тонгес б-п, в-ф, г-к, ж-ш, з-с, д-т, њ-ч, љ-џ согласнойёсты;

кузэн чурыт но небыт луись д, з, л, н, с, т согласнойёсты;

котьку чурыт луись б, в, г, ж, љ, к, м, п, р, ф, х, ц, ч, ш согласнойёсты;

котьку небыт луись њ, ч, й согласнойёсты;

њуч кылысь пырем ф, х, ц, щ согласнойёсты;

вераськон куараосты букваосын возьматыны;

букваосты алфавитъя радъяны;

сётэм кылъёс пќлысь огвыжыё кылъёсты шедьтыны;

огвыжыё кылъёсты тодманы;

сётэм кылъёслы огвыжыё кылъёс малпаны;

огвыжыё кылъёсысь кылвыжызэс висъяны но пусйыны;

дышетскись луонлык басьтоз:

сётэм кыл бордысь огвыжыёс кылъёс пќрмытъяны;

огвыжыё кылъёсты кылвыжызыя сэрттыны-пертчыны;

дышетћсьлэн юрттэмезъя, быдэстэм ужзэс дунъяны.

«Вераськон люкетъёс» люкетъя

вераськон люкетъёсты (существительноез, прилагательноез, глаголэз) ог-огзылэсь висъяны, соослэсь лексической но грамматической тодметъёссэс сэрттыны-пертчыны:

существительнойлэсь – мае возьматэмзэ, юанъёссэ, луло но лутэм предметэз нимамзэ, асним но нарицательной луэмзэ, лыдзэ;

глаголлэсь – мае возьматэмзэ, юанъёссэ, лыдзэ; дырзэ;

прилагательнойлэсь – мае возьматэмзэ, юанъёссэ, лыдзэ;

дышетскись луонлык басьтоз:

существительноез, прилагательноез, глаголэз лексической но грамматической тодметъёссыя џошатыны;

текстысь мукет вераськон люкетъёсты – личной местоимениосты – шедьтыны;

сётэм кылъёсты вераськон люкетъёсъя классифицировать карыны;

котькуд вераськон люкет сярысь тодэмез огъяны.

4. «Шонер но чебер гожъяськон» разделъя 2-тћ классэз йылпумъясь дышоз:

ортчем правилоосъя кылъёсты шонер но чебер гожъяны:

предложениысь кылъёссэ нимаз гожтыны;

предложениысь нырысетћ кылзэ бадњым букваен гожтыны, пумаз тупась пус пуктыны (точка, юан пус, кеськон пус);

кылъёсты чурысь чуре выжтыны;

аснимъёсты (адями нимъёсты но фамилиосты, пудо-живот нимъёсты, кар, гурт, шур нимъёсты) бадњым букваен гожтыны;

небыт д, з, л, н, с, т согласнойёс бере ь, е, ё, ю, я, и букваосты гожтыны;

чурыт д, з, л, н, с, т согласнойёс бере э, ћ букваосты гожтыны;

котьку чурыт луись б, в, г, ж, љ, к, м, п, р, ф, х, ц, џ, ш согласнойёс бере е, и букваосты гожтыны;

кузэн жингрес но тонгес согласнойёсты кыл пумын но кыл шорын (согласной азьпалан) шонер гожтыны;

кык полэс согласнойёсын кылъёсты гожъяны;

висъясь ь но ъ пусъёсын кылъёсты гожъяны;

30–35 кылъем текстъёсты учкыса янгышъёстэк но чебер гожъяны;

20–30 кыллэсь слуховой но зрительной диктантъёс гожъяны.

3–4-тћ классъёсты йылпумъясь пинал дышоз:

ас визьмыныз тодон-валан люканы, быгатонлыкъёссэ азинтыны;

вордскем кылыныз тунсыкъяськыны, капчи мылкыдын дышетскыны;

ассэ удмурт адямиен лыдъяны;

атыкай музъемзэ яратыны, вќзаз улћсь мукет калыкъёсты гажаны, соосын эшлыко кусыпъёс тупатыны, улэм-вылэменызы, вераськон кылынызы тунсыкъяськыны, Россиын улэменыз данъяськыны;

3–4-тћ классъёсты йылпумъясь пинал дышоз:

дышетћсьлэн валтэмезъя, уроклэсь темазэ но мугзэ пуктыны;

пуктэм ужпумез быдэстон понна, план малпаны;

планъя ужез радъяны;

параен, группаен ужаса, тодон-валанъёс басьтыны;

ас кожад ужаны;

ас ужамдэ эскерыны но дунъяны;

эшъёслэсь, котырысь мукет адямиослэсь дэмланъёссэс лыдэ басьтыны;

кулэ информациез пќртэм источникъёсысь утчаны: дышетскон книгаысь, энциклопедиосысь, словарьёсысь, интернетысь;

схемаосын, таблицаосын ужаны;

устной но письменной кабен ивортонъёс дасяны;

сётэм куараосты, букваосты, кылъёсты, предложениосты, текстъёсты сэрттыны-пертчыны, ог-огенызы џошатыны, огъя но пќртэм тодметъёссэс висъяны, со тодметъёсъя классифицировать карыны (радъяны);

урокын рассуждать карыны, малпанэз ас кылыныд вераны;

урокысь материалэз (сётэм куараосты, букваосты, кылъёсты, предложениосты, текстъёсты) эскерыса, огъянъёс лэсьтыны;

дышетскисьлы луонлык кылдоз:

кулэ информациез, библиотекаын, интернетын ужаса, утчаны;

тодэмез суредъёсын, схемаосын возьматыны;

исследованиос ортчытъяны, проектъёс дасяны;

малпанъёсты устной но письменной формаен ивортыны;

логической операциосты быдэсъяны: анализ, синтез лэсьтыны, џошатыны, классифицировать карыны (радъяны), огъянъёс лэсьтыны;
коммуникативной быгатонлыкъёслы

адямиосын кусыпъёс тупатыны, куспазы ваче но оген вераськыны, вераськыку пќртэм малпанъёсты чакланы, адямиослэсь малпанъёссэс гажаны но огъя кылэ вуыны;

аслэсьтыд ма ужамдэ радызъя вераны;

пќртэм югдурын малпанъёстэ радъяса вераны;

ас малпандэ валамон, оскымон вераны;

мукетъёслэсь верамъёссэс кылзыны;

юанъёс сётъяны;

дышетскисьлы луонлык кылдоз:

валче ужын пќртэм малпанъёсты но кулэяськонъёсты чакланы, аслэсьтыз позицизэ валэктыны;

споръяськон учыръёсы, котькуд адямилэсь малпанзэ чакласа, ог кылэ вуыны;

кулэ информациез эшезлы шонер но радызъя вераны, солы дэмланъёс сётыны;

огъя ужез шонер радъян вылысь, юанъёс сётъяны;

ог-огедлэсь уждэ эскерыны но кулэезъя юрттэт сётыны;

урокын аслэсьтыз ма каремзэ но кызьы ужамзэ валамон вераны;

пќртэм коммуникативной ужпумъёсты быдэстон вылысь, тупась вераськон амалъёсты кутыны.
Предметной

3-тћ класс

«Вераськон кыл. Текст» разделъя 3-тћ классэз йылпумъясь дышоз:

пќртэм интыосын (библиотекаын, сиськонниын, вузаськонниын но мукет интыосын) эшъёсын, дышетћсьёсын, школаын ужась мукет адямиосын, котырысьтызы пќртэм арлыдо адямиосын этикетъя вераськон нуыны;

вераськонын ас малпандэ вераны;

повествование но описание типъем текстъёс кылдытыны;

текстлэсь люкетъёссэ висъяны, план лэсьтыны, планъя текстлэсь пуштроссэ учкытэк мадьыны;

гожтэт, њечкылан открытка гожтыны;

предложениез но кылтэчетэз ог-огзылэсь висъяны;

юан пуктыса, предложениысь куспазы герњаськем кылъёсты шедьтыны;

веран мугезъя ивортон, юан, ќтён предложениосты тодманы но аслыд малпаны;

веран мугезъя предложениосты классифицировать карыны;

предложенилэсь интонацизэ – огшоры куараен верам предложение, кеськон куараен верам предложение – валаны;

предложениосты интонаци ласянь шонер вераны, лыдњыны, гожтыку интонациез тупась пусэн возьматыны;

предложенилэсь главной но второстепенной (пќртэмлыксыя люкытэк) членъёссэ шедьтыны;

текстысь пуштроссыя тодмотэм кылъёсты шедьтыны;

тодмотэм кыллэсь пуштроссэ кыллюкамысь тодыны;

тодмотэм кыллэсь пуштроссэ ас кылыныз валэктыны;

сётэм кыллы валатонэзъя матын яке пумит луись кылъёс бырйыны;

дышетскись луонлык басьтоз:

вераськонын котькуд кылэз шонер кутыны; трос валатонэн, переносной пуштросэн кылъёсты, синонимъёсты, антонимъёсты шќдыны, соосты малпанэз яркыт но чебер веран понна кутыны.

«Фонетика но графика» люкетэзъя:

кузэн жингрес но тонгес б-п, в-ф, г-к, ж-ш, з-с, д-т, њ-ч, љ-џ согласнойёсты ог-огзылэсь висъяны, кылъёсын шонер гожъяны;

кузэн чурыт но небыт луись д, з, л, н, с, т согласнойёсты ог-огзылэсь висъяны, кылъёсын шонер гожъяны;

котьку чурыт луись б, в, г, ж, љ, к, м, п, р, ф, х, ц, ч, ш согласнойёсты кылъёсын шонер гожъяны;

котьку небыт луись њ, ч, й согласнойёсты кылъёсын шонер гожъяны;

љ, њ, џ аффрикатаосты кылъёсын шонер гожъяны;

њуч кылысь пырем ф, х, ц, щ согласнойёсты кылъёсын шонер гожъяны;

огвыжыё кылъёсты кыллэн грамматической формаосызлэсь висъяны;

кыллэсь морфемной люкетъёссэ (кылвыжыез, приставкаез, суффиксэз) висъяны;

котькуд кыл люкетлэсь терминзэ, определенизэ, кулэлыксэ вераны;

вераськон люкетъёсты (существительноез, прилагательноез, глаголэз, местоимениез, послелогез) ог-огзылэсь висъяны, соослэсь лексической но грамматической тодметъёссэс вераны;

вераськон люкетъёсты вошъяны (существительноез но местоимениез – лыдъя но падеж юанъёсъя; глаголэз – лыдъя но дыръя);

прилагательноез существительноен вошъятэк яке лыдъя вошъяса кутыны;

вераськон люкетъёсты предложение но текстэ быгатыса кутыны;

дышетскись луонлык басьтоз:

кылъёсты вераськон люкетъёсъя классифицировать карыны;

предложениез вераськон люкетъёсъя эскерыны, быдэстэм ужзэс дунъяны.

«Шонер гожъяськыны дышетон» разделъя 3-тћ классэз йылпумъясь дышоз:

ортчем правилоосъя кылъёсты шонер гожъяны:

аснимъёсты (кун, кар, гурт, ульча, шур нимъёсты) бадњым букваен гожъяны;

љ, њ, џ аффрикатаосын кылъёсты гожъяны;

небыт д, з, л, н, с, т согласнойёс бќрсьы ь, е, ё, ю, я, и букваосты гожъяны;

чурыт д, з, л, н, с, т согласнойёс бќрсьы э, ћ букваосты гожъяны;

чурыт согласнойёс бере е буква гожъяны;

кузэн жингрес но тонгес согласнойёсты кыл шорын но кыл пумын шонер гожъяны;

кылвыжыысь согласнойёссэ шонер гожъяны;

кыл шорын артысь тс, дс, дњ, нњ, тч согласнойёсын кылъёсты гожъяны;

кык полэс согласнойёсын кылъёсты гожъяны;

висъясь ь но ъ пусъёсын кылъёсты гожъяны;

существительнойлэсь трос лыд суффиксъёссэ шонер гожтыны;

существительнойлэсь падеж кылпумъёссэ шонер гожъяны;

послелогъёсты мукет вераськон люкетъёсын (существительноен, мес-тоимениен) шонер гожъяны;

50–60 кылъем текстъёсты учкыса янгышъёстэк гожъяны;

45–50 кылъем текстъёсты диктовать карем улсын гожъяны (дышетэм правилоосъя);

быдэстэм ужез эскерыны;

Программалэн «Фонетика но графика» люкетэзъя 4-тћ классэз йылпумъясь дышоз:

вераськон куараослэсь но букваослэсь пќртэмлыкъёссэс вераны;

вераськон куараосты ог-огзылэсь висъяны, куспазы џошатыны:

– согласной но гласной куараосты;

– кузэн жингрес но тонгес б-п, в-ф, г-к, ж-ш, з-с, д-т, њ-ч, љ-џ согласнойёсты;

– кузэн чурыт но небыт луись д, з, л, н, с, т согласнойёсты;

– котьку чурыт луись б, в, г, ж, љ, к, м, п, р, ф, х, ц, ч, ш согласнойёсты;

– котьку небыт луись њ, ч, й согласнойёсты;

– љ, њ, џ аффрикатаосты;

– њуч кылысь пырем ф, х, ц, щ согласнойёсты;

вераськон куараосты букваосын возьматыны;

букваосты алфавитъя радъяны;

дышетскись луонлык басьтоз:

Кылъёсты куараосъя но букваосъя сэрттыны-пертчыны; ужамзэ дунъяны.

«Кыллюкетъёс» разделъя покчи классъёсты йылпумъясь дышоз:

огвыжыё кылъёсты кыллэн грамматической формаосызлэсь висъяны;

кыллэсь морфемной люкетъёссэ (кылвыжыез, приставкаез, суффиксэз) висъяны;

котькуд кыллюкетлэсь терминзэ, определенизэ, кулэлыксэ вераны;

текстысь пуштроссыя тодмотэм кылъёсты шедьтыны;

тодмотэм кыллэсь пуштроссэ кыллюкамысь тодыны;

дышетскись луонлык басьтоз:

вераськонын котькуд кылэз шонер кутыны; трос валатонэн, переносной пуштросэн кылъёсты, синонимъёсты, антонимъёсты шќдыны, соосты малпанэз яркыт но чебер веран понна кутыны.

«Морфология» разделъя покчи классъёсты йылпумъясь дышоз:

вераськон люкетъёсты (существительноез, прилагательноез, глаголэз, местоимениез) ог-огзылэсь висъяны, соослэсь грамматической тодметъёссэс вераны:

существительнойлэсь – лыдзэ, падежзэ, склоненизэ;

глаголлэсь – лыдзэ, дырзэ, лицозэ, спряженизэ;

прилагательнойлэсь – лыдзэ;

дышетскись луонлык басьтоз: существительнойлы, глаголы, прилагательнойлы учебнике сётэм алгоритмъя морфологической разбор лэсьтыны, лэсьтэм ужзэ дунъяны;

текстысь мукет вераськон люкетъёсты, послелоген кутћськись существительнойёсты но местоимениосты, наречиосты, числительнойёсты, но, нош, оло, яке союзъёсты шедьтыны.

«Синтаксис но пунктуация» разделъя покчи классъёсты йылпумъясь нылпи дышоз:

предложениез, кылтэчетэз но кылэз ог-огзылэсь висъяны;

юан пуктыса, предложениысь куспазы герњаськем кылъёсты шедьтыны;

веран мугзыя предложениосты классифицировать карыны;

ивортон, юан, ќтён предложениос малпаны;

предложенилэсь интонацизэ – огшоры куараен верам предложение, кеськон куараен верам предложение – валаны;

предложениосты интонаци ласянь шонер вераны, лыдњыны, гожтыку интонациез тупась пусэн возьматыны;

предложенилэсь главной но второстепенной членъёссэ шедьтыны;

предложениысь однородной членъёссэ висъяны;

однородной членъёсын предложенние малпаны, однородной членъёссэ куараен но союзъёсын герњаны, гожтыку запятойёссэ шонер пуктыны;

кылысь орфограммаоссэ адњыны;

ортчем правилоосъя кылъёсты шонер гожъяны:

предложениысь кылъёссэ нимаз гожтыны;

предложениысь нырысетћ кылзэ бадњым букваен гожтыны, пумаз тупась пус пуктыны;

кылъёсты чурысь чуре выжтыны;

аснимъёсыз бадњым букваен гожъяны;

љ, њ, џ аффрикатаосын кылъёсты гожъяны;

небыт д, з, л, н, с, т согласнойёс бќрсьы ь, е, ё, ю, я, и букваосты гожъяны;

чурыт д, з, л, н, с, т согласнойёс бќрсьы э, ћ букваосты гожъяны;

чурыт согласнойёс бере е буква гожъяны;

кузэн жингрес но тонгес согласнойёсты кыл шорын (согласной азьпалан) но кыл пумын шонер гожъяны;

кылвыжыысь согласнойёссэ шонер гожтыны;

кыл шорын артысь тс, дс, дњ, нњ, тч согласнойёсын кылъёсты гожъяны;

кык полэс согласнойёсын кылъёсты гожъяны;

висъясь ь но ъ пусъёсын кылъёсты гожъяны;

существительнойлэсь трос лыд суффиксъёссэ шонер гожтыны;

существительнойлэсь падеж суффиксъёссэ шонер гожъяны;

глаголлэсь дыр, лицо, лыд кабъёссэ возьматћсь суффиксъёсты шонер гожъяны;

послелогъёсты мукет вераськон люкетъёсын (существительноен, мес-тоимениен) шонер гожъяны;

янгышъёстэк, чебер, книгаысь учкыса но дышетћсь лыдњемъя 75–80 кыллэсь дышетэм орфограммаосын текстэз гожъяны;

быдэстэм ужез эскерыны, орфографической но пунктуационной янгышъёссэ шедьтыса, тупатъяны; дунъяны;

пќртэм интыосын (школаын, урокын, сиськонниын, библиотекаын но мукет азьын), тодмо но тодмотэм адямиосын, пќртэм арлыдо адямиосын этикетъя вераськон нуыны;

вераськонын ас малпандэ вераны;

текстлэсь темазэ, валтћсь малпанзэ вераны, йыръян сётыны, текстлэсь люкетъёссэ висъяны, план лэсьтыны, планъя текстлэсь пуштроссэ учкытэк мадьыны но гожтыны;

сураськем текстысь предложениоссэ, люкетъёссэ радъяны;

гожтэт, њечкылан открытка, кыџе ке ивортон, ялон но мукет пичигес текстъёс гожтыны;

1. 
   Кылзћськон. Удмурт устной кыллэсь кулэлыксэ тодон. Анай кыллэсь чеберлыксэ шќдон. Текстлэсь пуштроссэ но валтћсь малпанзэ валаны быгатон. Текстлэсь пуштроссэ вераны быгатон.
   
2. 
   Вераськон. Ог-огдэ валаса вераськон вылысь, шонер вераськон амалъёсты кутыны быгатон (диалогез, монологез, њуч яке удмурт кылэз). Вераськонэз кутскыны, ќръяны, вераськисез поддержать карыны, аслэсьтыд малпандэ капчиен радызъя но валамон вераны быгатон. Вераськон этикетэз шонер кутон (аслэсьтыд курондэ валэктыны быгатон, њечбуръяськон амалъёсты тодон, извиняться кариськыны но тау карыны быгатон, пќртэм учыръёсын шонер интонациосын вераськон).
   
3. 
   Лыдњиськон. Учебникысь текстъёсты валаса лыдњон. Сётэм юанъя текстысь информациез шедьтон. Лыдњем текстэз сэрттыны-пертчыны но дунъет сётыны, огшоры огъянъёс (выводъёс) лэсьтыны быгатон.
   
4. 
   Гожъяськон. Букваосты, кылъёзъёсты, кылъёсты но предложениосты удмурт сямен гожъяны быгатон. Гигиена куронъёсты чакласа, чебер но та пиналлы гинэ тупась почеркен гожъяськон. Печатной яке письменной текстэз учкыса но диктовкая шонер гожъяськыны быгатон.
   

Гласной но согласной, ударной но безударной, небыт но чурыт, жингрес но тонгес куараосты тодман.

Кылъёз. Гласной куаралэн кылъёз кылдытэмез. Удмурт кылъёсын ударенилэн пуксемез.

Графика (куарапус). Буква – куараез возьматон пус. Куараез но букваез висъяны быгатон. Позиционной амалъя (гласной букваез чакласа) гожъяськыны быгатон. Е, ё, ю, я букваослэн одћг яке кык куара возьматэмзы:

а) д, з, л, н, с, т согласнойёслэсь небыт кылћськемзэс возьматэмзы;

б) кыллэн кутсконаз, гласнойёс, ъ но ь пусъёс бќрсьын сылыкузы, кык куара возьматэмзы.

Небыт пус – д, з, л, н, с, т согласнойёслэсь небыт кылћськемзэс возьматћсь пус.

Д, з, л, н, с, т согласнойёслэсь чурыт кылћськемзэс э, ћ, а, о, ќ, у, ы букваосын возьматон.

Удмурт алфавитэн тодматскон но сое тодон.

Доска вылысь яке учебникысь учкыса но диктовкая гожъяку, гожъяськон амалъёсты уже кутыны быгатон. Кылъёс куспы вис кельтон. Предложениослэсь радзэс шедьтыса, верос кылдытон но сое шонер гожтон.

Висъясь ь но ъ пусъёсын кылъёсты шонер гожъян.

Согласной но гласной куараос но соослэн пќртэмлыкъёссы.

Кузэн жингрес но тонгес б-п, в-ф, г-к, ж-ш, з-с, д-т, њ-ч, љ-џ согласнойёслэн пќртэмлыкъёссы.

Кузэн чурыт но небыт луись д, з, л, н, с, т согласнойёслэн пќртэмлыкъёссы.

Котьку чурыт луись б, в, г, ж, љ, к, м, п, р, ф, х, ц, џ, ш согласной куараос.

Котьку небыт луись њ, ч, й согласной куараос.

Вераськон куаралы характеристика сётон: гласной – согласной; согласной чурыт – небыт, кузэн - кузтэм; согласной жингрес – тонгес, кузэн – кузтэм. Кылэз ёзъёслы люкылон.

Гласной куара – кылъёз пќрмытћсь куара.

Ударение. Ударенилэн кыллэсь пуштроссэ воштэмез.

Кылъёсысь куараосты туала литературной кыллэн нормаосызъя вераны быгатон.

Кыллы фонетической анализ лэсьтон.
Графика Куараосты но букваосты ог-огзылэсь висъян. Согласной куараослэсь небыт но чурыт луэмзэс гожъяськонын пусъён. Гожъяськонын висъясь ь, ъ кутон.

Кыл, кыль, кќльы выллем кылъёсты, кык куара сётћсь е, ё, ю, я букваосын кылъёсты, висъясь ь, ъ кылъёсты куараосъя но букваосъя эскерон.

Мукет гожъяськон амалъёсты кутон: кылъёс вискы одћг буква тэрымон вис кельтон, кылэз чурысь чуре выжтыку, вакчи гожез кутон, предложениез гожтыку, горд строкаез, пунктуационной пусъёсты уже кутон.

Алфавитэз тодон: букваосты алфавитъя шонер вераны быгатон. Словарьёсын, справочникъёсын ужаку, алфавитэз уже кутон.
Лексика

Пуштроссыя тодмотэм кылъёсты шараян. Кыллэсь пуштроссэ текстлэн пуштросэзъя валан яке кыллюкамысь тодон. Одћг но трос валатонэн, прямой но переносной пуштросэн, пуштроссыя матын но пумит луись кылъёс, омонимъёс, фразеологизмъёс сярысь валан сётон. Кылъёслэсь текстын кутћськемзэс чаклан-эскерон. Пќртэм пумо кыллюкамъёсын ужаны дышетскон.

«Огвыжыё кылъёс» сярысь валан басьтон. Огвыжыё кылъёсты кыллэн грамматической формаосызлэсь, синоним луись кылъёслэсь висъяны дышетскон.

Сётэм кыллэсь морфемной люкетъёссэ (кылвыжыез, приставкаез, суффиксэз) висъяны быгатон.

Котькуд кыллюкетлэсь терминзэ, определенизэ, кулэлыксэ тодон.

Пќртэм амалъёсын (приставкаен, суффиксъёсын, кык кылъёсты огазеяса) выль кылъёс пќрмытъян.

Кушето кылъёс сярысь валан басьтон.

Кылъёсты кыллюкетъёсъя сэрттон-пертчон.
Морфология

Вераськон люкетъёс. Самостоятельной но юрттћсь вераськон люкетъёс.

Пуштросэз но вераськонын кутћськемез. Кин?, ма? (мар?) юанъёс пуктыса, луло но лултэм существительнойёсты тодман. Асним но асним луисьтэм существительнойёсты висъян.

Существительнойёсты лыдъя вошъян. Существительнойёсты падежъёсъя вошъян. Сётэм существительнойлэсь падежзэ тодон.

Существительнойлэн простой но притяжательной склонениез сярысь валан. Существительнойёслэн пќрмемзы. Существительнойлы морфологической разбор.

Прилагательной

Пуштросэз но вераськонын кутћськемез. Прилагательнойлэн существительноен кутћськемез (вошъяськытэк, лыдъя вошъяськыса).

Местоимение сярысь огъя валан. Личной местоимениос. Соослэн кулэлыксы, вераськонын кутћськемзы.

Пуштросэз но вераськонын кутћськемез. Глаголлэн неопределённой формаез. Глаголлэн дыръя вошъяськемез: али дыр, ортчем дыр, вуоно дыр. Али, ортчем, вуоно дырын глаголъёслэн лицоя но лыдъя вошъяськемзы (спряженизы). Глаголъёслэсь I яке II спряжениысь луэмзэс эскерон амалъёс.

Текстэз, предложениез, кылтэчетэз, кылэз ог-огзылэсь висъяны (соослэсь маин огкадь но пќртэм луэмзэс вераны). Юан пуктыса, кылтэчетысь валэктоно но валэктћсь кылъёссэ шедьтыны. Веран мугзыя ивортон, юан, ќтён предложениос. Интонацизыя огшоры куараен но кеськон куараен верам предложениос. Предложениослэн пќрмемзы но гожтћськемзы.

Предложенилэн главной членъёсыз: подлежащей но сказуемой. Предложенилэн второстепенной членъёсыз: определение, дополнение, обстоятельство. Главной но второстепенной членъёсты тодман. Юан пуктыса, предложениысь кылъёслэсь герњаськемзэс эскерон. Вќлскем но вќлскымтэ предложениос. Кык главной членэн огшоры предложенилы синтаксической разбор лэсьтон.

Предложенилэн однородной членъёсыз. Союзъёсын но союзъёстэк герњаськем однородной членъёс. Однородной членъёс вискы запятой пуктон. Предложениысь однородной членъёссэ шедьтон, однородной членъёсын (союзъёсын но союзъёстэк герњаса) предложениос малпаны быгатон.

Обращениен предложениос (огъя валан басьтон).

Кушето предложение

Кушето предложение сярысь огъя валан басьтон. Кушето предложениосты огшоры предложениослэсь висъян. Союзъёсын но союзъёстэк пќрмем кушето предложениос. Кушето предложениын запятой пуктон. Кушето предложениос малпаны быгатон.

Бадњым букваез предложенилэн кутсконаз но аснимъёсын гожъян.

Кылъёсын д, з, л, н, с, т согласнойёслэсь небыт луэмзэс небыт пусэн (ь) но и, е, ё, ю, я гласной букваосын возьматон.

Кылъёсын ћ, э, ќ гласнойёсты шонер гожъян.

Чурыт согласноез возьматћсь букваос бере е буква гожтон.

Љ, њ, џ аффрикатаосын кылъёсты шонер гожъян.

Кык полэс согласнойёсын кылъёсты шонер гожъян.

Висъясь ь но ъ пусъёсын кылъёсты шонер гожъян.

ња-ча, њу-чу, њо-чо букватэчетъёсын кылъёсты шонер гожъян.

Кыл пумын кузэн жингрес но тонгес согласнойёсты шонер гожъян.

Кылъёсты чурысь чуре выжтон.

Кылвыжыысь согласнойёссэ шонер гожъян.

Кыл шорын артысь тс, дс, дњ, нњ, тч согласнойёсын кылъёсты гожъян.

Существительнойлэсь трос лыд суффиксъёссэ шонер гожъян.

Предложение пуме пусъёс пуктон: точка, юан пус, кеськон пус.

Вераськон но гожъяськон кылъёс, соослэн портэмлыкъёссы, кытын кутћськемзы.

Диалоген но монологен вераськон, соослэн пќрмемзы.

Пќртэм интыосын (школаын, урокын, сиськонниын, библиотекаын но мукет интыосын), тодмо но тодмотэм адямиосын, пќртэм арлыдо адямиосын этикетъя вераськон нуыны, вераськыку, ас малпандэ шараяны быгатон.

Текст, солэн тодметъёсыз. Текстысь предложениослэн куспазы герњаськемзы. Текстлэн темаез, валтћсь малпанэз, йыръянэз, авторез.

Текстын предложениослэн радъяськемзы. Текстлэн люкетъёсызлэн радъяськемзы.

Текстлэн планэз. Текстлэсь люкетъёссэ висъян, план лэсьтон.

Текст кылдытон бордын ужан: йыръян малпан, текстысь предложениоссэ но люкетъёссэ радъян.

Сётэм темая (йыръянъя, кутсконэзъя) повествование, описание, рассуждение типъем текстъёс кылдытон.

Планъя текстлэсь пуштроссэ учкытэк гожъян.

Сётэм темая но планъя сочинение гожъян.